أسهل طريقة ذبح وسلخ وطبخ الضب

[شمري فيد]

طريقة طبخ الضب
ما يخفى على أحد ان الضب من الذ الطرايد
وهذي طريقة ذبحه وسلخه طبخه
1- سم بالله واذبح الضب ثم اتركه 3دقائق ثم اقطع الراس
2-حط السكين بالطول وانتم بكرامة على فتحة الشرج على امتداد البطن
3-افتح بطنه بشرط انك ما تقطع الامعاء الداخلي
4-طلع الامعاء وباقي تقاريع بطنه وارمه
5- حط الضب في القدر واضف الماء وخله يغلي على النار غلية واحدة وطبعا للضب ريحة شينة (زنخ) والماء يقطعها
6-بعد الغلي زين قم واقطع الأطراف رجلين ويدين وانزع جلده
7-اقطع عكرته
8-أزل نهاية العضو التناسلي بالسكين
9-انزع باقي جلد العكرة وعن باقي الضب
10- اطبخ الأجزاء المقطعة بالبصل والزيت لمن تتحمر
ثم حط الكشنة ومعجون الطماطم والماء حتى ينضج
وصحة والعافية





:good2::good2::good2::good2::good2:

[جوبتير]

يعطيك العافيه اخوي
على الطريقه

لكن لا تقربه يمي أبد

تحياتي لك

[وجه النهار]

بارك الله فيك على هـ الشرح
الواااافي
بس لو هو مدعوم بصور
على العموم
الله يعطيك العافية
ويبارك فيك
تقبل مروري

[ابوناهض.]

بارك الله فيكك ..وياتسبدي تسبداهه اطبخ بعيد ههههههه

[معانق المزن]

ماشاء الله

الظاهر انه شرح وافي والعلم عند اهل الضبان
ولكن عبني لاتشوفه..

[شمري فيد]

كل نفس وما تشتهي

[لامبالي]

كل نفس وماتشتهي
عن نفسي
شربت مرقته رشفة واحدة ولا كثرت , قلت المرقه وجربتها ولا طابت لي
بجرب الرز واللحم واشوف ممكن يكون افضل
وبرضوا ماطاب لي الطعم

[سعودي مهاجر]

ماحبته سبحان الله