المساعد الشخصي الرقمي

مشاهدة النسخة كاملة : وش الكلمه اللي تجي على بالك بهالموقف...


راعي ساموده
20/09/2006, 10:04 AM
السلام عليكم ورحمة الله ...
اخواني الاعزاء ..( الصيادين خصوصا )
وانت تتمشى بالبر وفال الحجاج ( مبصوط) لقيت لك طير ولا حيوان نادر أول مره تشوفه ؟وش اول كلمه تطري على بالك ؟؟؟؟
طبعا ... قرب السلاح ..... عب السلاح ...... هد الطير,, وين السلقلق ؟؟؟
طيب ليش مانستبدل كل هذا بكلمه بسيطه وزينه لنا ولهالشي النادر اللي شفناه ,ألا وهي ( قرب الكميره ) ,,
بالله فيه ابسط او اسهل من هذي .
لأنه لو كل واحد منا رمى كل شي نادر يشوفه مابقى عندنا شي ولاصار عندنا حياة بريه ولافطريه من الأساس .




ملاحظه :

الكلام هذا لايشمل الصيد المعتاد والمعقول ( قميري دخل نحم كرك وووو.... بس بالمعقول طبعا
امبارك
20/09/2006, 10:42 AM
أخي ساموده.. وعليكم والسلام ورحمة الله وبركاته،،،

أرجو أن تكون أول كلمة تطلع من فمي هي.. ياسبحان الله.. وبعدها أدور الكاميرا.. وبعد التصوير.. أقرب مندي!!
تحياتي
الوافي عزام
22/09/2006, 11:59 AM
والله يا ساموده ان التصوير ممتاز

وعندي كامرتين تصوير
وكامرة فيديو

لآكن شرهتك على اللي قد اخذها معه

احس اني لو اقعد اصور ضيعت على عمري المتعه ( رايي الشخصي )

ومشكور على الموضوع الأكثر من رائع وهذي عوائدك يالغالي
شبح الصحراء
22/09/2006, 12:19 PM
صحيح وانا احرص على تصوير الحيوانات والطيور الغريبة واكثر ما ارجع به للبيت هو صور رحلتي وما بها من حيوانات وطيور جميلة . واول كلمة اقوله اذا ريت طائر أو حيوان غريب هو سبحان الله .
ابوفهد225
22/09/2006, 03:45 PM
هههههههههه

تذكرت كلمة واحد من الشباب اذا شك بطير قال الدبغ خير برهان

يعني ارمه وشف وشو

ومن ناحية التصوير ماقدرت اصور

اتوقع ان التصوير للأشخاص الباردين

اما الحارين مثلي مايتحمل
أبو فهد العيد
23/09/2006, 02:15 PM
والله ياساموده انك صادق؛بس عن نفسي انا عندي كاميرا من نوع اخر الا وهي ام خمس.
منتعش
23/09/2006, 02:32 PM
أول شي
أتأمل في هذا الطير
وشو من لحية .

أخاف أرمي عليه وبعدين أتحسف
المربد
24/09/2006, 06:44 AM
ان كان الكلام الشفوي فهو "سبحان الله"، وكفيى بها
وان كان التصرف الفعلي، فهو تنفيره لاستمتع بشكله وهو يطير او يركض.
واحيانا اصوره.
الطبيب
26/09/2006, 12:01 AM
سامودة .... المحارب من أجل البيئة والحياة الفطرية ...!!

بالنسبة للصيادين ..... أعتقد بأن المهم هو توعيتهم .... والله إن قلبي يتفطر من اللي يقول (( إرمه .... بعدين شف وش هو ...))

بالله هذا منطق ..؟؟؟

وحتى صيد الطيور المهاجرة ... بعضهم يصيد له ولجماعته ولجيرانه .... وللقرية اللي جنبهم .... ويخزن الباقي ...!!

التوعية هي العلاج الناجع .... خصوصا للمبتدئين بالصيد

تقبل اعجابي بقلمك .... وفكرك

هذا والله أعلم

والسلام ختام
شبح الصحراء
26/09/2006, 02:00 AM
تعجبني يا الطبيب ، في الصميم :good2:
طلو
08/10/2006, 12:57 PM
والله لو اقعد اصور تلقاني باقرب قشعه متعلق
عبــادي
14/10/2006, 06:33 AM
مشكور ياراعي سامودة على الموضوع ..
بالنسبة لي . انا من اللي يقولون قرب الكاميرا ...
خالد777
25/10/2006, 11:34 AM
احسنت ياراعي ساموده
لكنني ما أداني أصور لو الكميرا بحجري الصراحة دبلة كبد
لكن ما شاء الله على اللي يصورون راااااااايقين
ابرق العزاف
25/10/2006, 11:42 AM
وهو انا في حالة تصوير الا تلقاني الصياح
شغال واخم البندق واخطيها شكرا للجميع