المساعد الشخصي الرقمي

مشاهدة النسخة كاملة : موقف طريف


بن دوخي
08/04/2013, 12:54 PM
السلام عليكم .. اسعد الله جميع اوقاتكم بكل خير ..

الكل يحصل معه موقف طريف في حياته .. فيها المحرج وفيها المضحك وغيره ..

القصه

مره من المرات كنت معزوم على عشاء عند انسبا لنا جدد ما اعرف منهم احد الا الي اهلي الي معي .. المهم في المجلس قاعدين والكل مرسم وساكب على سنقت عشره وكأنه في مقابلة تلفزيونية .. تدور الحوارات بين الشيبان وحنا يالشباب نستمع لهم بانصات وبدون مشاركة احتراماً وادباً .. المهم دخلوا في موضوع وكان الجو مناسب اني اشارك فيه وفعلاً شاركت بكلام رزين ومقنع وكأني اعجبت هالشيبان بردي وكلامي وكبرت في عيونهم يوم جاء التقليط على العشاء ويسحبني واحد من الشيبان معهم على الصحن واخوياي من الشباب على صحن انا رفضت احتراماً واجبروني غصب شكلهم هاقين فيني اني فلتة زماني المهم وسمينا بالله وقعدنا نتعشا واقوم اقطع اللحم للشيبان واقرب الجريش والمرقوق للي حولي وصايرٍ ماشاء الله علي ذرب .. يوم خلصنا من العشاء ويقوم اكبر واحد فيهم ويقول انعم الله عليكم .. وارفع راسي وارد عليه (( وعليكم السلاااااااااااااااام)) بأعلى صوتي من زود المرجله هههههههههه طبعاً تنبهت اني غلطت وادنق ما ابي اشوف الصحن الثاني الي فيه اخوياي لأني عارف ردت فعلهم .. واقوم مسرع واللقافه ما تخلي اهلها وارفع راسي والتفت الا كلهم يناظروني وفاطسين من الضحك علي وادعس على صحن الحلا من اللخبطه واسوي بصمة قدم مقاس 42 ويمتلي الشراب تكرمون وطرف ثوبي وانحاس حوسه ما يعلم بها الا الله.. وبعدها قررت التزم الصمت واعض على شحمه وما عاد اتلقف وارد الا بعد ما اراجع الكلمه 100 مره ..

اتمنى انكم استمتعتوا بالقصه .. ولكم مني احلا سلاااااااااام
فهد الهلالي
08/04/2013, 01:03 PM
الله يعطيك العافيه يااخي الكريم بن دوخي
بالصراحه موقف محرج جدا بس كنت اتمنى اني معكم حتى اشبع ضحك والعشاء ملحوق عليه
وخاصه يوم تروضت رجلك في حلاهم
تحياتي
بن دوخي
08/04/2013, 01:26 PM
حياك الله وبياك اخوي فهد الهلالي .. الله يسامحك وانا ناقص ، ضحكو علي الين قالو بس ..هههههههه .. شرفتني بطلتك وحياك ربي
Daym
08/04/2013, 01:43 PM
زين انك ما اقمت الصلاة
هههههههههههههه
بن دوخي
08/04/2013, 01:49 PM
حياك اخوي Daym ..الله يديم عليك الضحك والوناسه ، بس يكفيني تشمت هما اقمت الصلاة عشان انتحر .. ههههههههههههههههههههههههههههههههههههههههههه
خوي مخباته
08/04/2013, 02:21 PM
هههههههههههههه الله يبارك فيك يخوي الغالى " بــــــن دوخي " والله هذا درس لك ولنــــــــا وللقارىء وكلام صحيح يجب الرجال قبل يطلع الكلمــــــــــه يفحص ويغربلها بعدة مناخل ثم يطلعها .... انا متاكـــــــــــد انك ســـــــــــاعتها يوم تقول
بصوت مرتفع عليكم السلام انك منتب مع الجمـــــــــــاعه عقلك ســـــــــــارح اما في تجارة او ربح او خسارة ؟
اخوي الغالى اتحفتنا و افدتنا واستفدنا ,
................................................ تحياتي وتقديري وحتراماتي ........................................
هصور
08/04/2013, 08:10 PM
هههههههه
الله يعطيك العافيه
الربذي
08/04/2013, 09:32 PM
هههههههه نسيت نفسك ومنت مرررره واحد شايب كبييير والعزيمه ريا وسمعه لمدير شرطة المنطقة الجديد المهم اللواء هذا اعجبه سوالف شايب بدوي حبيب على طبيعته ماعمره جاء للمدن ولا يحبها وصاحب الشرطه يوم قامو للعشاء حلف انه يكون عنده صاحب الوليمة المعزب حاول انه يخلي الشايب بصحن ثاني الا ان اللو اصر جلسوا تعشوا الشايب ماعمره شاف المهلبيه والحلويات قام نثر المهلبيه على الرزبشنق اللواء وخلطه بيده وهو يقول يافلان ليه ماتاكل كل وجه المعزب صار اللوان وحتى انه يعض شماغه من القهر والحنق
الاخ المعتمر الله يتقبل عمرتك وياصدق توقيعك تحصل معي كم مره وخصوصا لما اكون مشغوووول باعمل وراي اشغال وجداول رد على خطابات وووو جرد وووو
فيطق الباب ومن شغلي انسى اشوف بالكميره منهو وافتح والقاه سيادة المندوب حق الادويه راعي قررررق ثم ابتسم وانا اغلى من جوا حتى اني قلت لواحد ابي اقوله اجلس قلت له انثبر هههه
والي باط كبدي يبون يمشون ادويتهم غصب لو ماتعجب المرضى ماديين واسالتهم مره واحد يقول عاوزك تولي باسماء الدكاتره الي مايكتبوا العلاج دا قلت انا مشغول تجي بعدين ولا يجون الا وقت الميزانيه ومناقصة الادويه يسنتر عندنا اسبوووع مابقي الا يصير عضوا بلجنة الميزانيه اكرههم بشكل فعلا احسها مؤلمة مرررة انك تصطنع الضحك ودي اشوف شكلي وانا اضحك بالكذب او اكذب بالضحك

المواقف كثيرة منها جاري الله يعطيه العافيه نقل وجه السعد قال لي مره والله اني اغليك قلت الله يغلك قال كيف الله يغلني قلت متداركا متفشلا بالجنه بالجنه
النجم السراي
08/04/2013, 10:57 PM
ههههههههههههههههههه محرج جدا
بس لو كنت معكم واشوف وجهك يوم مشيت
وبصمت في الحلا ههههههههههههههههههههههههههههههههههه
قوافي ( أم نهار )
08/04/2013, 11:34 PM
عليكم السلام ورحمة الله وبركاته
موقف محرج لا أعاده الله..
اشكرك اخي الفاضل
تحياتي وتقديري واحترامي
..قوافي..
بن دوخي
09/04/2013, 09:49 AM
خوي مخباته .. انشهد انه درس ههههه .. لاعدمت طلتك
بن دوخي
09/04/2013, 09:49 AM
المعتمر .. الله يعافيك يا رب
بن دوخي
09/04/2013, 09:50 AM
اخوي الربذي .. بارك الله فيك ومشكور على المرور والإضافة ..
بن دوخي
09/04/2013, 09:52 AM
النجم السراي .. وش تشوف والله يا وجهي صار كنه تلفزيون قاطع ارسال .. تشوف كل الألوان ههههههه

حياك ربي ومشكور ع المرور والتعليق
بن دوخي
09/04/2013, 09:53 AM
اختي قوافي .. يا هلا والله وسهلا .. ايه والله لا عاده الله من موقف لا على عدو ولا حبيب..
تحياتي لك ومشكورة ع المرور والتعليق
عادل بن جابر
09/04/2013, 10:02 AM
عليكم السلام ورحمة الله






ههههههههههههههههههههه ياوالله أنك فطستن من الضحج



الظاهر عطوك أيها أنضلوك وجابوا فيك العيد




تحياتي
بن دوخي
09/04/2013, 11:53 AM
حياك اخوي عادل بن جابر.. والله الظاهر كذا جعلهم الي مانيب قايل هههههههههههه

شرفني مرورك وتعليق .. دمت بود
وانت الصادق
09/04/2013, 01:31 PM
ورا ما طلعت البلجيكي اللي تحت ابطك وثورت في الشباب اللي يضحكون يابو فهد :D...ههههه
يسولف علي واحد من الربع ,, يقول كنت في صحبة الوالد في مناسبة عند ناس اجناب انا لا اعرفهم ...
دخل الوالد المجلس الرئيسي مع الشياب والضيوف بينما انا .. توجهت لملحق الشباب وكان ممتلئا عن اخره .. جلست في طرف المجلس قريبا من التلفزيون ( 45 بوصة ) الذي كان يعرض مباراة هامة ... كان الصمت يخيم على الجميع والابصار متسمرة على الشاشة الفضية ...
كنت اجلس القرفصاء مشبك اصابعي حول ركبتي ... فاحسست بانفي ( يمرشني ) وشعرت برغبة لا تقاوم في هرشة ولكن الظرف لايسمح ... فوضعت جبهتي على ركبتي لاخفي وجهي ..وبسرعة خاطفة ادخلت اصبعي واخرجته من انفي ...
فلاحظت على طرف اصبعي (حاجة ) بحجم الاظفر دموية اللون :mad:... ( تكرمون ) فحاولت التخلص منها فكنت انزعها من هذا الاصبع فتلتصق بالاخر ...
اخيرا ( نبطتها ) كما يفعل لاعب الكيرم المحترف اذا ( تويقع ) في الخمسين ... وشووووووووووت ...
واخيرا طارت بعيدا عني لكنها التصقت بشاشة التلفزيون ... فكانت فضيحة بجلاجل ...
هههههههه وسامحونا على التصريح .. لكن كما يقولون ان ناقل الكفر ليس بكافر ومن باب اولى ان ناقل العيب ليس بمعيوب ... حبينا فقط نشارك ...
سناعيس سناعيس
09/04/2013, 10:48 PM
السلام عليكم ورحمة الله وبركاته
اسعد الله اوقاتكم بكل خير ... اخوتي الكرام حبيت امسي عليكم عساكم دوم بخير .. حفظ الله الجميع وتصبحون على خير
بن دوخي
10/04/2013, 10:52 AM
وانت الصادق .. شرفني مرورك ومشاركتك هههههههه تحصل مثل هالمواقف المحرجه الي ودك انك تختفي من مكانك والا انت في فراشك وما حولك احد .. اسعدك ربي
بن دوخي
10/04/2013, 10:53 AM
سناعيس .. الله يمسيك بالرضا والسرور .. اسعدني مرورك وتعليقك .. وحياك ربي
يكفيني نظرة
10/04/2013, 12:10 PM
هههههههههههههههههههههههههههههههههههههههههههههه
تدري وين المشكله ؟؟
المشكله وشلون تلبس الكنادر عقب الحلا؟؟
هههههههههههههههههههههههههههههههههههههههههههههههههه ههههههههههه
الله يجزاك خير ..
الربذي
11/04/2013, 07:06 PM
.





غير قابلة لنشر زامت كبدي هههه
شعيب الحزيمي
12/04/2013, 01:36 PM
ههههههههههههه

موقف محرج من جد
بن دوخي
13/04/2013, 12:32 PM
يكفيني نظره .. لا يكون كنت معنا بس هههههههه .. وش يدريك اني لبست الجزمه تكرمون بدون شراب .. يعني تيوب لس .. ههههههههههههههههههههههههه
بن دوخي
13/04/2013, 12:32 PM
الربذي .. بعذرك والله .. هههههههههههههههههه

حياك ربي اسعدني تواجد