نصيحتكم لي بعد توضيب سيارتي

[صوت البراري]

السلام عليكم
يأخوان عندي أسئله

1وضبت مكينة موتري وش نصيحكتم لي بعد التوضيب

2بعد التوضيب يضر الموتر طلعة القدية ونزوله على الموتر

3اقدر اسافر خط طويق مثل مكة والشرقية

[هآوي الصيد]

اهم شي لاتجور بنمر على الموتر لك وللزمن ثاني شي الزيت واضب على تغييره ليى قلب لونه غيررره ..

لكن مع اول التوضيب لاتتعب الموتر خله مده لين يشتد الحديد وروح الله يعطيك من خيره ويكفيك من شره

[وطن العزة]

إذا تقصد أثناء التمرين , فلا تضغط على الموتر يعني رجلك على البنزين مسايس ولا تعديه الـ 80

وبعد الـ 1000 كيلو تغير زيت وسيفون وبواجي + ترجع للي وضبه عشان يوزن البلوف

[escape_man]

1- السرعة لا تتعدى 120 لين البساتم تاخذ مجراها بليونة وماتجرح السلندر

2- السرعة لا تكون ثابته. يعني مو تمسك خط لين تخلص الـ 1500 كلم. خل سرعاتك متفاوتة هذا الصح وهذا كلام الوكالات.

3- تشغيل المكيف او طلوع القدية مايضره بإذن الله.

4 شيك التهريبات . احيانا بعد التوضيب يكون فيه وجيه ما ضبطوها صح فتخر زيت او تندي.

[صوت البراري]

بيض الله وجيهكم على الافادة ماقصرتو