طلب فزعه لقطع غيار سيكويا [الأرشيف]

مشاهدة النسخة كاملة : طلب فزعه لقطع غيار سيكويا

مستقعدلهم

25/04/2013, 10:55 PM

السلام عليكم ورحمة الله وبركاته ..

حبايبي الاعزاء .. بصراحه جتني صدمه اليوم لما رحت ابغير قطع استهلاكيه لسيارتي سيكويا 2010 مثل مساعدات وقماشات

وتفاجأت بالاسعار حقيقه من تويوتا لهالدرجه حتى قطع الغيار ارتفعت بشكل مخيف وملفت للأنظار ..
صح اني استخدم سياره كبيره ولها وزنها ونصيبها من اسعار اعلى بالقطع بس ماتوصل الى هالدرجه مقارنه بالشركات الثانيه ..
مالكم بالطويله

مساعدر امامي واحد ب 750 ريال وطقم ب 1500 ريال من غير شغل اليد
مساعد خلفي ب 140 ريال وطقم ب 280 ريال .. وهنا انا ضحكت وسالت راعي القطع ليش الفرق الشاسع بين مساعدات الامامي اغلى من الخلفي .. قال لان الحمل اكثر على الامامي بالمكينه الكبيره ..
واستغربت صراحه يعني توقعت ان مافيه حمل على المساعدات الخلفيه لما اقش العايله معي ..

هذي شي من القطع

اما القماشات سعرها معقوله للطقم الامامي ب 391 ريال
وقماشات طقم خلفي ب 321 ريال
وشغل يد للقماشات ب 550 ريال ..

اما شغل اليد للمساعدات ب 1200 ريال

اسعار مبالغ فيها وسمعت من احد الاخوان انه طلب قطعه للدينالي معاه زينه للكراسي ب 600 ريال وهي بالوكاله قيمتها بحدود 5500 ريال .؟.

غش ونص واحتيال عينك عينك .. واحنا مانقدر نقول شي

لكن بالامكان نطلب من برا القطع وشغل اليد نسويه بورشه بربع السعر الموجود عندنا بدولتنا الحبيبه ..

فلذلك ي اخواني فيه احد يقدر او يعرف طريقه نطلب فيها من برا قطع الغيار ؟؟ ولكم جزيل الشكر والامتنان

أصيل حجآ زي

26/04/2013, 12:45 AM

http://www.mekshat.com/pix/upload/images39/mk55341_zaz.gif
الحـمـد ُ لله والصـلاة و الـسـلام عـلى رسول الله
وأزوآجـه الـطآهـرآت الـمـُطـهـرآت أُمهـآت الـمـؤمنين
وآله وصحبه ومن وآلآه وجميع الأنبيـاء والـمـُرسلين .
اللهـُم بـك أهـتـدي وبـك أسـتـعـيـن وبنبيك مُحمدٌ أقتدي .

أخي :
توآصل
مع المُهندس
الكريم / مـــــاجلآن

هو الوحيد من أعضاء خيمتنا
يعرف وثقة في الشراء من الشبعنكبوتية net .
بيدلك وينصحك زين .

وأن شاء الله يمُر على الموضوع .
بس تقدر تتوآصل معهُ عبر الخــــــــــــــآص .

شــكــلـهــُــم :
هــُــم اللي أستقعدو لــــــــــك .

ههههههههههههة .

الله يعيننا وأيآكــُم على
وكآلات وورش النصب والغش .

موفـق
وتلقى خير بأذن الله

""" و الله ُ أعـــلـم وأكــمـــل """

:burnout2:
تـحـيـــآتي
بــلا حـدود .
<<< أبـو عـبـد الـرحـمـن >>>
""" الأصـيـل الـحـجـآزي """

ابوراكان تبوك

26/04/2013, 02:08 AM

تويوتا طارت اسعارها لاتستغرب انا مشتري جويزه واحده لجكسار قدييييم 2002 قيمتها 635 وركبتها برا بـ 200ريال
واكثر ماشدني في الموضوع سعر تركيب القماش 550 انا استغرب هل هو ينزل المكينة حتى يركب القماشات مثلا لو تشوف تركيبها بنفسك صدقني مايستحق حتى 50ريال
من يومين وديت واحد من الشباب راح يستلم سيارته من صيانة تويوتا برادو 2013 ماشي 7000 مشكلته انه فار اعزكم الله قطع اسلاك البخاخات واخذو عليه شغل يد 1600ريال
صيانة الشركات مبالغ فيها وبقوة انا عندي ماليبوا 2013 سعر فلتر الهواء 149 وفي جدول الصيانه مكتوب قيمة التركيب مع سعره 259 يعني حاسبين تركيب 110 على كل فكة كلبس 50ريال وتستمر الحياه هههههه
اكثر مايحدك على الوكاله الضمان مع ان الواحد لو يحسبها ريال ريال ويستغني عن صيانة الوكاله هو الكسبان والشغله كلها ان الواحد يبحث عن الراحة ويروح لوكالة السياره وما اقول غير ربك يعين

مستقعدلهم

26/04/2013, 12:53 PM

هههههههههههههه اي والله يابو عبدالرحمن استقعدولي ويبون ينصبون علي باي طريقه
لكن حسبي الله عليهم ..

اشكر حضورك

مستقعدلهم

26/04/2013, 12:54 PM

والله يابو راكان مرات لما ادخلها الصيانه اتحسف .. يغيرون زيت وينفخونها هوا ب 500 ريال وبرا لو ابسوي هالاشياء ماتكلفني 150 ريال بس على قولتك الضمان .. وش حادنا على المر الا اللي امر منه ..

سلمت لنا

zzss

26/04/2013, 01:53 PM

اذا أسعار الصيانه كذا وش الفايده من الضمان طلعو منك قيمة محركات جديده
يابو راكان فلتر هوا ب150 من دون التركيب فيه سيارات أطلق منها بنص السعر
الصراحه تناقضات في أسعار السيارات وأسعار قطع غيارها تشتري سياره صغيره على
انها اقتصاديه بكل شئ ويستغلونك بقطع الغيار يعني خذت سياره للتوفير ولا استفدت
منها حشف وسوء كيله بالنسبه لاخونا صاحب الموضوع خابر لك واحد من الشباب
جيد بالتجربه تعطيه اسم القطعه والموديل وخل الباقي عليه يبحث لك عن القطعه
الأصليه واذا فيه نوعيه مشابهه لجودتها علمك عنها وعطاك تقييم الزباين اللي استخدموها
من حيث الجوده واذا طلبها لك يتابعها الين توصل ويجيبها لك وياخذ عمولته50ريال مكانه بالرياض.

مستقعدلهم

27/04/2013, 12:16 AM

AxR979

27/04/2013, 06:22 AM

عطن ارقام القطع و رقم الشاصي و اشوفهن لك

العنابي 616

27/04/2013, 12:57 PM

ابحث في موقع www.ebay.com H أو www.amazon.com
و العملية سهلة تدخل نوع سيارتك ثم تبحث عن القطعة المطلوبة
أنا شريت علبة بريك حقت لاندكروزر أصلية سعرها عندنا 1050 ريال و بالانترنت حصلتها ب 380ريال فرق شاسع
و عندك الموقع هذا www.toyodiy.com
عندك هذا الرابط حق سكويا لمتد 2011 يطلع لك كتالوج مثل اللي عند محلات قطع الغيار تدور القطعة اللي تبغاها و تسجل رقمها و تبحث عنها في النت http://www.toyodiy.com/parts/g_G_2011_TOYOTA_SEQUOIA_USK65L-GKTLKV.html

ابوسند9

27/04/2013, 11:25 PM

وعليكم السلام
الصراحه ان اشوف قطع غيار تويوتا صاير اغلى قطع عندنا ومع ذالك الناس تقول قطع غيار تويوتا بلاش
لكن اسمح لي اخوي شوي
انت ليه راح تغير مساعدات؟ هل هي منفقعه عندك او فيها اثار زيت؟ اذا كانت الاجابه لا ! فهذا الشي اسميه انا اسرف ولا تزعل مني وانا اخوك
المساعدات تعيش احينا 6 سنوات اذا كانت قيادتك هادئه
يعني با العربي دام المساعدات ما شفت فيه اثار زيت لا تغيرها ابد
اما بخصوص القماشات فا القماش للجلنط فقط وهو يعيش معك الى 5 سنوات
ولكن لعلك تقصد با القماشات اللي هو الفحمات خلفي وامامي
يعني خلف يجي فحمات للفرامل وقماشات للجلنط
وفيه فرق بين الاشياء الاستهلاكيه اللي تتغير كل فتره مثل فلتر الزيت والهواء والبواجي وفلتر البنزين وهذي تتغير بدون الكشف عليها
اما باقي القطع بالسياره تسمى برضو قطع استلاكيه معمره نوعا ما وتتغير بعد الفحص عليها مثل المساعدات والفحمات وغيرها
واذا ملزم تغير المساعدات شوف السوق فيه الف نوع وشركات معروفه واجود من الوكاله
واخير ابو جميل ما لقى احد يوقفه عند حده ولاعب با الناس لعب بقطع الغيار وكل شهر يختلف عليك السعر بالارتفاع ..وشوف الامارات عندك نص السعر
تحياتي لك

.. PATROL ..

28/04/2013, 07:35 PM

اخوي اذا تبي شي من الخارج اطلبه لك تواصل معي على الخاص

فرفور بريده

28/04/2013, 08:05 PM

هلا اخوي

بحثت لك عن المساعدات الاماميه والخلفيه من شركه KYB

الامامي والخلفي الحبه يطلع عليك حدود 630 ريال بدون شحن

يعني كلهم 1260 الاربع مساعدات امامي وخلفي .. ( من غير الشحن ) اتوقع مع الشحن يطلع عليك حدود 1600 تزود او تقل

وياليت تفيدني بنوع مساعدات السكويا .. وش شركتها المصنعه وابشر باللي يرضيك ..

ومتأكد انه قماشات ولا فحمات موترك ؟ افضل تركب نوع اخر سراميك من شركه كويسه

السليطين

29/04/2013, 12:23 PM

تفضل اخوي ...

http://mekshat.com/vb/showthread.php?p=9383004#post9383004

سيف وقلم

29/04/2013, 12:42 PM

بالنسبة للمساعدات تو الموتر جديد 2010 إلا إذا كان طلع زيت مثل ماقال أبو سند, وإن كانك ملزم ,فيه شركات متخصصة في المساعدات مثل جبريال ومونرو وكي واي بي ووكلائها موجودين في الصناعية القديمة, وشغل اليد للمساعدات والفحمات ما يبيلها شئ مثل ماقلت الورش موجودة ما تكلفك 300-400 على أسوأ الأحوال, ولو تروح موزعين تويوتا مثل الضحيان أو غيره يعطونك خصم حول 30%

ملك الفكتوريا

29/04/2013, 04:10 PM

للإسف الأسعار طايره فوووووق كل السيارات

أمس أنا وواحد من العيال رحنا بنشتري كمبرسر ليارس 2008 لقيناه بمحل مو وكيل ولا شئ بـ2050 ريال والوكيل بارنز مدري بارمز بـ 2250 ريال والتجاري 1300 ودينسو 1700

والفورد موتري غيرت الجنزير بس ما غيرت وجيه أغطية البلوف سعرها أول 120 الطقم والحين طقم 180

المساعدات موتركرفت كانت بـ120 الحبة طقم 480 ريال وأمس سعرها 150 ريال يعني طقم 600 ريال

ارتفاع غريب وقوي وكلها من توكيلات الجزيرة الله يرحم ايام الحاج كان مركد الاسعار

رحال7

30/04/2013, 11:05 AM

اعتقد الارتفاع عام
والشراء من الخارج مشكله لان الشحن غالي وتصلك القطعه أغلى من السوق المحلي
هذا اذا كانت القطعه ثقيلة مثل المساعدات
من الخارج اشتر ما خف وزنه وغلا سعره تستفيد من السعر

ابوالوليدخالد

15/08/2013, 12:44 AM

مع احترامي اللي اعطاك الاسعار ما عنده سالفه
قماش امامي 0c020-04456 بسعر 285
قماش خلفي 0c010-04466 بسعر 275
فلتر هواء os010-17801 بسعر 110
سير 02680-90916 بسعر 340
هذه بعض الاشياء اللي سألت عنها

fahd2000

26/06/2017, 03:29 PM

السلام عليكم
قطع الغيار متفاوته من محل لمحل
اما الاصلاح فمبالغ فيه ولكن هناك محلات اسعاها معقولة ولكن حسب الجودة

fahd2000

26/06/2017, 03:32 PM

عندي سكويا 2009 ابغى قماش البريك كم سعره
ومن يعرف محل في مكة اوجدة يصلح مثبت السرعه
آمل سرعة الافادة
وهل الورش في كيلو اثنين شغاله هالحين