المساعد الشخصي الرقمي

مشاهدة النسخة كاملة : استفسااار مههمم


صقار قطرر
12/04/2013, 01:05 PM
السلام عليكم اعضاء منتديات مكشات
عندي سؤالين مهمين بالنسبه لي عشان اقتني الطير

عندنا غرفه مافيها شيء وانا مقرر انها للطير ولكن الارض بلاط بس بحط جرايد تحت الطير
عادي ؟ ولا لازم الارض رمل ؟

والسؤال الثاني الايام الي بيكون فيها الطقس معتدل عادي احط الطير برع عند الزرع ؟
ولا ياكله القطو ؟
أبو فااارس
12/04/2013, 02:00 PM
بالنسبه للسؤال الأول لازم تحط رمل إذا الطير ربط لأنه يحتر كفه ويطبق عن وكره يبي يبرد عليه والحاجه الثانيه يعلف على التراب انظف له من الجرايد ويفيده اللي يروح مع العلف لتنظيف معلاف الطير..
وبالنسبه لسؤالك الثاني إذا الغرفه اللي بتربط بها الطير لها مناسم بحيث تدخل عليها الشمس يفضل انك ماتطلع الطير علشان مايتعرض لكسر بريشه لأنه بوقت قرنسه وترى الشمس مفيده جدآ لعظام الطير ومدهنته وتزين نفسيته والقطو انتبه منه يجيب للطير الصيحه وبعضهن تعور الطير..
نجم404
12/04/2013, 02:10 PM
وعليگم السلام ورحمة الله وبرگاته


هلا وغلا ب صقار قطررر


الله يتقبل منا ومنگ صالح الاعمال في هذا اليوم المبارك عطاك العلم ابو فارس
صقار قطرر
12/04/2013, 02:11 PM
بالنسبه للسؤال الأول لازم تحط رمل إذا الطير ربط لأنه يحتر كفه ويطبق عن وكره يبي يبرد عليه والحاجه الثانيه يعلف على التراب انظف له من الجرايد ويفيده اللي يروح مع العلف لتنظيف معلاف الطير..
وبالنسبه لسؤالك الثاني إذا الغرفه اللي بتربط بها الطير لها مناسم بحيث تدخل عليها الشمس يفضل انك ماتطلع الطير علشان مايتعرض لكسر بريشه لأنه بوقت قرنسه وترى الشمس مفيده جدآ لعظام الطير ومدهنته وتزين نفسيته والقطو انتبه منه يجيب للطير الصيحه وبعضهن تعور الطير..


لا اخوي انا ماعندي طير للمقيض
انا اتكلم عن لما يبدا الموسم
والغرفه ماتدخل عليها الشمس للاسف .. هل لازم شمس حتى بعد ماخلص المقيض؟
والطير بيعلف على يدي مب عالجريده لاني باخذه بداية الموسم

وجزاك الله خير اخوي ماقصرت والله
أبو فااارس
12/04/2013, 03:30 PM
مافيها شي دامك بوقت مقناص بس الجرايد وانا اخوك فيها اسماء الله مآنصحك تستخدمها لأن الطير يبي يمرش على الجرايد حط لك فرشه تحت وكر الطير وإذا شفت الجو زين طلعه بالشمس يتفلا ويزين ريشه وماعنده مشكله عند الزرع بس انتبه عليه من النامس او النحل لا يقرصه ويجيب له امراض وجدره اتمنى اني افدتك
صقار قطرر
12/04/2013, 06:48 PM
مشكور اخوي ماقصرت