المساعد الشخصي الرقمي

مشاهدة النسخة كاملة : سالفة الطلعه اللي طلعت بطاعونه (النبهاني )


النبهاني
15/04/2013, 03:14 PM
بسم الله الرحمن الرحيم
السلام عليكم ورحمة الله وبركاته
ومساكم وصبحكم بالخيرات
مرةٍ قابلت رفيق لي قديم ومعه واحد قريب له اعرفه ولكن مالي معه علاقه قويه وعقب وشلونك عساك طيب كيف حالك وشلونك وش اخبارك عساك بخير ....... !!!
قلت يابو فلان ابي اجيب لي حميمات نتعشاهن بالمكان الفلاني براد وشرح القعده به ترد الروح قال قريبه خلاص العزبه هذاه توحيكم وجاهزه وانا اللي ابحوف العشاء ولا احد يلمسه
قلت بيض الله وجهك اجل انا ابجيب الحميمات والكشنه والرز مغسول
واتفقنا على كذا وطلعنا بعد المغرب على موعدنا
يوم وصلنا الرجال نزل العزبه وسوى القهوه ابن الحلال وقعدنا نتقهوى وبعد شوي ولع الدافور وقال لي عطنا الكشنه وعطيته الكشنه والحميمات وشوي يابو فلان صب لي ماء قلت طيب صبيت له ماء وقعدت ابي اسولف مع رفيقي يوم دريت والاه يقول يابو فلان عطن الرز وانا صااااااااااااابر .. وبيني وبين نفسي اقول لعادة على طلعة معك وكلام ماينقال ..... بغيت اشوته واكمّل العشاء بس ياولد اصبر وتجمل علشان رفيقك
المهم انه كل شوي منادينن هات هذا ود هذا وانا طاق ودي ادفس راسه بقدره الكاتم واطبق عليه ووش الدافور .. ماصار عشا صار غثا
مالكم بالطويله نجض عشانا وانكبه وتعشينا والحق يقال كبسته حلوه بس طلعت بطاعونه قبل ما اذوقه
واللي خلان اتحمله لين يقضي العشاء رفيقي استحيت منه وقدرته وهو يعرف طبعه لاننا نتناظر ونتباسم وبعد لان الطلعه قده وزت وصارت وهي الاوله والاخيره مع هالآدمي ما دمت حيا 0
انتهت السالفه غفر الله لي ولكم 0


محبكم
النبهاني
قوافي ( أم نهار )
15/04/2013, 03:51 PM
عليكم السلام ورحمة الله وبركاته
حيا الله اخوي ابو سالم
الف مبروك التميز وان شاء الله المزيد من التقدم
http://www.iraqnaa.com/ico/image2/f/n/ros068.gif
،،،،،،،،،،،،،،،،،،،
طلعت الطلعه بمرhttp://www.msnxmsn.com/up/uploads/images/msn-4245b80201.gif (http://www.s7rny.com/vb)
المشكله لين صار صديق انت مجبر تحمل..
ذكرتني بمعلمة التدبير ،مره تجملت و سويت نفسي قرما وكنها ما صدقت على الله ،،كل حصة طبخ :
ياقوافي اغسلي الاطباق والحلل ،يعني الصحون والقدور وانا أغسل ..
كل طقه بتعلومه ..
الله يوسع صدرك بالعافيه مشكور ..
دمت بحفظ الله
تحياتي وتقديري واحترامي
..قوافي..
راعي العجراء
15/04/2013, 07:23 PM
هلا وغلا يابو سالم
يالله حيوه
هذا ماقصر صلح عشاكم لو قال هات وخذ
اما لو هو انا اقول يابو سالم قطع البصل والطماط وحطه بالقدر وحط الملح وشف هو ماحترق حركه زين
وهات الماء وصبه وكب الرز واقصر على النار كل هذا وانا متركي واذا خلص العشاء قلت هات الصحن وحط الكبسه بالصحن وفل السماط وقطع بصل واذا خلص قلت هه عسى كبستي زينه
والتيجه حلوه السالفه يابوسالم
متى تعزمنا ترانا جاهزين كل اللي بالخيمه
مع السلامه
وانت الصادق
15/04/2013, 10:41 PM
ذكرتني بصاحب لي
الكشتة معه مثل اللي ماخذ دورة مكثفة عند ميكانيكي الطلبات ما تنقطع عطني الزرادية ناولني مفتاح عشرة جب السبانة ادعس ابنص .... وهكذا
عنده (الانا ) متضخمة وكأنه طبيب جراح مجرد ما يفرد يده ليتراكض المساعدون بوضع المشارط والمباضع بين يديه ..
ومن يوم نقول بسم الله ونبدأ في الاكل وهو يتسائل بين الفينة واختها .. بالله وش رايك في الطبخة ..هه .. وش تقول يابو فلان ...
وقبيل ان ينهض لا بد ان يختم بلزمته الشهيرة يا الله عاد انا طبخت انتم ضفوا الصحن ..
كنا نسميه ( شيريا المنان ) على وزن ( شيريا الأشاش ) لمن يتذكر المعلق الرياضي اكرم صالح رحمه الله ...
وحيد قلاسكو
16/04/2013, 12:41 PM
هههههههههههههه ذكرتني بشايب من شيباننا الله يرحمه ........<معروف للجميع انه يحب يأمر اذاقعد باي مكان لالالالالالالالالازم يشوف له شي يأمر به> واحد قال لخويه عطني ذا ولاعليك امر ..رد عليه خويه قال له الامر حصل لكن قل ولا تهون :D:D
ذيب الفقارة
16/04/2013, 06:44 PM
بسم الله الرحمن الرحيم

عليكم السلام ورحمة الله وبركاته

مساء الخير أبو سالم

ومبروك التميز وها الوسام اللي ما يليق ألا بك يا الغالي

......................

هههههههههههههههههههههههههههههههههههههههههههههههههه ه

والله أني حصل معي نفس الموقف تقريبا لكن صاحبي كان أحسن من خويك :

كان يقول :

الله لا يهينك ناولني الملعقة

الله لا يهينك يا بو عدنان عطني السمن

الله لا بهينك عطني الماء

شوف الأخلاق والادب

تحياتي
تبرق وترعد
17/04/2013, 09:19 AM
هههههههههههههههههههههههانا محب كشتة الناس احب الحالي استانس اكثر
النبهاني
19/04/2013, 01:57 PM
عليكم السلام ورحمة الله وبركاته

حيا الله اخوي ابو سالم
الف مبروك التميز وان شاء الله المزيد من التقدم
http://www.iraqnaa.com/ico/image2/f/n/ros068.gif
،،،،،،،،،،،،،،،،،،،
طلعت الطلعه بمرhttp://www.msnxmsn.com/up/uploads/images/msn-4245b80201.gif (http://www.s7rny.com/vb)
المشكله لين صار صديق انت مجبر تحمل..
ذكرتني بمعلمة التدبير ،مره تجملت و سويت نفسي قرما وكنها ما صدقت على الله ،،كل حصة طبخ :
ياقوافي اغسلي الاطباق والحلل ،يعني الصحون والقدور وانا أغسل ..
كل طقه بتعلومه ..
الله يوسع صدرك بالعافيه مشكور ..
دمت بحفظ الله
تحياتي وتقديري واحترامي

..قوافي..




هلا ومرحبا بقوافي
وبارك الله فيك يامعلمه
عز الله انه حط بالطلعه علقم الله يستر علينا وعليه وعلى كل مسلم
وهذي استغلاليه لكن الأسف انه معلمه
كل الشكر والتقدير لايكفي لكي يا أخيه
النبهاني
19/04/2013, 02:02 PM
هلا وغلا يابو سالم



يالله حيوه
هذا ماقصر صلح عشاكم لو قال هات وخذ
اما لو هو انا اقول يابو سالم قطع البصل والطماط وحطه بالقدر وحط الملح وشف هو ماحترق حركه زين
وهات الماء وصبه وكب الرز واقصر على النار كل هذا وانا متركي واذا خلص العشاء قلت هات الصحن وحط الكبسه بالصحن وفل السماط وقطع بصل واذا خلص قلت هه عسى كبستي زينه
والتيجه حلوه السالفه يابوسالم
متى تعزمنا ترانا جاهزين كل اللي بالخيمه


مع السلامه




يا مية اهلا وسهلا ياراعي العجراء
عز الله انه ما قصر بالغثاء كبه كب
ام لو هو انت كان الطلعه عسل وحلا وطرا
متى تعزمنا ترانا جاهزين كل اللي بالخيمه


بس انت اجزم وانا موجود مقيم وعلى ماء
تشرفت بحضورك حبيبي
النبهاني
19/04/2013, 02:10 PM
ذكرتني بصاحب لي
الكشتة معه مثل اللي ماخذ دورة مكثفة عند ميكانيكي الطلبات ما تنقطع عطني الزرادية ناولني مفتاح عشرة جب السبانة ادعس ابنص .... وهكذا
عنده (الانا ) متضخمة وكأنه طبيب جراح مجرد ما يفرد يده ليتراكض المساعدون بوضع المشارط والمباضع بين يديه ..
ومن يوم نقول بسم الله ونبدأ في الاكل وهو يتسائل بين الفينة واختها .. بالله وش رايك في الطبخة ..هه .. وش تقول يابو فلان ...
وقبيل ان ينهض لا بد ان يختم بلزمته الشهيرة يا الله عاد انا طبخت انتم ضفوا الصحن ..
كنا نسميه ( شيريا المنان ) على وزن ( شيريا الأشاش ) لمن يتذكر المعلق الرياضي اكرم صالح رحمه الله ...





وانت الصادق يالله حيوه
من كذا جاء اسم البلاوي والله يعين كل مبلي ببلواه
ذكرتني باكرم صالح وتعليقه كان يثري التعليق بالمعلومات عن اللاعب
ماهو مثل بعض المعلقين هالحين خوض ونكث
شاكر تشريفك اخوي
نوْرس
19/04/2013, 07:57 PM
النشبة على ماقالوا على أصولها ...

أهم شيء تعيشتوا وعينتوا خير ..>> الأخ جيعان :D
خوي مخباته
21/04/2013, 01:08 AM
هلا وســـــــــــــلا من هنا الى الدهنا بلحبيب الغالى ابوســـــــــــــــــالم "" النبهــــــــــــاني "" الله يبارك بك ويرضى عليك ماقصرت سالفه حلوة واخذنا معها سجــــــات اقول عزالله انــــــــــــــــــــــــك صبووووورًر وبعيـــــــــــــر شمال { يااباســــــــــــــالم } لهو انا طيرت الحميمات البسيبيســــــــــــات ولوانهن قد نجضًنّ وزاهبات للاكل ؟؟؟!!!! من الحمق الله يكافي , ترى بعض الناس والله مايستحس مايدري الدنيا غيم والا صحو
مشكووووووووووووووووررر سلمت و دمت ولا ندمت
............................................. تحياتي لك وتقديري .................................................. ...
ابو صفوق
23/04/2013, 05:08 PM
الف مبروك ياغالي التميز
طاعونين ياشين اللي كذا يكرهك قعدته حتى لوانه عزيز عليك
اشكرك ياغالي
ابو صفوق
النبهاني
23/04/2013, 09:10 PM
هههههههههههههه ذكرتني بشايب من شيباننا الله يرحمه ........<معروف للجميع انه يحب يأمر اذاقعد باي مكان لالالالالالالالالازم يشوف له شي يأمر به> واحد قال لخويه عطني ذا ولاعليك امر ..رد عليه خويه قال له الامر حصل لكن قل ولا تهون :D:D



هلا بك يا وحيد
والله يسعد ايامك
والله ياخوك اعتقد ما به تلطيف اذا كان اللي فيه طبع
شاكر لك الحضور الجميل
النبهاني
23/04/2013, 09:35 PM
بسم الله الرحمن الرحيم


عليكم السلام ورحمة الله وبركاته


مساء الخير أبو سالم


ومبروك التميز وها الوسام اللي ما يليق ألا بك يا الغالي


......................


هههههههههههههههههههههههههههههههههههههههههههههههههه ه


والله أني حصل معي نفس الموقف تقريبا لكن صاحبي كان أحسن من خويك :


كان يقول :


الله لا يهينك ناولني الملعقة


الله لا يهينك يا بو عدنان عطني السمن


الله لا بهينك عطني الماء


شوف الأخلاق والادب



تحياتي




هلا وغلا بالغالي ذيبان
الله يسعد ايامك يابو عدنان ويبارك لك بعمرك اخوي
ليت الاخلاق تسلم من خويك
اجل ربعه واجد الله يعين على هالنمونه
بس تدري والله اني اغبطهم على وسع صدورهم
تشرفت بحضورك يابو عدنان لاخلا ولاعدم
النبهاني
23/04/2013, 09:37 PM
هههههههههههههههههههههههانا محب كشتة الناس احب الحالي استانس اكثر



حياك الله تبرق وترعد
الله يسعدك اخوي
في بعض الاحيان والله ما الومك
شاكر حضورك الطيب
ناصر العلي
03/05/2013, 01:28 AM
وعليكم السلام ورحمة الله وبركاته
سلمت ياأبوسالم
أما طلعت بطاعونه..طالعة من القلب:D
لا بالله ماقصر
ياليتنا من طبخك سالمين
سبحان الله فيه ناس كذا يحب يومّر مايمديك تقعد وتواسا إلى إلا ملحّقك بالطلب اللي بعده وهكذا لو الحاجة جنبه
لكن من حسن حظك الجو ماهوب براد وإلا كان علوم
والحمد لله بعد إن الطبخة طلعت زينة
عاد تخيل لو صار العكس
كان
زودن مع الحمى مريرة
تحياتي يالغالي
النبهاني
04/05/2013, 10:37 AM
حبايبي الغالين
نورس
خوي مخباته
ابو صفوق
دكتورنا ابو علي
تشرفت بحضوركم
وسعدت والله بوجودكم
لاخلا ولاعدم
ابن فهدالشمري
04/05/2013, 11:51 AM
الله يسعدك يا لذيب

أكثر شي يرفع ضغطك لا جاك واحد من ها النوعيه يكرهك بالطلعه ولو تتوفر فيها كل ما تتمناه بيخرب جوك

حدث لي مثل موقفك لكن انا فترة الحج وماهو واحد لا والله اثنين بس يالله لك الحمد قدرت امسك نفس واعديها

ومثل ما قلت هي الاوله والاخيره مع ها الاوادم
تلميذ
19/05/2013, 05:56 AM
ا شتاق كثيرأ لخيمه السواليف ليس حبًا فيها بل لمن هم فيها
اسعد الله اوقاتك بكل خير ايها الاخ القدير النبهاني
نصادف كثيرا من الاشخاص الغثيثن وليس امامك سوى حلين اما الصبر او التصريف
وكل كشته وانت بخير وبعيدعن اللي يغثونك
حفظك الرحمن
النبهاني
21/05/2013, 10:07 PM
الله يسعدك يا لذيب



أكثر شي يرفع ضغطك لا جاك واحد من ها النوعيه يكرهك بالطلعه ولو تتوفر فيها كل ما تتمناه بيخرب جوك


حدث لي مثل موقفك لكن انا فترة الحج وماهو واحد لا والله اثنين بس يالله لك الحمد قدرت امسك نفس واعديها


ومثل ما قلت هي الاوله والاخيره مع ها الاوادم




حيا الله ابن فهد الشمري
الله يسعدك وسلمت لاهنت
هذا هو ياخوي الزين مايكمل
والحمد لله انك مسكت نفسك ولا خربت حجك
اشكرك على الحضور المشرف
النبهاني
21/05/2013, 10:13 PM
ا شتاق كثيرأ لخيمه السواليف ليس حبًا فيها بل لمن هم فيها

اسعد الله اوقاتك بكل خير ايها الاخ القدير النبهاني
نصادف كثيرا من الاشخاص الغثيثن وليس امامك سوى حلين اما الصبر او التصريف
وكل كشته وانت بخير وبعيدعن اللي يغثونك

حفظك الرحمن




ياهلااااااااااااااااا ويامرحبااااااااااااااااا باستاذي تلميذ
والله اشتقنا لك ولتواجدك معنا
ولا تعود له تتركنا.. تراك ما انت رخيص .. تراك غالي وغالي بلحيل
صدقت يالغالي الى حدت ووصلت ما ينفع الا التصريف
اشكرك على الحضور اللي اسعدني ويشهد الله علي
دمت ودامت لك المسرات