سالفة: حناي ونغارت البنات..قوافي

[قوافي ( أم نهار )]

http://t3.gstatic.com/images?q=tbn:ANd9GcSYRbJdOLNFa49UqmhZTMKmMObwbOtMs hOpfjk2G3DvQK-m-f-3



مشرفينا الكرام



أخواني ،،أخواتي الأفاضل ،،زوار مكشاتي الغالي وخيمتي الحبيه



السلام عليكم ورحمة الله وبركاته



حينما نتلقى عزائنا بغالي فقدناه ،،يمر أمام أعيننا شريط طويل يحمل كل مانستطيع من ذكريات ومواقف معه وعنه..



رحم الله امواتنا واموات المسلمين



من قريب توفت إحدى الغوالي وكان لي موقف قديم وأنا صغيره معها مازلت اتذكره وكأنه الأن:



كانت أمي أطال الله بعمرها مريضه ،،وجت الغاليه وهي إحدى قريباتي وقالت انا ابي انام عندكم لين تطيب الوالده..



وجايبه معها حنا للشعر ومايسمى محلب،،وهو يحط مع الحنا لتحنية الشعر،، والمحلب يقولون يصلح الشعر ،،وأنا أقول:يغمت القلب!!



يوم جا بالليل عجنت الحنا مع كاتم الأنفاس وأنا أناظرها وخايفه تقول بحني شعرتس بكره!! كلش إلا ذي..



واللي توقعته صار يوم جا من بكره الضحى اصرت انها تحنين وانا ما أحب الحنا موب عاد حنا ومحلب ،،قعدت تسوي إغراء،،



البنات لين شافوتس متحنيه ينغرن منتس ،،وينغرن عند البنات شي كبير ،،ودلت تمدح لين صابن او جان جنون العظمه ..



حطيتها براسي وريحة الحنا تعج عج بكل مكان..



طلعت العب مع البنات عند الباب بكل غرور وثقه بأني الأجمل وانا متأكده أن هاك اليوم ما قربن لا نامس ولا ذباب ولا أي حشره كأني مبيد متنقل ..



البنات كل ما قربت لوحده راحت بعيد هن متأذيات من ريحة المحلب قويه وانا أحسب غيرانات من حناي اللهم لك الحمد..



المهم قعدنا نلعب دبق وهي لعبه قديمه يلعبونها البنات عباره عن حفره صغيره بالارض وادوات اللعب اي شي زرار قزاز ملون كبك خاتم وقد لعبت بخروصي (خماخم) وراحن علي..



بهاك اليوم لاحظت اني اغلب أو أهزم البنات ويوم أغتريت قلت :



أنا غلبتكم ماتعرفون تلعبون وكل يوم بفوز عليكم؟؟؟



ردت وحده من البنات:



وععععع عسى إن شاء كل يوم بتحطين هالريحه ترانا تركناتس تفوزين عشان ريحت الحنا مانبي نقرب لتس



شششششششش



انا انصدمت :وععععع



طيب الغاليه قالت ينغرون موب يقرفون ،،وعلى الغسيل الفوري وكانت أخر مره بلا حنا بلا محلب وموب مهم ينغرون ..




لكم مني أجمل تحيه وتقدير..



..قوافي..

[أبوفيصل 2007]

ههههههههههههههههههههههههههههههههههههههه

حنا ماشاء الله مكثفة ومبيده للبشر والارواح

بارك الله فيك يا قوافي واخاف تشوفك وحدة من البنات الي لعبن معك ويذكرونك بسالفة وقبل ما يسلمن عليك يشيفون انتي حاطته حنا لو لا هههههههههههههههههههههههههههه

شكرا لك على السالفة

دمتي للجميع بخير وعافية

[حمد69]

وعليكم السلام ورحمة الله وبركاته
حياكِ الله أخيه
رحم الله امواتنا واموات المسلمين... آمين
إستشوار حنى ومحلب سر الفوز... الله يرحم غاليتس..
بس ريحة المحلب طيبة وله فوائد كثيرة خصوصا للشعر وللبشرة..
راح الطيب مع هله .. وهذا عصر الكيماويات الله يرحمنا برحمته..
دمتِ في حفظ الرحمن
أخوك حمــــــــــــــد

[saud saad]

السلام عليكم ورحمة الله وبركاته
ورحم الله موتاكم واموات المسلمين اجمعين ..... تذكرت ريحة المحلب اللي خلتني ما امر من احدى الشوارع الضيقه التي توصل الى بيتنا واروح احوط من مكان بعيد علشان ما امر من عند بيت اهله شكلهم مدمنين عليه والله ان ريحته تعج بالسكه واشوف بنياتهم يلعبن عند الباب مربطات روسهم اثرهم حاطينه ياقوي ريحته وكرهي له بعد والله ما لوم صديقاتك هههههههههههههههههه اضحك الله سنك وونتظر المزيد

[قوافي ( أم نهار )]

ههههههههههههههههههههههههههههههههههههههه

حنا ماشاء الله مكثفة ومبيده للبشر والارواح

بارك الله فيك يا قوافي واخاف تشوفك وحدة من البنات الي لعبن معك ويذكرونك بسالفة وقبل ما يسلمن عليك يشيفون انتي حاطته حنا لو لا هههههههههههههههههههههههههههه

شكرا لك على السالفة

دمتي للجميع بخير وعافية

هلابك اخوي ابو فيصل
:D ان شاء الله سعاده دائمه..
مع الحناء لا عناء :p
الله يبارك بك وبحضورك الكريم..
:f أحسن موب لازم يسلمن يسد احراج هاك اليوم..
العفو وحياك ربي..
اسعدني مرورك وردك الكريم
دمت بحفظ الله
تحياتي وتقديري واحترامي
..قوافي..

[خوي مخباته]

هههههههههههه الاخت "" قــــــــــــوافــــــــــــــــــــــي "" والله الاحراج اجل معاد فيــــــــــــه .. لا ... حناء ولا محلب ويقولون مافوزناتس عبث كله من ريحت المحلب والحناء لكـــــــــــن حليتي المشكله يوم اخذتي القرار بغسيل الحناء والمحلب بس الظاهر مامطيروة الا غسيل { البستم } مشكووووووووووووووووووة وبارك الله فيتس ,
........................................... تحياتي وتقديري واحتراماتي ...............................................

[قوافي ( أم نهار )]

وعليكم السلام ورحمة الله وبركاته

حياكِ الله أخيه
رحم الله امواتنا واموات المسلمين... آمين
إستشوار حنى ومحلب سر الفوز... الله يرحم غاليتس..
بس ريحة المحلب طيبة وله فوائد كثيرة خصوصا للشعر وللبشرة..
راح الطيب مع هله .. وهذا عصر الكيماويات الله يرحمنا برحمته..
دمتِ في حفظ الرحمن
أخوك حمــــــــــــــد


حياك الله اخي الفاضل
امين الله يرحمهم ويرحم اموات المسلمين
الريحه كثير من يقول زينه وفيه من ماتعجبه ،لولا اختلاف الاذواق لبارت السلع..
كلش صناعي الحين الله يجيرنا من اللي بعده:D
اشكرك لحضورك الكريم وردك الجميل
دمت بحفظ الله
تحياتي وتقديري واحترامي
..قوافي..

[نوْرس]

أجل تحمستِ واجد بالفوز .. أخرتها :looney:

أعطوك بنص الجبهة ع ماقالوا...

استمتعت شكرا قوافي

[قوافي ( أم نهار )]

السلام عليكم ورحمة الله وبركاته
ورحم الله موتاكم واموات المسلمين اجمعين ..... تذكرت ريحة المحلب اللي خلتني ما امر من احدى الشوارع الضيقه التي توصل الى بيتنا واروح احوط من مكان بعيد علشان ما امر من عند بيت اهله شكلهم مدمنين عليه والله ان ريحته تعج بالسكه واشوف بنياتهم يلعبن عند الباب مربطات روسهم اثرهم حاطينه ياقوي ريحته وكرهي له بعد والله ما لوم صديقاتك هههههههههههههههههه اضحك الله سنك وونتظر المزيد


عليكم السلام ورحمة الله وبركاته
آمين الله يرحم امواتنا واموات المسلمين
:) أجل ماخطاك الشر وجربت ريحته :) فيه ناس كثير تمدحه بس؟؟؟؟؟؟مدري وشلون..
ما الومهم ابد يوم ميزت لينه شيات مهوب بسيط..
جزاك الله خير ورفع قدرك
اشكرك لحضورك الكريم وردك الجميل
تحياتي وتقديري واحترامي
..قوافي..

[قوافي ( أم نهار )]

هههههههههههه الاخت "" قــــــــــــوافــــــــــــــــــــــي "" والله الاحراج اجل معاد فيــــــــــــه .. لا ... حناء ولا محلب ويقولون مافوزناتس عبث كله من ريحت المحلب والحناء لكـــــــــــن حليتي المشكله يوم اخذتي القرار بغسيل الحناء والمحلب بس الظاهر مامطيروة الا غسيل { البستم } مشكووووووووووووووووووة وبارك الله فيتس ,



........................................... تحياتي وتقديري واحتراماتي ...............................................



حياك الله وياهلابك
شوي احراج ،،واكيد عقب هالموقف مستحيل المجازفه مره ثانيه..
:D يبون الفكه كتمتهم..
اي بستم ولااااااا قاز يطير الريحه:)
العفو والشكر لحضورك وردك الكريم
دمت بحفظ الله
تحياتي وتقديري واحترامي
..قوافي..

[ذيب الفقارة]

بسم الله الرحمن الرحيم

وعليكم السلام ورحمة الله وبركاته

ما أعتقد إن ريحته ماهي بزينة لكن البنات غارن منك

حاولي مرة ثانية وشوفي

ههههههههههههههههههههههههههههههههههههههههه

أختي قوافي :

قصة أجدت حبكها وأحسنت اختيار ألفاضها لتتناسب مع الموقف

وهذا ليس بمستغرب من قاصة هذه الخيمة

دائما مبدعة أختنا قوافي

تحياتي وتقديري

[قوافي ( أم نهار )]

أجل تحمستِ واجد بالفوز .. أخرتها :looney:

أعطوك بنص الجبهة ع ماقالوا...

استمتعت شكرا قوافي


حياك الله نوْرس
تحمست وماتوقعت ان الحناء والمحلب هي السبب:p
لأ،، أقرب مالها صدمه لأني اصدق كل اللي يقال ولا أشك فيه خصوصاً لين صار من كبير..
متعك الله بالصحه والعافيه ..
سرني حضورك الكريم وردك الجميل
تحياتي وتقديري واحترامي
..قوافي..

[قوافي ( أم نهار )]

بسم الله الرحمن الرحيم



وعليكم السلام ورحمة الله وبركاته


ما أعتقد إن ريحته ماهي بزينة لكن البنات غارن منك


حاولي مرة ثانية وشوفي


ههههههههههههههههههههههههههههههههههههههههه


أختي قوافي :


قصة أجدت حبكها وأحسنت اختيار ألفاضها لتتناسب مع الموقف


وهذا ليس بمستغرب من قاصة هذه الخيمة


دائما مبدعة أختنا قوافي



تحياتي وتقديري



حياك ربي وياهلابك
:eek: غارن :eek: ماهقيت لو شايف وجيههم عرفت:D
لالالالا ماعاد فيها تجارب كل شي كان واضح :p
ان شاء الله سعاده دائمه برضى رب العالمين..
قاصة الخيمه :) اشكرك اخي الفاضل رفع الله قدرك دنيا وآخره وهذا وسام اعتز به من اخ كريم بارك الله بك وحفظك من الشر..
اسعدني بديع كلامك وحضورك الكريم والمميز..
تحياتي وتقديري واحترامي
..قوافي..

[ابو صفوق]

هلا وغلا بالغاليه بنتي قوافي
كان ما غسلتيها ولا شي بالطقاق اللي يطق روسهن واكيد نغرات مثل ماقالت الغاليه من الحنا ومن الفوز عليهن مسويات قرفانات ههههههههه
اسعدك الله دنيا وآخره
والدك
ابو صفوق

[قوافي ( أم نهار )]

هلا وغلا بالغاليه بنتي قوافي
كان ما غسلتيها ولا شي بالطقاق اللي يطق روسهن واكيد نغرات مثل ماقالت الغاليه من الحنا ومن الفوز عليهن مسويات قرفانات ههههههههه
اسعدك الله دنيا وآخره
والدك
ابو صفوق

هلا ومرحبا حياك الله عم ابو صفوق
غسلتها لأن ما أحب أحد يكشر بوجهي او أضايق احد حتى لو كان الدعوه فيها خساره المهم ما أضايق احد..
اسعدك ربي وحفظك الباري دنيا وآخره..
اسعدني حضورك الكريم ومرورك الجميل
تحياتي وتقديري واحترامي
..قوافي..