يالشمروخي استفسسار

[أولمبي]

السلام عليكم ورحمة الله وبركاته
نداء لاهل الخبرة في الشوازن الايطاليه واخص الاخ الشمروخي
عندي السوبر فنشي الله يطول باعماركم تعرفون كل الناس تقول ان ضوق السبطانه 18.3
بس اليوم فكيت الحاظن اللي تحت طبعًا هو يجي مجموعه وحده الزناد مع المخزن المهم
يوم فكيت الحاظن الا اشوف ثلاث ختوم ومكتوب 18.5 هل هذا يعني انه ضوق السبطانه ولا وشو ؟
ياليت تفيدوني
وايهم احسن 18.3 او 18.5

[كولونيل]

يبن الحلال بندقك ترمي زين
وعاجبتك لا توسوس وسع خاطرك

وموفق

[أولمبي]

ههههههههههه الله يسعدك ويجزاك خير
والله ماشكيت من رميها بالعكس رميها يطرب طرب وحاره بالحيل
بس انا استغرب من اللي قالوا لي ان ضوق وسط السبطانه 18.3 ويوم فكيت الحاظن لقيته 18.5
وحبيت استفسر من الخبراء في هالمنتدى هل هو فعلا هذا ضوقه ولا انا مامعي سالفه

[الشمروخي]

حياك الله والله يوفقك للزين واشهد انك حظيظ بالشوزن ماشاء الله
البنلي والبرتا تجي اضواق مختلفه البرتا القديم 18.4 والجدد اكستريما ويوركا وتكنس واكستريم واكس بلور 18.6 وافضل من 18.4
البنلي تجي 18.3 وتجي 18.4 والسوبر سبورت والكوردبا 18.4 وهن اسوق البنلي والسوبر بلاك ايقل 2 تجي 1803 اكثرهن ونادر 18.4 ورميه مايقارن ب 18.4

شوزنك جديده وواضح من كلامك انهم طوروا شوزنك ل18.5 بدل 3 واكيد افضل من الضيق

طبعاً الشباب عندهم اعتقاد ان الضيق 18.3 افضل لاكن الاجانب واللي صنعوا الشوازن اخبر وافهم منا ومن تجربتي ان الوسيع افضل والدليل برتا التاليات كلهن اوسع من الاولات وازين رمي وبراونق الاولات 18.4 والتاليات 18.8 ورمي التاليات افضل
طبعاً سبب ان الاوسع افضل ان الحلبي يطلع بسرعه عاليه عكس الضيق وثانياً الحلبي بالشوزن الضيقه ينعسر ويتلخبط وتطلع الرميه غير منظمه ويطيح نصه بالارض ماياصل الهدف كامل الحلبي ثالثاً الضيقه يتعفط الحلبي بوسطه ويتشوه فيطلع غير دائري ومايشق الهوى زي الدائري صح ورابعاً ابرد للماصوره من الضيق ال18.3 مع التدبيل الماصوره جمره

18.5 دوى والله يبارك بحلالك والتجربه قدامك وقارن مع ربعك وتعرف

[الشمروخي]

http://store2.up-00.com/Apr13/oXM74537.jpg (http://www.up-00.com/)

[أولمبي]

الله يجزاك خير يالشمروخي ويرحم والديك ويجعل مثواهم الجنه
وانا بصراحه من اشد المعجبين في خبرتك لذلك وجهت الاستفسار لك لثقتي التامه في خبرتك
بيض الله وجهك يالذيب والله يكثر من امثالك كفيت و وفيت
اشكرك على تعاونك

[الشمروخي]

الله يجزاك خير ويوفقك ووالديك وجعلي اكون محل هالثقه واكيد فيه بمكشات اخبر وافهم
وياليتك بالخاص مراسل كان افضل لي والله يسعدك ويرزقك الشحم

[أولمبي]

هذه الصورة يالششمروخي مدري هل هذا هو فعلا ضوق السبطانه ولا انا مضيع الدرب
http://im37.gulfup.com/EqndL.jpg (http://www.gulfup.com/?rPaqFl)

[الشمروخي]

الضوق واضح صحيح

[أولمبي]

جزاك الله خير يالشمروخي على هالمتابعه الطيبه طاب فالك وحظك اي والله
بارك الله فيك

[بينلي]

انا جربت سوبر فنشي ماصورتها 18،3 صراحه رميها ماعجبني

[أولمبي]

بينلي انت متأكد من ضوق الماسوره شفته انت بنفسك ولا لا
ياليت تفيدني

[بينلي]

نعم متأكد ١٠٠ بالميه
١٨.٣