المساعد الشخصي الرقمي

مشاهدة النسخة كاملة : استفسار واتمنى الاجابه


ابو عيدان ّ
12/04/2013, 10:02 PM
بسم الله الرحمن الرحيم
السلام عليكم ورحمة الله وبركاته
اخباركم يا جماعه ان شاء الله طيبين ؟
انا عندي استفسار صغير ..
اخواني انا طالب وابي اشتري سيارة
وش تنصحوني بسيارة يكون سعرها الى 10 الاف ؟
يعني حدي 10 الاف ؟
ما يهم جيب او غيره ؟
وكيف من ناحية الخرابات ؟
وشكرا
عجااااج
12/04/2013, 11:59 PM
الله يوفقك

ماحبيت ادخل ولا اشارك


بصراحة ما ادري عن اسعار السيارات بهالايام


بس ادخل قسم السيارات لعلك تلقا سيارة بهالمبلغ ون شاء الله ما يغشوك افضل من المعارض
smoker12324
13/04/2013, 12:01 AM
انصحك بالكابريس موديل 2000 او 2001
zzss
13/04/2013, 12:29 AM
لاتقرب السيارات الامريكيه القديمه تشتريها بعشرة الآف وتحط معها مثل قيمة مشتراها
شف السيارات الهونداي الاكسنت ولو موديل قديم شوي أشوفها دارجه وحلوه واقتصاديه يستخدمونها البعض
في أشغالهم ويكدونها كد بشكل يومي وقليل ماتطلب بس احرص على النظيف واستخدمها الين يفرجها
الله عليك والله يوفقك.
ابو عيدان ّ
13/04/2013, 03:16 PM
مشكورين جميعا ..
لكن بالنسبه للكابرس هههههه مجربينها هلكت خالي هلك شاريها وكاله وجاب قيمتها من كثر الخراب
الاكسنت كويسه لكن كم سعرها ؟
وانصحوني بسيارات زياده الله يخليكم ويوفقكم
zzss
13/04/2013, 03:39 PM
ماعندي علم بأسعار الاكسنت لكن يقولون رخيصه ان شاء الله العشره
بتجيب لك شئ نظيف يمشي أمورك.
ذيب الظلمه
13/04/2013, 04:10 PM
الكورلا بعد كويسه
ابو عيدان ّ
13/04/2013, 04:34 PM
ان شاء الله
مشكور اخوي
اخوي ذيب الظلمه الكورلا حلوه ما قلنا شي لكن غاليه ما تجي ب 10 الاف
مشكورين عموما
اللي عنده اقتراحات يقترح
بشير حسن
13/04/2013, 04:57 PM
أخوي بالنسبة للمبلغ اللي عندك ماراح يجيب لك سيارة ماراح تحط فيها أو تعمل صيانه وبعدين في سيارات موديلات 2008 وكذا ومحتاجه الى عملية تصفيه والتصفيه لوحدها بس تحتاج مبلغ لأنه وقت الفحص بالكمبيوتر راح يطلع لك شنو الأسباب فما بالك بالمبلغ اللي عندك أنا ما اقصد شئ بكلامي ولكن بحكم خبرتي أقولك انه راح تلاقي سيارة تمشي الحال وعليك بالاكسنت الموديلات القديمه 2000 - 2003 كذا اتوقع راح تحصل بس أهم شئ محركاتها لاتنظر الى نظافة البودي كثر ماتنظر الى المحركات هذا شئ , الشئ الثاني بالنسبه للكوابرس اللي موديلها من 2000 وفوق هذي الموديلات تعبانه جدا وكثير من الناس يتشكى منها وانا من تجربه كان عند الوالد كابرس 2001 وكاله بس اصبر سنتين أو ثلاث من يمشي 100 ألف كيلو تشوف الخرابات تجيك لأنه بالأصل سيارات أسترالية الصنع أنا لو في محلك لو اشوف كابرس حتى لو موديل قديم بس يكون بخاخ اقصد من موديل 89 - 93 بس يكون عند واحد استخدامه نظيف ومحافظ على الموتر أفضل بمليون مره من الموديلات 2000 وفوق اللي للأسف والمفروض ماتسمى كابرس
sgl2002
13/04/2013, 06:48 PM
ماراح تجيب لك شي

لو قلت ١٥ الف خذ لك اكسنت ٢٠٠٦ وفيها
سيف وقلم
13/04/2013, 07:23 PM
الأكسنت خيار جيد 2004-2003 وفيه إيكو وكذلك صني2001-2002 بس ما أدري عن أسعارها
دحيم الفزعة
13/04/2013, 07:56 PM
عندك الكورلا والتيرسل موديلات أواخر التسعين عمليه وحلوه


والأكسنت 2000 وبعده


والكرسيدا xl موديل 89 وطالع


والكامري 4 سرندل قير عادي موديل 97 ونازل





نصيحه أبتعد عن المكسيما والكابرس موديلات ال 2000
الاسد1965
13/04/2013, 08:04 PM
نصيحتى لك ياولدى اذا تستخدم مسافات عليك بالامريكى اما اذا مسافات قصيرة عليك بالكرولا يابانى اقتصادية اللين ماللة يفتح عليك ويوفقك يايبة
ابو عيدان ّ
13/04/2013, 11:12 PM
جزاكم الله خير والله يرزقكم ويوفقكم ..
اخواني صراحه انا تقريبا يمكن مسافات طويله
نقول المزاحميه , سدير
وابي شي حلو ,, وانا حدي مره بالاخير 10 الاف
zzss
14/04/2013, 12:22 AM
اذا أنت راعي خطوط على كلامك وتبي أمريكي مافيه الا الفكتوريا موديل 95و96و97وغيره لاتدور
وخصوصا ال97 من أفضل الموديلات صنعوه بجوده نادر تلقاها واسأل اللي جربوه سيارة كد شف لك شئ نظيف من الموديلات
اللي ذكرت لك وممكن تلقى بالعشره لأني سمعت انها رخيصه ولاتدقق على البدي أهم شئ شف المحركات والله يسهل امورك.
ابو عيدان ّ
14/04/2013, 12:24 AM
اخوي الغالي حدي سدير وراجع هههههههههه وسدير كلها 150 كيلو تقريبا ويمكن بعد ماروحلها
والله بصراحه انا من عشاق الفورد لكن هل احصل موديل 97 بحدود 10 .. ؟!
zzss
14/04/2013, 12:32 AM
اخوي الغالي حدي سدير وراجع هههههههههه وسدير كلها 150 كيلو تقريبا ويمكن بعد ماروحلها
والله بصراحه انا من عشاق الفورد لكن هل احصل موديل 97 بحدود 10 .. ؟!

شف السوق وممكن تلقى لكن هالموديلات بالذات صبوره وحلوه بصرفية البنزين أقل
من غيرها وقطع غيار متوفره.
ابوخليل200
14/04/2013, 03:04 PM
السﻻم عليكم

الكوروﻻا 97 الى 2000 زينه والقطع حليله
ابو عيدان ّ
15/04/2013, 12:24 AM
مشكورين جميعا وجزاكم الله خير
وجعله الله في موازين حسناتكم ..
عموما اخواني انا بدور ان شاء الله واللي عنده اقتراح او افاده حياه