المساعد الشخصي الرقمي

مشاهدة النسخة كاملة : محتار في تزويد الكرفان بالكهرباء


وسيع الصدرر
16/04/2013, 03:39 AM
اهلين بالشباب يسعدني مشاركتكم بالموضوع الحكايه عندي كرفان متنقل وابنتهي من العمل عليه قريب جدآ لاكن واجهت مشكلت الكهرب لاني ابي اشغل فيه مكيف سبلت حجمه وسط وثلاجه ومكرويف وعددو14 نجفات صغيره الحجم مع شواحن الجوالات وغيره واجهت مشاكل واحترت لاني ابي كهرب طول الرحله هل استخدم المواطير المعتاده لاكن مشكله الصوت وكثره الخرابات والحجم وبنفس الوقت ماادري وش الي يناسبني لاني ماابي وزن زايد بالكرفان حقيقه حيره ياليت اهل الخبره يفيدوني بالامر واخر شي اليوم مرت من جنبي دينا ثلاجه هل المكيف الي مركب فيها يضبط بالكرفان ارجو الافاده
no fear 78
16/04/2013, 09:48 AM
مرحبتين اخوي اقترح تاخذلك جنريترين هوندا الصامته بقوة 3000 وات تفي بالغرض
وحده حق المكيف و الثانيه حق الاشياء الثانية مميزتها ما فيها صوت اقتصادية خفيفه و صغيرة الحجم
الجو انبي افاديتك و بتوفيق
وسيع الصدرر
16/04/2013, 12:15 PM
مشكور اخوي وين احصلهن بالقصيم او الرياض والمواطير بشكل عام وين تباع بالقصيم والرياض
محترف8800
16/04/2013, 04:33 PM
اقترح عليك تحط طاقه شمسيه للنجفات و الثلاجه لتحافظ على الهدوء و توفر الماطور و البنزين

& اما بالنسبه للمكيف تحط له ماطور خاص له لأنه مهب دايم شغال و بهذه الطريقه تكون وفرت البنزين و الاهم الهدوء و خرابات الماطور اذا كان عليه ظغط ما تنتهي خرابته
عيب الطاقه الشمسيه مكلفه ماديا و ميزتها ما فيه صوت ولا وقود ولا خراب والله اعلم
وسيع الصدرر
16/04/2013, 09:30 PM
تسلم ياحبيلك على المشاركه الثلاجه لقيت حلها اليوم حصلت ثلاجه غاز تشتغل على دبه غاز حده حدود ال15 يوم بقا عندي المكيف والنجفات وهاذي حلها بالماطور بس مادري وين وكلا المواطير مثل روبن وغيره ابي احد يدلني عليهم ببريده او الرياض
ابوتميم1
17/04/2013, 12:43 AM
الله يهنيك بالكرفان ويمتعك فية ..
واذا ماعليك امر .. لوسمحت ممكن صورة للثلاجة اللي لقيتها تشتغل على الغاز ،،
وإذا فيه إمكانية اسم ورقم المحل اللي يبيعها !
راضي البري
17/04/2013, 10:31 AM
مثل ماقالو الاخوان الافضل تستخدم الشمسية للانارة والشواحن والتلفزيون ويمكن مكيف صحراوي
اما المكيفات تحتاج ماطور
دايم الخير
17/04/2013, 01:02 PM
حياك الله اخوي

استخدم طاقة شمسية مع بطارية لاتقل عن 200 أمبير ، لتخزين الطاقة لأن لو صادف الجو غيوم يومين أو ترسبات الغبار ممكن ما تعطيك الطاقه الشمسية الطاقه المناسبة لذلك لابد من سعة التخزين المناسبة .

المكيف يعمل بالصيف ، البطارية مع الطاقه الشمسية كافيه للتشغيلات المذكورة .

القيمة المتوقعه 3000 ريال

لأنك تحتاج الواح شمسية ما تقل عن 200 واط بالإضافة للبطارية 200 أمبير، ايضا تحتاج منظم كهرباء، وكذلك تحتاج لمحول كهرباء من DC إلى AC

وهي اوفر من الماطور واستهلاكه للوقود وماشكل صيانته

لك خالص التقدير
وسيع الصدرر
19/04/2013, 12:37 AM
الحبيب الي يسئل عن الثلاجه هذي تلقاها عند محلات الاجهزه الي بسوق الداخلي ببريده مقابل مركز الهيئه
اشكر كل من شارك بس ياخوان مادليتوني لا على اماكن بيع المواطير ولا الطاقه الشمسيه
سامي 3000
19/04/2013, 02:30 AM
يوجد محول .. وكذلك لوح طاقة شمسية للبيع

http://mekshat.com/vb/showthread.php?t=573925