مشاهدة النسخة كاملة : اتمنى من اصحاب الخبرة في الباترول 2007 مشاركتنا في الموضوع
المفيدي
10/04/2013, 06:52 PM
السلام عليكم ورحمة الله وبركاته
الربع اليوم اسولف مع احد الزملاء قال ان هناك تعديلات مهمه جدا وتحافظ على السيارة وهي نسيان باترول منها الغاء كتاوت البنزين و فلتر المكيف والمسمار الثلاجة
هل هذا صحيح
وهل هناك ورشة جيدة وسعرها جيد لذلك
وايضا ورشة متميزة للتربيط الكامل
فتك480002
10/04/2013, 10:50 PM
شف ابوي الغاء المسامير كويس ويسونها لك ورشة الخطيب بالرياض صناعيه الدائري مخرج 18 الغاء كتاوت البنزين و فلتر المكيف انا ضدها الكتاوت ينضم الكهرب وفلتر المكيف علشان ما يدخل لثلاجة غبار و الكتاوت تروح تشتريها من الوكاله ما فيها عيب الي يجي من بلاده هو الي فيه عيب و الله يوفقك
الكلام من واقع تجربه
اسدهم
10/04/2013, 11:36 PM
اذاصار موترك سالك ولابه خلاف لاتحوس ف الموتر همن تقول ليتني ماسويت خله ع طبيعته وتر النيسان اذاحثبرت في بياكلك
ناويها
11/04/2013, 01:31 AM
كلام سليم
خله شد بلد افضلك
sgl2002
11/04/2013, 01:36 AM
كلام خاطئ ١٠٠٪
بدون كتاوت ممكن تحترق السياره بالكامل او ع الاقل تروح عليك الضفيره او يضرب اي شي بالكهرباء
الكتاوت مايخربه الا الغبار لذلك ركب الاخضر اللي جابوه الحمراني وبتحصل عليه وجه معجون يمنع دخول الاتربه
مسمار الثلاجة الافضل وضع مسمار طويل ولفه بدل من انك تفكه
فلتر المكيف لو شلته اعدم عليك الثلاجه
المفيدي
11/04/2013, 05:25 AM
بيض الله وجيهكم على الردود والتوضيح
أما بالنسبة لمسمار الثلاجة فإن يقول دائما يطيح في المكينة ويسبب تخبيطها
أما فلتر المكيف فإن يسبب خلط الزيت مع الماء والنهاية تضر المكينة
بالنسبة للكتاوت فإن مرتين غيرتها بسببها السيارة ماتشتغل ومن المواقف طفت علي في الدهنا قعدنا ندق سلف الين فتح الله عليها واشتغلت كما اننا اقرا عنها انها دائما تفصل كتاوات البنزين في النت
وصدقت أخوي الكريم sgl2002 فإني غيرته بالكتاوت خضراء اللون من ابوحمراني وعليه معجون كما ذكرت
التعـ King ـديل
11/04/2013, 01:46 PM
اذا موترك من 2007 وفوق ماعليه خلاف خله شد بلد
واذا 2006 وتحت فك مسمار الثلاجه فقط
التعـ King ـديل
11/04/2013, 01:51 PM
المقصد من كلامي 2007 على الحديده اللي على الباب وليس الاستماره
فتك08
11/04/2013, 04:31 PM
اذا موترك من 2007 وفوق ماعليه خلاف خله شد بلد
واذا 2006 وتحت فك مسمار الثلاجه فقط
:good2: :good2: :good2:
سجل عندك+1
لأنهم تلافوا عيب المسمار من2007 و طالع...
عزف ..
11/04/2013, 09:00 PM
اخوي نصيحتي لك لاتفكك شي ولاتحوسه
وسالفه المسمار الغوها في من موديل 2007
والكتآوت ركب الاصلي اللي لونه أزرق
عبون الجواء
11/04/2013, 10:36 PM
طيب يا اخوان موتري 2006 ربع هل افك مسمار الثلاجة ماشي الان 190000 الف كيلو
مسمار الثلاجة المطلوبه فكها على مكينة 4700 او 4500
التعـ King ـديل
12/04/2013, 01:54 AM
طيب يا اخوان موتري 2006 ربع هل افك مسمار الثلاجة ماشي الان 190000 الف كيلو
مسمار الثلاجة المطلوبه فكها على مكينة 4700 او 4500
موديلات 2002 - 2006 محركات الفتك 4800
موترك 4500 ماعليه خلاف
فتك08
12/04/2013, 02:28 AM
اخوي نصيحتي لك لاتفكك شي ولاتحوسه
وسالفه المسمار الغوها في من موديل 2007
والكتآوت ركب الاصلي اللي لونه أزرق
الكتاوت الأزرق هو اللي به العيب المصنعي....و لو طلبته الان من الوكالة راح
يعطونك نفسه لكن لونه أخضر و هو يعتبر معدل و متلافى به العيب السابق
المميـز
12/04/2013, 02:18 PM
اخوي نصيحتي لك لاتفكك شي ولاتحوسه
وسالفه المسمار الغوها في من موديل 2007
والكتآوت ركب الاصلي اللي لونه أزرق
مسمار الثلاجه لازال موجود في مكينة الفتك الى موديل 2013
كلها مسمارين وفكها ماياخذ ساعه
كتاوت البنزين لابد تخلي معك واحد اسبير بالسياره
sgl2002
12/04/2013, 03:43 PM
الكتاوت بسيط
انا مره طفى علي بسبب الكتاوت
قمت وفكيت الديكور وحطيت واحد من الكتاوت الموجود بدال حق البنزين واشتغل
التعـ King ـديل
12/04/2013, 04:38 PM
مسمار الثلاجه لازال موجود في مكينة الفتك الى موديل 2013
كلها مسمارين وفكها ماياخذ ساعه
كتاوت البنزين لابد تخلي معك واحد اسبير بالسياره
موجود بس مايطيح مثل الموديلات السابقه انا اقصد انهم عالجو المشكله ولم يلغو المسامير بالمره
ابوسند9
12/04/2013, 09:55 PM
وعليكم السلام
خذ العلم بالنسبه للكتاوت الاخضر الجديد زيه زي الازرق ووضع سليكون من شان الغبار هذا غباء من الوكاله بالسعوديه لانهم هم من نقل لهم اسباب العطل ,,لذا سبب عدم الاشتغال الكربون اللي يتركم على الكتاوت والمفترض ان الواحد ما يشغل حتى تنظفي لمبات الطبلون كامله
لكن لو مستقبلا ما اشتغل عليك افتح السوتش واطرق الكتاوت بمفك طرق خفيف وانت فاتح السوتش وشغل
وبالنسبه للكتاوت الاخضر تعطل على انا وبعض الزملاء والان ملغي الكتاوت وشابكه على طول وله الان يمكن 3 سنوات او اكثر
بالنسبه للمسمار اذا انت تجلد السياره اما انك تغلي المسامير او تلحمها مع وضع غراء لشد المسامير
اما با النسبه لفلتر المكيف وخلط الزيت ,,شكلك تقصد مبرد زيت القير وليس المكيف وهنا نعم صحيح اذا كان الجيب عندك ماشي بحدود 200 الف بدل طبلات الاديتر فوق واسفل وغير بلف الحراره طبعا اذا كان القير عندك اوتو اما اذا قير عادي فما عندك مشكله بخصوص الخلط لكن تبديل الطبلات افضل
وبالنسبه للتربيط ما تحتاج تربيط فقط شوف كراسي المكينه وربلات السياره من اسفل كا الربطات وغيرها
المفيدي
24/04/2013, 10:27 AM
بيض الله وجيهكم جميعاً على هذه المشاركات
كما سأل المولى القدير أن يجمعنا جميعا في مقر رحمته
Powered by vBulletin® Version 4.2.3 Copyright © 2024 vBulletin Solutions, Inc. All rights reserved, TranZ by Almuhajir