رااعي الصفراا
19/09/2006, 11:08 AM
السلام عليكم ..
القصيده واقعيه تماما وهي سرد لقصه حدثت فعلاً وحاولت ان اسرد القصه كما هي في هذه القصيده وعدم ترك اي هفوات من القصة الواقعيه للحدث ..
طبعا ما يعرف غلا وقيمه الطير عند راعيه الا الصقاره والصيد بالصقور من عادات العرب قديما ..
والقصه والسالفه هي ان اخوي ترك لي طير اسمه (دسمان) بحكم السفر وقال الطير عندك الين ارجع انشاء الله درب الطير واقنص بالطير من جيز الطيور اللي معك وعلف الطير بختصار الطير تحت تصرفك وهذي هي الامانه لكن الطير تاثر بفراق راعيه وما طول حاولت ما اشغل اخوي بخبر وفاة طيره لكن قدر الله وماشاء فعل وبصراحه الموقف هذا اثر فيني انا اكثر من اخوي نفسه لان الامانه عجزت عن حملها الجبال اليكم القصيده بالتفصيل ..
مرثيه طير
اتصال هاتفي
السلام عليكم : وعليكم السلام هلا بك
كيف الحال : يسرك الحال وشلونك ؟
لا طاب طيري طبت بشرني عنه هو طيب ؟!!!
..
يقول دسمان طيّب قلت انا طيّب=والا المصيبه تكذبني وخبيها
يا كنه الطير من فرقاه متاثر=دورات الايام يا مكثر بلاويها
يومين نفسي عن السَجات حارمها=وهمومي اللي تناحيني وناحيها
ينشد وانا قول له لا عاد تنشدني=له عادتةٍ لا بغاها ما يثنيها
قال اكرمه قلت خل الطير واعلومه=الدار من رحَت مالي خاطرٍ فيها
قال الوعد لا بغيتك لا تخليني=لي حاجةٍ يا سعد لازم انقضيها
ودسمان قله وعدنا الجَفن ومنيفه=وعدد لي اديار مدري ويش اساميها
وقول في خاطري يا عزي لحالك=يا صفحه الطير قلي كيف نطويها ؟!
عاد اتصاله وقال الطير وشلونه؟=وقول دسمان نفسه ما يدنّيها
دايم على الصيد له صوله وله جوله=وليا جذبنا ( الحمامه ) ما يدانيها
من علمتك له تعلق بك و جنبني=والا حباراه دسمي ما يخليها
فرخٍ اسبوقه امن الغارات قطعها=يمناه دايم من ( اللبه ) امحنيها
فرخٍ تعلم اعلومك ماخذٍ طبعك=وله نظرةٍ لا فزع ما عاد يمديها
تم اتصاله وقال الصبح بشرني=ولا ادري اجروح صدري كيف اداويها
مَعّ شقه النور نفسي فيه محتاره=وعن قامه الطير مدري وين اوديها
ولا طرا كود شطر لخالد الفيصل=عذبات الأيام ما تمدي لياليها) )
يا كنه الصبح ليلٍ مظلمٍ عابس=وهموم صدري تباريني وباريها
احترت في هامته وشلون بدفنها=اخاف عن واطي الاقدام تاطيها
جيت الرفاعه مقامه ذرب الافعالي=رجلي على شانه المدمي امعنيها
حفرت له قبر واثر الدمع ما يرحم=عيني لفرقاه غنت بي غوانيها
حولت دسمان وسط القبر وسمي=بسم الله اللي دوا الغمه وجاليها
وقول يا الله نفسي لا تعذبها=نفسي من العام فيها اللي يكفيها
وسط الثرا هامته وضم جنحانه=وسن راسه على القبله امقديها
وادفنه عقب المعزه والمحنيه=روحه دعاها وليها بمر باريها
قفيت روحي معه والقلب يدعي له=ومشكاي لله باولها و تاليها
وطا على جرح بالمعلوق و كنه=اخاف لا الناس تكثر بي حكاويها
يومين وهموم صدري كدرت بالي=وبنات الافكار في دسمان مشقيها
العي لفرقاه والدمعه على خدي=وشب نار الغظا بالصدر واطفيها
قفيت وادري البكا ما يِـِرجع الميت=لكَن الايام جعل الله يجازيها
ازريت اكف الدمع يوم المح البرقع=والوكر والدس من حبي لراعيها
واذكر ليالٍ مضت عييت لنساها=روحاتنا دايمٍ فعله امحليها
ولا ادري الا اتصال الوافي النادر=ويا كلمةٍ بالصدر عييت لبديها
يقول وش فيك ؟ ما علمتني اعلومك=وقول في خاطري ( الله يعديها )
(سكت) والصوت زينته على شانه=اخاف لا جيب عاليها بواطيها
قال :انت يا بوك والله منت عاجبني=لك مدةٍ يا عهود الوصل ناسيها
قلت الفناجيل تشكي والنجر يشكي=حتى المعاميل تشكي اغياب غاليها
قال :احمد الله خلصنا والوعد قرب=ويا ديره الغـَرب ضاقت بي مبانيها
وقول يا مرحبا يا مبري العله=ياللي له الروح بايعها وشاريها
لا زله اسبوع كود بموعده يوفي=والطايره بالوعد عادت لراضيها
السلاااام عليكم
ارحب .. يا الله حيه
..
هلا وعليكم السلام
لك البقا
..
وشلونك طال عمرك بشرني عنك
يا مرحبا والله ومسهلا
المرحب باقي
بخير بشرني عنك ..؟
هاااا عسى دسمان نومسك عينت شي .. ؟
لا جينا المجلس علمتك بالعلوم احياك معي
في زحمه الناس ارحب به وهلي به=في ساعه الروح تشكي حر صاليها
حست السوالف وعودّنا على الديره=وبعض السوالف فلا ودي اطريها
يحدني له وانا ضّــــــــيعت سالفته= حست المدينه وتاهت بي حواريها
عدنا وشاف الوكر طايح على جنبه=نفسي وانا شاهده منهو يعزيها ..؟!
لحظه تمنيت موتي حان ساعتها=ما ينس النار كود اللي وقع فيها
يقول دسمان وينه قلت لا تسأل=العين تنبيك يا مفسر معانيها
يفداك دسمان وابشر بالعوض غيره=و لو تنهدا الروح لك يا سحيم لهديها
والموت يا سحيم حق وغيرك مَعلم=لا شك حكم الخلايق عند واليها
وسلامتكم
والله رزقنا بطير ولله الحمد بنفس مواري طيرنا الاول وكان لقبه او الاسم (دسمان) قال الله تعالى ( وعسى ان تكرهو شي وهو خير لكم )..
اسف على الاطاله
تمت
سعد ال قشعم الهاجري
القصيده واقعيه تماما وهي سرد لقصه حدثت فعلاً وحاولت ان اسرد القصه كما هي في هذه القصيده وعدم ترك اي هفوات من القصة الواقعيه للحدث ..
طبعا ما يعرف غلا وقيمه الطير عند راعيه الا الصقاره والصيد بالصقور من عادات العرب قديما ..
والقصه والسالفه هي ان اخوي ترك لي طير اسمه (دسمان) بحكم السفر وقال الطير عندك الين ارجع انشاء الله درب الطير واقنص بالطير من جيز الطيور اللي معك وعلف الطير بختصار الطير تحت تصرفك وهذي هي الامانه لكن الطير تاثر بفراق راعيه وما طول حاولت ما اشغل اخوي بخبر وفاة طيره لكن قدر الله وماشاء فعل وبصراحه الموقف هذا اثر فيني انا اكثر من اخوي نفسه لان الامانه عجزت عن حملها الجبال اليكم القصيده بالتفصيل ..
مرثيه طير
اتصال هاتفي
السلام عليكم : وعليكم السلام هلا بك
كيف الحال : يسرك الحال وشلونك ؟
لا طاب طيري طبت بشرني عنه هو طيب ؟!!!
..
يقول دسمان طيّب قلت انا طيّب=والا المصيبه تكذبني وخبيها
يا كنه الطير من فرقاه متاثر=دورات الايام يا مكثر بلاويها
يومين نفسي عن السَجات حارمها=وهمومي اللي تناحيني وناحيها
ينشد وانا قول له لا عاد تنشدني=له عادتةٍ لا بغاها ما يثنيها
قال اكرمه قلت خل الطير واعلومه=الدار من رحَت مالي خاطرٍ فيها
قال الوعد لا بغيتك لا تخليني=لي حاجةٍ يا سعد لازم انقضيها
ودسمان قله وعدنا الجَفن ومنيفه=وعدد لي اديار مدري ويش اساميها
وقول في خاطري يا عزي لحالك=يا صفحه الطير قلي كيف نطويها ؟!
عاد اتصاله وقال الطير وشلونه؟=وقول دسمان نفسه ما يدنّيها
دايم على الصيد له صوله وله جوله=وليا جذبنا ( الحمامه ) ما يدانيها
من علمتك له تعلق بك و جنبني=والا حباراه دسمي ما يخليها
فرخٍ اسبوقه امن الغارات قطعها=يمناه دايم من ( اللبه ) امحنيها
فرخٍ تعلم اعلومك ماخذٍ طبعك=وله نظرةٍ لا فزع ما عاد يمديها
تم اتصاله وقال الصبح بشرني=ولا ادري اجروح صدري كيف اداويها
مَعّ شقه النور نفسي فيه محتاره=وعن قامه الطير مدري وين اوديها
ولا طرا كود شطر لخالد الفيصل=عذبات الأيام ما تمدي لياليها) )
يا كنه الصبح ليلٍ مظلمٍ عابس=وهموم صدري تباريني وباريها
احترت في هامته وشلون بدفنها=اخاف عن واطي الاقدام تاطيها
جيت الرفاعه مقامه ذرب الافعالي=رجلي على شانه المدمي امعنيها
حفرت له قبر واثر الدمع ما يرحم=عيني لفرقاه غنت بي غوانيها
حولت دسمان وسط القبر وسمي=بسم الله اللي دوا الغمه وجاليها
وقول يا الله نفسي لا تعذبها=نفسي من العام فيها اللي يكفيها
وسط الثرا هامته وضم جنحانه=وسن راسه على القبله امقديها
وادفنه عقب المعزه والمحنيه=روحه دعاها وليها بمر باريها
قفيت روحي معه والقلب يدعي له=ومشكاي لله باولها و تاليها
وطا على جرح بالمعلوق و كنه=اخاف لا الناس تكثر بي حكاويها
يومين وهموم صدري كدرت بالي=وبنات الافكار في دسمان مشقيها
العي لفرقاه والدمعه على خدي=وشب نار الغظا بالصدر واطفيها
قفيت وادري البكا ما يِـِرجع الميت=لكَن الايام جعل الله يجازيها
ازريت اكف الدمع يوم المح البرقع=والوكر والدس من حبي لراعيها
واذكر ليالٍ مضت عييت لنساها=روحاتنا دايمٍ فعله امحليها
ولا ادري الا اتصال الوافي النادر=ويا كلمةٍ بالصدر عييت لبديها
يقول وش فيك ؟ ما علمتني اعلومك=وقول في خاطري ( الله يعديها )
(سكت) والصوت زينته على شانه=اخاف لا جيب عاليها بواطيها
قال :انت يا بوك والله منت عاجبني=لك مدةٍ يا عهود الوصل ناسيها
قلت الفناجيل تشكي والنجر يشكي=حتى المعاميل تشكي اغياب غاليها
قال :احمد الله خلصنا والوعد قرب=ويا ديره الغـَرب ضاقت بي مبانيها
وقول يا مرحبا يا مبري العله=ياللي له الروح بايعها وشاريها
لا زله اسبوع كود بموعده يوفي=والطايره بالوعد عادت لراضيها
السلاااام عليكم
ارحب .. يا الله حيه
..
هلا وعليكم السلام
لك البقا
..
وشلونك طال عمرك بشرني عنك
يا مرحبا والله ومسهلا
المرحب باقي
بخير بشرني عنك ..؟
هاااا عسى دسمان نومسك عينت شي .. ؟
لا جينا المجلس علمتك بالعلوم احياك معي
في زحمه الناس ارحب به وهلي به=في ساعه الروح تشكي حر صاليها
حست السوالف وعودّنا على الديره=وبعض السوالف فلا ودي اطريها
يحدني له وانا ضّــــــــيعت سالفته= حست المدينه وتاهت بي حواريها
عدنا وشاف الوكر طايح على جنبه=نفسي وانا شاهده منهو يعزيها ..؟!
لحظه تمنيت موتي حان ساعتها=ما ينس النار كود اللي وقع فيها
يقول دسمان وينه قلت لا تسأل=العين تنبيك يا مفسر معانيها
يفداك دسمان وابشر بالعوض غيره=و لو تنهدا الروح لك يا سحيم لهديها
والموت يا سحيم حق وغيرك مَعلم=لا شك حكم الخلايق عند واليها
وسلامتكم
والله رزقنا بطير ولله الحمد بنفس مواري طيرنا الاول وكان لقبه او الاسم (دسمان) قال الله تعالى ( وعسى ان تكرهو شي وهو خير لكم )..
اسف على الاطاله
تمت
سعد ال قشعم الهاجري