تخيلو لو [الأرشيف] - منتديات مكشات

×صقر×

22/04/2013, 02:36 PM

بسم الله الرحمن الرحيم

حبيت أشارك بهذه القصيد الرائعة
..........................................
تخيلـوا لـو الحريـم بيسـوقـن *** ونلقالهن في كل شـارع طرايـف

تلقا العجايـز فالشـوارع يـدورن *** وسيارة الاسعاف ترقـب حتايـف

وليـا تأخرنـا دقايـق يصيـحـن *** ثم اركبن فـوق المواتـر ولايـف

وقامت تكبسلـك بالانـوار ياهـن *** بين اخوياك وصرت محرج وخايف

وتخيلـوا لـو ذات يومـاً يمـرن *** عليك دوريـات والجمـس طايـف

ويوم اطرحوه يصير موقفك محزن *** تلقا العجـوز مكلبشـه ياحسايـف

وتلقا البني في كـل جلسـه يتكـن *** طقة بلوت ومعهن الكيـف كايـف

هذي تبا تحكم وهـذي تبـا تصـن *** والبيت ضايع دون طبخ وغرايـف

ياللي ذنوبك فـوق راسـك يحنـن *** اللـي فقلبـك طلعتـه الشفـايـف

انظارنا من فوق فكـرك يشوحـن *** ونشوف شـيٍ ماتشوفـه ياهايـف

حق المره! ياشيخ تلعب على من؟ *** خبلان حنا! والا ويش انت شايـف ؟

وين انت عن صوت الارامل ينوحن *** وين انت عن حق المره فالوظايف

وين انت عن جملة بناتٍ يضيعـن *** وين انت ياراع العلـوم النصايـف

لوهي بيديكـم كـان قلتـوا يغنـن *** لكن صدمتـوا فالجبـال النوايـف

من دونهـن حنـا وفقلوبنـا هـن *** الطاهـرات الساجـدات العفاايـف

والمسئله لاصـار لحقـة شرفهـن *** يروح فيها يـا آل زلفـه طوايـف

هذا كلامي واسمعه زيـن واذعـن *** قلته ولانـي مـن تواليـه خايـف

قلته واباقف وارفع الصوت واعلـن *** ارادة الامـه علـى لسـان عادل:)

ماهـو تخلـف لارفضنـا يسوقـن *** راس التخلف لاتركنـا العطايـف :good2: