لاهل الخبره( فزعتكم)

[راداار سدير]

السلام عليكم ورحمه الله وبركاته

انا مشكلتي من سنه ونص مع كلبليتر الباترول 96 والى الحين ماضبط

غيرت اسلاك بواجي +بليتين + اصلاح كلبليتر + بواجي +ليات الهواء ممتازه+طرمبه البنزين جديده + وفي الاخير ركبت كلبليترجديد ياباني ومن اول ماركبته مافيه اي تحسن نفس المشكله

التفته عجزت القى حل لها كانت خفيفه طوال السنه الماضيه

لكن الاسبوع هذا مادري وش جاه علي اذ مشيت يتفتف وينتل واذ كتمت للموتر تقوى التفتفه بشكل يخوف كل مادعست عليه زادت التفتفه والتنتيل ؟؟

ابي احد يفيدني غيرت اشياء كثيره طوال الفتره الماضيه لكن للاسف ماتغير ..

في الاخير عندي سؤال ,

اللي يخبر ورشه في الرياض ممتازه للكلبليتر يفيدني غير( ابوصالح)

هل ممكن تكون من الديلكو ؟ وماهي اعراض خراب الديلكو ؟؟

[ls1.5700]

وعليكم السلام ورحمة الله وبركاته
يسويها الديلكو
واضن المشكله ماهي من الكبليتر
انا اشك في البلوف ياليت لو تشيك عليها يمكن احد البلوف مسكر او يحتاج وزن

[بن جلاجل]

اخوي شيك ع الديلكو وصليبات العمود وكراسي القير تراها تستسبب احيانا في النتل

[ابوخليل200]

السﻻم عليكم

الديلكو وما ادراك ما الديلكوهذي هي افعاله
اوزنه

[عجااااج]

اخي فك غطا الديلكو انت بنفسك تلقا الموزع اللي هو الشاكوش

اما ان تشيل الشلكوش من الصيخ وهو الافضل وحرك الصيخ شف فيه فضاوه التحريك هز


يمين يسار اذا اهتز معناته فيه فضاوه لها جلب احيانا تخرب وهذا يبيله مهندس يسحب


الديلكو ياتغير يا يركب جلد وذا تعرف انت تصقط الديلكو وتعرف للتقسيمه يكون افضل


بس لاتغامر يبيله واحد فاهم لانها تدخلك متاهه اهم شي انك تكشف الخلل وتخلي المختص


يطبق على نظرك


ولك تحياتي

[ابو خالد 111]

اخوي : كانت عندي نفس المشكله ومثلك بالضبط غيرت الكلبريتر ونفس المشكله وديتها للكهربائي قالي بشيك على الكويل ويوم شيك طلعت شرارته ضعيفه وغيرته وغيرت الابلتين ولله الحمد ضبط كل شي
اذا تبي محل كويس لوزن الكلبريتر غير ابو صالح هذا رقمي بعد اذن الاداره / 0532233668