المساعد الشخصي الرقمي

مشاهدة النسخة كاملة : ابي نصيحتكم ..بشتري سياره مستعمله من الامارات


fh...fh
07/04/2013, 09:16 AM
السلام عليكم
الاخوه المكشاتيين عندي استفسار
حبيت اروح للامارات اشتري لاندكروزر GXR2012(((مستعمل)))
وغشيم ماعرف شي ؟؟؟؟
وين اروح ..هل يوجد لديهم معارض سيارات ؟
افضل اصرف الفلوس هنا والا هناك؟؟اخذها كاش والا احولها باسمي هناك؟
هل هناك ورش موثوق بها للفحص ؟
من لديه مشوره مانستغني عنها
والله يحفظكم
عرين نجد
07/04/2013, 11:47 AM
دور فى النت احسن لك مما تروح على وجهك تتكلف ويمكن ماتلقى شئ
واذا عزمت تروح الصرف من هناك احسن لك بكثير خذ فلوسك كاش واصرف من هناك
عندك فى دبي معارض العوير
والشارقة معارض ابوشغارة
الله ييسر امرك
fh...fh
07/04/2013, 01:02 PM
جزاك الله خير
ماعندهم حراج مثلنا وبرحه
أبوخالد501
07/04/2013, 02:19 PM
انا رايحن لها قبل اسبوع المهم عندك احسن معارض وارخص معارض هي معآرض بني يآس وعندك العين وعندك الشارقة اما دبي وابوظبي فغاليه حيل حيل حيل ,, وانا لقيت لي في بني ياس فكسار 2010 ماشي 200 كيلو فقط ..؟ حاده ب 180 الف مع جمرك يمكن يوصل 184 حروتها بس حبيت اقولك شي (ديرتنا ديرت خير ) دور فيها قبل تروح يمكن تلقى شي يجوز لك هنا وموفق
هايل العتيبي
07/04/2013, 02:39 PM
بعد اذنك ياصاحب الاعلان

اخوي ابوخالد
ماستفسرت عن اسعار الجيب الشاص من 2007 وفوق
ابو محمد 00
07/04/2013, 09:40 PM
والله تبي نصيحتي اشتر من هنا احسن لك نفس القيمه هنا على نظرك وتفحص وانت مرتاح بلى جمرك بلى بهذله
fh...fh
08/04/2013, 08:34 AM
جزاكم الله خير
alzahir
08/04/2013, 01:38 PM
يا اخي الفاضل انا شريت في اكس ار من دبي والله تبهذلت وغلطوالجمارك وكتبوه جي اكس ار بدل في اكس ار ومراجعات للميناء والجمارك اقسم بالله لو عرفت التعب اللي بيجيني لشتري من السعوديه ولو بفرق 50الف راي تدور في السعوديه وبلاش غلب وتعب
sgl2002
09/04/2013, 05:55 PM
دور هنا اطيب لك وخذ الشور
مرير الشوق
10/04/2013, 09:52 AM
في اعتقادي ان في نهاية الموضوع راح تحصل الفارق بسيط جدا بين السعر هنا وهناك ولا يسوى التعب ..

الا ادا انت ناوي تتكسب

وبالنسبه لأفضل المعارض للجيوب عندك بني ياس على حسب ما سمعت



وافضل طريقة لشراء سيارة من هناك :


1/ تفتح حساب في بنك الامارات على طريق الملك فهد في الرياض .. وتودع المبلغ اللي تبي وتحسب حساب فرق العملة هنا وهناك مثلاً 100 آلف درهم = 96 ألف ريال تقريباً .. وعليك الحساب


2/ تاخد معك شيك مصدق من البنك اللي تتعامل معه حاليا بالمبلغ اللي تبي .. وتصرفه هناك .. ايضاً تحسب حساب فرق العمله



ونصيحة لاتاخد المبلغ كاش .. ولو اضطريت وخديت لازم تعبي نمودج في المطار من هنا انك بتسافر بمبلغ اكثر من 60 ألف ريال وسوف يكون عليك قلق وخوف لحمل هدا المبلغ ..


وبالتوفيق
تربة الشمال
10/04/2013, 10:24 AM
ماقصرو الاخوان بيض وجيههم وجهك
مضارب سيارات
10/04/2013, 10:35 AM
السلام عليكم

اخوك راعي خبرة هناك وهنا

ونصيحة اخ محب لك مايشتري من هناك الا واحد خبير ويعرف الرش والسمكرة ومكيانيكا السيارات اما غيره تراهم يخدعون حتى محلات الفحص

من واقع تجربة ونصيحة اخوية ابحث هنا في الاسواق ولاتاخذ الا بعد الفحص وانت مقتنع وربي يسهل امرك
عرين نجد
10/04/2013, 10:36 AM
اخوي اللى يقول الصرف من هنا 96 انا صارف من هناك ب 98 فية فرق فى الصرف
بعدين انا طالع العام ومعي 170 الف كاش من المطار وشارئ موتر من هناك ولا لاتعبئة نموذج ولاشئ سهالات
مافية مثل الفلوس فى الجيب ان لقيت اللى تبئ ولا ارجع بها
الله ييسر امرك
هاوي الطيب
10/04/2013, 12:56 PM
وواحد تووه جاي من قطر جيب لاند gx.r استبنه علاقي ماشي16الف ب190 اتوقع قطر افضل واقرب
هاوي الطيب
10/04/2013, 12:57 PM
2012 لونه اسووود وفيه 2013ب200الف
fh...fh
10/04/2013, 02:09 PM
بيض الله وجيكم ....الاخ هاوي الطيب فلوسي ماتاصل لل200
جي اكس ار2000
11/04/2013, 02:03 PM
فيه موقع دوبيزل ادخله يمكن ينفعك
فيه موقع الامارات للاوراق الماليه مكتوب يمكن ينفعك
اذا ناوي تروح خذ فلوسك كاش وانتبه لها حتى لو ماحصلت سيارات تسلم من فارق العمله
والمعارض مافيها فرق عن السعودية
عموماً انتبه للغش عندهم كثير جداًجداً