المساعد الشخصي الرقمي

مشاهدة النسخة كاملة : مشكلة في عمود الكردان بالجمس


عاشق البيكال
06/04/2013, 11:27 AM
السلام عليكم ورحمه الله وبركاته :

اخواني معي جمس سطحه 83 شريته ابي اترزق الله فيه الموتر كان فيه رجه واضحه وطنشتها بعد كذا كنت شايل سياره صغيره وماسك الخط بدايه الامر طلع عندي تقل تقطيع اذا ارخيت دعسه البنزين مامشيت 5 كيلو الا قربعه العمود ولقيته مكسر الشيال

فكيته ووديته مخرجه حصلناه كله فيه عوج قالي السعودي صاحب الورشه اقدر اعدله وانشاء الله بيضبط ..

سوالي هل العمود بعد التعدين يضبط وتروح الرجه او لا ؟؟

اللي طلع بالموتر التقطيع هل من العمود او ايش ؟؟

وتحياتي لكم
واتمنى من الاخوان انهم يفيدوني
عاشق البيكال
06/04/2013, 01:27 PM
50 مشاهد ولا احد قدر يفيدني ؟؟؟!!!!!!
بشير حسن
06/04/2013, 05:34 PM
عليكم السلام ورحمة الله وبركاته

أخوي اذا المخرطه متخصصه في هالأمور راح يضبطونه ان شاء الله لأنه في مخارط كبيره فنانه في هالشئ بس لازم يشيكون لك على الصلبان اذا واحد منهم تعبان خلهم يبدلونه لك وبالنسبه الى التقطيع انت اعمل خرط للعمود وشيك على الصلبان بعدين شوف شنو صار معاك وان شاء الله الموتر مايكون فيه رجه
عاشق البيكال
06/04/2013, 09:14 PM
غيرت صليب واحد والباقي ممتازه وشيال واحد وصاحب المخرطه يقولي انه ضبطه والله ييسر الامور ويستر وبكره ابجرب الموتر باذن الله

الف شكر لك اخوي بشير
ls1.5700
07/04/2013, 12:45 AM
الله يرزقك من واسع فضله
ماعليش اخوي توي اشوف الموضوع
ان شاءالله يضبطونه انا مجرب قصرت عمود شيروكي بالمخرطه وضبط من احسن مايكون لارجه ولا شي
اما بالنسبه الى التقطيع ماعتقد من العمود ابد
المشكله عندك يـ من الصفايه او الكبليتر فيه انسداد ويحتاج تنظيف
وموترك هل كبليتره حلابات او كبليتر عادي
عاشق البيكال
07/04/2013, 12:56 PM
هلابك اخوي ls1.5700 الكلبيتر عادي على ما اظن بس المشكله ان الموتر فيه ضعف عزم وباذات اذا حمل سياره مثل الجمس والجيب

طبعا انا كنت استخدم جموس وكديتهن بس اول مره اصادف مثل الموتر هذا

والف شكر لك اخوي ومن رد على استفساراتي
ls1.5700
07/04/2013, 02:53 PM
شف اخوي
اذا الموتر ماهو صافي فـ اكيد بيطيح عزمه
ولاكن سوي له تصفيه كامل
غير الصفايه
ونظف المكبليتر في بخاخ اسي ديلكو - شغل الموتر وبخ فيه وهو شغال
تقريباً نصف العلبه بخ بكل الفتحات
ومن ثم افتح على الديلكو اكيد مسكر عليه افتح عليه طبعاً الوزن مهم اذا ماتعرف وديه لورشه متخصصه
والدسك والصحن لهم اهميه كبيره
اذا فيهم ضعف طبعاً يموت عزم الموتر وخاصه بالحمل الثقيل
غيرهم على ماعتقد قيمتهم 450 ريال مع الفحمه
والبواجي شيك عليهم يمكن مكربنات غيرهم اضمن
والله ييسر امورك
عاشق البيكال
08/04/2013, 10:44 PM
توي مركب كلتش ودزق وفحمه كامله للموتر والبواجي جديده واسلاكها توي مغيرهن اصلي جدد طقم كامل الكلبيتر شافه ميكانيكي سعودي وقالي مافيه شي وشافلي الديلكوو بعد


ومشكور ع المرور يابعدي والله يجزاك خير
عاشق البيكال
10/04/2013, 12:51 AM
ابشركم ركبت العمود طبعا بعد الخرط ولا ضبط رجعت الرجه شوي شوي والحين زي اول وشيكت عليه لقيت القطعه الطويله ترج

مشكله ثانيه حصلتها بالموتر وهي >> اذا الموتر يشتغل وهو واقف ادوس بنزين واثبت الدعسه احصل صوت حنه يروح ويجي وترج المكينه والغماره << ترا الموتر واقف
اتوقع انه الحذاف لاني لقيت فيه طعج وخرطته
والله احترت منه
رااااايكم يالربع يالميكانيكيه
بدوي جنوبي
12/04/2013, 11:19 PM
ريح دماغك وغير عمود من التشليح وان شاء الله تلقاه رخيص
والحذاف معه
والرجه تخرب عليك اشياء كثير
عجااااج
13/04/2013, 12:04 AM
الحذاف يابعدي ما يزبط فيه التعديل وهو اللي يرج بالسياره والمكينه وهو واقف

غيره ولله يعوضك خير ويرزقك