المساعد الشخصي الرقمي

مشاهدة النسخة كاملة : بنات اسمهن واحد .................... حله ( ابو صقر الشمالي ) .. الحل ( مفصلات الباب )


ذيب الفقارة
16/04/2013, 07:41 PM
بسم الله الرحمن الرحيم

السلام عليكم ورحمة الله وبركاته

هذا لغز طرحة علي أحد الإخوة قلت أحرك به الركود هذا اليوم

...........................

ويش بنات ن) عجيبه اسمهن واحد .......متمسكات كلهن في طرف عود

ممشاه كل الوقت باسبابهن واجد ......... ومن دونهن ذا العودمابه ترى فود

.........

وعسى ما يكون مكرر
ابو ماجد 2
16/04/2013, 07:46 PM
صح لسانك
وصح لسان صاحبك
لعله القطار وعجلاته

http://g.abunawaf.com/2010/6/1/3bode/511.jpg
أبوصقرالشمالي
16/04/2013, 07:51 PM
أبوماجد
وش طمرك على القطار ههههههههه من كثر قطاراتنا
وراها ماهى كفرات السيارة


عموما ً أنا مع القناص المحترف أبوماجد الكفرات
أبوصقرالشمالي
16/04/2013, 07:53 PM
ولاهنت ياذيب الفقارة
وكفو وماقصرت وبيض الله وجهك
ذيب الفقارة
16/04/2013, 08:03 PM
حياك الله أخوي أبو ماجد

تصدق إن الشايب ما عاد يعرف الخميس من الجمعة

والدليل إني معتقد يوم ماشفتك اليوم إنه إجازة

قلت ياولد أبو ماجد مكشت

..................

الرمعة ماصابت

تحياتي
ابو ماجد 2
16/04/2013, 08:03 PM
أبوماجد
وش طمرك على القطار ههههههههه من كثر قطاراتنا
وراها ماهى كفرات السيارة


عموما ً أنا مع القناص المحترف أبوماجد الكفرات


هلا بمرعب الالغاز
شرفني تاييدك
اول مااتى ببالي كفرات السياره لكنه يقول طرف عود لذلك اتى بالبال القطار
ذيب الفقارة
16/04/2013, 08:09 PM
هلا بالغالي أبو صقر الشمالي ( المرعب )

تقصد القطار اللي تطيح كفراته ونوب يزوغ يمين ونوب شمال

للأسف الرمعة ما صابت

تحياتي
أبوصقرالشمالي
16/04/2013, 08:10 PM
أدري يابوماجد
هذا إللي راح تفكيرك له عشان كلمة عود أنت تخيلتها كبير
وأنا كلمة عود تخيلتها العود العادي وقلت أعمدة الدوران تسد اللزوم
بس ذيب الفقارة يقول حلنا غير صحح
حلوة حلنا شاركتك في حلالك هههههههه
أبوصقرالشمالي
16/04/2013, 08:18 PM
لاتكون ياذيب الفقارة
المفصلات إللي تمسك الباب وتربط فيه بمسامير ويتحرك بوجودها
ذيب الفقارة
16/04/2013, 08:23 PM
كفوووووووووووووووووووو كفووووووووووووووووووووووووووووووووووووووو

أبو صقر الشمالي

نعم مفصلات الباب

أذن العشاء الآن مستعجل.ما يمديني ألون

....................

إنت منت مرعب إنت قتال ذباح ....... الخ
أبوصقرالشمالي
16/04/2013, 08:46 PM
كفوك الطيب ياذيب الفقارة
وبيض الله وجهك
وتتعشاء بالعافية
ولقب (مرعب) عطانيه أبوماجد وشكلي بتورط فاللقب وبقعد مسنتر في خيمة الألغاز وبترك دوامي يعني إني الوليدة إللي يحل الألغاز هههههههه
ويمكن أتغيب ويفصلوني وأقوم أسترفد فالمنتدي
وترى أكثر رمعاتي رميات من غير رامي عانونى معلمكم يالربع وحنا في أولها فكوني من هاللقب إللي بيسبب
لي إجهاد للخلايا العصيبة وربما يصيبني تشنج فالمخ ههههههههه
وأسأل اله أن يجعل حبال الود ممدودة بيننا . وأنا لي أكثر من سنتين مسجل ولابديت أشاراك إلا من قبل أمس
مدري إللي قبله وبواصل بإذن الله
ابو ماجد 2
16/04/2013, 09:27 PM
صح لسانك يابو عدنان على اللغز
وصح لسان مرعب الالغاز
لغز متكتك وحل مايحتاج راكب
بيض الله وجيهكم جميعا
انا يابو صقر لي شوي وانا ابحث بجواز السفر والارقام اللي مخرمه بطرفه وبدونهن مايمشي وابحث عن صورة لأنزلها
لكن ماشاء الله عليك
والباب ماجا بالبال حنا يالشيبان ماعلق بالدماغ الا الباب لخشبي اللي يمشي على رجل
ابو ماجد 2
16/04/2013, 09:30 PM
كفوك الطيب ياذيب الفقارة
وبيض الله وجهك
وتتعشاء بالعافية
ولقب (مرعب) عطانيه أبوماجد وشكلي بتورط فاللقب وبقعد مسنتر في خيمة الألغاز
وبترك دوامي يعني إني الوليدة إللي يحل الألغاز هههههههه
ويمكن أتغيب ويفصلوني وأقوم أسترفد فالمنتدي
وترى أكثر رمعاتي رميات من غير رامي عانونى معلمكم يالربع وحنا في أولها فكوني من هاللقب إللي بيسبب
لي إجهاد للخلايا العصيبة وربما يصيبني تشنج فالمخ ههههههههه
وأسأل اله أن يجعل حبال الود ممدودة بيننا . وأنا لي أكثر من سنتين مسجل ولابديت أشاراك إلا من قبل أمس
مدري إللي قبله وبواصل بإذن الله


اجل مرعب ماني مخليها من شان نحظى بتواجدك يالغالي
فمثلك مكسب يشرفنا تواجده والتواصل معه
عطري
17/04/2013, 08:28 AM
و عليكم السلام و رحمة الله و بركاته


صح لسانك يا أبا عدنان ، لغز محبوك و لا أحلى.


و
كفوووووووووووووو


يا مرعب الألغاز


تستاهل اللقب ، نحن السابقون و أنتم اللاحقون.
أنا قبلك توهقت ، جزاه الله خيراً أبا ماجد لقبني بقناص الصباح ، يعني أنا
الذي في خطر وقت الدوام لا بد أداوم في هالخيمة.
و في الحقيقة : أبو ماجد - حفظه الله - تسعد بتواصلك معه في النظم
و الرمع و المشاركات و القصص .... لا بد أن تخرج بفوائد منه في كل حال.
سعدت بانضمامك لفريق العمل الصباحي....:D
أبوصقرالشمالي
17/04/2013, 08:48 AM
عطري المنتدى الصبح مافيه إلا أنا وإياك
الباقين يجون في الليل
بالله حاول تحل لغز أبوماجد إللي يقول : ياقل من قالوا سلم وفكنا منه
أنا لاحظت ملاحظة
بعد رمعتك ماعاد رد مع إنه دخل وطلع وحط ألغاز ورمعات ومع ذلك مارد على رمعتك
شكل رمعتك قريبة جدا ً ويمن يبغاك تعدلها مجرد توقع فقط
عطري
17/04/2013, 09:33 AM
عطري المنتدى الصبح مافيه إلا أنا وإياك

الباقين يجون في الليل
بالله حاول تحل لغز أبوماجد إللي يقول : ياقل من قالوا سلم وفكنا منه
أنا لاحظت ملاحظة
بعد رمعتك ماعاد رد مع إنه دخل وطلع وحط ألغاز ورمعات ومع ذلك مارد على رمعتك

شكل رمعتك قريبة جدا ً ويمن يبغاك تعدلها مجرد توقع فقط


شكراً أخوي أبو صقر

المحاولات جارية ، لكني مشتت عندي أكثر من شغله
و لغز الكلمات يبيله تركيز عميق
كل التقدير لشخصك الكريم،،،
ابوماريا
17/04/2013, 11:19 AM
صح لسانك يابو عدنان على اللغز الرائع
وكفووووو كفووووو كفوووووو
يا مرعب الالغاز

بيض الله وجيهكم جميع
أبوصقرالشمالي
17/04/2013, 11:52 AM
كفوك الطيب
يابوماريا
وبيض الله وجهك