اواه يالرااااايق ترى الصبر جلاد . يدمي جروح بالخفايا نديه..الحل:بنت المطر.حله:ابوماجد

[راعي العجراء]

السلام عليكم ورحمة الله وبركاته

لغز جديد موجه للراااايق والرمع للجميع



اواه يالرايق ترى الصبر جلاد = يدمي جروح ٍ في حشايا نديه
عشرين ليله ماتهنيت برقاد = وابكيت عيني دون ذنب وخطيه
وانا على جم الشقاء دوم وراد =اسوق رجلي يم حوض المنيه
ياهل الركايب اردفوني على شداد = او عدلوني فوق ردف المطيه
عجزت عظامي بالوطا اليوم تنقاد = ونفسي عليها من الزمن مهميه
بالله عليكم ريضوا واسمعوا مناد = ردوا علي الصوت ياهل الحميه
خويكم من بدت الناس نشاد = ينشد عن اللي بشوفها وهنيه
بنت صغيره عشقت الحضر والباد = بنت لها عند العرب قابليه
لوكان ابوها لاحضر وانت بواد = تشد وترحل شد مقلع طميه
هذا كلامي والمخاليق شهاد = ويشهد على ماقول رب البريه



مع تحيات
اخيكم راعي العجرا
مكشات

[ذيب الفقارة]

وعليكم السلام ورحمة الله وبركاته

أخي الغالي راعي العجراء :

شدتني هذه القصيدة بروعة أبياتها وجمال فكرتها وما احتوته من ألفاظ قوية

ومعاني سامية حتى شغلتني عن التفكير في اللغز .

كلنا أمل في سماع رد شاعرنا الغالي الرايق

تحياتي وتقديري

[ابو ماجد 2]

صح لسانك
جزل وما تسوق الا الجزل
غالي ومسند على غالي
مقدمه ولا احلى
شاعر متمكن
افتتاحيه بدون تمحيص
بنت المطر
واذا جاء المطر تشد عن الوادي
لي عوده بتمعن اكثر
ولكن بعد العوده والتلذذ بالابيات

[النبهاني]

وعليكم السلام ورحمة الله وبركاته
صح لسانك ياراعي العجراء
ولله درك على هالجزله
وكفو يابو ماجد ذبحه
وهو لسا ماتمهد
ماشاء الله تبارك الله
وهذا راي برمعة الزعيم

[ابو ماجد 2]

وعليكم السلام ورحمة الله وبركاته
صح لسانك ياراعي العجراء
ولله درك على هالجزله
وكفو يابو ماجد ذبحه
وهو لسا ماتمهد
ماشاء الله تبارك الله
وهذا راي برمعة الزعيم


هلا بك ابو سالم
شيبان تعاونوا ماذلوا
مدام انك مؤيدني خلاص كنت ناوي ارجع له بتمعن وتفحص
ولكن هالحين يكفين تاييدك خل ولد اخو منيفه عاد يقول مالك لوى
لكن يابو سالم ولد اخو منيفه شااااااعر
والله اني مامن تذوق للشعر لكن هالمقدمه اطربتني الله يزيده من فضله

[صقر السديرات]

صح لسانك راعي العجراء
ابيات اقل ما يقال عنها من عيون الشعر النبطي
ابو مهند كفو ويستاهل من الاسناد
ورمعة ابو ماجد قوية
دمت نجما لا معا

[الماايسترو]

صح لسانك ياراعي العجراء

غالي ومستد على غالي

وابيات تطرب القارئ زادك الله من فضله

والرمعه : ماخلى ابو ماجد لنا مجال ههههه

[ال-رايق]

حي الجواب اللي لفى طيه اسناد=لغز حسان الشعر تزدان طيه
من شاعر للقاف سياف و جلاد=يذبح سمان الهرج ذبح الضحيه
ماينتقي ياكود متعوب الاكداد=راعيه صوب الصلب ساق الرعيه
ضابط قوافي والقوافي له افراد=تمشي على طوعه نظم عسكريه
وانا على ماقيل للطيب نشاد=مابي يقال فلان همل خويه
واشوف خلي فارقت عينه ارقاد =وعزي لعينه كان صارت شقيه
واطبخ على ناره كما طبخ براد=واطفيه كان احتاج من دم ميه
ولوغايته من دونهاحرب وجهاد=لاصل لها لو سببت لي قضيه
هذا ومواترنا على كيفنا اجداد=ماجاتنا سرقه ولاهي عطيه
نركب عليهن وقت لفات الابعاد=لف المحاله فوق جال الركيه
من فوق جيب كن في راسه قناد=كن الديتر مويته شاذليه
اليا عطيته ثالث زاد ثم زاد=خطرن على الكبوت يفهق شويه
واذا استوى كنك مع الجو رواد=شين قليل وتدخل ب الجاذبيه
ثم اسال المنعور وقل يبن الاجواد=عادك على وضعك ونفسك طريه
فالنفس خضرا حين لفات الامهاد=الين يفر المرء لاشاف اخيه
والرمعه حبارى وبوماجدن صاد=قبل الحباري كم رصد في حجيه
واسعد خوي يرقبه وقت ماعاد=شفق على شحم البطن والشويه
ثم السلام اللي على امبير عداد=عدّى تريليون ومثله تحيّه
واختامها مثل المطر خير واعداد=على النبي صلاة رب البريه

[ال-رايق]

الاخوان الاعزاء=
1-ذيب الفقاره
2-ابوماجد
3-صقر السديرات
4-المايسترو

شكرا جزيلا لحسن ردكم على اخونا راع العجراء حيث ذكرتم اسناده لي باللغز وهذا طبع الطيبين شرواكم
فقد رددتم بكل تواضع بعدا عن الكبرياء
وقد رددتم كما عهدناكم العهد الافضل بكل اريحية وتقدير

[راعي العجراء]

وعليكم السلام ورحمة الله وبركاته

أخي الغالي راعي العجراء :

شدتني هذه القصيدة بروعة أبياتها وجمال فكرتها وما احتوته من ألفاظ قوية

ومعاني سامية حتى شغلتني عن التفكير في اللغز .

كلنا أمل في سماع رد شاعرنا الغالي الرايق

تحياتي وتقديري


ياهلا يابوعدنان ياهلا بذيب الفقاره
اشكرك على هذا الاطراء
وانا من تلاميذك طال عمرك
وصح بدنك
دمت بخير
مع السلامه

[راعي العجراء]

صح لسانك
جزل وما تسوق الا الجزل
غالي ومسند على غالي
مقدمه ولا احلى
شاعر متمكن
افتتاحيه بدون تمحيص
بنت المطر
واذا جاء المطر تشد عن الوادي
لي عوده بتمعن اكثر
ولكن بعد العوده والتلذذ بالابيات


هلا بجدي الرابع عشر هلا يابوماجد
ويالله حيوه
كفو كفو كفو
نعم بنت المطر
وابوها المطر ان جاء يشعيب شلت عفشك وهجيت
وعوايدك يابوماجد في ذبح الالغاز
مع السلامه

[راعي العجراء]

وعليكم السلام ورحمة الله وبركاته
صح لسانك ياراعي العجراء
ولله درك على هالجزله
وكفو يابو ماجد ذبحه
وهو لسا ماتمهد
ماشاء الله تبارك الله
وهذا راي برمعة الزعيم


هلا بجدي الحادي عشر هلا يابو سالم
وصح بدنك وتاييدك لبوماجد مايحتاج
في الصميم وكفو ياجدي
الله يحفظك
ومع السلامه

[راعي العجراء]

صح لسانك راعي العجراء
ابيات اقل ما يقال عنها من عيون الشعر النبطي
ابو مهند كفو ويستاهل من الاسناد
ورمعة ابو ماجد قوية
دمت نجما لا معا


هلا بمحافظ الضلع هلابك يابوفيصل
تصدق اني ضيعت مدري انت جدي الثامن والا التاسع ذكرني الله يرحم والديك
واشكرك على اعجابك وتاييدك للزعيم في محله
حفظك الله ومع السلامه

[راعي العجراء]

صح لسانك ياراعي العجراء

غالي ومستد على غالي

وابيات تطرب القارئ زادك الله من فضله

والرمعه : ماخلى ابو ماجد لنا مجال ههههه


هلا يالمايسترو
وصح السانك
اشكرك على حضورك وتاييدك للرمعه في محلها
شاكر تفضلك والله يحفظك
مع السلامه

[راعي العجراء]

حي الجواب اللي لفى طيه اسناد=لغز حسان الشعر تزدان طيه
من شاعر للقاف سياف و جلاد=يذبح سمان الهرج ذبح الضحيه
ماينتقي ياكود متعوب الاكداد=راعيه صوب الصلب ساق الرعيه
ضابط قوافي والقوافي له افراد=تمشي على طوعه نظم عسكريه
وانا على ماقيل للطيب نشاد=مابي يقال فلان همل خويه
واشوف خلي فارقت عينه ارقاد =وعزي لعينه كان صارت شقيه
واطبخ على ناره كما طبخ براد=واطفيه كان احتاج من دم ميه
ولوغايته من دونهاحرب وجهاد=لاصل لها لو سببت لي قضيه
هذا ومواترنا على كيفنا اجداد=ماجاتنا سرقه ولاهي عطيه
نركب عليهن وقت لفات الابعاد=لف المحاله فوق جال الركيه
من فوق جيب كن في راسه قناد=كن الديتر مويته شاذليه
اليا عطيته ثالث زاد ثم زاد=خطرن على الكبوت يفهق شويه
واذا استوى كنك مع الجو رواد=شين قليل وتدخل ب الجاذبيه
ثم اسال المنعور وقل يبن الاجواد=عادك على وضعك ونفسك طريه
فالنفس خضرا حين لفات الامهاد=الين يفر المرء لاشاف اخيه
والرمعه حبارى وبوماجدن صاد=قبل الحباري كم رصد في حجيه
واسعد خوي يرقبه وقت ماعاد=شفق على شحم البطن والشويه
ثم السلام اللي على امبير عداد=عدّى تريليون ومثله تحيّه
واختامها مثل المطر خير واعداد=على النبي صلاة رب البريه

ماشاءالله تبارك الله
وش هالدرر يابو محمد صح السانك مليون
شاعر بس يبي من يحرك مشاعرك
حتى تفيض قريحتك بااجمل الابيات واعذب الكلمات
فلله درك يالرااايق كتبت واجدت واطربت
فلا تبخل علينا بروائع شعرك
صح السانك صح السانك صح السانك
يامبدددددددددددددع
حفظك الله
دمت بود

[ذيب الفقارة]

كفوووووووووووووو كفوووووووووووووووووووو كفوووووووووووووووووووووو

أبو ماجد

وصح لسانك

راعي العجراء

والحقيقة استمتعنا بقراءة قصيدتين من عملاقين من عمالقة الشعر

فلله دركما

تحياتي وتقديري

[راعي العجراء]

كفوك الطيب يابوعدنان
والله يجزاك خير
حضورك وقود وتشجيع لنا
اطال اله عمرك ياجدي
وصح بدنك
دمت بخير

[أبوصقرالشمالي]

يستاهل الرائق الإسناد
وصح لسانك ياراعي العجراء وصح لسان آل-رائق على الرد الرائع
وكلكم عينين في رأس واللغز جميل وهذا وقته في هالأمطار والخيرات


وكفوووووو كفووووووو كفوووووو
أبوماجد
وهذي عوائده
وماشاء الله عليه الله لايضره

وصح لسان الشاعر والرامع وكل من مر
وصح لسان شاعرنا آل-رائق

[ناصر العلي]

وعليكم السلام ورحمة الله وبركاته
سلمت يالغالي
وصح لسانك على هالقصيدة
وغالي ومسند على غالي
ومجارة ياأبومهند ولاأجمل
لله دركما
وماشاءالله عليك ياأبوماجد
وكفو والله يالغالي
دمتم بخير

[راعي العجراء]

يستاهل الرائق الإسناد
وصح لسانك ياراعي العجراء وصح لسان آل-رائق على الرد الرائع
وكلكم عينين في رأس واللغز جميل وهذا وقته في هالأمطار والخيرات


وكفوووووو كفووووووو كفوووووو
أبوماجد
وهذي عوائده
وماشاء الله عليه الله لايضره

وصح لسان الشاعر والرامع وكل من مر
وصح لسان شاعرنا آل-رائق

هلابك يابوصقر ويالله حيوه
وصح بدنك يالغالي
ياخوي ماتشوف انك روعت الشيبان وابوماجد من قلت المثل عن الشيب
وعظيماته ماتشيله وقطع قلب الهيل ماغير يسحبه ببساط
دمت بخير

[راعي العجراء]

وعليكم السلام ورحمة الله وبركاته
سلمت يالغالي
وصح لسانك على هالقصيدة
وغالي ومسند على غالي
ومجارة ياأبومهند ولاأجمل
لله دركما
وماشاءالله عليك ياأبوماجد
وكفو والله يالغالي
دمتم بخير


هلا بعميدنا الغائب الحاضر
غايب عن العين وحاضر في قلوبنا
متربع في محكمة القلب صاف دلاله على جال نار البعد ويتقهوى ويقدع
لا ويشيل الدله بالبيز وقلوبنا تحترق من مجمار السمر والارطاء
لا ومشغل الرادو على محطه ام درمان وهو مايدري ويش يقولون بس يحتري اغنيه البمبو سوداني
حقت فريد الاطرش مدري عبدالحليم حافظ
وفنجال يروح وفنجال يجي لمل غدى سره تقل تمثال سدرك 82
يااخي ارحم قلوب البشر اللي يحترونك وخاصه ابوماجد ماينام الليل الا على رجل الهيل من الغلقه
ويقص عليه سالفه ام العنزين وينام الهيل وهو يسولف وابوماجد واعي عاد ابو ماجد يقوم ويشيل الهيل ويوديه لفراشه وهو يسولف ام العنزين البينه زين
حفظك الله يابوعلي والحمدلله على السلامه ومع السلامه

[ناصر العلي]

هلا بعميدنا الغائب الحاضر



غايب عن العين وحاضر في قلوبنا
متربع في محكمة القلب صاف دلاله على جال نار البعد ويتقهوى ويقدع
لا ويشيل الدله بالبيز وقلوبنا تحترق من مجمار السمر والارطاء
لا ومشغل الرادو على محطه ام درمان وهو مايدري ويش يقولون بس يحتري اغنيه البمبو سوداني
حقت فريد الاطرش مدري عبدالحليم حافظ
وفنجال يروح وفنجال يجي لمل غدى سره تقل تمثال سدرك 82
يااخي ارحم قلوب البشر اللي يحترونك وخاصه ابوماجد ماينام الليل الا على رجل الهيل من الغلقه
ويقص عليه سالفه ام العنزين وينام الهيل وهو يسولف وابوماجد واعي عاد ابو ماجد يقوم ويشيل الهيل ويوديه لفراشه وهو يسولف ام العنزين البينه زين


حفظك الله يابوعلي والحمدلله على السلامه ومع السلامه


هلا بك أكثر يالغالي
وسلط الله على بليسك
يابطنيه:D
أكسجين...هواء...إسعاف
على قولة ذيك
أبي أمي أبي أبوي
الله لايخلينا منكم جميع
خلاص ماعاد أسافر إلا رجلي على رجلكم:D;)
أسعدك الله بالدارين كما أسعدتني
لك من محبك خالص الود

[راضي البري]

صح السنتكم جميعا
اطربتونا بهالابيات
لا هنتم

[ابوماريا]

ماشاء الله تبارك الله
ابداع في ابداع
وابو مهند يستااااهل هذا الابداع
صح السانك مليوووووووون ياراعي العجراء
استمتعنا بالأبيات واللغز
وبمجاراة ابو مهند
متعكم الله بالصحة والعافية

وكفووووووووووكفوووووووووووووو
يانور المنتدى

بيض الله وجيهكم جميع