مشكله رجه بالباثفندر قوية

[طال الانتظار]

السلام عليكم ورحمه الله وبركاته
اخواني عندي مشكله بالباثفندر 2002 تماتيك الرجه على سرعه 75 وفوق تحس الرجه بالبدي رحت ورصصت الكفرات
ما نفع وركبت فرارات ولا نفع وش تتوقعون رحت للورش وقالو احتمال
عمود الدبل واحتمال عمود الكردان طبعا قبل لا اركب الفرارات
انتظر شوركم الله لا يهينك :D

[al3teeq]

عليكم السلام
شيك عالكفرات لايكون محبله

[حمزةعبدالمطلب]

الرجة بالبودي تكون من مسمار كرسي القير مشدود
او كرسي القير تأكد منه

[hassan-55]

الرجه لها اسباب كثيرهـ

اذا الكفرات سليمه ومررصه

انصحك تروح لكذا ورشه "ميزان" وخذ برأي الاغلبيه
انا قد صارت معي على جيب لاند كروزر رحت للميزان
غيرت مساعد الدركسون والذراعات ووزن

الله ييسر امرنا وامرك وامر كل مسلم..

[..D7oom]

مرحبا اخي

انا كان عندي باث ٢٠٠٥ وصار معي نفس الشي

المهم اذا قالو لك من عمود الدبل افصله وجرب الموتر ،، وانصحك تروح لميزان العضيب او البلاد اذا كنت بالرياض حتى يفحصون الكفرات اذا قالو لك مافيها شي دور مهندس شاطر

موفق اخي

[ls1.5700]

اتوقع المشكله من الكفرات بنسبة 75%
قد يكون فيها ساحكيه من الاطراف او ممسوحه او فيها تحبيل
اذا تعرف احد من الربع معه نفس موترك
خذ كفرات موتره وجرب

[طال الانتظار]

السلام عليكم اشكر الجميع على المشاركة
انا اليوم الصبح رحت يم تشاليح الحاير تمشية وادور عمود الكردان او يسمونه الدوران اللي يجي من القير الى الدفرنس المهم حصلت واحد واخذته وركبه عند واحد من التشاليح والحمدلله ضبط وراحت الرجه مشيت عليه على سرعه 140 ولا فيه رجه بفضل من الله سبحانه وتعالى سعر العمود بعد المكاسره 200 ريال والتركيب 50 ريال
ملاحظه : قبل ما اروح التشاليح ركبت فرارات ورصصت كفرات ولا نفع ورفعت السياره بالعفريثه من وراء ومشيت عليه ولما وصل 80 جت الرجه ونزلت تحت اشوف العمود ولما لمسته لقيت فيه زي العفطه بسيطه المهم رحت لورشه وقالو ترصيص العمود وفيه ورش قالت ما انصح بالترصيص لانه بيرجع ثاني مره
والحمدلله انحلت المشكله