السيف المعلق
19/09/2006, 09:02 PM
السلام عليكم ورحمة الله وبركاته
هذه محاورات جرت بيني وبين احد الشعراء
في منتديات قحطان
وحبيت اشارك بها معكم كأول موضوع اطرحه لكم
واوعدكم بالمزيد من المحاورات المكشاتية
.
.
مسفر الهاجري
سلامي سلامن ياصلك يا جبل زيد=سلامن يسوقه هاجري و قحطاني
على طاري الغزلان و الصيد و الفيد=يا ويش انت ناوي بعد طل اليماني
.
.
جبل بن زيد
هلا مرحبا ترحبتن تفلت القيد = نيابه نرحبك عن أهل المكاني
ليامن طرا الطاري وطينا على البيد = بعد جاك حل الصيد والجو زاني
.
.
مسفر الهاجري
يدوم البقا ياشاعر(ن) تهلك الجيد=وعسى ربعك احزامك لاشان الزماني
من ديره ليا ديره ترا يفرق الصيد=وصيدك نشوفه هزل مدري سمآني
.
.
جبل بن زيد
ترانا هل الصملات تيدن على تيد = وربعي هل الفزعات زبن المجاني
ولا فيه فرق الفرق في قشرت الحيد = أصيد الجزل لو ما يصيده فلاني
.
.
مسفر الهاجري
وحنآ ربوع(ن) فـ الملاقا صنآديد=ومن شك في ربعـي عساه ((الكفـآني))
ترا صيدة العصفور فيها مناقيـد=ولا تقرب المنقود يا المودماني
.
.
جبل بن زيد
ونعمين باللي فالمهاوش مقاريد = نعرف الهواجر ماتحب الهواني
اشوفك تفر العلم فر المباريد = ولاكن نبا نعطيك قد المعاني
.
.
مسفر الهاجري
لاتفرق مابين اثنين ياعاكس السيد=ترا اللي يشووف البير شاف السواني
مافريت علمي ياسعد جارك سعيد=ومعنآك خله مثل حد السناني
.
.
جبل بن زيد
أفند سمان الهرج تفنيد تفنيد = واخلي مسرّح عشر ترجع ثماني
وانا خابرك تقنص عسا يومكم عيد = عسا الله عطاك الحظ يالمسلماني
.
.
مسفر الهاجري
وانا ارد لك هرجك وافك التعاقيد=واخليك تهجد ياطويل اللساني
قنصنا ورا الرمله وخليتك بعيد=مع رفقه (ن) سمحـه طوال اليماني
.
.
جبل بن زيد
عطيتك علومي كلها بالعناقيد = وبأخذ علومك لو تطيح المباني
قطعنا ورا الرمله ولابه محاصيد = ياكود الحمام الي يهز الغصاني
.
.
مسفر الهاجري
علومك مثل سم (ن) في وسط المزابيد=ياربي دخيلك يالله المستعاني
كم واحد قطعها ثم جر التناهيد=يدربي رويسه منجم فالمكآني
.
.
جبل بن زيد
نجيب الذهيبه قبل تاتي على الديد = ولاكن علومك مثل ضايع محاني
جهازن يدلك في مغار الجراهيد = وفيدك ترا مغير سمع الاذاني
.
.
.
.
المحاورة الثانية جرت بيني وبين الشاعر مشخص الفهري
.
.
مشخص الفهري
للظيوف وللمعازيب التحيه والسلامي = واسعد الاوقات ليله تجمع اصحاب الشهامه
القضيه ياجماعه لا حلال ولا حرامي = مير نادولي جبل واسمع جبل واخذ كلامه
.
.
جبل بن زيد
مرحبا واعداد من صلا الفريضه ثم صامي = في محل اهل الوفا واهل الحمية والكرامه
كل صيده ياعميلي ماتطيح الا برامي = والقضية جيبها والليل نكشف في ظلامه
.
.
مشخص الفهري
البقالك يابن عمي عشت يالحر القطامي = والكفو والمحترم يفرض على الناس احترامه
ياجبل تقنص وترمي والقشق ملي الحزامي = مر في ( رفحا ) الشمال ومر في .. ساحل تهامه
.
.
جبل بن زيد
يبن عمي والله إنك من كبيرين الاسامي = من سلالة لابتن فالمعركة تحم ا الجهامه
عادتي في كل موسم والله إنها كل عامي = كل ديره جيتها حطيت لي فيها علامه
.
.
مشخص الفهري
والله انك من هل الطالات وافين الذمامي = وانت اعدك ياجبل عندي من اصحاب الفخامه
بس قلي وش تسوي لادخل شهر الصيامي = وانت تدري وش حلال ( الصيد ) وتميز حرامه
.
.
جبل بن زيد
ماعليكم زود جعله من فداياك الهلامي = وانت تغلي واحدن حطك اميرن للزعامه
زين والله فرمضان الصيد يعمل لي ايدامي = منت في مكة تكسر او تنفر لك حمامه
.
.
مشخص الفهري
عل يفداك الضعيف وعل يفداك الخمامي = مات ابو زيد الهلالي ماتهنى في غرامه
لوجبل تذكرله الغزلان فالبيت الحرامي = شغل سويك الهلقس .. وطار من عينه منامه
.
.
جبل بن زيد
لو تذوق الصيد جاك الصيد في حلم المنامي = إيتخيلك وتقحص تحسبنك في عدامه
أعرف السنه تراني .. سنة محمد امامي = من تعدى سنته جات الكوارث في عضامه
.
.
مشخص الفهري
اثر هاذي غايتك ياطير شلوى والمرامي = بس اخافك تالي الايام تدفعها غرامه
ابن عمي جاب صيد وصار للصيدات رامي = قال انا صايد .. غزال .. وجيت حصلته نعامه
.
.
جبل بن زيد
غايتي كسب المراجل والمراجل هي نظامي = والقنص ضمن المراجل حض منهي في نظامه
من جزيل الصيد جبنا .. جبنا عوجات العضامي = وانت يامشخص يبالك درس في علم اليمامه
.
.
مشخص الفهري
المراجل والغنايم للرياجيل الحشامي = مثلك وشرواك عز ولالحق راسك ملامه
استلم نوط القناصه يابن عمي والوسامي = بارك الله فالعزيز الي من الجزله طعامه
.
.
.
.
والمحاوره الثالثة جرت بيني وبين الشاعر ابن مذكر
ابن مذكر
خير مانبتدي به ذكر رب العبادي=وعقبه ازكى السلام الزين...لابالله الا
ياعسا الله يقدينا دروب السدادي=قبل نبدا بجيم وسين...لابالله
.
.
جبل بن زيد
مرحبا ياوسيع العرف والليل بادي = مرحبا عندنا هالحين ... لا بالله إلا
ملعبتنا بياض ولا يجيها السوادي = والسوالف لها حدين ... لا بالله إلا
.
.
ابن مذكر
السوالف مع شرواك غاية مرادي=وانت تبقى ليوم الدين...لابالله الا
للجزيلات باب وللهزيلات وادي=وانت عندي من الغالين...لابالله لا
.
.
جبل بن زيد
من غلاكم هدفت النت جيت امتحادي = وانت خشمن مع العينين .. لابالله إلا
الجزيلة جزيله مثل كيف القنادي = دير فنجالها ببزين .. لا بالله إلا
.
.
ابن مذكر
مرحبا"بك لكن هادف من اية بلادي=ودي اخذ علومك زين...لابالله الا
صورة الصيد تبحث في خفايا فوادي=وش يسوي النظر بالعين...لابالله
.
.
جبل بن زيد
البقابك وجيتك من ديار المبادي = قومها تردع الغاوين .. لابالله إلا
ابشرو بالشبب والصيد ياذيب زادي = خاوني للقنص يومين .. لا بالله
.
.
ابن مذكر
الله يعز حكم مقصرين الايادي=بالشريعه وحكم الدين...لابالله الا
لك علي السلاح وطيرحر"هدادي=وانته أشر يسار يمين...لابالله الا
.
.
جبل بن زيد
كيف تجحد هل الطاله كعام المعادي = يمكن إن فيك خفه طين .. لا بالله إلا
قوم واركب على الي من مديل الجدادي = لين تشبع بها السكين .. لا بالله إلا
.
.
ابن مذكر
ياجبل زيد ويش يفيد كثر العنادي = جايتك كاش ولا دين...لابالله الا
دق سلف الجديد ونطحه للبرادي = وقول ياشاوي الموذين...لابالله الا
.
.
.
عسا ان تنال اعجابكم
هذه محاورات جرت بيني وبين احد الشعراء
في منتديات قحطان
وحبيت اشارك بها معكم كأول موضوع اطرحه لكم
واوعدكم بالمزيد من المحاورات المكشاتية
.
.
مسفر الهاجري
سلامي سلامن ياصلك يا جبل زيد=سلامن يسوقه هاجري و قحطاني
على طاري الغزلان و الصيد و الفيد=يا ويش انت ناوي بعد طل اليماني
.
.
جبل بن زيد
هلا مرحبا ترحبتن تفلت القيد = نيابه نرحبك عن أهل المكاني
ليامن طرا الطاري وطينا على البيد = بعد جاك حل الصيد والجو زاني
.
.
مسفر الهاجري
يدوم البقا ياشاعر(ن) تهلك الجيد=وعسى ربعك احزامك لاشان الزماني
من ديره ليا ديره ترا يفرق الصيد=وصيدك نشوفه هزل مدري سمآني
.
.
جبل بن زيد
ترانا هل الصملات تيدن على تيد = وربعي هل الفزعات زبن المجاني
ولا فيه فرق الفرق في قشرت الحيد = أصيد الجزل لو ما يصيده فلاني
.
.
مسفر الهاجري
وحنآ ربوع(ن) فـ الملاقا صنآديد=ومن شك في ربعـي عساه ((الكفـآني))
ترا صيدة العصفور فيها مناقيـد=ولا تقرب المنقود يا المودماني
.
.
جبل بن زيد
ونعمين باللي فالمهاوش مقاريد = نعرف الهواجر ماتحب الهواني
اشوفك تفر العلم فر المباريد = ولاكن نبا نعطيك قد المعاني
.
.
مسفر الهاجري
لاتفرق مابين اثنين ياعاكس السيد=ترا اللي يشووف البير شاف السواني
مافريت علمي ياسعد جارك سعيد=ومعنآك خله مثل حد السناني
.
.
جبل بن زيد
أفند سمان الهرج تفنيد تفنيد = واخلي مسرّح عشر ترجع ثماني
وانا خابرك تقنص عسا يومكم عيد = عسا الله عطاك الحظ يالمسلماني
.
.
مسفر الهاجري
وانا ارد لك هرجك وافك التعاقيد=واخليك تهجد ياطويل اللساني
قنصنا ورا الرمله وخليتك بعيد=مع رفقه (ن) سمحـه طوال اليماني
.
.
جبل بن زيد
عطيتك علومي كلها بالعناقيد = وبأخذ علومك لو تطيح المباني
قطعنا ورا الرمله ولابه محاصيد = ياكود الحمام الي يهز الغصاني
.
.
مسفر الهاجري
علومك مثل سم (ن) في وسط المزابيد=ياربي دخيلك يالله المستعاني
كم واحد قطعها ثم جر التناهيد=يدربي رويسه منجم فالمكآني
.
.
جبل بن زيد
نجيب الذهيبه قبل تاتي على الديد = ولاكن علومك مثل ضايع محاني
جهازن يدلك في مغار الجراهيد = وفيدك ترا مغير سمع الاذاني
.
.
.
.
المحاورة الثانية جرت بيني وبين الشاعر مشخص الفهري
.
.
مشخص الفهري
للظيوف وللمعازيب التحيه والسلامي = واسعد الاوقات ليله تجمع اصحاب الشهامه
القضيه ياجماعه لا حلال ولا حرامي = مير نادولي جبل واسمع جبل واخذ كلامه
.
.
جبل بن زيد
مرحبا واعداد من صلا الفريضه ثم صامي = في محل اهل الوفا واهل الحمية والكرامه
كل صيده ياعميلي ماتطيح الا برامي = والقضية جيبها والليل نكشف في ظلامه
.
.
مشخص الفهري
البقالك يابن عمي عشت يالحر القطامي = والكفو والمحترم يفرض على الناس احترامه
ياجبل تقنص وترمي والقشق ملي الحزامي = مر في ( رفحا ) الشمال ومر في .. ساحل تهامه
.
.
جبل بن زيد
يبن عمي والله إنك من كبيرين الاسامي = من سلالة لابتن فالمعركة تحم ا الجهامه
عادتي في كل موسم والله إنها كل عامي = كل ديره جيتها حطيت لي فيها علامه
.
.
مشخص الفهري
والله انك من هل الطالات وافين الذمامي = وانت اعدك ياجبل عندي من اصحاب الفخامه
بس قلي وش تسوي لادخل شهر الصيامي = وانت تدري وش حلال ( الصيد ) وتميز حرامه
.
.
جبل بن زيد
ماعليكم زود جعله من فداياك الهلامي = وانت تغلي واحدن حطك اميرن للزعامه
زين والله فرمضان الصيد يعمل لي ايدامي = منت في مكة تكسر او تنفر لك حمامه
.
.
مشخص الفهري
عل يفداك الضعيف وعل يفداك الخمامي = مات ابو زيد الهلالي ماتهنى في غرامه
لوجبل تذكرله الغزلان فالبيت الحرامي = شغل سويك الهلقس .. وطار من عينه منامه
.
.
جبل بن زيد
لو تذوق الصيد جاك الصيد في حلم المنامي = إيتخيلك وتقحص تحسبنك في عدامه
أعرف السنه تراني .. سنة محمد امامي = من تعدى سنته جات الكوارث في عضامه
.
.
مشخص الفهري
اثر هاذي غايتك ياطير شلوى والمرامي = بس اخافك تالي الايام تدفعها غرامه
ابن عمي جاب صيد وصار للصيدات رامي = قال انا صايد .. غزال .. وجيت حصلته نعامه
.
.
جبل بن زيد
غايتي كسب المراجل والمراجل هي نظامي = والقنص ضمن المراجل حض منهي في نظامه
من جزيل الصيد جبنا .. جبنا عوجات العضامي = وانت يامشخص يبالك درس في علم اليمامه
.
.
مشخص الفهري
المراجل والغنايم للرياجيل الحشامي = مثلك وشرواك عز ولالحق راسك ملامه
استلم نوط القناصه يابن عمي والوسامي = بارك الله فالعزيز الي من الجزله طعامه
.
.
.
.
والمحاوره الثالثة جرت بيني وبين الشاعر ابن مذكر
ابن مذكر
خير مانبتدي به ذكر رب العبادي=وعقبه ازكى السلام الزين...لابالله الا
ياعسا الله يقدينا دروب السدادي=قبل نبدا بجيم وسين...لابالله
.
.
جبل بن زيد
مرحبا ياوسيع العرف والليل بادي = مرحبا عندنا هالحين ... لا بالله إلا
ملعبتنا بياض ولا يجيها السوادي = والسوالف لها حدين ... لا بالله إلا
.
.
ابن مذكر
السوالف مع شرواك غاية مرادي=وانت تبقى ليوم الدين...لابالله الا
للجزيلات باب وللهزيلات وادي=وانت عندي من الغالين...لابالله لا
.
.
جبل بن زيد
من غلاكم هدفت النت جيت امتحادي = وانت خشمن مع العينين .. لابالله إلا
الجزيلة جزيله مثل كيف القنادي = دير فنجالها ببزين .. لا بالله إلا
.
.
ابن مذكر
مرحبا"بك لكن هادف من اية بلادي=ودي اخذ علومك زين...لابالله الا
صورة الصيد تبحث في خفايا فوادي=وش يسوي النظر بالعين...لابالله
.
.
جبل بن زيد
البقابك وجيتك من ديار المبادي = قومها تردع الغاوين .. لابالله إلا
ابشرو بالشبب والصيد ياذيب زادي = خاوني للقنص يومين .. لا بالله
.
.
ابن مذكر
الله يعز حكم مقصرين الايادي=بالشريعه وحكم الدين...لابالله الا
لك علي السلاح وطيرحر"هدادي=وانته أشر يسار يمين...لابالله الا
.
.
جبل بن زيد
كيف تجحد هل الطاله كعام المعادي = يمكن إن فيك خفه طين .. لا بالله إلا
قوم واركب على الي من مديل الجدادي = لين تشبع بها السكين .. لا بالله إلا
.
.
ابن مذكر
ياجبل زيد ويش يفيد كثر العنادي = جايتك كاش ولا دين...لابالله الا
دق سلف الجديد ونطحه للبرادي = وقول ياشاوي الموذين...لابالله الا
.
.
.
عسا ان تنال اعجابكم