المساعد الشخصي الرقمي

مشاهدة النسخة كاملة : علموني اشتري بنلي او برتا


الباهي
19/09/2006, 05:41 PM
السلام عليكم ورحمه الله وبركاته

ارجو من اهل المعرفه والمجربين ينصحوني

لاني ابي لي شوزن ولا نيب داري اخذ

بنلي سوبر بلاك ايجل

او برتا اكستريم 2

ماهو الافضل من النوعين من جميع النواحي ارجو افادتي وشكرا

وللمعلوميه تراي من عشاق البلجيك القديم وابي اغير

اخوكم
الباهي
عاشق النحم
19/09/2006, 06:54 PM
السلام عليكم ورحمة الله وبركاته حيا الله اخوي الباهي
بشر عنك الله يسلمك

والله فيه مواضيع مقارنه كثيره بين السوبر والاكستريما2
حاول تستفيد منها

,,,,,,,,,,,,,,,,,,,,,,,,,,,و
ولو اني اميل الى السوبر واختارها الافضل بالنسبه لي
(سوبر بانلي)
19/09/2006, 07:16 PM
السلام عليكم اخوي الباهي بالنسبه للمقارنه بين السوبر والبرتا
انا لافضل عندي( السوبر بانلي) لان سرعه رميها افضل من البرتا والرجف السوبر اخف من رجف البرتا
واخف وزن من البرتا
الباهي
19/09/2006, 07:17 PM
هلا بك والله يالغالي

ابشرك طيب وبخير انت وشلونك عساك طيب

بالنسبه لي المواضيع واجده وتفر الراس لكني ابي احد قد جربها تجربه شخصيه

شاكر لك اخوي وتسلم
ارجو ان لاتبخلو علي بالمعلومه

تراى عندك خطا مطبعي السلام صارت( السام )
تقبل تحيات
محبك
الباهي
الباهي
19/09/2006, 07:20 PM
شكرا لك اخوي سوبر بنلي
اكيد بتقول البنلي واضح من اسمك ههههه
عموما اي موديل افضل البلاك او القولد
شاكرلك مشاركتك القيمه
اخوك
الباهي
sal7
19/09/2006, 07:35 PM
هلا أخوي أنت محصل البريتا يا ليت تعلمني قبل
أذا محصل علمني وإذا ما بعد دورت برضو علمني
بسرعه
الباهي
19/09/2006, 08:10 PM
هلا والله بك
لا والله مابعد دورتها بس اذا عزمت عليها اجيبها تراها قريبه
بس انت قلي وش احسن
sal7
19/09/2006, 08:23 PM
إذا ما دورت خذ سوبر بلاك لانها متوفره

اما إذا تبي بندق صح بس تبي تتعب وانت تدورها الاكستريما 2
و إذا حولك و كثار أذكرها لي أو إذا ما بغيتها :)
عجرم
19/09/2006, 08:56 PM
وعليكم السلام ورحمة الله وبركاته
الحمد لله على سلامتك http://www.3rbe.com/smiles/data/13/3rbe.com_099.gif (http://www.3rbe.com)
لو تبي بنلي وبرتا جبناه لك يالغالي http://www.3rbe.com/smiles/data/13/3rbe.com_022.gif (http://www.3rbe.com)
واعذرنا الضروف قطعتنا عن الانترنت تقريب الاسبوعين
على العموم فرحتي لاتوصف بعودتك http://www.3rbe.com/smiles/data/13/3rbe.com_055.gif (http://www.3rbe.com)
الباهي
19/09/2006, 11:16 PM
هلا وغلا بك اخوي عجرم
الله يسلمك وابشرك كل شي على مايرام بفضل الله وبفضل دعائكم

الله يدوم الفرح عندك على طول ان شاءالله وجعلك ماتشوف شر يالغالي

اخوك
الباهي
الباهي
19/09/2006, 11:19 PM
قام راسي يدور كل شوي واحد من ربعي يمدح لي بندقه وحيروني

واحد من الربع قالي مالك ومال البنلي خذ لك براونينغ( فيوجن)

يمدحها مدح يهول وشرايكم فيها هل هي منافسه للبنلي والبرتا ولا لا
sal7
19/09/2006, 11:53 PM
:no2: http://www.mekshat.com/vb/showthread.php?t=56607
و الله ما فيه منافسه أبد مع البريتا ألا الفرانكي و الريمنقتون السوبر ماقنوم
أنا أقولك جرربه قبل لا تشري و اللي تررتاح معه أشتريها
البراوننق غيرر الاول لا تشتري أبد
فاشله حتى القولد هنتر اللي هي أفضل شيء بالبراوننق ما تقارنها بالسوبر وشلون البريتا
و أنت بالخيار شاور راعين الرمي اللي تثق بهم و جرب لين تحصل اللي يصلحلك
ولولا أختلاف الاراء لبارت السلع بالاسواق :) و يمكن تكون فكرتي عن البندق خطاء
عندي فيديو كلب عن البريتا الاكستريما 2 بس مقدر احمله حجمه كبير مره تقدر تحكم
على البندق من تشوف و للمعلوميه أنا رميتها مره و أنهبلت صرت مغرم به :)

ترى البراوننق اللي كرره الناس بها هي و الريمنقتون كترت قطعها مب مثل الايطالي
(بريتا قروب = بانللي و فرانكي و بريتا) سهوله بالفك و قوت تحمل و قله بالتنظيف

تحياتي
الباهي
20/09/2006, 12:53 PM
شاكر لك اخوي طيب هل البرتا موجوده بالكويت او لها وكيل بالكويت
ارجو افادتي
وشكرا
sal7
20/09/2006, 02:04 PM
نعم إذا ما صارت بالكويت وين تحصله :)
الباهي
20/09/2006, 08:23 PM
شكرا لك اخوي

يعني اعزم على البرتا راح تشفي خاطري
sal7
21/09/2006, 12:24 AM
تبي تقصدبها

أخوي هذي الشركه مشهوره مره
بحرارة الماسوره و هي حاصله على
ميداليات عالميه الشباب جربو مع أم خمس بلجيك
قديم بفشق 32 Rc و الاكستريما 1 مضواق صفر على هدف برميل بترومين
حصلوا الرش على الهدف ما تتصور يفرق شيء بسيط
على أن ماسورت البلجيك بدون مضاويق متحركه


و للامانه
انا ما حضرت التجربه بس الشباب أخذوها من منتدى
و طبقوها على الطبيعه و لا أعرف المنتدى هذا أبسألهم
و أعطيك اللنك علشان تشوف و أنت عندك الخيار
و يقولون فيه صور
الضاحي
21/09/2006, 06:11 PM
حيا الله الباهي

شف وانا اخوك

السوبر والاكستريما 2 ما عليهن كلام ... كل وحدة تقول الزين عندي

لكن انا شخصيا افضل الاكستريما2 وانصحك تجرب كل بارود قبل لا تشريها وشف نفسك وش تميل له واستخر وتوكل على الله .

ومبروك مقدما .
الباهي
22/09/2006, 02:30 AM
الله يعطيك العافيه اخوي الضاحي ماقصرت
هولوكس2005
23/09/2006, 05:32 AM
اخوي السوبر بنلي بلحالها شوزن

وبعدها السوبر برونق وبعدها الروسيه ترمي ضغوط إلما قبل لا تسأل كم ضغط الفشقه حطها ببيت النار وحط يدك على الزناد ولا تشيل هم
الرهدن
23/09/2006, 10:19 AM
السلام عليكم 00أخي الباهي
الأهم الحمد لله على سلامك00
بصراحة حنا أهل عواطف وانشغلنا عليك والأفكار قامت تودي وتجيب00
نسأل الله أن لايريك ولاكل مسلم أي مكروه00

****


وترى فيه روابط عن مواصفات البنلي والبرتا هنا في المنتدى00
الأهم يكون اللي يعطيك الرأي يكون مجرب الثنتين00





.
معدي المرقاب
23/09/2006, 11:28 AM
بالكويت موجدوده لدي الوكيل((الرماي))الهاتف 009652424243 ان بغيت اسوبر ولا البرتا

اخوك معدي المرقاب
الباهي
23/09/2006, 04:50 PM
اخي هولوكس2005

تسلم اخي وماقصرت على المعلومه

اخي العزيزالردهن

كيف حالك

اولا وقبل كل شي الله لايريك مكروه

والله انك ماقصرت ياخوي وسؤالك ومحاتاك عن اخوك

يدل عن طيبك وطيب معدنك لا خلا ولا عدم

وابشرك الحمدلله اني بصحه وعافيه ولله الحمد والمنه

وشاكر مرورك الكريم

اخي معدي المرقاب

عز الله انك ماقصرت الله يعطيك العافيه

وتقبلو
تحيات
محبكم
الباهي
القرم
24/09/2006, 11:24 AM
انصحك وبقوة برتا اكستريما2 ... ونم عن الترهيم والغثا

ومثل ما قالوا الربع جرب قبل لا تشتري خصوصا ان الاسعار مرتفعة جداااااااااااااااا!!

وبالتوفيق
نعمان الفهمان
25/09/2006, 12:54 AM
انا عندي سوبر مرهمة وبرتا اكستريما 1
ادور زبون تراي للبرتا اذا تخبر شراي
اما السوووووووووووووووووووووووووبر بدفتر العائلة مع حمودي وامة
شف هالمليحة وشلون فرق الطول

http://www.alramay.com/up/9-2006/abb66f4d0a.jpg (http://www.alramay.com/up/)
amar
26/09/2006, 01:29 AM
السلام عليكم ورحمة الله وبركاته وكل عام وانتم باالف خير انشاء الله اخوى نعمان ايش الماصوره اللى انته مركبه ماشاء الله وبعدين واضح من كلامك انك تفضل السوبر على البرته ممكن توضح ليش وشكرا
نعمان الفهمان
26/09/2006, 11:23 AM
اخوي عمار الماصورة مونتريال 32 موديل يجي بسلم
وارجو انة ما يفهم كلامي اني اسب البرتا لالالالا انا بعيني السوبر احسن قد اكون مخطى وقد اصيب
البرتا افضل من السوبر بدون ترهيم لكن اذا ركبت ماصورة يتغير الوضع
وبعدين ترى البرتا اخف رجف من السوبر
الزبدة عندك مجال ترهم وتتحمل التدوير والبحث عن الماصورة وممكن تضبط وممكن لا فهي افضل او بتريح دماغك خذ اكستريما 2
abusakr
26/09/2006, 01:27 PM
بارك الله فيكم جميع
amar
26/09/2006, 04:26 PM
مشكور اخوى نعمان الله يبيض وجهك على الشرح الوافى
حنشولي
27/09/2006, 12:24 AM
للأستفسار اتصل علي اعطيك العلوم بالضبط والعلوم طويله مأقدر أكتبها لك 0505299196
طلو
08/10/2006, 02:03 PM
السوبر ولا تغبن بها
النحاسي
08/10/2006, 09:43 PM
xtrema2 واترك عنك الترهيم وعالمه الي يلحس المخ..
البريتا ...بارود تبرد الخاطر...
واعرف ناس استقرت عليها بعد السوابر بانواعها
الطبيب
10/10/2006, 03:53 AM
هاه يا الباهي ..... شريت بندق والا للحين ...؟؟

خذ رايي وأنا أخوك.... وحتى لو هو متأخر .... بس يمكن ينفع غيرك ...!!

اللي يجوز لك يمكن ما يجوز لغيرك .... هذا أولا ....!!

إذا يهمك قطع الغيار .... ورمي الضغوط العالية ... وخفة الرجف .... وامكانية الترهيم .... عليك بالبنللي ...!!

وإذا يهمك خفة البندق ... وقوة التحمل ....عليك بالبريتا ...!!

وإذا تبي البراوننغ ... ومرتاح من استخدامه ... عليك بالفيوشن ...!!

وكل واحد يبي يمدح لك اللي ارتاح له من البنادق ....!!

خلني أكلمك عن (( المظلومة الفيوشن )) .....!!

أولا يجي معاها 4 شوكات + توصيلة 2 انش + قفل أمان للزناد + الوان مختلفة وأحجام للنيشان الامامي (( الذباب ))

ثانيا ما يجي لها فيبر .... بس خشاب

ثالثا ترمي من ضغط 24 جرين إلى 57 .... وأعتقد بأن هذا التنوع أكثر من كافي

رابعا رجفه أقوى من السوبر ولكن سوقه يطربك

خامسا سعرها أقل من السوبر والبريتا .... من 7500 ألى 9000 بينما الثنتين الثانيات من 10000 الى 13000

وأخيرا انت الحكم

بس مثل ما نصحك أحد الشباب .... جرب الانواع .... وشف اللى يجوز لك .... !!

ودي أفيدك أكثر

ولكني متعصب للبراوننج (( فيوشن )) .... حتى لو صالح ما هو راضي ....:)

هذا والله أعلم

والسلام ختام
sal7
10/10/2006, 03:39 PM
اللي يجوز لك يمكن ما يجوز لغيرك .... هذا أولا ....!!

إذا يهمك قطع الغيار .... ورمي الضغوط العالية ... وخفة الرجف .... وامكانية الترهيم .... عليك بالبنللي ...!!

وإذا يهمك خفة البندق ... وقوة التحمل ....عليك بالبريتا ...!!

وإذا تبي البراوننغ ... ومرتاح من استخدامه ... عليك بالفيوشن ...!!

وكل واحد يبي يمدح لك اللي ارتاح له من البنادق ....!!

خلني أكلمك عن (( المظلومة الفيوشن )) .....!!

أولا يجي معاها 4 شوكات + توصيلة 2 انش + قفل أمان للزناد

ثالثا ترمي من ضغط 24 جرين إلى 57 .... وأعتقد بأن هذا التنوع أكثر من كافي

رابعا رجفه أقوى من السوبر ولكن سوقه يطربك

خامسا سعرها أقل من السوبر والبريتا .... من 7500 ألى 9000 بينما الثنتين الثانيات من 10000 الى 13000

حتى لو صالح ما هو راضي:good:
هذا والله أعلم

والسلام ختام

أول شيء أنا قلت بردودي أنك لازم تجرب لانه يمكن مايجوزلك اللي يجوزلي ;)

ثاني شيء أنا ما خلاني أرد ألا قولك وإذا يهمك خفة البندق ... وقوة التحمل ....عليك بالبريتا ...!!
أنت حصرت على خف و قوة تحمل بس و أنا أقول الخف مب أخف من السوبر
أما القوه فهي الاولى عالمين ثاني شيء وين الضغط العالي مفتوح ترمي 3.5 أنش و أنت ما تدري
و الرش اللي فوق الممتاز وهي أخف من السوبر رجف و أنا يجي معها 5 تشوكات + عند الوكاله في
الكويت تشوك 5 أنش :) و تقدر تتحكم بالمخزن لانه مفتوح و فيها قفل لزناد و سرعة الاطلاق 11طلقه في 1.73 ثانيه و سهولت الفك و التركيب مقارنه بالبلجيك و الامريكي
أنت مالي المخزن فشق و تبي تطلعهن ما عليك ألا ضغط زر و تثبيت الرداد بزر التثبيت و المخزن يطلع كل
اللي به و بها الكيك أوف (تخيل بي أم بس بندق) وش بقي ما قلته يعني القولد فيوشن وزود كم ميزه و هذا
و أنا ما بعت غسلت و جهي و شلون لو أغسل وش ألقا يعن خف البريتا و لا تراني بحط حزب معارض
للبراوننق (أما البنلي و الفرانكي ما يقدرون يقولون شيء لانهم تحت سلطت بريتا قروب ههههههههههههههه
هههههههههههههههههههه) شفت عاد الدنيا مصنع يصنع السلاح من 400 سنه تقارنه بمصنع أمس مزين
أصبر كم سنه و أقول ان بريتا أمتلكت براوننق شركه ما تنتج ألا الطيب مثلك يا الطيب
بس انا وراك لين تشري بريتا

أنت كتبت سطر و أنا كتبت 5 أسطر <-- منغث هههههههههههههههههههه:D

الطيب و لا تحرش بالجمل

تحياتي
الطبيب
10/10/2006, 03:57 PM
أقول ..... شكلك متعطب للبريتا ...!!

ولكن هذا لا يعني .... إني أوافقك أو انت توافقني ....!!

هذي الفيوشن .... بالصور

http://www.albouryarms.com/shot/semi-automatic/fusion/ok.jpg


وهذي المواصفات .... وإذا تبون ترجمة حاظرين

http://www.albouryarms.com/shot/semi-automatic/fusion/2.jpghttp://www.albouryarms.com/shot/semi-automatic/fusion/1.jpg
يا الربع ..... أنا ما أفرض رايي على أحد ..... ولكني أقول البراوننج زينة ... وتوفي بالغرض

بالنسبة لي .... مكفية وموفيه

أنواع (( صيدي )) ... :-

القطا بأنواعه ..... القميري .... الأرنب .... قابلة للزياده :)

والسعر مناسب (( ما يعور المخباة )) :)

ولا أبي أرمي طيارات .... علشان أتعدى ضغط ... 45 جرين

وصالح ..... احترم .... وجهة نظرك .... وحبك للبريتا

ولكني أقول (( براوننج وبس )) .... ومتمسك برايي

هذا والله أعلم

والسلام ختام
sal7
11/10/2006, 01:42 AM
رأي خاص :d بس لا تزعل
نعمان الفهمان
11/10/2006, 01:48 AM
عنديلكم حل خابرنلكم مخطم خضاري طيب
كل واحد يجيب بندقة ويقنع الثاني


<<<<<<<<<<<<<<<<<<<< علية القهوة والشاهي وترمس ماء
sal7
11/10/2006, 01:54 AM
^
^
^
و الله أنك منتهي
تصدق يبيلنا طلعه
هههههههههههههههههههههههههههه
نعمان الفهمان
11/10/2006, 01:57 AM
شاري فشق جديد ابجربة ياخي

8_56
الطبيب
11/10/2006, 02:37 AM
عنديلكم حل خابرنلكم مخطم خضاري طيب
كل واحد يجيب بندقة ويقنع الثاني


<<<<<<<<<<<<<<<<<<<< علية القهوة والشاهي وترمس ماء

تقول وتفعل يا نعمان

بس وش حيلة اللي بالشرقية وعنده دوام ؟؟؟

تدري ..... لقيت الحل ....!!

أبي أطلع بعد كذا يوم ....وأرمي على أهداف ثابته ومتحركة .... وأصور لكم النتائج ....<< تراه خق يوم جاء الصحيح :)

والله يا الربع ودي أقابلكم .... ثنينكم .... لانكم بواردية عليكم الكلام .... وبين من المواضيع ....!!

ومنكم نتعلم .... ولكن أنا من الناس اللي ما يحب التغيير .... إذا ارتحت لشي .... سواءا بندق أو أي شي ثاني

بس البراوننج .... وبس .... والفيوشن بعد .... حتى لو ما رضيتوا ...:)

هههههههههههههههه

الظاهر لو نطلع مخطم ..... بعد نص دسته .... تبون تحطوني نبشان ....:)

ونعمان ناويلي نية ...... الضغط 56 .... بس الرقم ما يهم ....!!

الظاهر تبي خشاب البندق يطلع مع كتفي .... ولا تقولي البنلي والبريتا خفيفات بهذا الضغط ..... والله لو إيش ما أصدق ... :)

لو ما فيها كيك أوف ..... لو فيها (( دوشق )) بنهاية العقب .... :)

حبيت أمزح معاكم شوي ..... !!

بس يا الربع .... وش فيها البراوننج ..... والله حليلة .... وأغليها ...!!

شكلنا بنهاية الموضوع ..... نبي نترامى ........هههههههههه :)

بس من جد استفدت من ثلاثة بالخيمة هذي (( من دون قصور بالباقين ))

صالح << اللي كاشخ باسمه الانجليزي .... سال 7

عاشق النحم << مدمن البنللي

نعمان الفهمان << اللي ما أقدر انسى صورة رمية القميرية .... يعل يمناه ما تشل .... ويصيد ويفيد

ويا الربع ..... ترا أخوكم يمكن يخطي .... أو يزل .... فــ (( جزى الله خيرا من أسدى إلي عيوبي ))

وأخيرا ..... يا الباهي

عليك باللي يجوز لك من البنادق .... وإذا انت حوي بالشرقية .... أبي أجيك علشان تجرب البراوننق ... وهذا اللي أقدر أفيدك فيه .... وودي لو عندي جميع أنواع الشوازن .... علشان كل ما ملين من وحدة .... رميت بالأخرى ...... :)

هذا والله أعلم

والسلام ختام
sal7
11/10/2006, 03:27 AM
نعمان تامر أمر متى تبي أجيب البريتا
تخبر الكيك أوف(إكستريما2) و الكونفورتك (السوبر بلاك)
ما يأثرون واجد بالرجف ههههههههههههههههه
الطبيب
11/10/2006, 11:09 PM
نعمان تامر أمر متى تبي أجيب البريتا
تخبر الكيك أوف(إكستريما2) و الكونفورتك (السوبر بلاك)
ما يأثرون واجد بالرجف ههههههههههههههههه

الكلام على البواردي .... مهي البندق .... !!

ههههههه

صالح .... عندي نقطه هنا ...!!

بالنسبة لرمي الــ 3.5 انش ....؟؟

وش اللي ترميه بهذا الفشق ...؟؟

ومتى تتعدى ضغط الـــ 45 جرين ...؟؟

وتراني أستفيد منك .... ولا أبي أترك الموضوع ألا وأنا طالع بفايده ....!! :)

في الانتظار

هذا والله أعلم

والسلام ختام
النحاسي
12/10/2006, 05:39 AM
سلام عليكم ورحمة الله وبركاته...
ما احلى نقاش الحبايب والي يطلع منه الواحد بفايدة "انا استفدت الحقيقة":good: شكرا لكم جميعاً
ولكن اخوي الطبيب "انا تابع لحزب البريتتاxtrema2"...... ولكن من وجهة نظري هناك اسباب منطقية...


الكلام على البواردي .... مهي البندق .... !!

هذا مافيه شك لكن البندق تاخذ نصيب كبير في حالة استعدادها التام "تقنياً وفنياً"يعني انت تقارن واحد معه شوزن وبواردي من الدرجة الاولى وقدامهم جول"فرق طيور" مع واحد معه براونق ام 5 وحتى راعي الـبراونق ام5 القديمة الي حدها 36 جرام وبافتراض انه بورادي من الدرجة الاولى لو ان معه بريتتا تشيل 9 وضغط 40 او 56 قرام قدام طيور يستاهلن كبار"كرك مثلا"....الخ
يعني البارود لها نصيب قد يكون نصيب الاسد مع البورادي في اكمال المشوار الصيد الوافر.....


بالنسبة لرمي الــ 3.5 انش ....؟؟
وش اللي ترميه بهذا الفشق ...؟؟

اتوقع انها مهمة لاسباب كثيرة اقلها انها ميزة !!!! يعني انت تلقى طبلون السيارة 260km بلاشك انها ميزة لكن هل تستغل هذا الرقم؟يعني الواحد يبحث عن الاكثر مميزات... بلاشك مع وجود"قلة"من من يستغل السرعة القصوى كمن يستخدم 3.5 انش....
حتى في الرجف لا اظن بعد ما ظهر (اختراع الكيك اوف" الي اخذت عليه البريتتا براءت اختراع")هناك ماهو تقليدي و اقل منها رجف.....

اشكركم جدا على هذا الحوار
وما زلت استفيد منكم يا اساتذة:)
تحياتي لكم جميعا
الطبيب
12/10/2006, 06:08 AM
هلا والله بالنحاسي .... وبردك انت ذهبي ما انت نحاسي ...!!

بس مازالت نقطة (( السعر )) مؤثرة ...!!

بالنسبة للبوارديه .... ودهم بأحسن بندق وأقل رجف .... وقلة خراب وتوفر قطع ....!!

ولكن هذا لا يحصر الاختيار ببريتا بس ....!!

البريتا شركة عريقة .... والكل يشهد بذلك ....!!

ويكفيك مسدساتهم ... ورشاشات الــ 9 ملي ...!!

بس يا أخي هذا ما يلغي الشركات الباقية .... ولكل مميزاته ....!!

أما بالنسبة للضغوط ..... عندي نقطة مهمة .... وهي كلما ارتفع الضغط .... كلما زادت نسبة الخطورة على البواردي .... وانت أبخص بالفشق اللي يجينا .... بالخش والدس .... وصراحة أنا أخاف أرمي بأكثر من 45 جرين ...!!

ويا فرحة صالح ..... لقا له واحد من حقين بريتا .....!!

بس لو المنتدى كلهم بكفة ..... مع البريتا ..... أبي أبقا بكفة مع البراوننق .... لا تحاولون ... البلجيك وبس بالنسبة لي ....!!

بس والله من جد .... استفدت من خبرات كبيره .... بالمنتدى هذا ....!!

وما زال النقاش مستمرا ....!!

هذا والله أعلم

والسلام ختام
sal7
12/10/2006, 06:12 AM
لله دروك يا النحاسي
و الله أنا قايل أي واحد يقتني بريتا يصير
قمه لانه مارح لبريتا ألا وهو مقتنع أنه
أزين بندق صنعت تكفون أبصيح
ههههههههههههههههههههههههههههه

بس عندي تعقيب بسيط مافي بندق أخف
من الاكستريما2 رجف حتى الريمنقتون
الـ sps أقوى من البريتا رجف
وهي اللي يقاله توب عند اللي مجربينها
شيء مجرب

تحياتي
الطبيب
12/10/2006, 07:46 AM
ولقينا حل لقوة الرجف ....!!

http://www.albouryarms.com/acc/acc/harness.jpg

صدق من قال .... !!

وعين الرضا عن كل عيب كليلة ..... ولكن عين السخط تبدي المساويا

وعلى فكرة هذا من موقع البوري ..... وخاص ببراوننج ...!!

مجرد زيادة للفائدة ....!!

صالح .... تدري إنك أبلشت خوياي ....!!

من يوم جلست تمدح البريتا .... وأنا مبلشهم ما غير انشد (( من عنده بريتا يا شباب ..... أبي أجربه ))

هههههههههههههههه

من جد صار ودي أطلع مخطم معك ......:)

تحية معطرة بريح البارود

هذا والله أعلم

والسلام ختام
النحاسي
12/10/2006, 09:09 PM
للنقاش حلاوته ----------> على طاري فيمتو:D

والذهب انت يا طبيبنا

والله يا طبيب القلوب والبواريد...

مافيه شك ان الشركات العملاقة مثل براونق, والبنيلي والفرانكي والريمنقتون...شركات لاغبار عليها..

وانا اعتبر انها الشركات القائدة بلاشك في عالم البواريد...مع احترامي للبقية

ولكن الان نحن في ناقش القادة :D

يعني باذن الله البواريد من هذه الشركات لاغبار عليها ولكن نحن نناقش في المميزات والخيارات...

يعني انا فيه شي يدور براسي الا وهو ليش الكثير استقروا على البريتتا خصوصا طراز الاكستريما2

وكثير منهم جرب البنيلي بانواعها والبروانق الظاهر الكل جربها

ولكن ما شفت احد ملك الاكستريما2 او غيرها "بشرط انه للقنص"ماهو راعي بيع وشرا :)

وبعدين الاكستريما2 خلاصة خبرات عمل شركة متخصصة فوق 400 سنة بالاسلحة بانواعها.

عموما احلى نقاش وكل وهواه بالبواريد



وعاشت البرتا والحاضرين والمحامي البرتاوي sal7



تحياتي

النحاسي-------> البريتواي
نعمان الفهمان
12/10/2006, 09:21 PM
يا جماعة قايلكم
مخطم خضاري
الطبيب
13/10/2006, 12:25 AM
أها .... يا النحاسي ...!!

علشان كذا أقول من البداية .... أللي يجوز لي .... مو شرط يجوز لغيري ....!!

بس قسم بالله من كثر ما مدحتو لي الإكستريما ..... وأنا أدور أي واحد عنده هذا النوع .... علشان أجربه ...!!

وبالنسبة للفيوشن .... تراها مختلفة كثير عن (( العجز )) ... البراوننق القديمة المعروفة (( auto-5 ))

والمكينة لاحظت فيها شغلة تميزها عن الموديلات القديمة .... وهي إن المكينه عبارة عن قطعتين ....!!

الابرة .... متحركة .... وماهي ثابته .... ومهما شرحت ما راح توضح الا بالصور ...!!

وكذلك .... بدي المكينة .... من سبيكة ما هي حديد مثل الاوليات .... الماصورة ثابته .... (( غاز )) ...!!

بس عذروبها .... (( ولا هو عذروب بالنسبة لي )) .... الرجف .... ورتاها أخف من البراوننق القديم ...!!

والبريتا ..... بيني وبينك .... ولا يدري صالح .... ما أقدر على سعرها ..... لأنها غالية مرة .... بسعر تنتين من الفيوشن ...!!

وإذا ردينا للإستعمال ..... فالفيوشن والبريتا والبنللي ..... تـأدي نفس الغرض ....!!

يعني لو أبي موتر ديرة ..... للدوام ومشاويري الخاصة ..... أقدر أشتري إيكو .... وأقدر أشتري مرسيدس .... وأقدر أشتري فيراري ...!!

وكلها بتأدي نفس الغرض ..... ولكن الاختلاف بالسعر .... مفجع ...!!

تبي تقول لي المواصفات تفرق .... وهذا صحيح ..... ولكن السؤال .... (( هل أحتاج لهذه المواصفات )) ...!!

الفيوشن أنا شاريها بــ 7500 ..... والاكستريما .... بــ 14000 ... وأنا أصيد .... وصالح يصيد ...!!

ومن كثر ما تناقشنا .... حول الموضوع .... نسينا الباهي ....!! :)

هاه يا الباهي .....!!

شريت بندق والا للحين .....؟؟

=============

نعمان ..... والله إني ميت على المخطم ..... بس بشروط ...!!

1- نشوف أصعب حمامة ..... وأبعد وحدة ....!!

2- ناكل صيدنا

3- أكثر واحد يطيحها (( خرقة )) يعني من يوم يلزخها الحلبي وهي ميته :)

4- الخسران .... عليه الفشق ...!!

5- حدنا خمس طعش حمامة .... لكل واحد خمس رميات .... تراك معنا .... نشوف شغل المرهم:)

وتراني بالشرقية ...... والاجازات لك عليها ....!!

هذا والله أعلم

والسلام ختام
نعمان الفهمان
13/10/2006, 12:53 AM
انا وصالح بالقصيم
نصير بالمنصفة بالرياض
النحاسي
13/10/2006, 02:17 AM
وصلت رسالتك يا غالينا الطبيب
وفهمت معهنا ولاشك في صواب كلامك....

وعلى سالفة المخطم
انا بالقصيم بعد ----------------> قاط معكم قاط الله لايعوق بشر... :)
sal7
13/10/2006, 05:25 AM
أنا معكم بس تدرون وش خوفي منه
هو نعمان احس لو يشوف أبريق يطير
يرميه بهالفايت بغا يرمي شاشة
كمبيوتره يوم شاف قميريه في أحد التواقيع
أما المخطم أبشرو بس الخوف أننا نروح بداهيه
من النحاسي تخبرون من البرتاويين
هههههههههههههههههههههههههههههههههه
الطبيب
13/10/2006, 09:57 AM
بغض النظر عن المزح .... !!

النقاش طلعت منه بالفوائد التالية :-

1- البنادق أنواع كثيرة .... فاختر الانسب لك.... ولاحتياجك .... والاهم من ذلك .... لقدرتك المادية ...!!

2- إذا تبي تتابع المقارنة بين البنادق .... فراح تتعب .... لان كل واحد مقتنع باللي عنده .... واللي يجوز لك ... مو شرط يجوز لغيرك ...!!

3- هناك خبرات لا يستهان بها بمكشات .... وأخص خيمة (( الاسلحة )) ... لانني مازلت متمسك بالاسم القديم للخيمة ... :)

4- كل يوم تزيد ثقتي باعضاء المنتدى .... بأنهم رجال .... بكل ما تحمل الكلمة من معنى ...!!

5- انت الحكم الأول والاخير يا الباهي ..... بالنوعية اللي تبي تشتريها .... ونصيحة .... الانواع المعروفة أوفق لتوفر قطع الغيار ...وهذي أهم نقطة .... خصوصا إذا كنت راعي رمي واجد ...!!

=========

يا شباب .... أنا - وأعوذ بالله من كلمة أنا - باقي لي كم يوم وأرجع لأشغالي .... الكثيرة .... فلا تلوموني لو خشيت عليكم عرض بالمواضيع .... وناقشت .... ومزحت ....!!

لأني والله شفقان على المنتدى .... وعلى الخيمة هذي بالذات ...!!

واللي مخليني أمون عليكم .... إني أحس البواردية .... قريبين مني حيل بحكم الاهتمام المشترك .....ولأننا إخوة في الدين قبل كل شيء...!!

فادمحوا الزلة إذا زليت عليكم .... وأنا ما ودي يصير بخاطر أحد علي شي...!!

ولو انقطعت فجأة عن المنتدى .... اعذروني ...!!

هذا والله أعلم

والسلام ختام
MOON2009
15/10/2006, 12:40 AM
يا ناس اكيد ماشفتو ( هوالات ) الوســــــــــــــــــــية البيكام 153
تراها ممتاااااااااااااااااااااااااااااازة
ترا العلم مهب على السلاح لكن على الوراء السلاح ( البواردي ) كلنا نصيد ونشبع وهذا بيت القصيد
sal7
15/10/2006, 02:46 AM
أخوي كلامك على العين و الراس بس مب عين الصواب

أبضرب لك مثال يمكن تغير من رأيك أخوي هنا لا نتكلم عن من وراء البندق
نحن نتكلم عن البنادق نفسها مع بواردي أو لا يعني لو تجي و قدامك جول كرك
و أنت معك بلجيك قديم هل تقدر تطرح مثل ما يطرح راعي الاكستريما أو راعي السوبر
أكيد لا لان راعي الاكستريما و السوبر راح يجازف و يرمي ضغط عالي أما البلجيك يبي يتعب
معها و شيء شفناه بعيوننا و من ناحيت التدبيل السريع و أنت عارف الكرك وش يسوي
راح تتفوق الاكستريما و السوبر على البلجيك وخصوص في راحت الرمي على البواردي
الاصابه هذي يقدر يحددها البواردي أما الكلام اللي فوق ما له دخل البواردي
و كلامنا ما يخص البندق لحاله و البواردي لحاله و الفشق له دور بعد
بندق + بواردي + فشق = صيد وفير أما لو يختل شيء من الاشياء هذي
راح يقل الصيد (هذا رأي شخصي لا يعتد به)


-------

أما من ناحيت البيكال هذي من أجود البنادق و ارخصها ثمن
بس يعيبها الثقل الزايد و وزن الغاز و كسر الاخشاب في أغلب الاحيان لعدم تحمله
و ردائت صنعه مع سوء الاستخدام (إذا عرفت تتعامل مع العيب تصبح الافضل)

هذا كلامي أنا لا يدخل تحت مسمى الرأي العام :)
sal7
15/10/2006, 03:06 AM
بغض النظر عن المزح .... !!

النقاش طلعت منه بالفوائد التالية :-

1- البنادق أنواع كثيرة .... فاختر الانسب لك.... ولاحتياجك .... والاهم من ذلك .... لقدرتك المادية ...!!

2- إذا تبي تتابع المقارنة بين البنادق .... فراح تتعب .... لان كل واحد مقتنع باللي عنده .... واللي يجوز لك ... مو شرط يجوز لغيرك ...!!

3- هناك خبرات لا يستهان بها بمكشات .... وأخص خيمة (( الاسلحة )) ... لانني مازلت متمسك بالاسم القديم للخيمة ... :)

4- كل يوم تزيد ثقتي باعضاء المنتدى .... بأنهم رجال .... بكل ما تحمل الكلمة من معنى ...!!

5- انت الحكم الأول والاخير يا الباهي ..... بالنوعية اللي تبي تشتريها .... ونصيحة .... الانواع المعروفة أوفق لتوفر قطع الغيار ...وهذي أهم نقطة .... خصوصا إذا كنت راعي رمي واجد ...!!

=========

يا شباب .... أنا - وأعوذ بالله من كلمة أنا - باقي لي كم يوم وأرجع لأشغالي .... الكثيرة .... فلا تلوموني لو خشيت عليكم عرض بالمواضيع .... وناقشت .... ومزحت ....!!

لأني والله شفقان على المنتدى .... وعلى الخيمة هذي بالذات ...!!

واللي مخليني أمون عليكم .... إني أحس البواردية .... قريبين مني حيل بحكم الاهتمام المشترك .....ولأننا إخوة في الدين قبل كل شيء...!!

فادمحوا الزلة إذا زليت عليكم .... وأنا ما ودي يصير بخاطر أحد علي شي...!!

ولو انقطعت فجأة عن المنتدى .... اعذروني ...!!

هذا والله أعلم

والسلام ختام

ما أنتبهت لمشاركك هذي من جد

لقد أصبت عين الصواب 100% لم تخطء هذا كلام العاقل
و أما أن نفتقدك فهذا من الصعب جداً وخصوصاً حينما تعودنا
على نقاشك المفيد ومزاحك الخفيف و أما مشاغلك من المستحيل
أن تكون 24 ساعه باليوم نحن لا نريد منك ألا 10 دقائق كل يوم
فأعتقد هذا الوقت مقدور عليه و الخوان في المنتدى لا يسمون لك
بذالك و أنت محلل كل وقت و زمان و مكان فأنت أخو عزيز و غالي
لم نرى منك ألا كل خير و علوم رجال

*ملاحظة:-
الحين يوم أنك تحط صورت غزال و شعار البراوننق تبي تغثن
الحين أحط صورت فيل و عليها شعار البريتا :j
ودي السدر
15/10/2006, 07:45 AM
السلام عليكم
انا في صف اخوي الطبيب الفيوشن غير البلجيك القديم نظام الجديده مختلف تماما
ومن ماوجدت من ميزات فيها
1 ومن خلال تجربه
ان سرعه الحلبي يتفوق على جميع البنادق بسب الماصوره رائعه الصنع
وقد جربتها على صفيحة حديد فنقضتها بخلاف الروسيه (وبنفس الفشق)
يعني صوابها حار
2 الانتشار الرئع للحلبي
هاذي السنه راميبها قميريتين طيار بفشقه وحده وطايحات مااحتركن
وكان فيه ثنتين في طلحه بعيدات عن بعض قلت ابضرب اليمنى الاولى مادريت الا الثانيه منسدحه معها مع اني
مصوب على اليمنى تماما وبينهن والله العالم مترين الا ربع
3 خفه الوزن
فهي اخف من البنلي 3" انش

وما شاء الله عليها راكده بس طلع خشث الماصوره وخل الباقي عليها والبلجيك عطيت الله
كل هاذا من خلال تجاربي الذاتيه لها
ولو ما يجيك منها الى نقشه الضبي المذهب الملتفت
هاذا راي شخصي والسلام ختام
راعي القميري
15/10/2006, 04:35 PM
يخوك تبي الشور من مجرب لاتدور الا سوبر بنلي بلاك ايقن



والله هذي البندق لانها ترمي بسرعه وياسلام سلم لرمي الطيار
الطبيب
15/10/2006, 06:19 PM
السلام عليكم
انا في صف اخوي الطبيب الفيوشن غير البلجيك القديم نظام الجديده مختلف تماما
ومن ماوجدت من ميزات فيها
1 ومن خلال تجربه
ان سرعه الحلبي يتفوق على جميع البنادق بسب الماصوره رائعه الصنع
وقد جربتها على صفيحة حديد فنقضتها بخلاف الروسيه (وبنفس الفشق)
يعني صوابها حار
2 الانتشار الرئع للحلبي
هاذي السنه راميبها قميريتين طيار بفشقه وحده وطايحات مااحتركن
وكان فيه ثنتين في طلحه بعيدات عن بعض قلت ابضرب اليمنى الاولى مادريت الا الثانيه منسدحه معها مع اني
مصوب على اليمنى تماما وبينهن والله العالم مترين الا ربع
3 خفه الوزن
فهي اخف من البنلي 3" انش

وما شاء الله عليها راكده بس طلع خشث الماصوره وخل الباقي عليها والبلجيك عطيت الله
كل هاذا من خلال تجاربي الذاتيه لها
ولو ما يجيك منها الى نقشه الضبي المذهب الملتفت
هاذا راي شخصي والسلام ختام

شفتو شلون ...... التجربة خير برهان ...!!

ودي السدر ..... يلوموني بالفيوشن ....!!

عموما ابي انزل عنه موضوع كامل مدعم بالصور ..... باقرب فرصة ان شاء الله ...!!

هذا والله اعلم

والسلام ختام
الطبيب
15/10/2006, 07:14 PM
هذي صورة مكينة الفيوشن

http://www.mekshat.com/pix/upload/images21/mk810_my%20gun%20pics%20016.jpg

وتلاحظون انها قسمين .... او جزئين ....!!

لانه لما تفلكها .... الجزء الامامي حر الحركة .... اللي فيه الابرة ... !!

والصورة توظح المقصود

http://www.mekshat.com/pix/upload/images21/mk810_my%20gun%20pics%20017.jpg

اعتقد بان هذا النظام يختلف تماما عن البلاجيك القديمة ....!!

وما زلت عند وعدي .... راح انزل موضوع كامل عن الفيوشن ...!!

وتراها من سهولة الفك والتركيب .... أعتقد بخمس دقايق .... تقدر تفكه وتنظفة وتركبه ....!!

مفهوم جديد للبلاجيك ...!!

هذا والله اعلم

والسلام ختام
ودي السدر
16/10/2006, 06:03 AM
سؤال ياالطبيب
توصيلة الثمان بكم فالكويت
وهل يحتاج ترهيم والا تركب على طول
طبعا للفيوشن
وسلامك
الطبيب
16/10/2006, 06:07 AM
توصيلة الثمان بالكويت ..... بـــ 15 دينار .... مع السبرنق ....!!

وتركب على طول بدون ترهيم .... لانها من الوكالة .... واسم الوكالة (( البوري للاسلحة )) ...!!

وأنا مرهمها بالرياض ....علشان أفتك من أمور (( الجمارك )) والبهذلة .... بــ 1200 ريال :)

(( حط فلوسك بالشمس ..... واقعد بالظلال ))

هذا والله أعلم

والسلام ختام
نعمان الفهمان
17/10/2006, 02:26 AM
على طاري المخطم
صالح انت والنحاسي تراي طايح بمارد قطا هاليومين يبي تحزم بكم شدة يبي نصلي الضهر عندة واعملو حسابك نص ساعة حق المشوار
sal7
17/10/2006, 03:43 AM
على طاري المخطم
صالح انت والنحاسي تراي طايح بمارد قطا هاليومين يبي تحزم بكم شدة يبي نصلي الضهر عندة واعملو حسابك نص ساعة حق المشوار

قدام

بس نبي عاشق و الطبيب و تصير الوجهه شمال ;)
85 كيلو
نعمان الفهمان
17/10/2006, 03:59 AM
انا والم اتحراكم على الخط بس مرو وضفون
sal7
17/10/2006, 04:02 AM
ههههههههههههههههههههههههههههههههههههههههههه

و الله رفقك تشرا
سفير الصيد
18/10/2006, 02:40 PM
عليكم السلام اخوي الباهي بصراحه السوبر افضل لسهولة استخدامها ودقتها ويندر حدوث المشاكل او الخلل فيها
مدهوش
18/10/2006, 03:00 PM
من يعرق سعر البرتا عندنا بالسعودية يرسل لي على الخاص الله لايهينكم
sal7
18/10/2006, 05:18 PM
من 10500 إلى 14500 للمصرح
:)
النحاسي
19/10/2006, 03:36 AM
ويندر حدوث المشاكل او الخلل فيها
هذي العبارة بالذات خاصة بالبريتتا:D ----------------> عدنا:D

يالله انا جاهز يا جماعة .....وين المارد يالله يا نعمان
الصياد المحترف
21/10/2006, 03:01 AM
اخوي اليك المواصفات واختر لنفسك وانا مجربهن كلهن:


البريتا الأكستريما 2:
المميزات
رمي قوي قوة تحمل مسافات بعيدة.
العيوب
تنظيف دائم قوة في الرجف ثقل في الوزن


السوبر بلاك ايجل البنلي 2:
المميزات
خف في الوزن سرعة في الرمي لا تحتاج الى تنظيف
العيوب
لا ترمي مسافات بعيدة ماسورتها زفت لازم ترهيم اذا تبي رمي بعيد تخرب خوابيرها وملقاطها


البراوننج الفيوجنت :
المميزات
رمي حلو خف في الوزن
العيوب
كثرة الأعطال تحتاج الى تنظيف ولا تكثر فيها الرمي


الفرانكي الجدد الأنيرتا:
المميزات
خفة وزن اقوى مواسير في المسافات واحسن مواسير توزيع للرصاص حلوة الشكل لا يعلى عليها اي بندق.
العيوب
تحتاج الى تنظيف دائم ونوعية رصاص نظيف حتى لا تلك
sal7
21/10/2006, 06:06 AM
اخوي اليك المواصفات واختر لنفسك وانا مجربهن كلهن:



البريتا الأكستريما 2:

المميزات

رمي قوي قوة تحمل مسافات بعيدة.

العيوب

تنظيف دائم قوة في الرجف ثقل في الوزن




اخوي أنت أتهمت البرتا بالرجف و هي و الله من أقل البنادق رجف بالعالم

بفضل نظام الكيك أوف أو ماص الصدمات(مساعدات داخل الاخمس)


و أتهمتها بتنظيف و هي أقل من مثيلاتها في التنظيف اللتي تستخدم نفس النظام الغازي

بفضل الطلاء الغير قابل للأتساخ و النظام التنظيف التلقائ في منظومة الغاز

وهي تقارن بالسوبر من ناحيت قل الاتساخ

(البندق عندي)


وهي أسرع البنادق رمي بالعالم 12 فشقه بخلال 1.73 ثانيه

وهي بذالك تتفوق على البنلي الام 2 بالسرعه وهي أسرع بندق

في عائلت بنلي






السوبر بلاك ايجل البنلي 2:

المميزات

خف في الوزن سرعة في الرمي لا تحتاج الى تنظيف

العيوب

لا ترمي مسافات بعيدة ماسورتها زفت لازم ترهيم اذا تبي رمي بعيد تخرب خوابيرها وملقاطها




و هذي البندق أكرها كره الويل

و عند ترهيمها لا ترمي الـ3.5 أنش





البراوننج الفيوجنت :

المميزات

رمي حلو خف في الوزن

العيوب

كثرة الأعطال تحتاج الى تنظيف ولا تكثر فيها الرمي






هذي البندق لا أعلم عنها شيء لاني أكره شيء عندي الرجف وهي ترجف رجف

المدافع بالضغوط العاديه فما بالك لو ترمي 56 :)


و يعيبها عدم رمي 3.5 انش



الفرانكي الجدد الأنيرتا:

المميزات

خفة وزن اقوى مواسير في المسافات واحسن مواسير توزيع للرصاص حلوة الشكل لا يعلى عليها اي بندق.

العيوب

تحتاج الى تنظيف دائم ونوعية رصاص نظيف حتى لا تلك






أخوي انت تتكلم عن نظام جديد متبع في شركة فرانكي وهو المتبع في شركة بنللي


يعني نفس السوبر رميها ممتاز بس ما ترمي الـ3.5 لأنش


يعني عيوبك مالها دخل في الفرانكي و إذا كان لها دخل تصير هي و السوبر واحد
القرم
21/10/2006, 10:29 AM
يسر الله لي وشريت اكستريما2 كامو (مموهه) والحمد لله على نعمة التي لا تعد ولا تحصى... الحمد لله الذي جعلنا مسلمين ورزقنا من يصنع برتا لنا.. كان عندي برتا قولد ملارد ممتازة ولا فيها شي لكن الاكستريما2 غير... الي عنده برتا يحمد الله على توفيقه ونعمة... والي ما عنده نسأل الله انه ييسر له امورة ويرزقه وحده والي ما يبي البرتا ادعوا له بالهداية يا شباب ترا ابن ادم إسيود راس...

بإذن الله تعالى بنزل الصور باقرب فرصة.

القرم
sal7
21/10/2006, 03:18 PM
هههههههههههههههههههههههههههههههههههههههههههههه

أجل أنت من ربعي خلاص يا القرم هههههههه

نفس اللي عندي يا سبحان الله

بشر عن أنطباعك عنها

الله يطعمك من خيرها و يكفيك شرها
نعمان الفهمان
21/10/2006, 05:19 PM
شف انت واياة ابركبم معي انت ياصالح على باب يمين والنحاسي والقرم ورى
وابزرق حجل وابسرع ان رمن بنادكم فترى كل واحد منكم لة عندي صندوقين فشق

شوفو امدحو بنادقكم ما نقولكم شي يستاهلن بس باااااااااااااااااااااااااالك اوعى تسب السووووووووووبر

شخصيا نضفت البرتا اربع مرات والسوبر الا الان ما نضفتة والمشكلة تشوفهن تقول البرتا اوسخ
sal7
21/10/2006, 07:40 PM
يا نعمان يا فهمان

نحن نتكلم عن الاكستريما2 مب 1

و حنا ما ننكر التوسخ بس أخف من البنادق الثانيه
اللي تستخدم نفس النظام (الغازي) و انا ما أعده عيب
لانك تفنشها و تنظفها وتركبها بـ 5 دقايق يعني تنظفها و انت جالس تطبخ
عشاك يعني مب مثل الريمنقتون يبيلك عده و ميكانيكي لتفكيكه
--
أما بالنسبه لسرعت الرمي و الله أنا ما أتكلم من عبث
أنا عندي أثبات مقطع فيديو لتوم برادلي يطلق 12 فشقه في 1.73 ثانيه
أنت تعرف معنا 12 فشقه (يعني الاكستريما2 الوحيده و المتفرده في هذا)
--
و توم ناب اللي يرمي بالـ M2 عجز عنها وهو أفضل من توم برادلي بـ100 مره
--
أخوي نعمان البرتا وصلت مواصيل ما أحد وصله بالبنادق وخصوص بعد ما
صارت أكبر مصنع سلاح بالعالم و البنلي تحت وصايتو أحد فروع برتا الان
و الله ماهو حب لشركه بس البندق تسحرك بالرمي

و أصبر لك يوم وراح تشوف البرتا مطوره ماصوره فيها حلزون من الداخل
وهي ناجحه في موديل أم روحين لها الان و أحتمال تنزل بموديل جديد و لأم خمس

تحياتي يا غالي
الصياد المحترف
23/10/2006, 02:14 AM
اخوي صالح لا تتوقع اني اكتب من راسي كل البنادق الي عديت مستخدمها شخصي يعني لي ومعي وقت طويل والأكستريما لها معي ثلاث سنوات يعني قبل لا تعرفها واذا انت ما انت مقتنع الايام جاية وتعرف كلامي لا وازيدك من الشعر بيت كان عندي شوزن اسمها فبارم وثانية برازي اذا تعرفهن والبنلي كانت معي قبل12 سنة والفيوجنت قبل 7 سنوات والأكستريما قبل ثلاث سنوات والفرانكي لها حوالي سنة والريمنغتون قبل 15 سنة والبراوننج قبل 18 سنة فلا تتوقع اني ما اعرف وش يقول المصنع ان البريتا لا تحتاج الى تنظيف (للمعلومية اي بندق غاز تحتاج الى تنظيف وافضلهن البريتا الأيونيز وكانت عندي قبل عشر سنوات).

والبراوننج الفيوجنت يا فاهم ترمي الى 3,5 انش.

والنظام الي تتكلم عنه وهو في البنلي والفرانكي اسمه انيرتا سيستم لكن اعرف ان الفرانكي تختلف لأنها لا يوجد لها سستة في الخشاب لترجيع المكينة بعد الرمي ولكن سستتها فوق المخزن يعني تختلف .اما المواسير فنظام الكريو سيستم موجود في البنلي الجدد والأكستريما الأولى والثانية وماله دخل في مواسير الفرانكي.


وسرعة الرمي ورنا شطارك واترك عنك تيم برادلي واطلق الثمان بالأكستريما اسرع من البنلي كان كلامك صحيح

اثبت اني ما اعرف وما عاد اكتب عن الشوازن مرة ثانية ولا خل ردودك من تجربة وليس من قراءة مواقع.
sal7
23/10/2006, 03:43 AM
اخوي صالح لا تتوقع اني اكتب من راسي كل البنادق الي عديت مستخدمها شخصي يعني لي ومعي وقت طويل والأكستريما لها معي ثلاث سنوات يعني قبل لا تعرفها واذا انت ما انت مقتنع الايام جاية وتعرف كلامي لا وازيدك من الشعر بيت كان عندي شوزن اسمها فبارم وثانية برازي اذا تعرفهن والبنلي كانت معي قبل12 سنة والفيوجنت قبل 7 سنوات والأكستريما قبل ثلاث سنوات والفرانكي لها حوالي سنة والريمنغتون قبل 15 سنة والبراوننج قبل 18 سنة فلا تتوقع اني ما اعرف وش يقول المصنع ان البريتا لا تحتاج الى تنظيف (للمعلومية اي بندق غاز تحتاج الى تنظيف وافضلهن البريتا الأيونيز وكانت عندي قبل عشر سنوات).



والبراوننج الفيوجنت يا فاهم ترمي الى 3,5 انش.



والنظام الي تتكلم عنه وهو في البنلي والفرانكي اسمه انيرتا سيستم لكن اعرف ان الفرانكي تختلف لأنها لا يوجد لها سستة في الخشاب لترجيع المكينة بعد الرمي ولكن سستتها فوق المخزن يعني تختلف .اما المواسير فنظام الكريو سيستم موجود في البنلي الجدد والأكستريما الأولى والثانية وماله دخل في مواسير الفرانكي.





وسرعة الرمي ورنا شطارك واترك عنك تيم برادلي واطلق الثمان بالأكستريما اسرع من البنلي كان كلامك صحيح



اثبت اني ما اعرف وما عاد اكتب عن الشوازن مرة ثانية ولا خل ردودك من تجربة وليس من قراءة مواقع.





أقصر للقز شوي و راك جبت حاصلك و أنا أخوك



أنا من كلامي ما قلت أنك ما تعرف مجرد رأي و رأي أخر

أخوي أبيك تشيك على كتلوج البنلي الكوردبا و الفرانكي I-12

وعلمني الفرق وشو :)



أما الفيوجن أنا على خبري ما ترمي ألا 3 أنش و القولد هنتر سوبر هي اللي ترمي 3.5 أنش

و تعد الوحيده في البراوننق على كلام المصنع و موقع البوري وكيل البراوننق في الكويت :)



و للمعلوميه البريتا أكستريما 2 تختلف بالنظام الغازي عن الاكستريما 1 اللي معك

من واقع تجربه و على كلام المصنع و كذالك بالمواصير :)



و أي شيء أسمه نظام أنريتا ما يتسخ ولا يلك مثل انظمة الغاز و نظام رد الفعل (نظام البراوننق القديم) :)



و اما كلامك عن الاتساخ في البريتا أكستريما2 ارجع لردي على نعمان الفهمان :)

و هو أفضل نظام غازي انتجته برتا لا يضاهيه ألا اليوركا الجديده



و كلامي هذا مثبت بدليل القاطع أن أسرع بندق هي الاكستريما2

و الكلام هذا ما جبته من عند ولد الوايلي أنا جايبه من مواقع و مقاطع تثبت هذا ومن واقع تجربه :)





أخوي لا تصير (---><---) خالف تعرف

و حنا نرحب بمن لديه خبره



و خل عنك الاندفاع الزايد اللي مامنه ألا وجع الراس



و الكلام اللي حطيت عليه بالاحمر و تحته خط باطل

مع أحترامي لك و لمنطقك

فيه شيء أسمه أحترام لرأي يعني أنا صح و الناس غلط أنتها

من زمان الحين عطن اللي عندك و أعطيك اللي عندي

( هذا رأي لا أحد ملزوم بأتباعه )



(كلن يأخذ بقوله و يرد ألا قول رسول الله صلى الله عليه و سلم )



تحياتي
الصياد المحترف
23/10/2006, 01:33 PM
اخوي البنلي الكوردوبا مالها دخل في الفرانكي من ناحية نظام التشغيل وافضل شي هو قبل ما تحكم على الشي من الكتالوجات حاول انك تشوف البندق وتفككها وتجربها وبعدين تحكم انا ماني زعلان لكن طريقة الاقتباس ما عجبتني وانا احترم اي راى ولكن انا مجرب ولست بطارح راى يعني ابي الفايدة لك ولغيرك عشان الناس تعرف كل سلاح على حقيقتة وما يلعب عليها بالمدح فقط (ناصح وكل حر في ما يشتري) ولكن بعد فترة اذا انت صياد تبي تمل من البريتا الأكستريما بسبب ثقلها . يعني اذا ترمي بسرعة ثقلها ما يساعدك بالتوجيه السريع ورجفها الي تقول كيك اوف على فكرة الشوزن الي فيها الكيك اوف والي من دون نفس الرجفة والفرق هو مع كثر الرمي الي من دون كيك اوف بيوجعك كتفك من الضرب والثاني اقل وجع والا الردة نفس الشي.
( والبنلي والفرانكي لهن قطعة فيها نظام يركب بالخشاب الي ورا يمتص الصدمات نفس الكيك اوف ولكن نظام غاز سيستم ).
sal7
23/10/2006, 07:02 PM
هذا نظام الكونفور تك لتوضيح أخوي



http://www.benelliusa.com/firearms/images/comforTechStockStress.jpg

http://www.benelliusa.com/firearms/images/comforTechGraphic.jpg


وهذا نظام اللي في الفرانكي

http://www.franchiusa.com/firearms/images/access-14-375buttpad.jpghttp://www.franchiusa.com/firearms/images/access-14-75buttpad.jpg

http://www.franchiusa.com/firearms/images/access-recoil-reducer.jpg


و هذا نظام الكيك أوف في الاكستريما2

http://www.beretta.com/dati/ContentManager/images/Dettagli%20Fucili/Xtrema2_dett8.jpg

أخوي لاحظ أخوي أن في كل تصميم أن شركة بريتا قروب
حاولت في كل من شركاته أن تضع تصميم خاص لتلك الشركه
وفي هذا حركة ذكاء من بريتا ودليل تطوير بريتا لشركاتها بعد الأندماج
و من التصاميم يلاحظ أن في الفرانكي و البنللي كان تصميم رد الفعل
في العقب لاكن في البريتا أختلف لتقليل اكثر قدر ممكن من رد الفعل
و من واقع تجربه أخوي حصلت أن البرتا أكستريما 2 أقل البنادق رجف
و كانت التجربه مع أكستريما 1 و البنلي سوبر بلاك أيقل 1و2 و البراوننق القولد هنتر
و البنلي رفيللو و بيكال و أستفنز أم حبه و تفوقت الاكستريما2 على الجميع
ووزن البرتا أكستريما 2 أخوي 3.450 كيلو مع الكيك أوف
ما شفنا الناس ملت من الروسيه البيكال من ثقلها

و بعدين الكيك أوف يقلل الرجف و الزم تخيل سياره بدون مساعدات وش يكون مطبها
مع سياره فيها مساعدات هيدرولك وبعدين كل من رما فيها تعجب من خف الرجف
و بعدين وشلون ترجف ولا توجع الكتف شيء ما يدخل العقل شوي


أخوي انا أتكلم من واقع تجربه أنا لا أنحاز لبدنق معينه أخوي أنا رميت
بالريمنقتون 87-11 SPS و كانت أفضل بندق رميت فيها في حياتي
لانها موزونه على أنها ثقيله و تسوق سوق مب طبيعي بس كان يعيبها
كثرت القطع و الاعطال (يعني يبيلك ميكانيكي علشان تفنشها) و عدم توفر قطع غيارها عندنا
و ذكرت هذا في أحد ردودي و الزين ما يكمل حلاه

أخوي أنا أطلع على الكتلوج علشان تكون الصوره أوضح عندي
و خصوص لو أختلطت علي الأمور وبعدين الكتلوج يبين
أكثر من التجربه في بعض الاحيان

و أنا لا مدحت شيء لازم أكتب عيوبه مع ذكر المميزات
و أنا لا أبخس بندق على حساب بندق ثانيه لمصلحه شخصيه
لاني مب مستفيد شيء لو الواحد أشترا برتا أو بنلي أو حتى براوننق
أبي الاصلح لي و لغيري

و من ناحيت الاقتباسات أخوي ما تزعل أحد لاني أحس أني
كنت معك مقسط ما أنكرت اللي ذكرته لكن بينت لك بعض
الامور اللي ممكن أنها أختلطت أو غابت عنك في ذاك الوقت


تحياتي
سلمون
24/10/2006, 12:22 AM
أما بالنسبه لسرعت الرمي و الله أنا ما أتكلم من عبث
أنا عندي أثبات مقطع فيديو لتوم برادلي يطلق 12 فشقه في 1.73 ثانيه
أنت تعرف معنا 12 فشقه (يعني الاكستريما2 الوحيده و المتفرده في هذا)
--
و توم ناب اللي يرمي بالـ M2 عجز عنها وهو أفضل من توم برادلي بـ100 مره


توم برادلي انضم للبنللي



نشوف كم ثانية يرمي 12فشقة ؟؟؟؟؟؟

علشان نحكم من البندق والا من الرماي

أنا معجبىبالبريتا إكستريما 2 لكني أستخدم وأفضل السوبر 2
ابوعزيزm
24/10/2006, 03:44 AM
يا أخوان ما قلتووووو لنا كم أسعارها ؟؟؟؟
sal7
24/10/2006, 03:00 PM
أرجع لأول صفحه تحصل ما تبي :)
الطبيب
26/10/2006, 04:36 PM
قلنا لكم ....!!

كل مقتنع باللي عنده

والنقاش .... فعلا مثري لجميع الاطراف.... ولو ان فيه شوية حرارة ببعض الردود ...!!

بالنسبة للبنادق فهي اشكال وانواع ..... ولكن السؤال المحير .... ماهو الانسب ...؟؟

لي عودة .... باذن الله ...!!

هذا والله أعلم

والسلام ختام
الطبيب
26/10/2006, 08:12 PM
خاص للصياد المحترف وصالح ..... لا يقرون باقي الاعضاء :)

بالنسبة للقناعات حول الاسلحة .... ترا صعب جدا تغييره ...!!

بس اللي ودي أقوله لكم اثنينكم ...!!

القراءة حول الاسلحة .... ومعرفة الانواع المختلفة ومواصفات ومميزات كل نوع هذا اللي نحتاجه فعلا ...!!

وهذا ما يغنينا عن .... (( اسأل فلان .... وشاور فلان ...))

وأخذ العلم من أهله أولى .... فالوكالات المصنعة للأسلحة مثل بريتا وبراوننج وريمنغتون .... إلخ

هم اللي يحطون (( مواصفات السلاح )) ومميزاته ... وكل ما يخصه ....!!

ولو نظرنا للموضوع من زاوية (( فيدني .... وأفيدك )) .... لكان أولى وأجدر .....!!

بمعنى آخر .... لو جمعنا بين العلم بالسلاح .... والتجربة العملية ..... لكانت الفائدة أكبر ...!!

بدل نوعية (( أنا أبخص .... وغيري لا )) ...!!

أرجع وأقول .....!!

كل له رأيه الخاص حول السلاح اللي يستخدمه .... والنوعية اللي يفضلها ....!!

لكن هذا لا يعني .... إني أنزل من قدر الآخرين .... أو أتعالى عليهم ....!!

تسجيل حضور ومتابعة .... !!

هذا والله أعلم

والسلام ختام
sal7
27/10/2006, 02:16 AM
خاص للصياد المحترف وصالح ..... لا يقرون باقي الاعضاء :)


ولو نظرنا للموضوع من زاوية (( فيدني .... وأفيدك )) .... لكان أولى وأجدر .....!!


بمعنى آخر .... لو جمعنا بين العلم بالسلاح .... والتجربة العملية ..... لكانت الفائدة أكبر ...!!


بدل نوعية (( أنا أبخص .... وغيري لا )) ...!!


أرجع وأقول .....!!


كل له رأيه الخاص حول السلاح اللي يستخدمه .... والنوعية اللي يفضلها ....!!


لكن هذا لا يعني .... إني أنزل من قدر الآخرين .... أو أتعالى عليهم ....!!


تسجيل حضور ومتابعة .... !!


هذا والله أعلم


والسلام ختام






لي تحفظ على هذا الاقتباس


أخوي الطبيب أما أن تبين أين تم التعالي و أنزال قدر الاخرين في ردودي

و ردود أخونا الكبير الصياد المحترف لانك خصيتنا في هذا الرد






(أخوي من العيب أن الواحد يشوف أخوه يغلط و يخليه على غلطه

و خصوص أذا كانت المعلومه موجوده عند الشخص لذالك يجب

عليه أن يصحح الغلط و أن يبينه لو كان هذا التصحيح قاسي قليلاً

و أخوي الواحد منا لا يمكنه أن يقول أنا أعلم و أدرا من كل الناس

أكيد أن فيه ناس أعلم منه و أدرا منه )






أخوي ذكرت في أوائل ردودي جرب قبل لا تشتري

لان الاذواق تختلف ولولا أختلاف الأذواق لبارت السلع في الاسواق

ناس ترمي بالتركيه و تقول أحسن من ألف سوبر و أكستريما و قولد و بيكل

أنا لا أجبرهم على تغيير رأيهم و لكن أبين مدى خطأهم لناس

و ذوقهم هم حرين فيه لكن من حق القارء علينا أن نبين عيوب و مشاكل

هذه البنادق وله الخيار أما أن يسمع لنا أو يأخذ بقولهم

في ذيك الساعه أنا أكون قد أبرأت ذمتي أما رب العالمين









أخوي الطبيب ما فيه تحيز لبندق أو لشغله معينه لان ماراح يدخل

جيبي ولا قرش واحد كله هذا راح يكون نفعه على الجميع

أخوي أنت تدري أن فيه عالم تنهب و تسرق في سوق السلاح

و نحن في هذا السوق مجبورين و لسنا مخيرين أن ما أخذته أو يجي غيرك

و ياخذه ويسمى هذا السوق سوق الندره يعني الغرض اللي تبيه

يا يجيك بطلعت الروح أو ما يجيك و تصير حسره في قلب الواحد

فلذالك ندور على الاصلح وندل الناس له أذا أعجبه كان بها و نعمه

و أذا ما أعجبه الله يعينه على ما أختار






(أخوي أنا قبل لا أشتري الاكستريما 2 جربت كل البنادق تقريباً

شيء غريب للحين ما أعرف أسمه و شيء ما مدحوه اللي جربوه

وشيء أتوقع يشيب راس الواحد من ذكره كل هذا لاني أبي اللي

يصلحلي وكان أختياري الحمد لله هو الصواب و كل من جربها

قالي الله يطعمك من خيره و يكفيك شره و راح يدور مثلها

و انا جربت بندق جابها واحد من الربع

(الله يجزاه خير وقف معي وقف معي و قفات الله أعلمبها كان بالود أني أذكر أسمه)

من ولد عمه كانت فرنسيه 35 أنش طول ماصورتها

و أنا ما ذكرت هذا ألا أني أنقلك معاناتي اللي مريت بها ولا ودي

أن أحد من الشباب يمر بمثل هذي التجربه الصعبه

وللمعلوميه أنا كنت مقتنع بالأكستريما 2 من أول تجربه أنها الأفضل بس حبيت

أقتنع زياده حتى لا يكون فيه شك ولو 1%

وفيه تجارب أستنتجت أشياء و أشياء

منها

ولكن هذا لا يعد أدعاء ولا كان بودي أني أذكره

و كنت متحفظ على هذه التجربه لأنه شيء خاص بي

و تجربه أرجو أنها ما مرت على احد منكم

ولا أن شاء الله أنها ماراح تمر على أحد بعدي)


تحياتي
الطبيب
27/10/2006, 09:17 AM
صالح .... يا صباح الورد والرمي والبارود

التعالي والتعدي لم يتم ولله الحمد ..... ولكنه ذكر في سياق الرد للتنبيه فقط

كل البوارديه لما تسأله عن شي يقول لك من ..... واقع تجربتي انصح بكذا وكذا

وهذا لا يعني انه على خطأ .... أو انه على صواب 100%

واللي اعرفه ان اعضاء مكشات .... اكبر بكثير من ان يزل الواحد منهم بسهوله .... لانهم رجال بمعنى الكلمة

على العموم......!!

افدتنا يا صالح .... وابلشتني لاني للحين ادور بريتا اكستريما 2 علشان اجربها ....!!

وكل ما سالت البوارديه ..... قالوا هذي جديده ...!!

الباهي ...سأل ولا عاد شفناه .....!!

هاه ..... شرا بندق والا للحين ...؟؟

هذا والله أعلم

والسلام ختام
نعمان الفهمان
27/10/2006, 06:10 PM
الباهي اول ما كتب الموضوع كنت اشوف تواقيع بعض الشباب يدعونلة بالشفاء الولد مريض اللة يشفية
وانا واللة حبيتة من دعاء الناس لة
بس وينة يا ليت الي يعرفة يطمنا علية
sal7
29/10/2006, 01:48 PM
من يقول أني لغيرك .. أنا لك ماني لغيرك

البرهان في الاكستريما 2 هي الافضل

http://video.google.co.uk/videoplay?docid=1032624174739440974
ابو الاسلحه
29/10/2006, 02:02 PM
البنللي او البريتا او البراوننج او الرمنجتون كلهم تمام الماركات مهما اختلفوا
شوفوا هالموقع www.almuzayenhunting.com (http://www.almuzayenhunting.com)
sal7
28/11/2006, 01:25 PM
يا ليت يتم الحفاظ على الموضوع

لانه فيه فايده مب طبيعيه

تحياتي
القرم
29/11/2006, 12:52 PM
هذا رابط لمنتدى امريكي لموضوع نفس الموضوع هذا

http://www.nodakoutdoors.com/forums/viewtopic.php?p=163372

النتيجة ان مؤويدين برتا صاروا اكثر من البنلي.
التوباز
09/12/2006, 09:46 PM
موضوع مميز يحتوي على معلومات قيمة

تحياتي
سعودأبوفهد
05/06/2010, 04:02 PM
نصيحه من اخـ لـ اخيه خذلك برتاااا ولا تحتاار
ناصرأبونواف
05/06/2010, 06:25 PM
سبحان الله / اهل بريده وعنيزه يفضلون النيسان وباقي المناطق يفضلون التايوتا
اما انا اقول تايوتا وبس في الموديلات القديمه حتى موديل 2005 ومن بعدها اقول نيسان على كل لسان حتى موديل 2009 ولو سأ لتوني عن الأسباب سأدكرها لكم
سبحان الله / اهل بريده وعنيزه يفضلون البانلي واهل الرياض والدمام يفضلون البرتا
وأنا اقول برتا اكستريما 2 وبس لن تضاهيها اي بندق على وجه الأرض كلها مميزات حتى ثقل الوزن الذي اعتبره بعض الناس عيب انا اعتبره ميزه وسلامتكم
الخرب الكبير
06/06/2010, 10:47 AM
اخوي إذا كنت تبي ترهم ماصورة البلجيك على السوبر بانلي تمام
اما إذا كنت ماراح ترهم الماصورة خذ بريتا
اسئل مجرررررررررررب
الخزيمkzeem
28/12/2014, 07:03 PM
بنلى ورح لاهلك بس هاه لابد ترهيم ترتاح من التشكات فقط
قناص الوعول
29/12/2014, 11:56 AM
برتا رميها طيب وممتازوسوق والبنلي لم اجربها وهاذي الشوزنين افضل شي تقتنيه