تفتفة السيارة حتى بعد تنظيف الكربريتر وتغيير البواجي

[Hyper]

السلام عليكم

سيارتي كرسيدا 1989 ويلاحظ عليها تفتة خاصة عند المشيء ببطء في طلعة والقومة صار يبغالي أشد على السيارة شوية عشان لا تقعد تتفتف

وأيضاً في الصباح تتفتف وهي واقفة

مع العلم :
نظفت الكربريتر
غيرت البواجي
غيرت الصفاية

خفت المشكلة .. ولكنها لا تزال موجودة :(


ما الحل الله يرضى عليكم

[Abukhaled-503]

شيك على أسلاك البواجي

[قناص 28 عفيف]

غيرت البليتين وهل وزنه لك مضبوط ولا لا

[SGL]

أخوي قناص هذي البليتين حقها يجي أكتروني ونصيحه لاتقربه شيك على أسلاك البواجي مثل ماقال أخوي في أول رد وشيك على سلك الكويل وغطى الديلكو والشاكوش وممكن يكون ليات الهوا اللي في الكربريتر ماهي مركبه صح يعني الميكانيكي ملخبط فيهن

[صديق وفي]

زي ما تفظلوا الاخوان اقرب مالها اسلاك بواجي مع ملاحظة البواجي المناسبة لنوعية السيارة (ا صلي)

[العمده 0ون0]

وعليكم السلام ورحمة الله وبركاته
شييك و ركز زين على اطراف ليات الهواء في الكربرتير من بدايتها حتى نهايتها يمكن احد اطرافها مهتري او ومتوسع مع الزمن بسبب الحرارة او احدها مفصول مقطوع واقطع الاجزاء التالفه منها وارجع اشبكها مرة ثانية والافضل تغييرها جرب ان شاء الله تزين الامور0
هذا والله تعالى اعلم 0

[You Like Me]

وعليكم السلام ورحمه الله

قد صارت علي لكن في كابرس ss 2003
وانا راجع من الحجاز السياره تمشي مافيها الآ العافيه
بس يـ امشي 80 او فوق 170 تصفى طبيعيه
امشي بينهم ماتقبل الدعسه وتفتفه عجيبه غريبه
او تجيني طلعه خفيفه يقطع ولا عاد يقبل الدعسه لدرجه اوقف
على يمين الخط افضيه وادعس له كم دعسه شوي ويصفى
وعلى هذا الحال 400 كم تقريباً لحد ما دخلت الرياض
المهم صار من طرمبه البنزين

[مطر وربيع]

اتوقع المشكلة كهرب شيك على اسلاك البواجي والكويل والبوبينة والبلاتين

[راعي المجهم]

الكويييييييييييل

[Hyper]

انحلت المشكلة والله العالم :)



طفيت علي السيارة في الطريق وتبين أن الديلكو والترس الموصل به داخل المكينة مكسور !!

فقمت بتغييرها واشتغلت السيارة .. وراحت التفتة معاها :)


ولله الحمد

[Hyper]

^^^

نزلت الحل ليستفيد الجميع :)

[Hyper]

مع العلم تم فك المبرد والكويل وتركيب تشليح لكن لم تعمل السيارة !
فتم إعادة المبرد والكويل مرة أخرى ...


فربما صلحت التفتفة من هذا الجانب :)
وربما الديلكو المكسور له دور :)




وآسف ع الإزعاج

[ابوشاهه]

السلام عليكم

سيارتي كرسيدا 1989 ويلاحظ عليها تفتة خاصة عند المشيء ببطء في طلعة والقومة صار يبغالي أشد على السيارة شوية عشان لا تقعد تتفتف

وأيضاً في الصباح تتفتف وهي واقفة

مع العلم :
نظفت الكربريتر
غيرت البواجي
غيرت الصفاية

خفت المشكلة .. ولكنها لا تزال موجودة :(


ما الحل الله يرضى عليكم
اخوي احب انبهك لمساله وهي ان الكلبليتر اذا فك ونظف تراه ما يرجع زي اول ... انا عندي مثل سيارتك تقريبا ... نظفت الكلبليتر ... وبهذلني الموتر وما صفى لين ركبت جديد ... لكن قبل ما تشتري جديد شف وزنية الديلكو .. وان كان فيه بليتين اوزنه صح .. ولاتنسى فلتر الهواء تنظفه تراه ( رئه ) السياره اللي تتنفس منها !!!! اذا كان مليان تراب تكتك وتتفتف ... الله يوفقك وييسر امرك ...

[جارح العين]

دام غيرت البواجي واسلاك البواجي
المشكله يابالكبليتر يحتاج تننظيف او بطرمبه البنزين
وتحصل كثير هالمشكله بسبب طرمبه البنزين وقليل من يشك فيها وقد صارت معي

[المميـز]

:

ينقل للخيمة المناسبة

:

[حمزةعبدالمطلب]

البلوف والبلف اللي جاي في راس المحرك مشبوك فيه لي للثلاجة تحت الكلبريتر بواجي إلكترونيه مقاس 20w المبرد+الكويل أسلاك البواجي
الجلدة اللي تحت الكلبريتر ضع لها شحم قليل لمنع تسرب الهواء
ليأت الكلبريتر في مكانها الصحيح وضع اللي يشفط بقوة في الديلكو في البيب اللي جاى من جهة المحرك اذا مافهمتني علمني
الشاكوش لا يكون مكسور او فيه شرخ
نظف غطاء الديلكو من داخل بسكروب عادي
ملاحظة=رقم الكلبريتر كم هو ٢٠او٥٠هذى أرقام الأصلية
أرقام الإبر تعرف كم رقمها اذا رقم الإبرة اللي من جهة البزبوز ١٠١او١١٤ افتح في العوامة على مقاس ١٢ بالفلر قيج اذا غيرت إصلاح غلطان اذا غيرت الإبر حقت البنزين لانها تجئ مقاس كبير وتصرف بنزين وتسبب تفه
المهم اذا غيرت الإبر قفل العوامة اوزنها مع بلوف الهواء
أسف اذا مافهمتني واذا انت ميكانيكي بتفهمني
الله ييسر أمرك