فزعتكم للكامري

[ماء نوفا]

السلام عليكم
قبل قليل كنت امشي 140 وفجاه طفت السياره وقفت ودقيت ماتشتغل وفيه طقطقه بالمكينه المهم لقيت خرم بالمكينه جنب الكرتير فوق الكنداسه بالضبط وطالع زيت منه وش المشكله وسببها وكم اصلاحها مع ان فيها زيت
كامري 2003
وشكرآ لكم

[ابوراكان تبوك]

الله يعينك سيارتك احتمال خبطت هاذي مالها الا تغيير مكينة او توظيب

لكن الكمر نصيحة غير مكينة ولا توظب

التوظيب واحد من اخوياي صار معه نفس مشكلتك البستم طلع ووضبها بـ 6000ريال وخبطت ثاني مره وغيره مكينة حقت 2010 كلفتة 11الف

[MSAN]

ياساتر..

اذا جرم السلندر مكسور.. هذا سببه نقص بنزين عن السلندر المكسور فقط.. يعني اذا خرب بخاخ واحد من البخاخات أو تقفل وشديت على المكينة راح ينكسر السلندر.. افحص البخاخات واحد واحد عشان تتأكد وش سبب كسر المكينة


الله يعينك ويوفقك لمافيه الخير.. والحمد لله على السلامة

[SGL]

أخوي أذا موترك يجي سير تايمن أكيد أنقطع وتكسرة البساتم والبلوف وهذي مالها غير توضيب أو تغير مكينة وأنصح أي واحدينقطع سير التايمن في موتره لايدق سلف ﻷن وضع وميزان البساتم أختلف ويصير أن البستم يخبط في البلف ويكسره وينعدم البستم والبلف لاكن إنشاء الله يطلع شي بسيط لاتخاف

[..D7oom]

الله يعينك سيارتك احتمال خبطت هاذي مالها الا تغيير مكينة او توظيب

لكن الكمر نصيحة غير مكينة ولا توظب

التوظيب واحد من اخوياي صار معه نفس مشكلتك البستم طلع ووضبها بـ 6000ريال وخبطت ثاني مره وغيره مكينة حقت 2010 كلفتة 11الف

كلام سليم انتبه توظب انا كان معي كامري 2004 وخبطت وغيرت مكينه وصارت اخر حلاوه

بس تاكد من المشكله اول شي ،،،، موفق

[ls1.5700]

اللي طلع مع الخرم هذا ذراع البستم
يعني انكسرت المكينه
والاسباب كثيره ومنها مثل ماقال احد الاخون نقص بانزين
او نقص بالزيت او الزيت مبطي ماغيرته خربان رايحه لازوجته
او المكينه موظبه من قبل ولقطع مغشوشه غير اصليه
والاسباب كثيره مثل ماقلت لك
الله يعوضك خير
ودور على مكينه من التشليح لان السلندر خلاص انكسر ولا ينفع فيها التوظيب
لو تبي توظب تحتاج سلندر صفر وطقم بساتم وشنابر وسبايك وعمود كرنك صفر
وطقم اوجيه وطرنبة زيت
يعني بتخسرك قيمت مكينتين
اذا وصلت الامور لحد كذا مالك الا التشليح
قال وش حدك على المر قال اللي امر منه
في امان الله

[ماء نوفا]

مشكورين جميعآ على ردودكم ويعطيكم الف عافيه
وجاري البحث عن مكينه

[أصيل حجآ زي]

http://www.mekshat.com/pix/upload/images39/mk55341_zaz.gif
الحـمـد ُ لله والصـلاة و الـسـلام عـلى رسول الله
وأزوآجـه الـطآهـرآت الـمـُطـهـرآت أُمهـآت الـمـؤمنين
وآله وصحبه ومن وآلآه وجميع الأنبيـاء والـمـُرسلين .
اللهـُم بـك أهـتـدي وبـك أسـتـعـيـن وبنبيك مُحمدٌ أقتدي .




أخي / ماء
الشبآب ما قصرو .
بسسسسسسسسسسسس
أنا بعكس كلام الأخوآن الكرآم .
المُحركآت اللي بالتشآليح يخلطون القطع بها .
يخلطون عبآس بدبآس وضمآنهُم فقط شهر ويمكن يخبط قبل الشهر .


ألا أذا أشتريت تحت أشرآف مهندس شآطر وثقة .
هو يكشف على المُحرّك وهو يعطيك الضمآن والضآمن الله .


الضمآن في بلدنا ما يوفون به أغلب الورش وأغلب الوكآلآت .


في نظري :
أذا بتحصل مهندس { ورشة } شآطر وثقة .
توضب بقطع أصلية وكآلة ألا أذا جُرم { هيكل } المُحرك رآح فيها
وأذا أغلب القطع والجُرم سليم وضب أفضل لك من شراء محرك من أي تشليح .


ألا أذا بتشتري محرك وكآلة أصلي .


أذا نويت توضب :
فأشترط عليه ووقع
معُه أتفآق في فآتروتهُم الرسمية .
الورقة لازم عليها شعآر الورشة وختمهُم .

وضروري
قبل البدء وقبل الأتفآق :
يعطيك قآئمة متكآملة للقطع .
حتى تروح الوكآلة وتسوم كآمل القطع .
وتشوف التكلفة كآملة قبل الأتفآق النهآئي .


لأن بعضهُم يقول بتكلفك كيت وكيت .
وبعد ما يفك المُحرك /// يبدء يزيد عليك الطلبآت .
فالوضوح من البدآئة أفضل حتى لا تتورط معهُم .


بعدين :
حدد ديرتك /// يدُلك الشبآب
على ورشة شآطرة ومضمونة بأذن الله ؟؟؟؟؟؟؟



أذا بتشتري من التشليح :
يمكن تحصل بس لا تشتري
الا وأنت متأكد ترليون بالمئة .


لأنها لو لم تركب بتتكبد خسآير لا قبل لك بها .



ضروري يوآفق المُهندس اللي بيغيرها لك .
حتى لا يلومك بعدين ويقول هذا اللي أنت جبتها .
أذا ما تثق بالفني / المُهندس 100% فقد يقول هذا
المُحرك أو القير أو أو أو ما يصلُح فيه أحسن منهُ
حتى يرسلك على صآحبهُ ويتقآسمو الغنيمة فخلك ذيب .



وأحذر التشآليح
/// في الغآلب
يخبّط مُحركهُم أو قيرهُم
أو دفرنشهُم خلال شهر .
يعني بعضهُم سُبحآن الله مؤقت
مُجرّد ينتهي الضمآن { الشهر }
يخبط ويمكن يحترق قُدآم عيونك .
غش رهيب /// يخلطون عبآس على دبآس في القطع .
يشلحو القيور أو المُحركآت أو الدفرنسآت عندهُم
ويركبو هذا في ذآك من غير مقآييس ولا كُتب ولا مرآجع .
أذا دخلت عندهُم كأنها مزبلة خُردة .


حتى عدتهُم وشدتهُم / خُردة
كأنها ورشة لحآم مُش ورشة سيآرآت .


ألا أذا كآن من سيآرة ما فُك القير أو
المُحرك أو الدفرنش وكشفت عليه أنهُ سليم مُعآفى .


ضروري اللي يشتري من التشآليح .
يشتري بأشرآف مُهندس /
فني مُحترف وألا خموك / غشوك .
الا من رحم الله وهُم قليلين ونآدرين .


لأنهُ ضروري تعرف أن كآن بيلقم
مع القير والحذآف والطُنجرة من غير مشآكل .


وأن كآن يركب على الكرآسي
الموجودة أو ضروري ترهم لهُ كرآسي جديدة .
الأمور كثيرة وضروري تعرف التفآصيل .


قبل أن تتفق مع الورشة ///
لأنهُم بعدين بيقولو هذي ما هي علينا
وتلك ما هي علينا وهذي عليك وهلُم جره .


لازم الأتفآق يكون وآضح المعآلم والتفآصيل
وموقع في ورقتهُم الرسمية بثلاث صور رسمية .
ومختوم بختم الورشة الأزرق .


وأقراء بين
السطور { المخفية } .
الغش وأنا أخوك أنتشر
بشكل لا يُرضي الله ولا يُرضي عآقل .


لذلك حصن نفسك بالمعرفة بالتفآصيل .
وتوكل على الله ومن توكل عليه كفآه .
أستشر وأستخر .



أخــــــــــي :
أذا تبحث عن مـُحركآت أو
قيور أو دفرنشآت أو قطع
ما حصلت الأصلي فـ
أسأل أنت بنفسك
بشحمك ولحمك { DIY }


وأنت جآلس ببيتك بـــجــــوآلـــك .



http://cellphone-reviews.biz/wp-content/uploads/2009/12/xmas-5.gif


أتصل بهذي العنآوين تحت للتشآليح .
بس خلك حذر النصآبين كثيرين .
لازم توصي وآحد ثقة يروح يكشف
بنفسه ويتأكد ويضمن الشيء الزين 100%


أرى ما تتعب نفسك كثيرآ
و لالالالالالالالالا تســـــتــعــجل
بالبدآية أتصل على التشآليح
وشُف وأسبُر أغوآرهُم بعدها لك الخيآر :



ارقام تشاليح الرياض والظهرآن وغيرهُما - (http://mekshat.com/vb/showthread.php?t=450252)


نـــُضـــيــف لها
موضوع الأخ / دل البحر :


أرقام تشاليح السيارات >> في مناطق المملكه هنــــــــا... (http://mekshat.com/vb/showthread.php?t=483309)



ارقام تشاليح قطع غيار وورش في الامارات (http://mekshat.com/vb/showthread.php?t=284912)




تـحـيـــــآتي
بـــــلا حــــدود .



أخــوك :
<<< أبـو عـبـد الـرحـمـن >>>
""" الأصـيـل الـحـجـآزي """


http://mekshat.com/vb/images/misc/progress.gif

[ابوراكان تبوك]

الله يعطيك العافية ابو عبد الرحمن

انا اقصد مكينة ما انفكت نهائي من التشليح واكيد حقين التشليح يخلطون القطع الا من رحم ربي