المساعد الشخصي الرقمي

مشاهدة النسخة كاملة : بدوية وحضرية واسأله حمـآسيه في طلعة بر ؟


خوي مخباته
09/04/2013, 03:49 PM
بسم الله الرحمن الرحيم



السلام عليكم ورحمة الله وبركاته . .


حيّ الله اخواننا الكشّـآته والكشّـآتين والمكشـآته . . " مشرفين واعضاء وزوّآر "


نبي نذكر لكم سالفه لها اقل شي 45 سنه طبعا محاتسيكم شويّب يالله حسن الخاتمه . . بس ان قلبه خضر ويحب السواليف والعلوم الطيبه .


نوى الوالد مع رفيقن له وراعي فورد , انهم يطلعون للبر وكلن بعايلته على سيارتن وحده على ايام الفرود وسيارتهم ذيك السنه فورد موديل 61


المهم انّـا طلعنا ومعنا ذبيحتنا في يوم ربيع صحيح الأرض مربعه , , نزلت العوايل على جهة والرجاجيل على جهه ماوعينا بعد حمسة الكبده والمقلقل والفطور ,, الا بهالقطيع من الغنم اللي يجي له حول 80 الى 100 والا الغنم تحوس حولنا والا في اطرافها راعيتها حرمه ,, راكبتن على زماله "تكرمون", راحو ركض هالصغار منّا وانا واحدن منهم على الحريم قلنا : هذي بدويه جت عندنا هي وغنمها , والا فيه وحده من الجماعه عيّـآره وجيّده , وقالت نادوها يـآعيال لاتروح الا وهي مفطره معنا ومتقهويه نـــآدوها . والله ونطير يم البدويه ونقول اهلنا يقولون تفضلي . اقلطي . ربطت الزماله"تكرمون" بوسط ذيك الشجره وقيّدتها ونزلت وجت وقلبها مطمئن لانها شـآيفتن عوايل , وصلت وسلمت عليهم وهلّو بها ومرحبو بها ويـآحي الله ضيفة الرحمن , وهي ترد بأطيب من كلامهم ,


جـآبو لها الفطور والشاهي وقالو لها افطري وعيني من الله خير ! وسوالف مع الحريم ,, والعياره من الحريم اللي انّا خابرينها حبّت تعير معها , بس البدويه جيّده ماعليها , قالت الحضريه للبدويه : انتم يالبدو تصلون مثلنا !!! " من باب العياره "
قالت البدويه : يـآويلي !!! اجل اّنا مب مسلمين !!! كلنا عند رب العالمين واحد > جواب مفحم !
جا السؤال الثاني من الحضريه : قالت كم تصلون من فرض !
قالت البدويه : يـآويلي حنا نصلي خمسة فروض مثلنا مثلكم
وسألتها كم ركعة للظهر والعصر والمغرب ..... وجاوبت البدويه صح !
والحضريه مالقت صيدة على البدويه ..
قال الحضريه ططيب ! تشهدكم مثلنا (اللي هو التحيـآت ) !!
0 0 وهنا مربط الفرس 0 0
قالت البدويه وبكل ثقه . هماني معلمتس !!
قالت وش تقولون في التشهد ؟؟؟
جاوبت البدويه وقالت : نقول التحيات لله والصلوات والطيبات يدخلن في محمد ويطلعن لآبرآهيم !!!!



هههههههههههههههههههههههههههه



ضحكت الحضريه والحريم اللي معها


والبدويه كثر خيرها ومباركن منها وهالكلام من كم سنه


والحضريه على ماقال تدور القشر




نلقاكم في سالفة اخرى ..
قوافي ( أم نهار )
09/04/2013, 11:38 PM
عليكم السلام ورحمة الله وبركاته
البر وحماسية أسئلة البر ،،قد وحده سئلتني عقب ما واسينا قشنا وفرشنا والمخيم اللي ياسلام سلم ما ودك تصد عن منظر الخيام وهن منصوبات تقل عقد لولو يالله من فضلك قالت:
قوافي تحبين البر؟؟؟
أنا !!!!!!!!! مدري وش اقول بغيت اعطيها بقس على خشتها ،،أجل طالعه اعد حبات الرمل..
راعية الغنم خامه طيبه ولو سائلين ذا السوءال لغير كان صار علوم ..
القلوب بذاك الوقت على السجيه كل ماطرى على البال يقال من باب سعة الصدر والمزح..
اشكرك اخوي خوي مخباته وذكريات من ماضينا الجميل اللذي لايمل ..
اعتذر عن الاطاله صار الرد مُعَلقه..
ذالكلمه تقرقع ابي اقولها :زمان يوم كنا نطلع البر وحنا صغار عوايل يعني ،،نقعد عند غدران والهواء شي والريحه أشياء مازالت تمر أحيانن بخيالي وأشمها وهي بعيده..
دمت بحفظ الله
تحياتي وتقديري واحترامي لشخصك الكريم
..قوافي..
بن دوخي
10/04/2013, 11:27 AM
خوي مخباته .. اعجبتني هذي :

قالت وش تقولون في التشهد ؟؟؟
جاوبت البدويه وقالت : نقول التحيات لله والصلوات والطيبات يدخلن في محمد ويطلعن لآبرآهيم !!!!
هههههههههههههههههههههههههههههههههههه .. والله موقف مضحك مبكي ..

لكن ما أقول الا (الله ما أجمل تلك القلوب النظيفة الصافية التي على سجيتها) .. اشكرك على هالموضوع الرائع .. ودمت بود ..
خوي مخباته
11/04/2013, 09:35 PM
عليكم السلام ورحمة الله وبركاته

البر وحماسية أسئلة البر ،،قد وحده سئلتني عقب ما واسينا قشنا وفرشنا والمخيم اللي ياسلام سلم ما ودك تصد عن منظر الخيام وهن منصوبات تقل عقد لولو يالله من فضلك قالت:
قوافي تحبين البر؟؟؟
أنا !!!!!!!!! مدري وش اقول بغيت اعطيها بقس على خشتها ،،أجل طالعه اعد حبات الرمل..
راعية الغنم خامه طيبه ولو سائلين ذا السوءال لغير كان صار علوم ..
القلوب بذاك الوقت على السجيه كل ماطرى على البال يقال من باب سعة الصدر والمزح..
اشكرك اخوي خوي مخباته وذكريات من ماضينا الجميل اللذي لايمل ..
اعتذر عن الاطاله صار الرد مُعَلقه..
ذالكلمه تقرقع ابي اقولها :زمان يوم كنا نطلع البر وحنا صغار عوايل يعني ،،نقعد عند غدران والهواء شي والريحه أشياء مازالت تمر أحيانن بخيالي وأشمها وهي بعيده..
دمت بحفظ الله
تحياتي وتقديري واحترامي لشخصك الكريم

..قوافي..



ههههههههه ههههههههههههههههه اختي الغالية " قــــــــــوافــــــــــــــي " والله اني تقطع قلبي من الضحك اجل تقولتس تحبين الــبــــــــــــر قولي اجل وش مطلعني الله يعمي العدوووو؟
ذكرتيني بســــــــــالفة واحد من الربــــــــــع احدث مزرعة جديدة وعنده الحفار يحفر وشغال المهم طلع الماء وعنده واحد لك عليــــــــــــة شوي قال فلان قال راعي المزرعـــــــــــة يانعم قال الماء حلوووو والا هماج قال خوينا الله لا يعمينا يخوي الماء تحت رجلك لا تسأل ماتبي سؤل.... اشرب وذق وحكم ؟
................................... تحياتي لك وتقديري .......................................
تلميذ
13/04/2013, 01:35 AM
ياحبي لسواليف الشيبان
سالفه جميله وجمالها يكمن في برأه مشاهدها التصويريه فعشنا ها بتفاصيلها وكاننا نشاهدها
عشت يالنشمي ووفقت لرضا الرحمن
خوي مخباته
13/04/2013, 03:59 PM
خوي مخباته .. اعجبتني هذي :




قالت وش تقولون في التشهد ؟؟؟
جاوبت البدويه وقالت : نقول التحيات لله والصلوات والطيبات يدخلن في محمد ويطلعن لآبرآهيم !!!!
هههههههههههههههههههههههههههههههههههه .. والله موقف مضحك مبكي ..


لكن ما أقول الا (الله ما أجمل تلك القلوب النظيفة الصافية التي على سجيتها) .. اشكرك على هالموضوع الرائع .. ودمت بود ..



ياحياك الله يالغالي " بن دوخي " ابوفهد الله يجبـــــــــربخاطرك مثل ماجبـــــــــرت بــــــــــخاطري بالرد
الطييب ولكلام الاطييب الله يســــــــــــــــعدك وين ماكنت وبيض الله وجهك ,
................................ تحياتي لك وتقديري وحتراماتي ..............................
خوي مخباته
15/04/2013, 03:52 PM
ياحبي لسواليف الشيبان
سالفه جميله وجمالها يكمن في برأه مشاهدها التصويريه فعشنا ها بتفاصيلها وكاننا نشاهدها
عشت يالنشمي ووفقت لرضا الرحمن




ياهلا بالغالي الاستاذ { تـــــــــــــلميذ } انت وينك وعسى المانع خير يا اخوي فقدناك عسى ان شاء الله ما تفقد غالي انت من جد والله تنفقد ولا غبت يوم كنك غايب اسبوع ويذا غبت اسبوع كانك غايب شهر ويذا غبت شهر كانك غايب سنه ويذا غبت سنه كانك غايب دهر كامل لا تحرمنا من هطله الطيبه الله يطيب ايامك ويكثر مالك ويستر عليك وعلى اعيالك
...................... سلمت ودمت وتحياتي وتقديري لشخصكم الكريم ......................
خوي مخباته
20/04/2013, 12:57 AM
شكررررررر خاص للاخوة الاعضاء وقول لهـــــــــــم ماقصررررررتو وبارك فيـــــــــــــــــــكم وعســــــــى الله يعيننا بردالجمايل
............................................ تحياتي للجمـــيــــــــــع بالتوفيق.......................................... ....
نوْرس
20/04/2013, 02:30 AM
استمتعت صراحة ..وضحكت

شكرا للجميع ...
ابو صفوق
23/04/2013, 04:59 PM
هلابك ياغالي
منور الشاشه يابو حمد
والله انها لقافه مابعدها لقافه
ليت الله رازقهم بوحده تلعب كرتيه ههههههههههههههه
اشكرك ياغالي
ابو صفوق
خوي مخباته
24/04/2013, 02:07 PM
استمتعت صراحة ..وضحكت

شكرا للجميع ...


هلا بخوي الغالي " نؤرس " مشكووووووورر وهذا هو المطلوب الله يونسك بـ العافيـــــــــــــه ويضحك سنك دايم الدووووم ,,,,,
......................................... تحياتي و تقديري ....................................
خوي مخباته
26/04/2013, 08:38 PM
هلابك ياغالي
منور الشاشه يابو حمد
والله انها لقافه مابعدها لقافه
ليت الله رازقهم بوحده تلعب كرتيه ههههههههههههههه
اشكرك ياغالي
ابو صفوق


هههههههههههه والله اضحكتن "" يابوصفوق "" مشكوووووووووورر على الرد
وبارك الله فيـــــــــــك اجل ليت الله رزقهم بوحده تلعب كارتيـــــــــــــــه ؟! هههههههه لوانهم كاشتيين باليابان او بكوريا او بصين ههههههه الله يجازي شيطانك والله اضحكتن صدق !
مشكوووووووووووووووورر: مره اخرى وتحياتي لك وتقديري
.................................................. .................................................
khhh
02/05/2013, 12:01 PM
من متى البدوي يكشت مع الحضري
خوي مخباته
04/05/2013, 12:48 AM
من متى البدوي يكشت مع الحضري






يمكن بعد ماتعلم يكتب { انجلشش } ههههههههههههههههههههههههههههه
ههههههههههههههههههههههه أي والله من متى البدوي يكشت مع الحضري ؟!!
محمد الظاهري
04/05/2013, 02:56 AM
بارك الله فيك ياغالي
واشكرك على السالفه الجميله
والممتعه
تحياتي وودي
اخوك
ابن فهدالشمري
04/05/2013, 12:05 PM
ههههههههههههه

الله يسعدك يالشايب ^_*

حلاه الكشته بمواقفها الي ترسخ الطلعه سنوات طويله بالذاكره

شاكر لك

لا تحرمنا من ذكرياتك
خوي مخباته
06/05/2013, 03:06 PM
ههههههههههههه




الله يسعدك يالشايب ^_*


حلاه الكشته بمواقفها الي ترسخ الطلعه سنوات طويله بالذاكره


شاكر لك



لا تحرمنا من ذكرياتك


يامرحب بالغالى "" ابن فهــــــــــد الشمًري "" والله الف نعم بشمر الطنايا بارك الله بيك و
مشكووووووووووورر على الرد خفيف الضل وكذلك خفيف الدم الله يدم المحبه والغلاء وصحيح كلامك مواقف ترسخ في الذاكره ولاتنســـــــــــــــــى!!!
.................................. تحياتي وتقديري واحتراماتي ................................
خوي مخباته
06/05/2013, 09:51 PM
بارك الله فيك ياغالي


واشكرك على السالفه الجميله
والممتعه
تحياتي وودي

اخوك



هلا وغلا وسهلا بـــــــ مشرفنا المحبوب "" محمد الظاهري "" الله يشرف مقدارك مثل ماشرفت بدخولك وقرائتك للســــــــــــــالفه اخوي الغالى محمد شاكر ومقدر لك على الرد الطييب
والله يديــــــــــم المحبه والغالى ,
............................... تحياتي وتقديري واحتراماتي ..................................
خوي مخباته
11/05/2013, 09:49 PM
شكر خاص من كل قلبي ..... الى جميــــــــــــع من مر وقرا ومن كلـف على نفســــــــــــــــه بكتـــــــــــــــــــابه رد ,,
..................................... تحياتـــــــــــــــــــي للجميـــــــــــع وتقديري وإحتراماتــي ..................................
خوي مخباته
11/05/2013, 09:56 PM
شكر خاص من كل قلــــبي ...... الى جميــــــــــــــــع من مر وقرا ومن كلــف على نفــســـــــــــــه بكتابـــــــــــــه رد ،،
...................................... تحيــاتـــــــــــــــي للجميــــــع وتقديري وإحتراماتــــــــي ..................................