المساعد الشخصي الرقمي

مشاهدة النسخة كاملة : لأهل الخبره((((((((عاجل))))))))))


<عاشق الصمان>
18/09/2006, 10:24 AM
السلام عليكيم
يا رب موسم خير على الجميع
سؤالي عندي طير حر صايد الحبارة والكروان العام الماضي بعد المقيظ الطير عاف الملواح مايهد ألا على حمام حي وشو الحل؟؟؟؟؟؟؟؟؟؟؟؟؟
يعطيكم العافيه
:confused: :confused: :confused: :confused: :confused: :confused:
أبو رداد
18/09/2006, 10:49 AM
وعليكم السلام ورحمة الله وبركاته

اربط حمامه حيه مع الملواح وادعيه من مسافه قريبه يعني حول 100متر وفي اليوم الي بعده زيد المسافه شوي ولا تعذبه في المسح ... واذبح الحمامه وخليه هو ينتف على راحت فوقه الملواح وغده او عشه لكن اقصر عليه شوي ولمدة ثلاث ايام
وبعدها اربط حمامه مذبوحه مع الملواح ثلاث ايام اخرى واعطيه
وبنفس الطريقه ولكن ابعد في المسافه يوم بعد يوم
بعد هالطريقه لمدة 6 ايام ان شاء الله يرد الطير على طبعه الاولي ويدور الملواح
<عاشق الصمان>
18/09/2006, 11:23 AM
مشكور أخوي أبو رداد على المعلومات الطيبة.
راعي حشيم
18/09/2006, 02:40 PM
السلام عليكم ورحمة الله وبركاته

اذا الطير رب على ايدك شفره (( شنذرة ))

ترى الجرناس يحتاج تشفير حتى ولو جا على التلواح يبور ساعة الهدد

اذا الشحم مغفي على فواده

تحياتي لك ....
الغايب الحاضر
19/09/2006, 12:20 AM
اخوي ابو رداد ماقصر وانا اقول اقصر للطير واما الشناذر لاتعجل عليه والجو حار والله يوفقنا واياك
آبو غلآ
19/09/2006, 01:02 AM
وعليكم السلام والرحمه ،،
هلابك اخووي ،،
انا صارت لطيري العاام وطيور ناس واجد اعرفهم كان ينش على الملواح
وبعدها ما عاد يبي الملواح ما عاد يبي الا حماامه ينش عليها ولا تهدهـ على حمامه
والسبب طال عمرك الـطـير صنيـع توهـ طالع من ربطته ونقلته شوي وركد ورحت تدعيه وفسقـ الطير
مايبي الا حمام و كثرة الهد على الحماام هو الي يخليه يطنش الملواح ويعيفه
لاكن بقولك انا وش سويت والحمدلله رجع لوضعه :
1- لا عـآد تخليه يشوف الحمــآمه حيـه ولا مـيـته ،، خله ينسـى شي اسمه حمآم ،
2_ جــوعه اليوم الي بتروح تدعيه خلك مطوفه يوم ،،
3_ دق وكـرهـ واربــطه بسبب وارخ برقعه وفكـ سبقه
وخـلـك وآقــف عندهـ وانت رابط في الملوآح علفه ولامآسكها بـدســك وفـك برقعه
ان شالله بيـنقز على الملـوآح وخـله ينسـر منه شووي بيتحمس الطـير لا ذآق العلف
حـآول تخلص منه الملوآح وتبعد شــوي وتناديه وان شالله بيجيك ونفس الحاله خـله ينسر شوي
وبعدها فك السبب منه وآدعه وان شالله بيجيك بتقول ليه تربطه بسبب لانه يمكن لادعيته اول شي يجيك وبعدها
يطنش ولازم تنزله بحمامه ولا استفدت شي سو هالطريقه وان شالله بتظبط معك ولآوصيك جووعه
خله يحس بالجووع عشان يجيك من ورى خشمه ،، وهذي طريقتي الي اسويها
لاتنسى اذا ظبطت اول يوم معك الطريقه الي قلت لك اليوم الثاني
سو نفس ماقلت لك خـله ينسر شووي وخلصه وبعدها ادعه
سوها كم يوم لين تحس الطير تحمس وانت ابخص بطيرك


اتمنى انك تستفيد ،،
لكم احلى التحيه
<عاشق الصمان>
19/09/2006, 12:04 PM
يعطيكم العافية أخوان على الردود الطيبة:-
1- راعي حشيم. 2- الغايب الحاضر. 3-شارب فيتنو.