المساعد الشخصي الرقمي

مشاهدة النسخة كاملة : اهل الخبرة افيدونا جزاكم الله حير


rabo
08/04/2013, 06:35 PM
سيارات موديل ت2004 و 2005 و 2006 و 2007
ممشاها من الـ 60 الف وطالع

هل هذا ممكن؟ ولا تلاعب بالعداد

وكيف ممكن نعرف اذا كان العداد منقص؟

ولا تستغني عن نصائحكم وخبراتكم .. جزاكم الله خير
hassan-55
08/04/2013, 07:01 PM
ممكن التلاعب بالعداد سمعت انهم يبرمجون ويحطون الرقم اللي تبي عن طريق برمجه بالكمبيوتر
وممكن يكون الممشى حقيقي
عندنا موتر مديل 91 ماشي 170 الف ممشى حقيقي على يد الوالد من الوكاله
على حسب الاستخدام وناخوك خصوصاً اذا كنت تعرف المستخدم الاول

الله ييسر امرنا وامركـ وامر كل مسلم..
فهد000
08/04/2013, 07:07 PM
سيارات موديل ت2004 و 2005 و 2006 و 2007
ممشاها من الـ 60 الف وطالع

هل هذا ممكن؟ ولا تلاعب بالعداد

وكيف ممكن نعرف اذا كان العداد منقص؟

ولا تستغني عن نصائحكم وخبراتكم .. جزاكم الله خير

التلاعب وارد ولاتستبعده ولي تجربه مشابهه قبل كم سنه اشتريت سياره من واحد وممشاها
حدود 60 ألف حسب العداد وقال لي راعيها انها مخزنه وباسمه وكاله ومواصفات سعوديه من الثقه مافحصتها
وقدر يقنعني بعد ماشريتها وبديت أستخدمها لاحظت تنسيم هوا وفضاوه بالبيبان رحت أفحص قالو السياره مرشوشه وصارت خليجيه ولقيت
زيت القير اسود منتهي وناقص وغيره من الخرابات الى كذا عادي ممكن تمر عليك حركة الغش لكن اللي ماانتبهت له مرتبة السواق جلدها متشقق واسفنج
المرتبه معدوم من الاستخدام ولا انتبهت لها يوم أشتري واضطريت انجدها يعني هذا دليل ان الممشى غير حقيقي وكان عداد الحراره عطلان رحت أصلحه وفك الكهربائي
عدادات الطبلون ولقى ال اي سي حق عداد السرعه ملحم قال السياره هذي جاها تلاعب بعداد الممشى على العموم انتبه وأنصحك انك تفحص السياره
مضبوط والا لاتشتري.
عزام 020
08/04/2013, 07:17 PM
حسبي الله على كل من يغش اخوه المسلم


وتأكد وأنا اخوك افحصها واستخر وشاور

وان شاء الله يفيدونك أهل الخبره

وبالتوفيق للجميع
rabo
08/04/2013, 07:27 PM
الله المستعان .. ما سلمنا من الغش والتلاعب في كل شيء
الوقيدي
08/04/2013, 10:18 PM
السلام عليكم : اذا كنت تبحث عن سياره موديلها قديم وممشاها قليل وأحترت فتأكد من الأتي:
1- أنظر الى نظافه جلد دعاسات البنزين والفرامل والكلتش هل هي شبه جديده
2-مسكات الباب ومسكات أزرار القزاز هل هي مستخدمه كثير وكذلك الى الدركسون وعصا القير هل هي مستخدمه كثيروذلك ازرار الراديو والمسجل وازرار المكيف
3- انظر الى لمعه المحرك وحجره المحرك كامله وسلامه الصواميل من الفك وماشابه ذلك وكذلك تهريب الزيوت
4-انظر الى لمعه القير والدفرنس وخلوها من تهريب الزيو
5- انظر الى تاريخ الكفرات ونظافه الجنوط والصواميل هل هي كثيره الفك وانظر هل الاستبنه لازالت وكاله
6- انظر هل للهوبات شفه وهذا دليل على زياده الاستخدام
7-انظر الى جلد الابواب والمقصات هل هي مهترئه وهذا دليل على زياده الاستخدام
8- اللون الباهت للسياره مؤشر على سوء الاستخدام وعد م والمحا فظه على السياره
9- انظر هل السياره مسمكره اومرشوشه
10- انظر الى مفتاح السياره واقفال الابواب والسويتش اذاكانت متأكله ويلعب المفتاح فيها دليل على زياده الاستخدام
فتك الجنوب
08/04/2013, 10:23 PM
مر شيك في الوكالة وشوف اخر صيانه تمت وكم كان الممشاء
rabo
08/04/2013, 10:33 PM
مر شيك في الوكالة وشوف اخر صيانه تمت وكم كان الممشاء

الله يجزاك خير انت وكل من رد

بالنسبه للوكالة عادي ممكن تعطيني معلومات عن السيارة؟