يوسف الخليفة1
22/04/2013, 10:16 PM
بسم الله الرحمن الرحيم
السلام عليكم ورحمة الله وبركاته
عبد الله اليوسف خذ النصح وارعاه=من واحدن عاش الزمان ودرس فيه
خذ مني يا وليدي تجارب منقاه=عرفت بالماضي بعايد مقاصيه
والحاضر ابصرته بطيبه وعجفاه=وادركت به ما بان لي من مغازيه
معروف غيرك راجعه لا تناساه=ومعروفك لغيرك حذاريك تطريه
حذراك والمنه ذليله عطاياه=تصير خسران العطا وانت معطيه
واقطف ثمار العلم من ساس مجناه=وابعد عن الحنظل وطينة سواقيه
هذاك دركال الشقا عفن الامواه=غدير طينه من عفاين مجاريه
وابوك انا اللي عشت عمرك بمرباه=اياك تخلف يا وليدي هقاويه
مثل النخل خلك ثمرها بعلياه=يشوفها القاصي وراعيها تعطيه
ترا الصميدع تطلب الناس حلياه=خصوصا اللي طيب ساسه مغذيه
وان جاك من ينقل بلاويه بارداه=قتات يقنص من خويه ويشويه
خوان دس السم في حالي غذاه=مثل الوزغ نفخه كثيره بلاويه
تشوف بانيابه سوايد نواياه=رفيق دنيا تلقا شره بتاليه
مقصر بدينه والاجواد تجفاه=لا تاسف انك يالسنافي تخليه
واوصيك انا بالضيف لا تقصر قراه=واطلق له حجاجك ترا اللين يدنيه
لا تلحقه ريبه بوجهك وتجفاه=وافرش له بساط السنع لين توفيه
واليا لقيت اللي دلاله مراكاه=خلك صحيبله ومقدم غطاويه
من دار عن وجهك يلقيك علباه=مصعر الخدين زاد بتماديه
فاسال يعافيك الولي من خطاياه=والحمد له عافاك والعاصي باليه
لا تشمت بمبلي يجيك الذي جاه=من يهزا بالمنجوم تاهت مباديه
وابعد عن اسباب الغضب لا تلقاه=يكشف ستير العيب لو كنت مخفيه
وافش السلام الزين عند الملاقاه=والابتسامه جافل البال تشريه
ومن راد عشوتك بخباثه تغداه=واللي يروغ اياك حذرا تجاريه
خلك صريح العرف ذرب المخاواه=كثر المجامل بعض الاحيان تسفيه
واليا سريت لمبعدات المسافاه=لا ترهق الصاحب بكثر المشاريه
ترا الجزع من كل زله مغالاه=يفسد ثمار الود لو كنت تسقيه
لا تخدم لنفسك وغيرك تناساه=مير اصنع المعروف لو مانت باغيه
هذي طبوع الحر للطيب قداه=وان جاك صده من خوي لا تعاديه
لا بد لك يرجع بيومن وتلقاه=خلك معه لين الثرا يوم يخفيه
واليا لقيت الصيد حذرا تعداه=مقلول حاضر يسوا زود متمنيه
كم واحدن يلهف على غايب مناه=سراب قيعان الطمع صار يغريه
والموت والاحزان وابليس لولاه=كان اصبحت دنيا الفتا من غناويه
لكنها دار النكد تردف قساه=تخلف مساره بالبلاوي وتشقيه
واعمل لدار الخلد قبل المجازاه=الموت خافي ما عرفنا مواريه
من جاه حينه يبغته والله امضاه=يستافي الانسان حتى ثوانيه
يوسف الخليفة ( أبو عبد الله )
السلام عليكم ورحمة الله وبركاته
عبد الله اليوسف خذ النصح وارعاه=من واحدن عاش الزمان ودرس فيه
خذ مني يا وليدي تجارب منقاه=عرفت بالماضي بعايد مقاصيه
والحاضر ابصرته بطيبه وعجفاه=وادركت به ما بان لي من مغازيه
معروف غيرك راجعه لا تناساه=ومعروفك لغيرك حذاريك تطريه
حذراك والمنه ذليله عطاياه=تصير خسران العطا وانت معطيه
واقطف ثمار العلم من ساس مجناه=وابعد عن الحنظل وطينة سواقيه
هذاك دركال الشقا عفن الامواه=غدير طينه من عفاين مجاريه
وابوك انا اللي عشت عمرك بمرباه=اياك تخلف يا وليدي هقاويه
مثل النخل خلك ثمرها بعلياه=يشوفها القاصي وراعيها تعطيه
ترا الصميدع تطلب الناس حلياه=خصوصا اللي طيب ساسه مغذيه
وان جاك من ينقل بلاويه بارداه=قتات يقنص من خويه ويشويه
خوان دس السم في حالي غذاه=مثل الوزغ نفخه كثيره بلاويه
تشوف بانيابه سوايد نواياه=رفيق دنيا تلقا شره بتاليه
مقصر بدينه والاجواد تجفاه=لا تاسف انك يالسنافي تخليه
واوصيك انا بالضيف لا تقصر قراه=واطلق له حجاجك ترا اللين يدنيه
لا تلحقه ريبه بوجهك وتجفاه=وافرش له بساط السنع لين توفيه
واليا لقيت اللي دلاله مراكاه=خلك صحيبله ومقدم غطاويه
من دار عن وجهك يلقيك علباه=مصعر الخدين زاد بتماديه
فاسال يعافيك الولي من خطاياه=والحمد له عافاك والعاصي باليه
لا تشمت بمبلي يجيك الذي جاه=من يهزا بالمنجوم تاهت مباديه
وابعد عن اسباب الغضب لا تلقاه=يكشف ستير العيب لو كنت مخفيه
وافش السلام الزين عند الملاقاه=والابتسامه جافل البال تشريه
ومن راد عشوتك بخباثه تغداه=واللي يروغ اياك حذرا تجاريه
خلك صريح العرف ذرب المخاواه=كثر المجامل بعض الاحيان تسفيه
واليا سريت لمبعدات المسافاه=لا ترهق الصاحب بكثر المشاريه
ترا الجزع من كل زله مغالاه=يفسد ثمار الود لو كنت تسقيه
لا تخدم لنفسك وغيرك تناساه=مير اصنع المعروف لو مانت باغيه
هذي طبوع الحر للطيب قداه=وان جاك صده من خوي لا تعاديه
لا بد لك يرجع بيومن وتلقاه=خلك معه لين الثرا يوم يخفيه
واليا لقيت الصيد حذرا تعداه=مقلول حاضر يسوا زود متمنيه
كم واحدن يلهف على غايب مناه=سراب قيعان الطمع صار يغريه
والموت والاحزان وابليس لولاه=كان اصبحت دنيا الفتا من غناويه
لكنها دار النكد تردف قساه=تخلف مساره بالبلاوي وتشقيه
واعمل لدار الخلد قبل المجازاه=الموت خافي ما عرفنا مواريه
من جاه حينه يبغته والله امضاه=يستافي الانسان حتى ثوانيه
يوسف الخليفة ( أبو عبد الله )