المساعد الشخصي الرقمي

مشاهدة النسخة كاملة : ترهيم كمبروسر للهواء


مجالس الرجال
04/04/2013, 03:02 PM
السلام وعليكم ومساء الخيرات للجميع
يااخوان عندي باترول 91 طبعا استخدام بر ومكاشيت
حاولت ومريت ورش وتشاليح عشان ارهم كمبروسر مكيف للهواء
لأنه لي تجربه سابقة على هايلوكس وعندي خزان هواء لكن الباترول محشور
فياليت اللي رهمه على باترول يعطينا معلومات
وشكراا للجميع
أبوشريدح
04/04/2013, 10:07 PM
يفيدونك الاخوان باذن الله
أبويعقوب60
04/04/2013, 10:34 PM
بارك الله فيك موضوع جاء بوقته انتظر معك الأخوان
لأن عندي باترول 93 لعل وعسى ينفع معه الترهيم .
ابوسند9
05/04/2013, 02:41 AM
وعليكم السلام
طبعا انا راح اتكلم عن كمبروسر مكيف لتعبئة الكفرات اذا كان هذا قصدك
لذا اقول لو مثلا تمر على محلات بيع كمبروسرات المكيف المستعمله وتشوف اصغر كمبروسر لان فيه كمبروسرات صغيره مره واتوقع تركب
لكن تبقى مشكلة البكره لتدوير الكمبروسر ! ما ادري شلون تبي ترهم البكره ؟
وسوالي لك الكبروسر اللي ركبت سابقا هل على طول شغال ؟واللى اذا بغيت تعبي الخزان تركب السير ؟
وبخصوص الورش ما راح تستفيد منها ,,يعني لازم تشتغل بنفسك
اخير اخوي وضح طريقة فكرتك بالهايلوكس من والى وابشر نتعاون بالفكره
مجالس الرجال
05/04/2013, 02:22 PM
حيا الله الجميع
ماقصدته هو كمبرسر مكيف السيارة بحكم انه مقاوم لضغط الهواء
انا ممكن اعبي الخزان اللي عندي بمواطير عادية مثل ابو جمل
لكن ماراح يتحمل الضغط وايضا ياخذ وقت اكثر
اللي جرب كمبرسر الهواء يعاف المواطير
تجربتي بالهايلوكس عندك طريقتين يا انك تستغني عن المكيف مثلا بالشتاء وتحوله للهواء وتحطله فاصل تشغله مته مابغيت
الحل الثاني ابدل مكان البطارية واحط طرمبة تريله واظيف بكرة ع الدينمو او الكمبرسر واذا بغيت اعبي ركبت السير بأسر مايكون واشغل واعبي بسرعة البناشر
الباترول محشور حاولت تحت او فوق او بالجوانب بدون نتيجة فقلت يمكن احد من الشباب له تجربة
معلومة مهمة يا اخوان ومن خلال التجربة كمبرسرات السيارات تختلف فيه شي بستم وفيه شي مراوح
الهايلوكس ٢٠٠٦ وطالع مهب بستم خرب علي بيومين اما حق الهايلوكس ٢٠٠٥ ونازل وايضا الكرسيدا واللاند عملي جدا واهم شي انك تشغله وانت واقف
علشان ما يطلع الزيت ثم ينكسر البستم او يجيم
ابوسند9
05/04/2013, 11:26 PM
حياك الله اخوي
الحين فهمت عليك
هذا الطريقة سبق وسوينها لاحد الزملاء اول ما طلع الجكسار موديل 98 لكن والله اني ناسي احنا اضفنا بكره او غيرنا البكره الاساسيه لكن اذا ما خانتني الذكره ان البكره كانت قريبه للكمبروسر
والطريقه انه يركب السير بثواني وشد السير بدون مفتاح وعن طريق سيخ حديد طويل ملحم فيه الصاموله للشد وللسحب بنفس الوقت وفي راس الكمبروسر مشبك لي الهواء كبس وسده يضيف شوي زيت ولو بتعبي تريله ما عندك مشكله واقوى من هواء البنشر
لذا انا بعطيك طريقتين وفكر فيها وانت ابخص مني
الطريقه الاولى
انك تشوف كمبروسر صغير ومهما كان حجمه راح يكون اقوي من ابو جمل بعشرات المرات ,,
وتركب بكره فيها خانتين للسير على علبة الدركسون لاني اشوف العلبه اقل اهميه من باقي البكرات وسهولة تركيب السير ولا لها ضرر ومنها تلغي قربة الهواء وتركب فلتر رياضي
الطريقة الثانيه
كمبروسر صغير وسلف وتركب عليه بكره صغيره مره من شان يكون دوران الكمبروسر سريع
وللعلم أي كمبروسر في الغالب تقدر بالمخرطه تسوي فتحه من اعلى مقابله للبستم من شان تركيب لي الهواء والغى باقي المخارج
واخيرا الله يقويك واهم شي لا تستعجل والشغله يبغى لها تفكير ووسعة صدر
سلمان المعيلي
12/04/2013, 04:13 PM
الله يجزاكم خير وافنا بالجديد الله يحفظك ومن ناحيتي بيجري البحث
وبالتوفيق للجميع
مجالس الرجال
12/04/2013, 08:59 PM
جاري الترهيم خلال الاسبوع القادم ان شاء الله
ونكتب كامل التفاصيل ان شاء الله ان تم العمل بنجاح
الخفاره
20/04/2013, 12:27 AM
السلام عليكم
جبت انواع الكمبريسرات ولافيه مكان فالباترول واخر شي شريت ماطور الهواء حق الرود ماستر البيوك وزين وماشي وافضل من ابوجمل وغيره
تميم2222
21/04/2013, 10:10 PM
شف السوافي محل يمكن تلقا عنده حل
مجالس الرجال
22/04/2013, 07:05 AM
[QUOTE=الخفاره;9356588]السلام عليكم
جبت انواع الكمبريسرات ولافيه مكان فالباترول واخر شي شريت ماطور الهواء حق الرود ماستر البيوك وزين وماشي وافضل من ابوجمل وغيره[/
وعليك السلام
ابشرك تم الترهيم لكن كان متعب جدا جدا
جاري التجربة من ناحية عملي ولا فيه مشاكل
سلمان المعيلي
25/04/2013, 09:11 PM
بيض الله وجهك اخوي مجالسً الرجال عطنا العلوم إذا زبط والكمبرسر حق اي سياره