ذبحنا الهيل .. بم نبهر القهوة؟؟ نصائحكم

[أندلسي]

صباح الخير

اصبحت الناس لا تستطيع تحمل الهيل بالقهوة وانا منهم اذ اننا نصاب بالحرقان فور شرب القهوة المهيلة ، فما الحل؟
ما الذي من الممكن ان يحل محل الهيل ولا يسبب اضرار الهيل؟
جربت الخلطات التي في السوق ولكن طعمها ليس كما يجب

[الفين6]

الله يصبحك بالخير والنور والسرور
القرنفل أو المسمار
أنصحك به
محسوبك قطع الهيل من ٣ سنوات والحمد لله تمام الحين
لان الهيل سبب لي مشاكل بالمعده
أنصحك ابتعد عنه

[أندلسي]

الله يصبحك بالخير والنور والسرور
القرنفل أو المسمار
أنصحك به
محسوبك قطع الهيل من ٣ سنوات والحمد لله تمام الحين
لان الهيل سبب لي مشاكل بالمعده
أنصحك ابتعد عنه
اهلا اهلا
صباحك خيرات كثيرات
القرنفل حار ولا يصلح للصيف البتة
فهل من حل غير الهيل والعود القرنفل وجوزة الطيب والخلطات؟ :good2:

[مكشاتي111]

انا معك القرنفل حار

لكن ما يمنع وضعه بكميه قليله

او اشرب القهوة سادة بدون تبهير ازين لك

[صديق وفي]

صباح الخير

اصبحت الناس لا تستطيع تحمل الهيل بالقهوة وانا منهم اذ اننا نصاب بالحرقان فور شرب القهوة المهيلة ، فما الحل؟
ما الذي من الممكن ان يحل محل الهيل ولا يسبب اضرار الهيل؟
جربت الخلطات التي في السوق ولكن طعمها ليس كما يجب
والله وانا اخوك انا تارك الهيل من زمان مثلك من كثر مشاكله في المعدة والجسم بشكل عام والحمدالله ما ارتحت الا بعد تركه .. ولي فتره استعمل قهوة ساده او مع الزعفران وانصك بالقهوه بالزعفران بشرط يكون اصلي لانه عكس الهيل مفيد اذا هو الاصلي

[ابن فهدالشمري]

فيه محمصه يخلط لك القهوه بجموعة تبهيرات بالاضافه للزعفران ويطعمها لا يعلى عليه

وكل من جربها بدى يضرب مشاوير علشانه

كانك بغيت الوصف عطني جوالك

كانك بالرياض اوصفه لك وإذا انت برى ارسله لك مع حدى شركات الشحن

[alhajri]

نصيحتي لك الزنجبيل بدال الهيل
مفيد و صحي و يعطي القهوة طعم خيالي

أهل الجنوب اكثر قهاويهم بالزنجبيل

[كولونيل]

المسمار والزنجبيل حار

وبيعطيك نفس اعراض الهيل يعني كنك يبو زيد ماغزيت

اسمع العلم الزين

انا مثلك ذبحني الهيل اصوات وحرقان بالبطن


خذ لك قهوه حمسه ثقيل وكل لتر مويه له فنجان قهوه
مليان من قهوتك وخله يقلب 7 دقايق وزلها بالدله وتقهو

ولا تبهر ولا شي تبي تدعي لي وكل ماشفت القهوه ثقيله قلل من ملئ الفنجان

وبالتوفيق

[أندلسي]

انا معك القرنفل حار

لكن ما يمنع وضعه بكميه قليله

او اشرب القهوة سادة بدون تبهير ازين لك
اممممم
هل لديك خيارات أخرى؟ :p:D

[عراك الرياض]

جزاك الله خير

[أندلسي]

والله وانا اخوك انا تارك الهيل من زمان مثلك من كثر مشاكله في المعدة والجسم بشكل عام والحمدالله ما ارتحت الا بعد تركه .. ولي فتره استعمل قهوة ساده او مع الزعفران وانصك بالقهوه بالزعفران بشرط يكون اصلي لانه عكس الهيل مفيد اذا هو الاصلي

الزعفران كذلك سيء ويعبث بالاسنان :good2:

[ابوو عبدالله]

خلطة القصيم يمدحونها بدال الهيل
ولا خلك مثل بعض الربع
يخلي القهوه تطبخ نص ساعه على نار هاديه
وبدون اي اضافات ويمدحون فالهم لا حرقان ولا غيره

[الوافي.]

عليك بالقهوة السادة وخل عنك التباهير
المهم كثرة طبخ القهوة على نار هادئة لين يطلع الطعم
بالاول راح تستغرب الطعم ولكن بعد ان تتعود عليها وكلها يوم اويومين وترتاح

[علي الشهري]

أنا عندي قرحة شديدة جداً في المعدة
وتارك الهيل من 20 سنة

وأستخدم القهوة أحياناً سادة
وأحياناً قليل من المسمار + قليل جدا من الزنجبيل + الزعفران
ولا أجد أي ضرر أبداً
مع شدة القرحة عندي

بس حط المسمار حب ولا تطحنه
حتى يعطي نكهة لا يختلط ويسود القهوة إذا هو مطحون

[S.Guard]

السلام عليكم

الهيل ما منه الا مظره...

وراعي الكيف صحيح هو اللي يشتري القهوه حب ويحمسها في البيت ويخصص لها محماسه(آنيه) للقهوه فقط ويحسن حفظ الحب والمحموس..ولا يخليها قرب اي مواد اخرى سواءً مواد غذائيه او كيمائيه....

ويحط عليه شوي مسمار وافضل شي انك ما تشرب القهوه الا من دله وليس من زمزميـــــــــــــــــــــه.

وكل ما كان لون الحمســـه اغمق كل ما كانت افضل...

أما خبيثٍ نسمها والكلام هذا ماعاد يصلح لانهم اول يكدووون ويحرقون سعرات حراريه ونوويه حتى.. اما الآن لو نشرب فنجالين من قهوة الاولين رحنا فيها...

[الكعمي]

سسسسسسسسسسسسا د ه بدون أي بهارات أفضل من باب تجربه بس لاتكون خفبفه

[واثق بالله]

ياخوي خل القهوة مامنها فايدة هذا من نظرتي الشخصيه

[عابر الموج]

صلح قهوتك واضف قليل جدا من الهيل لايوجد مشكلة بالتوفيق

[صخب]

انا جربت قهوة الفلتر الامريكية تجي سادة طعمها بالدماغ وريحتها منعشة ولامنها مضرة بعد الله وتخليك تشفر الا شعرة ههههههه الاجانب واحدهم يصقع خمس اكواب باليوم ولايشكون من شي.

اما قهوتنا بدون هيل ماتنشرب بتاتا