المساعد الشخصي الرقمي

مشاهدة النسخة كاملة : خطر يهدد الربع الخالي


راعي لادن
21/04/2013, 06:24 AM
بسم الله الرحمن الرحيم
السلام عليكم ورحمة الله وبركاته


اسعد الله اوقاتكم بكل خير

ادارة ومشرفين واعضاء وزوار منتديات مكشات العريق وردني خبر مؤلم با نقراض الارنب في الربع الخالي بااسباب الشركات الي تجز وتبحث عن النفط مقناص سبع ايام بلا صيد الله المستعان
ابونواف سعد
21/04/2013, 06:32 AM
الله يرحمنا انقطعت بسبب الدهور والجفاف كان وقت قريب والارنب موجوده بكثره بنجد
الله المستعان في عام 402 ماتمشي ليل إلا تشوف كم وحده والله اني اذكر نلقى الثنتين والثلاث جميع
كل شي مقفي ومدبر الله يرحمنا
دمت والجميع بخير
عابر الموج
21/04/2013, 07:04 AM
حياك الله يارعي لادن الي قطع الصيد بانواعه الصيد الجائر بنسبة 90% و10% عوامل اخرى تقبل تحياتي
الطبشي
21/04/2013, 07:46 AM
هلابك راعي لأدن
عندي مداخله بسيطه
الشركات مالها أي علاقته
في انقراض الصيد
من واقع شفته
با الذات في الربع الخالي
الي قطع الصيد
إذا في السنه من ١٠ إلى ٢٠
حمله مقناص
تقنص بالبندق
وكل حمله تصيد با الليل
وكل حمله صيدها ١٠٠ أو كثر
والدعوا تحدي
وهذا سبب انقطاع الأرنب
وأنا اشهد على هذا بشوف عيوني
قلب ذيب
21/04/2013, 09:02 AM
ابعد الشوح يابوسعيد . . .
المقناص السنع تدله !؟
( من بغى المقناص يقنص في الجزائر ... مقنص للخرب والربدا الشرودي )
تحياتي .
عبدالله بن الشيخ
21/04/2013, 09:06 AM
الله المستعان ,, نحتاج الى شوية وعي ياخوان .

أشوة إن الحباري والكراوين تطير وتهاجر الى أماكن آمنة , لو إنها مربه أو ماتطير مثل البطريق كان انقرضت من زمان
مودع الخلان
21/04/2013, 10:13 AM
صراحة نريد توعية اكثر لعدم انقراض الصيد كما نرى حاليا الصيد شح

الله المستعان

راعي الاردن اشكرك علا الموضوع
عادل بن جابر
21/04/2013, 10:51 AM
السلام عليكم ورحمة الله



الصراحه تتعب من توعي ومن تخلي



اللي بيضفر بالصيد ما هو مخليه والشفاحه الله يكفينا شرها



تحياتي
سيرحوت
21/04/2013, 12:39 PM
اشهد ان الصيد الحين صار مطاولت روس الا ماقل ..
مشعل_1001
21/04/2013, 12:53 PM
مرحبا اخوي
الصيد في كل مكان قل
كنت اقنص انا والوالد الله يرحمه في نجد سنة 78 اي قبل 35 سنة
ونصيد 4 او 3 بس للاكل مع ان الارانب كثيره والحين لايوجد ارانب
اليوم يقنصون لكي يصورون ويتباهون حسبي الله عليهم.
اصبر وراح تشوف حتى طائر الزعره ماراح تشوفه.
عبدالله هدد
22/04/2013, 05:55 AM
وعليكم السلام ورحمة الله وبركاته

السبب الاول أدهار الارض

الثاني كثره القنوص

السنه هذي الي قابلنا بيوم مع الردميه عشر سيارات

رح اقنص االاراضي العسره والي به حيا وشف الارنب
راعي شلهوب
22/04/2013, 06:29 PM
يامرحبا يا راعي لأدن
والله بالنسبه للشركات الكبار ألي مسويه شبوك فهاذي رحمه من رب العباد على الارنب وغيرها صارت محميه لها
وارنب الربع الخالي اللي قرضها سبب واحد فقط البشر اللي يقنصون لها بالصيف هم اللي قطعوها خاص المناطق القريبة
احمد الحاسي
22/04/2013, 06:56 PM
الله المستعان
لبيه يمنادي
22/04/2013, 09:48 PM
نرجوا ان يكون هناك تعليق على ها الصور هل هي مرضية ام لا وكيف كل يوم منزلين مواضيع وتعليقات للحث والعبرة ولا نعلم اننا ننفخ في قربه مخرومه الا منشقها ياناس خافوا الله في انفسكم الله لايعاقبنا على النعمة التي لم نحترمها لاحول ولا قوة الابالله وين تبون الصيد ماينقرض


أبرق الحرار

والله انك صادق وهذا هو الإسراف والتبذير
راعي جلمود
22/04/2013, 09:54 PM
ههههههههههههههههههههههههههههههههههه

اضحك الله سنك

أجل الشركات

الشركات والله بريئه برائه الذئب من دم يعقوب

اللي سسب لها الانقراض الحملات اللي تطلع للرمله طوال الشتاء ناس لاتحلل ولا تحرم يصيدون كل مالقو اذكر الحملات قبل 15 سنه كل من رجع من الرمله قل صدنا 100 و200 و300 لين خلصت انا قد قالي شخص انهم صدوا في يوم اكثر من 100 ارنب والله يشهد اني سامعها منه بنفسي


هذا اللي سبب لها الانقراض
وماتلها من تتابع الدهور وقل الامطار
الله يرحمنا برحمته
ماعندنا وعي
ومن انتقلت الهوايه من هواية الكيف الى هوايه الكم فهذا هو الانقراض

اتمنى ان الربع الخالي تشدد عليه الحمايه لمده معينه ثم ينظم له الدخول بعد ما ترجع الحياه البريه لطبيعتها بحيث يمنع الدخول بالسلاح ويمنع الصيد بالليل ويحدد مدة الدخول والخروج للحمله
قد نتمكن من الحفاظ على مابقي لو تداركنا الامور
هذا تعليقي
ولكم تحياتي
عبدالرحمن بن ذياب
23/04/2013, 01:21 AM
هي معادلة بسيطة جداً لكن وين اللي بيطبق
وعي + عقاب رادع = محافظة
راعي لادن
23/04/2013, 07:42 AM
حياكم الله اخوني كلن بسمه اشكركم على المرور العطر
؛ابوطلال؛
13/05/2013, 03:33 PM
وعيلكم السلام

اخوي الغالي
من ناحية الأرنب صحيح هي قلت ولا كن مهي من سبب القنوص بس ولا الشركات بس ولا أهل البل بس ولابسبب اندها الارض و لا بسبب سلاح الحدود ولابسبب الإماره
وإنما بسبب جميع ماذكر ومن قال إن الرمله ماعاد فيها أرنب كذب في هذي ولا صدق الارنب موجده لاكن تحصله في منطقه تكون أكثر من منطقه ثانيه
عيد العازمي
14/05/2013, 03:13 AM
الله المستعاااان
zlzal
14/05/2013, 09:55 AM
حياك الله يارعي لادن الي قطع الصيد بانواعه الصيد الجائر بنسبة 90% و10% عوامل اخرى تقبل تحياتي

صحيح الشركات مالها علاقه

فكوها من الصيد وتشوف
خالد البدائع
14/05/2013, 10:10 AM
لا اعتقد ان الشركات هي السبب
بل الصيد الجائر هو السبب الرئيسي
لذلك نرا حملات مصادرة اسلحة الصيد حفاضآ على أرواح الناس قبل الارانب و الطيور فجزاهم الله خير
و أشكرك أخي على موضوعك
فتى شنه
14/05/2013, 12:09 PM
قطعها والله gbs
مخاوي نواف
14/05/2013, 12:56 PM
نعم انااتفق معكم
هو الصيد الجائر سبب انقطاع الارانب
واضم صوتي مع صوت
اخوي راعي جلمود
ان يكون هناك تشديدعلى القنوص
من قبل الجهات المختصة
بوضع ضوابط لهم
لكي لاينقطع الصيد
وشكرا
الطير الوسمي
14/05/2013, 01:04 PM
أهلاً بن لادن حياك ربي يالغالي

ممكن تكون الجهه التي ذهبت

لها تفتقر إلى الأرانب مش معقوله

سبوع كاملاً ولا أرنب واحد

لكن إذا كنت معك إحداثيات

مؤكدة وسبق الصيد بهذه الأماكن

وهالمره مافيه شي معناه انه

كثرة الصيادين . تقبل مروري
برق الوسم11
14/05/2013, 01:12 PM
ياحبنا للمبررات
اللي دمرها ماهو بالشركات يعني وش تسوي لها الشركات يصيدونها
والا يشبكون الربع الخالي عنها اللهم لك الحمد الخطر هي الحملات
التي تدمر ماتراه من الارانب 0وتدميرجهل وحقد على الحياه الفطريه
وعدم رحمه بهذه الكائنات المسكينه 00
؛ابوطلال؛
15/05/2013, 09:45 AM
[COLOR="DarkRed"]اخوي برق الوسم 11
اعتقد اننا رزقنا بعقول نفكربها ولم اتوقع ان بعض الامور تحتاج إلى شرح وشكلك ماقد قنصت الرمله على قولتك إن الشركات مالها علاقه وإنهم مايصيدون .اول حاجه الشركات إذا نزلت في المنطقه لاتحافظ على البيئه وكذالك لاتجد اي نبوت بجانب الشركات إلى القله قدتكون شركه واحده وهذا سبب لموت الارنب ورحيلها الى منطقه اخرى وازودكم من الشعر بيت السنه هذاي وحنا راجعين مع وحده من الردمياة وجهنا ثلاث شيصان عند شركه محمله من الغضى ومعهم جيب سلاح الحدود وعلى فكره لاتضن إن الشركات فيها اجانب بس ترى فيها عرب ولا هم قليلين فأرجو انتكون مطلع على الوضع قبل ماتناقش وتزعل وأرجع اقول اسبابها هي مشتركه اول وعلى رأسهم القنوص قديما والشركات وإندهار الارض وسلاح الحدود والاماره و هل البل كلها عوامل مساعده على انقراض الارنب وبلاش مجاملاتCOLOR]
مطاع شمس
15/05/2013, 10:15 AM
عالم تاكل اى شى اللهم عافنا رم رم
راعي لادن
15/05/2013, 11:02 PM
تسلم يمينك بوطلال للتوضيح أسرني مرورك وكلامك المقنع ... تحياتي
برق الوسم11
16/05/2013, 01:05 AM
اخوي برق الوسم 11
اعتقد اننا رزقنا بعقول نفكربها ولم اتوقع ان بعض الامور تحتاج إلى شرح وشكلك ماقد قنصت الرمله على قولتك إن الشركات مالها علاقه وإنهم مايصيدون .اول حاجه الشركات إذا نزلت في المنطقه لاتحافظ على البيئه وكذالك لاتجد اي نبوت بجانب الشركات إلى القله قدتكون شركه واحده وهذا سبب لموت الارنب ورحيلها الى منطقه اخرى وازودكم من الشعر بيت السنه هذاي وحنا راجعين مع وحده من الردمياة وجهنا ثلاث شيصان عند شركه محمله من الغضى ومعهم جيب سلاح الحدود وعلى فكره لاتضن إن الشركات فيها اجانب بس ترى فيها عرب ولا هم قليلين فأرجو انتكون مطلع على الوضع قبل ماتناقش وتزعل وأرجع اقول اسبابها هي مشتركه اول وعلى رأسهم القنوص قديما والشركات وإندهار الارض وسلاح الحدود والاماره و هل البل كلها عوامل مساعده على انقراض الارنب وبلاش مجاملاتCOLOR]


[COLOR=blue]حياك الله ياابو طلال
انا والله لااعرف لاالربع الخالي ولاغيره ولااقنص
من فضل ربي نعمه 00
اما الشركات فاالارنب ترحل عن موقع الشركه وكم مساحة الشركه
ممكن 5كليو مربع ياخوي اللي دمر الارانب والحياه الفطريه هم القوانيص
يابو طلال وبلاش مجاملات على حساب الحياه الفطريه
وادخل اي يوتيوب وشف تدمير القوانيص وسلقانهم وشوازلهم وحملاتهم
المرعبه خلنا واقعيين ولانتجاوز على الواقع المرير 0
ونعترف باخطائنا 0 اما الشركات شئ مضحك ولايصدقه اي عاقل ولو سلمنا جدلا فيها
عرب ويقنصون كم واحد يعني 10 او 100 وناس عندهم اعمال ومرتبطين
باعمالهم والواحد مايصدق تجيه اجازه يروح يشوف اهله 0 القنوص قديما ماعندهم
امكانيات مثل القنوص حديثا ماجلان واسلحه متطوره وسيارات وكاله 00
شف هالصوره
جيش كامل
[URL=http://www.almlf.com/]http://www.almlf.com/get-5-2013-almlf_com_g5hpi7tnnj.jpg[/URL
خالد البدائع
16/05/2013, 02:48 AM
برق الوسم11
وضعت النقاط على الحروف
سلمت أناملك
حصريا001
16/05/2013, 01:39 PM
هي معادلة بسيطة جداً لكن وين اللي بيطبق


وعي + عقاب رادع = محافظة



انا مع كلام اخوي عبدالرحمن
معادلة بسيطة تختصر كل الكلام
؛ابوطلال؛
17/05/2013, 03:14 AM
ويمينك يا الغالي راعي لادن
على الطرح الطيب علشان نظيف بعض المعلومات ونكون مطلعين على بعض الامر
برق الوسم
الصوره عايديه وانا عندي صور ومقاطع افضل من هذي
لاكن على العموم ماودنا نطول بالكلام والجميع يبدي رايه ووجهة نظره وإنشاء الله يجيك يوم وترح للرمله وإنت ولأعضاء اللي ماقد جوه وأنا وضحت اللي انا اشوفه من واقع تجربه
ووضحت الامر في الردين كلهن وأعتقد ردودي واضحه والرد الثاني في بعض الشرح وأبشرك السنه الجايه إنشاء الله أبقنص الرمله والله محييك معي إنت وجميع الاعضاء
شرق المغيب
17/05/2013, 03:54 AM
نعم الشركات مالها دخل ابد

الصيد الجائر هو السبب الاول

والسبب الثاني هو مرض يصيبها في بعض السنوات وجدوها تموت حتى في جحورها

يحصلونها ميته في دحلها

والله اعلم
amsm122
02/06/2013, 08:14 PM
اذا بقينا على الصيد الجائر بدون حمى سوف ينفطع جميع الصيد بعد سنوات
وانا اويد بمنع الصيد في جميع حدود السعوديه لمدة على الاقل 5 سنوات