من اجمل ماسمعت اذني لوصف الذلول لشاعر الكبير ناصر الفراعنه

[صوح الجبل]

راكــب الـلـي مـــا غذيـنـاهـا عـبــث""بـنـت هــرش ملحـتـه خـمــسٍ ورث





كـنّـهـا تـنـتـل مـــن الــرقّــة جــثــث""لا عطـت مـع صيهـدٍ عقـب الـرغـاب





صيـعـريـة كـــن مرافـضـهـا دمــــاث""كــن حــدر خفـافـهـا مـثــل الـحـثـاث





دقّـهـا المـيـسـم ثـــلاثٍ مـــع ثـــلاث""جوس ترعى في الدِّيَر نوع اغتصاب





سمـحـةٍ لمـصـارع الفـرجـة لـهــوث""لـو تبـي سبـتـك قـبـل يــوم الثـلـوث





جابته ما عـن هـوى الطرقـي نكـوث""لو يريد من اشهب الضيحـة سحـاب





صـيـعـريـة لا رثــيـــث ولا غـثــيــث""مـن علـى عاشـر بطـن مابـه خبـيـث





حـثّـة الرجلـيـن والمـمـشـى حـثـيـث""كنّهـا الـجـاوي عـلـى سـلـك الـربـاب





لا مشـت شـفـت ادهــم الـرقّـه شـلَـح""والحصـا صفقـه مثـل صـفـق المَـلَـح





خطْـر ينبـت فـي قــرى الـجـرة بـلـح""تظهـر المـا اللـي ثمـان سنيـن غـاب





كنـهـا مــن تـحـت تنـهـش بالـرمـاح""سـابـق تسـبـق هـمـاريـق الـسـحـاح





هقوتـي لـو هـي عطـاهـا الله جـنـاح""ان تـسـابـق للـفـضـا جـــن الـتــراب





كــم وكــم روحٍ بـغـت منـهـا تــروح""يــوم طـقّـت خـدهـا مـثــل الـطـمـوح





او كمـا طيـر خفـق مـن راس صـوح""مـن وحـم ظلّـه علـى الكـدري عـذاب





كــن ردن اوبـارهــا خْـــزام وشـيــح""وكـن حــدر عرقوبـهـا قــرم يصـيـح





مـوخــرٍ مـمـلــوح واقْــبــالٍ مـلـيــح""مثـل مـن دقّـوا عـلـى كـفّـه خـضـاب





لا مشـت مـا ناشـت الـرجـل الصِـبَـخ""مثـل قولـة عـلّ مـا فــي الأرض فــخ





اشـهـد انــك يــا ذلــول الـشـط مـــخ""يـوم هبتـي مـن غليـظ الـقـاع هــاب





صيعـريـة لا عـطـت بــأرض دخــاخ""كنّهـا تـطـرد عــن المـزهـب جـخـاخ





مــن غنجـهـا كـبّـر الـراكـب وشــاخ""فــوق غاربـهـا تـقـل يلـقـي خـطــاب





كـن وبرهـا لأنزَعـج ريــش الـفـروخ""وكـن حـمـرا عينـهـا جـمـرة شـيـوخ





وكـــن اعـالـيـهـا مـلـبّـسـةٍ بــجــوخ""او هـنــوفٍ لبّـسـوهـا بـشــت كـــاب





فـي ثنايـاهـا الـرسـن جـالـه صـريـخ""مثـل صيـخٍ صيّخـوا بـه فـوق صيـخ





مـقـدم العثـنـون تـقْـل اقْـبــال شـيــخ""كــبّــر الله دون بــيـــت الله وتـــــاب





صـيـعــريــة كــــــن اذانــيــهــا رزز""او طـواقــي عـسـكـر يــــوم الــلــزز





وكــن بـيـن دفوفـهـا جـحـارة خـــزز""والــروادف كـنـهـا روس الـهـضـاب





تـقـل يــا زيــد مخلـوقـة مــن قـــزاز""يــوم تـبـدي مــع ظـهـر حــزم نـكـاز





او كمـا روس الـمـآذن فــي الحـجـاز""كـنـهـا فـــوق الـسـهـل لـولــب دُلاب





زيـنـة الممـشـى بــلا مـطـرق تـنـوز""لا مــشــت كـنـهــا مـركّـبــةٍ قــــزوز





تسبق اللي مـن غثـا الضولـة يحـوز""خشف ريم جـاه مـن لا صـاب صـاب





لأدبـــرت مـثــل الـنـعـام المستـحـيـز""ولأقـبـلـت تـشـبـه جـنــود الإنـقـلـيـز





الـحـقَـب مـلــزوز والمـحْـقـب لـزيــز""كـنّـهـا لا عـقّــب الــراكــب عــقــاب





رعـيـهـا بـيــن الـزبـايـر والـهـشـش""مـن عـروق سبيـع لـلأرض المِشَـش





مـــا تـغـاذوهـا مـطـرْبـلـة الـعِـشَــش""كـود مطعـمـة القـلـل روس الـحـراب





صيـعـريـة مــــا رعـيـنـاهـا بــــلاش""لـيـن صـلّـع نيّـهـا واطْـلـع وشـــاش





كـود نبغاهـا علـى الطـرقـة هـشـاش""ليـن يقنـع مــن خـبـر نــوت عـقـاب





الـثـفـان مـقـوّسـة مـثــل الــقــروش""او كفـوف البـيـض حانـيـة النـقـوش





مـن بنـات الريـح لا شاشـن تشـوش""لـيـن مــا تـفـرق ذهــاب مــن إيــاب





وقـفـة الـغـارب ولا وقـفـة شـويــش""مــا تـقـول الا احــد ســـادة قـريــش





او كما اللي شاف فوق الراس ريـش""وان تمايـل مثـل مــن يـقـرا الكـتـاب





عيـنـهـا لا حملقـتـهـا عـيــن لــــص""او عـلـى خـاتـم مـلـوك الــدار فــص





او كمـا حـصٍّ لمـع مـن فـوق حـص""مــن تحـتـه مولّعـيـنٍ سـمــر غـــاب





لا عـدت تسبـق مطاليـق الـرصـاص""كنّهـا اللـي فــضّ محـكـومٍ قـصـاص





لا بـــــلاد ولا مـــــلاذ ولا مــنـــاص""طـقّ لـه مــع رقّــةٍ مــا هــي هــزاب





المـنـاكـب كـنّـهـا طـرقــات خـــوص""والشـعَـف كـنّـه مداهـيـل اللـصـوص





بـتـرة الفخـذيـن والساقـيـن عـــوص""كـنّ بيـن الـزور والكـوع الـف بــاب





لا طرقـهـا الـوابـل الغـربـي تـمـيـص""كنّـهـا بـنـت تـبـي فـصـخ القـمـيـص





حالها لأرخى الرسـن حـال القريـص""يـوم نـاظـر مــن تـحـت رجلـيـه داب





تـقْـل يحْـداهـا عـلـى الطُـرقـة شِـطَـط""لا عـطـت خــطٍّ بــلا سـابــق خِـطَــط





مـثــل سـيــل أودع الـــوادي غـطَــط""وكنّهـا مــن جـورهـا تـطـرد ســراب





كــن سـنـام الصيعـريـة يــوم شـــاط""قـبّـة القـصـر الأمـيـري فــي الـربـاط





والخـفـاف تْـقِـلْ كـســرٍّ مـــن بـــلاط""والسفـايـف لأخفـقـت كنْـهـا تـســابّ





بـنـت نـونـيٍّ تـمــوط الـقــاع مـــوط""وكـــن اسافـلـهـا مـقـطّـعـةٍ بــســوط





وان توحّـت صـوت راكبـهـا رخــوط""كـنّـهـا الـلــي شــــاف ديّــانــه ولاب





عنـدهـا قـطـع الـديــار امـــرٍ بـسـيـط""والله يـا لـولا الرسـن ساعـة تشـيـط





ان تـروح مـن الفـزع روحــة مقـيـط""مـيـر هيّـدهـا رسـنـهـا لـيــن شـــاب





يــا نديـبـي ســـر كـمــا حـــرٍّ شـلــع""فـوق حـرّة مــن بـطـن جـيـشٍ طـلـع





مـثــل بـنــتٍ ذبّـــت الـشـيـلـة دلــــع""يـوم تطـوي خرجهـا والكيـف طــاب





سـر وملفـاك الشجـاع بــن الشـجـاع""ابـــن حـامـيــن الـمـهـنّـد والــيــراع





نـجــد لا عـــدّوا طويـلـيـن الــــذراع""مـن سـلايـل روس مـرذيـن الـركـاب





قـل لنجـدٍ مــن قـبـل صــرم الـفـروع""ابـو فـارس مــا قــزاه الـنـوم جــوع





بــس مـوحـي بــالإذن شــيٍّ يـــروع""عــن قلـيـب فـيـه داب بـــدون نـــاب





مــا للـغـزك حــلّ يـالـقـرم الشـجـيـع""غيـر شـيٍّ عجْـز يلـعـب بــه رضـيـع





كــل مــا دقّــوا حـنـك يـقــرع قـريــع""مـن ورا المقفـي تـقـل هابـيـه هــابّ





كــم ولــد هـيـسٍ مــن اسبـابـه نـبـغ""ونجـم بــن لاش مــن اسبـابـه بــزغ





وكــم ولــد حــرٍّ مــن اسبـابـه ولـــغ""صافـحـه شيـبـه وهــو تــوّه شـبـاب





يــــوم قـلّـبـتـه بـمـنـظـور الــدمـــاغ""انقـلـب راســي وطـشّـيـت الـشـمـاغ





وراغ دولاب الـضـلـوع الـعــوج راغ""قلـت هــذا هــو ولا احـسّـب حـسـاب





(اللـسـان) الـيـا نـبـغ قـبــل الـنـبـوغ""عــزّةٍ لـلـي يـصـوغ الـقـول صـــوغ





وذلّــةٍ لـلــي يـبــي طـــقّ الـصــدوغ""يمـسـي بقلـبـه ثــلاث مْـيَـة صــواب





(اللسـان) الـيـا عسـفـت ابـلـغ بلـيـغ""وان تركته يـا ابـن روق افـدغ فديـغ





هــو حـلـول اللـغـز واللقـمـة تـسـيـغ""يــوم تلحقـهـا بجغـمـة مــن شــراب





والـصـلاة اعــداد هـمّــال الـنـصـوب""وعــدّ مــا هـبّـت ذعـاذيـع الـهـبـوب





من حشا قلبـي علـى الحـر القضـوب""احـمـد المخـتـار مـحـشـوم الـجـنـاب

[ابـ معزي ـو]

:
::
::
صـح لـسـانك
ويـعـطـيـك الـعـافـيـه
ولاهـنـت ولاهـان الـجـمـيـع
::
::
:

:)

[صوح الجبل]

صح بدنك ..... وسلمك ربي .... ياخوي الغالي .... ابومعزي ......

[ابوهديل 8]

صح لسانك اخوي صوح الجبل وفعلاً قصيده جميله جداً وانت ماتجيب الاالجميل.

[صوح الجبل]

صح بدنك .... يابوهديل ..... ويخليك ربي ..... آمين

[نقا هشال]

ابو عبدالله

مرحبا ومسهلا

ويعطيك الف عافيه

قصيده رائعه

تسلم

وصح لسان الشاعر

[أبو شعلان]

بسم الله الرحمن الرحيم

ألف شكر لك أخوي صوح الجبل والله يعطيك العافيه ... والبل كل من مدحها أبدع في مدحها ...

وصح لسان الشاعر ناصر الفراعنه



وننتظر المزيد من الجديد ....



,,,,,,,,,,,,,,,,,,,,,,,,, وتقبل تحياتي ,,,,,,,,,,,,,,,,,,,,,,,,,,,

:j

[صوح الجبل]

ياهلا ... وسهلا .... بالغالي.... علينا ..... ابوسعود ...... تقبل محبتي لك
مرحبا .... ومسهلتين ......باخوي .... ابوشعلان .... سلمك ربي ولك من الشكر بمثله واكثر

[المجيدل]

بسم الله

صح لسان الشاعر المذهل المبدع الممتع / ناصر الفراعنه

قصيدة بالفعل مذهله وليست غريبه على الشاعر الكبير

وسلمت اخوي الكريم صوح الجبل .. ومشكور على منقوولك الراائع

ولا تحرمنا من تواصلك

[صوح الجبل]

مرحبتين ومسهلتين ... كبار ..... باخوي .... المجيدل .... مايسرك .... يسرني وانا اخوك ..... تقبل تحيتي لك ومودتي