يأهل الناظوووووور افزعووووووووولي ,,

[خالد العطااوي]

سلام عليكم ورحمة الله وبركاته
كيفكم عساكم بخير طيبين ,,

انا ازريت اوزن البندق وعرضت موضوعي هنا ,, طبعا ساكتون هوائيه فايروخ 85
وقالو لي ركب ناظور ,, وركبت ناظور ,,
وقاعد اجرب يمكن رميت 20 طلقه ولا جت ماقدرت اوزنها ,, ولا اعرف كيف اوزنها ,
واسم الناظور
Bushnell
2-7X32A0E

[خليل909]

فيه وزن ليزر وريح راسك عند محلات الكشاته يوزنها لك ب١٠ ريال او تشتريه كله تقريباً ب٣٠٠ريال وكل ماختلفت الوزنيه تقدر توزنها انت

[قصيمي كم]

ما مثل النيشان لاضبطته

[alharbi_d]

السلام عليكم
شف لك ملزمه وثبت السلاح علشان مايتحرك
وحط لك شاره وراها كرتون ابيض والا قطعه خشب عريضه
وجرب ممكن ترمى مع كل رميه تشوف وين تتضرب الطلقه وتوزن خمس طلقات وانت ضابطها

[هداج تيما]

ناظورك طيب ووزن البندق يحتاج معرفة وركادة..

اول خطوة تأكد من ثبات يدك وثبات البندق، والطريقة بسيطة جدا، خذ لك كرتون متوسط الحجم او ورقة وارسم فيها دائرة بحجم غطاء جرة الصحة وثبتها مضبوط على جدار او اي شيء على بعد متوسط (15) متر ، بعدها قم بالتنشين على هالنقطة والرماية لخمس طلقات دون تعديل او تغيير ... اكسر ونشن مضبوط .. واسحب الريشة بهدوء .. وسم بالله وارم.
الرماية تكون من وضع مريح جداً ، ولازم تتكي على شيء ثابت.


بعدها جاوب على السؤال : هل الطلقات في مكان واحد ومتقاربة؟؟

اذا كانت الطلقات الخمس في مكان واحد .. يعني متقاربة جداً .. حتى لو كانت بعيدة عن النقطة السوداء ... ما يهم... المهم ان جميع الرميات في مكان واحد .. اذا الجواب (نعم) فالبندق طيبة، ورمايتك ثابته..

اذا الجواب (لا) ، فالمشكلة إما فيك (عدم الثبات) او في البندق (عدم ثبات الدربيل او خلل في الماصورة.)

ولكل حالة اجراءات وحلول.

رايح نناقش الحالة بعدما تجاوب على السؤال ... عندها ننتقل للخطوة الثانية ان شاء الله في الردود القادمة

[ماجنووم]

أفادوك الإخوان و لو سمحت الدربيل بكم شريته