المساعد الشخصي الرقمي

مشاهدة النسخة كاملة : ترهيم سبطانه ( ماصوره ) للسوبر


باترو
06/04/2013, 12:24 PM
السلام عليكم
كيف حالكم ياشباب
يالربع عندي سوبر بلاك ايقل2 فيبر وابي ارهم سبطانه وش تنصحوني فيه وش نوع السبطانه الزينه غير البالجيك لان البلجيك غاليه سبطانتها وانا ابي وحده حلوه ورميها حار
امدحولي الفرنسيات بس لما سألت قالو الفرنسيات انواع اذا احد له خبره فيهن ينصحني وش افضلهن وافضل واحد يرهم السبطانه وين احصله ابي واحد شغله ماوراه ولادونه احد يعني شغله ممتاز
وتقبلو تحياتي ......
نديم الخيال
06/04/2013, 12:49 PM
ذا انت لازم ترهم لاتعدا البلاجيك الفرنسيات ماصورة البلد ابرك منهن وذا تبي احسن واحد بالترهيم رح للقنيعير بعنيزه هو احسن واحد بالترهيم
كل مواصير بندقي مرهمها عنده وماشاء الله تبارك الله حتى السنه مايحتاج تحط لها تيب
يرهمها لك بالملي

شف لك ماصورة مونتريال الكنديه او اتوفايف او البلجيك الاوله هذولي اطيب المواصير والغلا بالشي الي يستاهل ماعليك منه وش فايدة تدفع 3500 بفرنسيه ولاتنفعك بشي
المتلولس
06/04/2013, 01:13 PM
شف يالغالي انا اخذت ماصورة فرنسية قبل شهر ورهمتها عند القنعير قيمتها ١٧٠٠ والترهيم ٨٠٠ الحقيقة خييييال المواصير يختلفن خذ النوعية اللي مكتوب عليها fn1
مدمن مررقوق
06/04/2013, 04:08 PM
انا مع الشباب يا ترهم شي يستاهل من البلاجيك الطيبة 32 انش او خلها على ماصورة البلد ابرك لك
باترو
06/04/2013, 07:26 PM
يالربع انا مرهم مرهم بس البلجيك حيل غاليه تخيل ازينهن المنتريال الكروم وسعرها لايقل عن ال 8500 من غير الترهيم يعني غاليه بالحيل
وانا ابيلي من هالفرنسيات ومثل ماقال اخوي المتلولس انها طيبه بالحيل يعني سعرها 1700 ورميها يمدحه يعني اكيد طيبه مثل البلجيك بس الفرق بالسعر .. والسعر للبلجيك حيل مبالغ فيه .
بس يالربع انا كلمت القنيعير وقالي في عندي فرنسبه مرهمه ب3500 فرق السعر بينها وبين سعر الي شراها المتلولس توقعون في نوع معين من الفرنسيات طيبه وغاليه مثل الي ذكرها القنيعير ؟؟ ووش نوعها من الفرنسيات توقعون ؟؟
اتمنا يشاركونا الشباب واستفيد ويستفيدون اخوانا الاعضاء والزوار .
المتلولس
06/04/2013, 08:26 PM
اخوي نصيحة لاتاخذ شي مرهم وجاهز الفرنسيات من تجربة شي رمية اطيب من المنتريال والبلاجيك وشي وسط يعني اللي جاهزة مجربة اكيد يعني لوهي طيبه مابعها راعية خذ جديدة انشالله يصير حظك زين وتصير طيبة
كومفورت
06/04/2013, 09:06 PM
السلام عليكم
انا اقول خلك على الوكاله وخذلك جوك خارجي واحد انش فول جوك
رحال
06/04/2013, 09:47 PM
وانا مع الرأي الاخير

يغلق الموضوع