استفسار بالفتك

[ابن غبيشة]

السلام عليكم ورحمة الله وبركاته

إخواني اول مشكلة عندي تماتيك المروحة دائم يخرب وسعره ب 700

هل اقدر ارهم مراوح بدل المروحة وقالي الميكانيكي فك بلف الماء

واذا فكيتهم لهم ظرر

والثانية كمبروسر الفتك سمعت انه يرهم كمبروسر ددس 2001

أو اي كمبروسر يركب للفتك لان كمبروسر الفتك فوق 3000

[sgl2002]

ليش يخرب دايم

اكيد عندك مشكلة

[ابن غبيشة]

هلابك الله يطول عمرك
والله ما ادري ليش لأكن تماتيك وش يخربه الا غش الصناعي
كم واحد كهربائي مريته يقول هذا دائم يخرب

[فتك الجنوب]

الكمبرسر يركب حق باترول 4500 مع تغيير القاعده
واذا يركب كمبرسر الددسن اعطني خبر لني ناوي اغيره

[sgl2002]

اسمعني وانا اخوك


ان كانك تشري من محلات قطع الغيار نيسان وحتى ولو قالك اصلي تراهم كذابين

انا قبلك اشتريت للباترول ٣ تماتيك مروحه كل شهرين يخرب واحد

ورحت اخر شي شريته من الوكاله نفسها وبعدها نسيته ماعاد خرب


لذلك وانا اخوك اشتره من الوكاله وصيخ الرديتر لانه اذا كان الرديتر مسدود ماراح يشتغل تماتيك المروحه وراح ترتفع الحرارة

ركب بلف جديد وتاكد ان المراوح الامامية تشتغل صح وغير الغطيان واغسل السلندر وتاكد من عمل طرمبة الماء وبعدها توكل ع الله ماتشوف شر

[سيف وقلم]

طيب وش علامات خراب تماتيك المروحة (وشلون أدري إنه خربان)

[ابن غبيشة]

بالنسبة للكمبروسر ٤٥٠٠ ما ادري جيت واحد بالنسيم يقول ارهم كمبروسر كامري ب١٨٠٠

والتماتيك والله شارية من الحمراني والشركة يقولك الضمان ولا ساعه هذا دليل ان الشركة عارفه انه يخرب وهو توافيق من رب العالمين

[باترول 4500]

وعليكم السلام
ركب كمبروسر 4500 أزين لك وسعره بالتشليح 500 ريال

بالتوفيق إن شاء الله

[ابوسند9]

اخوي
كانك تاخذ تجاري اكيد بيخرب
عندي والله انه شد بلد وراح يكمل ان شاءالله 400 الف ما غيرته
لذا احرص على الوكاله
واذا كان عندك حراره تاكد ان المشكله من شي ثاني
او اوصف لنا مشكلتك بالضبط

[ls1.5700]

ماهي معقوله يخرب الا اذا التماتيك تجاري وهذى طبيعي يخرب
اما بالنسبه لتغيير البلف مانصحك تفكه غيره جديد اصلي
انا اشك بأن المشكله ماهي من تماتيك المروحه يمكن تكون شي اخر
مثل الاديتر او مشكله بالراس قد يكون شعر او مشكله بالوجه
اختبار المروحه هي زينه او خربانه
تبيك اذا احتر الموتر تبقى شابكه وتسمع صوت حنه قويه للمروحه هذا معناته زينه مافيها شي
الخربانه سوى محتر الموتر او بارد ماتشبك ولا تسمع صوته
وتكون خفيفه اذا فريتها بيدك وذا شغلت الموتر وحطيت ايدك ورها من جهة المكينه ماتنفخ هوى قوي
يكون ضعيف
في امان الله

[sgl2002]

^^^
ازيدك من الشعر بيت

اذا الرديتر مسدود راح ترتفع الحرارة ومايشتغل التماتيك

[You Like Me]

ميزه النيسان صحيح غالي لكن غير القطعه وانساها
مو طبيعي كل شوي تخرب اذا اصلي فعلاً
ليتك ذكرت لنا المشكله افضل
إحتمال التماتيك ماله دخل
والميكانيكي اللي قالك شيل البلف اشك انه ورا الموضوع

[ابن غبيشة]

اول الله يعطيكم العافيه جميع الي عقب على الموضوع أما التماتيك آخذة من الحمراني نفسه الى اذا غاشيني مرتين والتماتيك فيه فضاوه اذا حركته باليد وحرارته ما ترتفع الى اذا الهواء باتجاه السياره بس أما اذا الهواء عكس اتجاه السياره ما يتعدى الربع والرديتر نظيف وصافية مويته