سالفة:حصة الرسم..قوافي

[قوافي ( أم نهار )]

مشرفينا،أخواني،أخواتي،زوارنا
السلام عليكم ورحمة الله وبركاته
من الذكريات الكريهه حصة الرسم ،،كنت بصف اول ابتدائي واول شيئ اهتميت فيه وشريته يوم سجلت بصف اول كراسة الرسم والتشكيله لكن انصدمت بواقع مرير بالمدرسه ومن اول حصه..
توقعت اني بارسم مثل التمهيدي كل ما خطر على بالي واللي ابيه لكن النظام يقول ان فيه منهج والمعلمه مجبره تمشي عليه ..
وكان المطلوب سهل لكن بعيد عن الخيال وعن النظره الطفوليه لطالبة صف اول وهي ارسمو صحن فواكه او كيس مخده او حديقه...الخ..
كان كأنه روتين عقابي بحصة الرسم،، مع العلم اني ارسم على قد عمري يعني نص زين..
مره قالت ارسمو جاط فواكيه :eek: وشي الجاط؟؟ يعني أجاص ،،قالت :لأ يعني صحن فواكيه :p حنا نسميه تبسي الجح:D
رسمت تبسي فيه موزه وحده وحبة عنب وحده وبرتقاله وحده،،قالت:
شو هاد ؟؟قلت تبسي فيه موووزه وعنبه وبرتزانه;)
هذا آخر خبري بالرسمه بغت تستقيل وشققت الرسمه وقالت:
كلو كوم وبرتزانه كوم،، لك ارسمي جاط جاااااط فواكيه ،،وراحت الحصه من أولها صفر احمر ..
مرت الايام وانا مدري وشلون ارسم مره تعطيني نص واحيانن واحد والاصفار اكثر من عدد نمل الارض ..
بمره قالت بكره اختبار الشهر الاول ،، وعلاماته تنجح وترسب ،،اول ماعندنا مثل الحين اثنين شهري وبعدين نصفي والرسم العلامه تحط من احسن ما يكون ،،كنا نختبر كل شهر ونهاية العام نختبر من اول الكتاب للأخير والشي هذا مع الدروس والرسم كذالك يجي شي قد رسمناه..
بالاختبار طلبت نرسم حديقه وزهور ومراجيح وبيت واشجار..
فرسمت على شكل نقط لأني ما عرفت ارسم أو اتخيل حديقه ومنزل مجتمعين،، يعني{......} والنقط كانت كثير ماليه صفحة الكراسه ،،فقالت: شو هاد بدي احطلك صفر وأخذتني عند المديره وقالت هذي عناديه وماعمرها رسمت المطلوب وشوفي شو راسميه بالاختبار:mad:
فقالت المديره تعالي قولي لي وش هالرسم اللي انتِ راسمه فيه شي بالدنيا نقط قلت ايه فيه ،،قالت علميني وبديت بالشرح:
الاحمر يعني ورد مثل اللي عند عمتي فلانه..
والاصفر مثل دوار الشمس اللي عند عمتي فلانه..
والاخضر هذا عرق الورده،، ودوار الشمس،،
وبعد نفس لون ورق الاشجار والثيل اللي عند دروازة الناصريه ..
والبني الشجره من تحت يعني الجذع،، والبيت بعد بني ..
والازرق هذي السماء ..
وهذا الغامق مراجيح..
وكانت اول مره بصف اول آخذ علامه كامله على الرسم والبركه بالمديره،، واللي هو بالاساس رسم ماله معنى غير عندي :l..
تحياتي لكل من شرف متصفحي بالحضور ..
..قوافي..

[الكايف 1]

وعليكم السلام ورحمة الله وبركاته



الأخت / قوافي


مره قالت ارسمو جاط فواكيه :eek: وشي الجاط؟؟ يعني أجاص ،،قالت :لأ يعني صحن فواكيه :p حنا نسميه تبسي الجح:D


رسمت تبسي فيه موزه وحده وحبة عنب وحده وبرتقاله وحده،،قالت:

شو هاد ؟؟قلت تبسي فيه موووزه وعنبه وبرتزانه;)


ضحكت لما قلت بس

دخلت علي ام العيال وبدت تسمي علي تقول وش بك

قلت موزة وعنبة وبرتزانه قالت لا يبيلك شيخ يقرا عليك


بارك الله فيك ورحم الله والديك

ننتظر منكم المزيد

تقبلي مروري



والسلام عليكم ورحمة الله

[راعي العجراء]

ياهلا بالقوافي كلها
سالفه ممتعه بس انتهت السالفه وانا افكر وش الجاط
هو اللي كنه كربة نخله اللي نسميه عماناص
امتعتينا بالسالفه وخاصه بالبرتزانه
ويمكن تقصد القفز بالزانه
دمتي مبدعه وننتظر جديدك كالعاده
مع السلامه

[ابو صفوق]

حيا الله الغاليه قوافي
انا اشهد ان اللي رسمتيه يدل على ذكاء موب عادي والرموز دليل ثقه بالنفس جمعتي الرسمه بنقاط مفهومه على الاقل عندك وهذا بنظري يكفي لان فعلا الرسمات بعيده عن خيال طالب صف اول والمفروض اشياء قريبه من الحياة اليوميه
بارك الله بك يالغاليه
انا اقراء السالفه من اول ما كتبتيها امس وجازت لي بالحيل صراحة طفل تحسب له لا عليه والمديره بتصرفها يدل انها فاهمه صح وعرفت ان الخيال اللي رسمتيه لشخصيه مميزه من البدايه
اسعدك الله بدنياك وآخرتك
والدك
ابو صفوق

[النبهاني]

وعليكم السلام ورحمة الله وبركاته
هلا بقوافي
انا اشهد ان ابلتكم حقت الاجاط او الاجاص مدري اللي تقولون عليه انه دردغانه
واللي مخليه دردغانه تعليها وتعصبها
والا لوحه مثل هذي {......} في الصف الاول على ما اعتقد تعني الكثير خاصة بعد ما شرحتيها لهم لكن الله يرحم الحال
والمعلم والمعلمه هم اللي يحببون الطلبه بالمواد
مشكوره يا اخيه على هالسالفه

[قوافي ( أم نهار )]

وعليكم السلام ورحمة الله وبركاته



الأخت / قوافي


مره قالت ارسمو جاط فواكيه :eek: وشي الجاط؟؟ يعني أجاص ،،قالت :لأ يعني صحن فواكيه :p حنا نسميه تبسي الجح:D
رسمت تبسي فيه موزه وحده وحبة عنب وحده وبرتقاله وحده،،قالت:
شو هاد ؟؟قلت تبسي فيه موووزه وعنبه وبرتزانه;)


ضحكت لما قلت بس
دخلت علي ام العيال وبدت تسمي علي تقول وش بك
قلت موزة وعنبة وبرتزانه قالت لا يبيلك شيخ يقرا عليك


بارك الله فيك ورحم الله والديك
ننتظر منكم المزيد
تقبلي مروري



والسلام عليكم ورحمة الله



حياك الله اخوي الكايف1
:D ان شاء الله سعاده دائمه برضى رب العالمين..
تحمد ربه اني عرفت ارسمهن بتبسي واحد لأن الوالده كانت ماتخلط الفواكه وتحط كل نوع بصحن ماقد جمعناهن بشي كبير والكبير بس تبسي الجح:D
:) انا موب مسئوله عن اللي يقراء ويضحك لحاله:) ..
الله يبارك بك وبحضورك المشرف للسالفه
اسعدني ردك الجميل والمميز ..
تحياتي وتقديري واحترامي لشخصك الكريم
وعليكم السلام ورحمة الله وبركاته
..قوافي..

[قوافي ( أم نهار )]

ياهلا بالقوافي كلها







سالفه ممتعه بس انتهت السالفه وانا افكر وش الجاط
هو اللي كنه كربة نخله اللي نسميه عماناص
امتعتينا بالسالفه وخاصه بالبرتزانه
ويمكن تقصد القفز بالزانه
دمتي مبدعه وننتظر جديدك كالعاده




مع السلامه


حياك الله
:D الجاااااااط هو وووو تبسي الجح:D
هو اللي كنه كربة نخله اللي نسميه عماناص
:)مدري يمكن ايه ويمكن لا،، وأضن ليه يعني لأ وأيه..
:pالبرتزانه شي عزيز عشان كذا انا رسمته ثلثين الصفحه والباقي عنبه وموووزه:p
لوتعرف قفزت وارتاحت من رسمي الخيالي;)
الابداع بحضورك الكريم المشرف للسالفه ولردك المميز بارك الله بك ..
الله يسلمك من الشر
تحياتي وتقديري واحترامي
..قوافي..

[أبوسليمان السهر]

أختي قوافي
ذي المدرسة يبيلها مرررردقانة


حراااام عليك جننتي فيها
أهم شي هي يوم طلعت من الفصل بكامل
قواها العقلية
الزين المديرة الله يجزاها خير
فزعت معك
وفاهمةٍ الوضع :good2:

[وحيد قلاسكو]

ههههههههههههه الطفولة <ايام البراءه في كل شي >......على طاري الجاط الفواكيه :D....كنا معزومين عند واحد من الاصدقاء وبعد العشاء جاب لنا تشكيلة من الكناف وحلويات اخرى ...وجاب قطر ..<سكر مذاب حتى صار كنه ماء> المهم واحد من المعزومين يوم كلا من الكناف اخذ يده وحطها في القطر يحسبه ماء غسول ايدي :D:D:D طبعا اغلبنا طاح من الضحك على موقف صاحبنا وهو وجهه صار طماطه.....

[قوافي ( أم نهار )]

حيا الله الغاليه قوافي
انا اشهد ان اللي رسمتيه يدل على ذكاء موب عادي والرموز دليل ثقه بالنفس جمعتي الرسمه بنقاط مفهومه على الاقل عندك وهذا بنظري يكفي لان فعلا الرسمات بعيده عن خيال طالب صف اول والمفروض اشياء قريبه من الحياة اليوميه
بارك الله بك يالغاليه
انا اقراء السالفه من اول ما كتبتيها امس وجازت لي بالحيل صراحة طفل تحسب له لا عليه والمديره بتصرفها يدل انها فاهمه صح وعرفت ان الخيال اللي رسمتيه لشخصيه مميزه من البدايه
اسعدك الله بدنياك وآخرتك
والدك
ابو صفوق

حياك ربي
الله يبارك بك ويرفع قدرك
هو صح من الحياة اليوميه احسن ولو يترك الخيار للخيال افضل من الفرض خصوصاً المراحل الاوليه..
اشكرك على رئيك باللي حصل ويمكن المديره كانت لها نظره الله اعلم..
جزاها الله خير حيه كانت او توفاه الله كانت للجميع ام ودائماً تختلف الامور إذا وصلت لها..
اشكرك انرت السالفه بحضورك الكريم وردك الجميل..
دمت بحفظ الله
تحياتي وتقديري واحترامي
..قوافي..

[خوي مخباته]

هلا ..... وغلا ... اختنا الغاليه " قـــــــــوافــــــــــــــــي " مشكوووووووووووورة سالفه بقدرر ماهي زينه بقدر ماتحمق وتزهق عزالله ان هــــ الابلا عزالله انها هبـــــــلا بصحيح طالبه وصغيرة وطالبه اول ابتدائي وتنزله للمديرة والله خوش هبلا سلميلي والله على النشميـًـــــــــــه المديرة بنت الرجال اما راعيت { الجاط }اوالجلنط اومدري جنط مهنا احد
................................... تحياتي وتقديري وحتراماتي لشخصكي الكريـــــــــم ...................................

[قوافي ( أم نهار )]

وعليكم السلام ورحمة الله وبركاته

هلا بقوافي
انا اشهد ان ابلتكم حقت الاجاط او الاجاص مدري اللي تقولون عليه انه دردغانه
واللي مخليه دردغانه تعليها وتعصبها
والا لوحه مثل هذي {......}في الصف الاول على ما اعتقد تعني الكثير خاصة بعد ما شرحتيها لهم لكن الله يرحم الحال
والمعلم والمعلمه هم اللي يحببون الطلبه بالمواد

مشكوره يا اخيه على هالسالفه



حياك الله
مشكلتها تبي رسم حسب المنهج وهذا شي موب بيدها هذا النظام لكن الكلمات التعبيريه الغير مفهومه همن تعلق علينا كأننا موب اوادم همن ارسم :eek: جب عاد كيف للرسم..
شرحتها وكانت المديره مبسوطه وهي تسمع وعلى فكره كانت من نفس الجنسيه لكن فرق بين مربي فاضل ومربي فاصل..
كلام صحيح حتى لو المنهج مملل من اسلوب المعلم يحبب الطلاب فيه ،،الله يحلل الحي والميت منهم ..
اشكرك على حضورك الكريم وردك المميز بارك الله بك
دمت بحفظ الله
تحياتي وتقديري واحترامي
..قوافي..

[قوافي ( أم نهار )]

أختي قوافي

ذي المدرسة يبيلها مرررردقانة



حراااام عليك جننتي فيها
أهم شي هي يوم طلعت من الفصل بكامل
قواها العقلية
الزين المديرة الله يجزاها خير
فزعت معك

وفاهمةٍ الوضع :good2:


حياك الله اخي الفاضل
انا سامحتها خلاص ،،المسامح كريم:D
تبي الصراحه ودي اني اعرف اجننها :p لاحظ كل ذا واما جننتها :p..
;) هي طلعت سليمه تمشي على اثنين وتظرب باثنين والباقي مدررري;)..
المديره الله يجمل حالها دنيا وآخره على طيبتها ..
اشكرك شرفت السالفه بحضورك الكريم وردك الجميل ..
تحياتي وتقديري واحترامي
..قوافي..

[قوافي ( أم نهار )]

ههههههههههههه الطفولة <ايام البراءه في كل شي >......على طاري الجاط الفواكيه :D....كنا معزومين عند واحد من الاصدقاء وبعد العشاء جاب لنا تشكيلة من الكناف وحلويات اخرى ...وجاب قطر ..<سكر مذاب حتى صار كنه ماء> المهم واحد من المعزومين يوم كلا من الكناف اخذ يده وحطها في القطر يحسبه ماء غسول ايدي :D:D:D طبعا اغلبنا طاح من الضحك على موقف صاحبنا وهو وجهه صار طماطه.....
حياك ربي
الطفوله وذكرياتها الجميله
احيانن اقول طيب وشوله سويت كذا وليه،، مثل حصة الرسم كل ماتذكرت اقول طيب ليه مارسمت اللي اعرفه وبس ..
:D الله يوسع صدرك بالعافيه على المداخله الجميله
ذكرتني بوحده كشخه ومسويه انا اللي مامثلي بالفهم وكلش وكنا بعزيمة فطور برمضان ويوم حطو الفطور اخذة باديه قزاز صغيره تبي تشرب تحسبها توت وهي جلي احمر ،،الفطور راح كله ضحك وهي معنا وعقبها ما شفناها لابزياره ولابعزيمه..
اشكرك على مرورك وردك الكريم
تحياتي وتقديري واحترامي
..قوافي..

[قوافي ( أم نهار )]

هلا ..... وغلا ... اختنا الغاليه " قـــــــــوافــــــــــــــــي " مشكوووووووووووورة سالفه بقدرر ماهي زينه بقدر ماتحمق وتزهق عزالله ان هــــ الابلا عزالله انها هبـــــــلا بصحيح طالبه وصغيرة وطالبه اول ابتدائي وتنزله للمديرة والله خوش هبلا سلميلي والله على النشميـًـــــــــــه المديرة بنت الرجال اما راعيت { الجاط }اوالجلنط اومدري جنط مهنا احد


................................... تحياتي وتقديري وحتراماتي لشخصكي الكريـــــــــم ...................................



حياك الله ابو حمد
كل الاسماء تنطبق عليها والحمد لله انه زمن ومر
المديره على انها نفس الجنسيه لكن تختلف كثير وهي بمقام والده للجميع..
اشكرك لحضورك ومرورك الكريم
تحياتي وتقديري واحترامي
..قوافي..