ترحيبة(ن) بك.... يابو صقر الشمالي(جديد) ....... حله ( صقر السديرات ) .. الحل ( خيال )

[ال-رايق]

السلام عليكم ورحمة الله وبركاته

اخواني هنا ترحيبة باخونا /ابوصقر الشمالي
وكطبع الخيمة ممثلة ببوماجد ((لا انقص قدر احد بيد ان ابا ماجد هو صاحب السواد الاعظم بهذا الخصوص ))ولايهونون البقية/مشرفين واعضاء
نحب يكون الترحيب بلغز والرمع للجميع:

يامرحبا ......ترحيب غالي ل,, غالي**ترحيبة اللي :عن هله غايب اسنين
ترحيبة(ن) بك.... يابو صقر الشمالي**من مصرف الخاطر تساوي ملايين
أخ وعزيز,,,,,,, ومن زحول الرجالي**والتزكية , ميزان ,وميزة هل الدين
واليوم انا بهدي لك..... لغز طرى لي**ويش اللي يقلع, ما ترى له جناحين
في وسط جوفه ,حصن, مع ربع خالي**يبدا ابقريب وفيه ,,,,حدا القريبين
وسلامتك
وسلامة الجميع
أخوكــــــــــــم/ال-رايق
مكشات /خيمة الألغاز

[قصيمي 9311]

وعليكم السلام ورحمة الله وبركاته

صح لسانك على اللغز الجزل
واخونا ابو صقر يستاهل

مرور سلام وتقدير وجاري التفكير

[ابوماريا]

بيض الله وجهك يابو مهند على هذا الترحيب
بالغالي مرعب الالغاز ابو صقر الشمالي
وكلكم كفووووو للعلوم الغانمة

وصح السانك مليون على الأبيات الجزلة واللغز الوافي ياراعي الوفا

ونفتح باب الرمع ونقول

النعش

[أبوصقرالشمالي]

http://im32.gulfup.com/z3fQF.png (http://www.gulfup.com/?hMmsmm)
صح لسانك مليار
أبيات في قمة الروعة والقوة والإتقان
وترحيبة تخلي الرجال ماعاد يدري وين يودي عمره
ولاعاد يدري وش إللي يجمله
ولاعاد يدري وش يقول
بيض الله وجهك
وبيض الله وجيه كل الأخوان الأعضاء
وبيض الله وجيه المشرفين
وأنا والله إنى لي أكثر من سنتين وأنا عضو ولاشاركت
كنت أكتفي بالتصفح والخروج
علما ً بأن التصفح لايحتاج إلى عضوية
لكني سجلت كعضو لأني رغبت في شراء سيارة
وفعلا أشتريتها من قسم البيع والشراء
وتم حذف الموضوع في حينه والشراء في حينه
وعندما شاءت الظروف وجدتكم وشاركت ومثل ماأنت شايف طال
أشارك معكم بهالرمعات والله يجملني منكم
ولغزك رائع جدا ً وقمة التصوير والتركيب
خصوصا الطيران بدون أجنحة
والحصن (وصف موفق)
وأحد الوالدين فعلا ً العود موجود فالطائر إللي بلا أجنحة
وللأسف لم أعرف الحل طال عمرك
وأنا هالحين فرحان بالقصيدة ولاني بفاضي أكلم أحد
بيض الله وجهك
بيض الله وجهك
وصح لسانك

[أبوصقرالشمالي]

الأخ قصيمي 9311
كفوك الطيب يالغالي
أبوماريا
كفوك الطيب وأنتم أهله

[ابو ماجد 2]

صح لسانك يابو مهند
غالي ومسند على غالي
جزل وعاداتك الجزاله
محاوله لعلها تفتح باب على الاقل
يمكن مايسمى
سنجاب طائر

http://www.moshreq.com/up/uploads/34fa48e99b.jpg

بدايته سنجاب والسن قريب
فيه احد القريبين سنجاب اب

[أبوصقرالشمالي]

أبوماجد
تسلم وكلكم غالين عساني ماأعدمكم

[فهد الهلالي]

صح السانك يالرااااااااااايق لغز جزل من جزل
ويستاهل ابوصقر الاسناد والتوجيه

[أبوصقرالشمالي]

فهد الهلالي
لاهنت طال عمرك والطيب أنتم هله
مرورك نوماس وتاج ٍ على الراس

[ذيب الفقارة]

صح لسانك أخي أبو مهند

ودائما ما شاء الله سباق للعلوم الطيبة علوم الرجاجيل

وتستاهل أبو صقر الترحيب و الاسناد ( مرعب الألغاز )

الحقيقة دوبي جاي من الضلع وشفت ها القصيدة المزيونة

لكن :

من كثر المطبات مخ الشايب منقلب

بعد ما نشرب براد الشاهي بالبشام نحاول

تحياتي للجميع

[عابر الموج]

صح لسانك وش رايك بطرد البريد او الفاكس

[أبوصقرالشمالي]

السلام عليكم ورحمة الله وبركاته

اخواني هنا ترحيبة باخونا /ابوصقر الشمالي
وكطبع الخيمة ممثلة ببوماجد ((لا انقص قدر احد بيد ان ابا ماجد هو صاحب السواد الاعظم بهذا الخصوص ))ولايهونون البقية/مشرفين واعضاء
نحب يكون الترحيب بلغز والرمع للجميع:


يامرحبا ......ترحيب غالي ل,, غالي**ترحيبة اللي :عن هله غايب اسنين


ترحيبة(ن) بك.... يابو صقر الشمالي**من مصرف الخاطر تساوي ملايين
أخ وعزيز,,,,,,, ومن زحول الرجالي**والتزكية , ميزان ,وميزة هل الدين
واليوم انا بهدي لك..... لغز طرى لي**ويش اللي يقلع, ما ترى له جناحين
في وسط جوفه ,حصن, مع ربع خالي**يبدا ابقريب وفيه ,,,,حدا القريبين


وسلامتك

وسلامة الجميع
أخوكــــــــــــم/ال-رايق

مكشات /خيمة الألغاز



يا أبو مُهند ياكريم السبالي=وافي ومن ناس (ن) أقروم (ن) ووافين
والمنتدى راقي وجوه خيالي=وأحسب من أحدث (نك) حتى القديمين
والعود مهداله لصاحب معالي=وحطه لضيفان (ن) حشام وعزيزين
وأنتم لنا العزوة بسود الليالي=واليوم طرقية وبكرة مقيمين
ومن دونك بوجهي وحالي ومالي=وتعطي مواقفنا ثبوت وبراهين
أتمنى إن الرد يعبجك وياصل إلى مقام قصيدتك
ولأول مرة في تاريخي أقول شعر والله يستر
وبالنسبة للغز أنا رمعته في ردي الأول وحطيت صورة مبخرة
ورسمت فيها الدخان يطلع فوق وسألت أثنين من الإخوان هل ترون الصورة
وواحد قال أراها والثاني مارد وأخاف أفلت الرمعة بالفلسفة وتنزيل الصور
لذا جرى التنوية

[أبوصقرالشمالي]

يارب غفرانك

[أبوصقرالشمالي]

مرحبا ياذيب الفقارة
والطيب أنتم هله
وفعلا الخميس هو وقت الطلعات الحقيقي
أما الجمعة والله إني لى عليه تحفظات لأن الطلعة تفوت صلاة الجمعة
ومنتظرين عودتك طال عمرك

[ال-رايق]

الله يمسييكم بالخير جميعا
واعذروني على الشح بالرد بحكم البعد واستخدام الجوال لكن رديت خوفا على طازجية الموضوع هههههه ﻻيخرب=
اﻻخوان=
-قصيمي
-ابوماريا
-ابوماجد
-عمي الشيخ
-ابوعدنان
-عابر الموج
بيض الله وجيهكم وﻻهنتوا
واللي رمع اقول خيرها بغيرها
وفيه توضيح بالرد على الاخ ابوصقر

[ال-رايق]

اخي ابوصقر

بيض الله وجهك ووالحقيقه ماقصرت والمصرف والله صار عندك -ويعطي العطى من كان ضار بالعطى-وهو انت اعطيتنا فوق حقنا ولو وودي ارد لكن ما ابغى
و اضفي على جو ابياتك نظرا لجمالها وروائح عبقها الاخاذ
_-------------
على العموم اسمح لي بقل الكلمات
--------
توضيح مثل ما اشرت وماشاء الله عليك
الحصن=جمع حصان
******************توضيح******************
يا اخوان الحل جابه اخونا ابو صقر
باحد الابيات الجميله جمل الله حاله(وانا اللي ماهو جاين النوم جراء هالجزله) اذا ماهو يقصد الحل والا عليكم بالبحث وتجدون ما اقصده في رده
وللجميع تحياتي

[صقر السديرات]

صح لسانك ابو مهند ابداع امتاع
ونبت عنا جميعا بهذه الرائعة فبيض الله وجهك
واخونا ابو صقر يستاهل الطيب ومجاراته من عيون الشعر الاصيل
دمتم بخير

[ال-رايق]

اشوف الصقر ووليده
خشيم اوليده اخضر توه فرخ
:D:D

[أبوصقرالشمالي]

أخي آل_رائق
شكلي ماصدته وإن كان أسمه ورد في أبياتي مثل كلمة (خيال)أو خلافها فهي مجرد مصادفة فقط
أنا حطيت صورة مبخرة لأني ظنيت إن الحل هو العود الأزرق فهو يرتفع بدون أجنحه وإلحصن توقعت إنك قصدت القلعة مثل حصن الرياض وتخيلته رأس المبخرة والربع الخالى تخيلته أعلى المبخرة
وكلمة فيه حدا القريبين ظنيت إنك قصدت
العود تحمل نفس معنى العود يعني الشائب إللي هو الوالد على قول البعض
إذا اللغز لازال َ طليقا ً وإن كانت الإجابة وردت في أبياتي فهي مجرد رمية من غير ِ رامي ومصادفه

[ال-رايق]

كفو والله
الحل=خيال

التوضيح/
قالوا يقلع مع الخيال
حصن=خيل-----ومعروف فيه خيل باجنحه مثل مايقولن(فارس احلام)
ربع خالي=:D:D==ربع كلمة خالي(أ)
يبدا بقريب(خي)تصغير اخ
وفيه حدا القريبين(خال)
وليت من يوضح الحل باللون الاصفر باسم اخونا القناص=ابوصقر
وباللون الاخضر للحل
تحياتي للجميع

[ال-رايق]

صح لسانك ابو مهند ابداع امتاع
ونبت عنا جميعا بهذه الرائعة فبيض الله وجهك
واخونا ابو صقر يستاهل الطيب ومجاراته من عيون الشعر الاصيل
دمتم بخير

تسلم يالفرخ=باللون
ومن قدك صار عندك ابو بالمنتدى
وبهالمناسبة اقول =
اللهم مالك الملك عاف والد خوينا -صقر السديرات-
امين اللهم اشفه شفاء لاسقم بعده
وان يكتب لك يابوفيصل الاجر العظيم في مبرته ووالدتك
والمسلمين

[أبوصقرالشمالي]

أستاذي: صقر السديرات
والله أني فرحت إن القصيدة أعجبتك
الله يديمك ويخليك

[أبوصقرالشمالي]

اللهم أشفه ِ شفاءً لاسقم َ بعده


إنكَ سميع ٌ مجيب

[أبوصقرالشمالي]

آل-رائق
أحرجتني مرتين بطيبك الأولى قلت في قصيدة عظيمة
والثانية أعجبتك قصيدتي وهي على قد الحال وأنت باعك طويل في هذا المجال
والله إني كتبتها وترددت في تنزيلها خفت إنها ماتجمل

[ال-رايق]

آل-رائق
أحرجتني مرتين بطيبك الأولى قلت في قصيدة عظيمة
والثانية أعجبتك قصيدتي وهي على قد الحال وأنت باعك طويل في هذا المجال
والله إني كتبتها وترددت في تنزيلها خفت إنها ماتجمل

لا.والله اﻻ,,,وافي''كل الخصالي=وبيوت شعرك وافيات الموازين
لكن كريم النفس ذرب الفعالي=مايقتنع بفعوله لو هن ميامين
يشره على عمره طويل الحبالي=شره النظر ماتملأ افعاله العين
اليا زهمته شاش كن به خبالي=أخو هلا ' وحصان كل الميادين
وانت الذي تشدا له بكل حالي=عساك زين الحال والفال لك زين
وماهي غريبه بين عم وخالي=تارث فعول الطيب مابين جدين
هذا وتقبل مثل طعم العسالي=اجزل سلامي والتحايا مضامين

[ابو ماجد 2]

ماشاء الله تبارك الله
كفو كفو كفو اثنينكم
امتعتمونا
والله اني قلت ربع خالي حرف الخاء اكيد وحبيت احتفظ بهالتوجه لنفسي لأحظى بحله
لكن مرعب الالغاز الله يزيده من فضله جابها

[ال-رايق]

ماشاء الله تبارك الله
كفو كفو كفو اثنينكم
امتعتمونا
والله اني قلت ربع خالي حرف الخاء اكيد وحبيت احتفظ بهالتوجه لنفسي لأحظى بحله
لكن مرعب الالغاز الله يزيده من فضله جابها



تسلم يابوماجد الله يوفقك ويرفع مقدارك
لكن ماترى ان ابوصقر مكسب؟
والله ما اجامل==شاعر بحر/لغاز/ذرب /وانت تعرف اننا ولله الحمد موفقين بالطيبين فكم شخص بيننا تمنينا معرفته من زمان بعد ان التقينا به
بعدين يابوماجد هذا يستحق العموديه قبلنا
لكن ان شاء الله بيتواصل معنا لانه من2010

[ابو ماجد 2]

تسلم يابوماجد الله يوفقك ويرفع مقدارك
لكن ماترى ان ابوصقر مكسب؟
والله ما اجامل==شاعر بحر/لغاز/ذرب /وانت تعرف اننا ولله الحمد موفقين بالطيبين فكم شخص بيننا تمنينا معرفته من زمان بعد ان التقينا به
بعدين يابوماجد هذا يستحق العموديه قبلنا
لكن ان شاء الله بيتواصل معنا لانه من2010

انا اشهد انك صادق
وحنا ان شاء الله جمعتنا على خير
لذلك محظوظين يتغيب ناس نتحسف بغيابهم ويأتي ناس نفرح ونسعد بتواجدهم
وهو يستاهل العموديه نظير مايقدمه واما تسجيله من تاريخ سابق بالنسبة لنا تسجيله من بداية ماحظينا بمشاركاته

[ابو اسامه 2]

صح لسانك يا ابو مهند
غالي ومسند على غالي
وكفو ثم كفو يا ابو فصيل ما شاء الله عليك

تحياتي للجميع

[أبوصقرالشمالي]

آل-رايق
أجزل سلامي والتحايا مضامين
صح لسانك على المعلقة الثانية
عدد بلا مدد
الله يطول عمرك ولايضرك بحر

[ابوماريا]

سلمت يابو مهند على اللغز
والله يعطيك العافية
وكفووووووو كفوووووووو
كفووووووووووو


يابو صقر يامبدع
واعترافك انها رامية من غير رامي يدل انك كبير بكل شئ
وعزالله انك رامي وبواردي من الطراز الثقيل


بيض الله وجيهكم جميع

[أبوصقرالشمالي]

أبوماجد
كفوك الطيب يالغالي ونفس التكفير مر على بالي
هههههههههه
قلت ربع خالي يمكن = جماعة خالي
أنواع الشطحات

[أبوصقرالشمالي]

تسلم يابوماجد الله يوفقك ويرفع مقدارك
لكن ماترى ان ابوصقر مكسب؟
والله ما اجامل==شاعر بحر/لغاز/ذرب /وانت تعرف اننا ولله الحمد موفقين بالطيبين فكم شخص بيننا تمنينا معرفته من زمان بعد ان التقينا به
بعدين يابوماجد هذا يستحق العموديه قبلنا
لكن ان شاء الله بيتواصل معنا لانه من2010

والله يا ال-رايق
ماعاد أدري وش أقول !
الله يطوّل أعماركم ولايفرق جمعكم
ويديم عزكم بحق هالنهار المبارك.وعساها دعوة لإخواني ماتردها أبواب السموات

[أبوصقرالشمالي]

أبوماجد
كفوك الطيب وعسانا عند حسن الظن بإذن الله
أبوأسامة
كفوك الطيب الله يطول عمرك ولانخلا ولانعدم وجودكم

[أبوصقرالشمالي]

أبوماريا
الله يبيض وجهك وكفوك الطيب
ولايحرمنا منك
مرورك شرف:f

[ال-رايق]

ارجو من المشرفين التعديل الاتي=
الحل باسم الاخ ابو صقر الشمالي
وليس الاخ=صقر السديرات
امل التعديل
وشكرا

[أبوصقرالشمالي]

ارجو من المشرفين التعديل الاتي=




الحل باسم الاخ ابو صقر الشمالي

وليس الاخ=صقر السديرات

امل التعديل
وشكرا







أخي آل-رائق

دخلت على نياتي مبسوط قلت يمكن آل-رائق

حاط فيني بيتين وإلا ثلاثة يوم شفت أسمك منور في آخر رد
إلا الفاجعة قدامي!
أخونا صقر السديرات يستغل نفوذه ونجاحه الإجتماعي
وأصدقاءه ذوي المراكز وينهب لغز أنا حليته بالصدفه
هههههههههههه
:s
كل ماذكر أعلاه مزاح ومودة






ملاحظة

آمل عدم التعديل
أنا وصقر السديرات وآل-رائق وجميع الأعضاء فالخيمة شيء واحد
رسالة خآصة إلى :
أخي آل-رائق تراك تقدر بنفسك تغير عنوان أي موضوع تكتبه
لاأقصد هذا الموضوع طبعاً أقصد الموضوعات الأخرى مثل اللغز الجديد إللي جائزته عمارة تجارية

[عطري]

و عليكم السلام و رحمة الله و بركاته
صح لسانك أبا مهند على هالإبداع
و أبو صقر غالي و يستاهل كل خير
و كفوووووووووووووو
يا مرعب الألغاز
في الحقيقة استمتعت بالأبيات و الردود و المشاركات
بالرغم من الحضور المتأخر.
بيض الله وجوهكم جميعاً.
و أسأل الله العظيم أن يشفي مرضانا و مرضى المسلمين .

[أبوصقرالشمالي]

أخي عطري
صح بدنك نيابة عن أستاذي آل-رائق
وصح بدنك بالأصالة عن نفسي
وجمل الله حالك وبيض الله وجهك
وأنت معذور وإللي عندك مخبور . إلا سامحني إنى تأخرت في الرد على مشاركتك
والسبب والله ِ إنها مشاغل الدنيا ودخولي للأنترنت يتم فقط عندما أكون في (الماي هاوس)
الحمدلله على رجعتك بالسلامة والخميس والجمعة هذي لاعاد تروح وإلا أدخل علينا من مقهى

[عطري]

أخي عطري

صح بدنك نيابة عن أستاذي آل-رائق
وصح بدنك بالأصالة عن نفسي
وجمل الله حالك وبيض الله وجهك
وأنت معذور وإللي عندك مخبور . إلا سامحني إنى تأخرت في الرد على مشاركتك
والسبب والله ِ إنها مشاغل الدنيا ودخولي للأنترنت يتم فقط عندما أكون في (الماي هاوس)

الحمدلله على رجعتك بالسلامة والخميس والجمعة هذي لاعاد تروح وإلا أدخل علينا من مقهى


هلا بك أخوي أبي صقر
أنت معذور ، و من ناحية التأخر في الرد مسموح فأكثرنا يصير عليه
مثل اللي يصير عليك ، و كل واحد و همه
الله يعيننا على هالدنيا و أشغالها.
موفق أخوي مرعب الألغاز!!!