اللزوجة الحصيحة للمكينة اتمنى من الجميع المشاركة

[hussien18]

السلام عليكم ورحمة الله وبركاتة

ياشباب وش اللزوجة المناسبة لجو السعودية تعرفون هالايام درجة الحرارة بالشرقية بين 20 الى 40 درجة مئوية

وبالصيف توصل الى 45 واحيانا 49

وش افضل لزوجة زيت للمكينة؟

ناس تقووول 20w50 افضل شي .. وناس تقول 5w20 افضل شي .. وناس تقول افضل شي 10w30 ..

صراحة احترت !!!!!!!! اصدق مين واكذب مين!! والكاتلوج ماعتقد مخصص لاجواء الخليج

اانا اتكلم عن جميع السيارات وليس سيارات الجيب فقط

وبخصوص سيارتي كابرس اس اس 2007 عداد 48 الف

اتمنى من الجميع المشاركة

ويعطيكم العافيه

[ابوراكان تبوك]

الكابرس بالذات يا اخوي طرمبة الزيت حقته على الريحه ماتصدق يجيها زيت ثقيل وتخرب او تطلع صوت افضل شيء خلك على اللزوجه الموصى بها تلقاه مكتوب على غطاء الزيت
بالنسبه لي انا ماتهمني الاجواء كثير لأن عداد الحراره ثابت اخاف اثقل الزيت يثقل على البساتم والطرمبه
انا عندي كابرس 2013 لزوجته مكتوبه ع الغطاء 20w5 لكن تأكد انت من نوع اللزوجه مثل ماذكرت لك

هاذه وجهه نظري

[zzss]

الزيوت الصناعيه السنتثيك هي المعروفه بتحملها وتبدأ لزوجتها من 5w30
وتجي خفيفه لكن على جوده حسب نوع الشركه المصنعه اللي يخلينا مانغيره
غلا أسعارها عند البناشر لكن الزيوت العاديه نصحني مهندس يقول لاتتعدى
عليها3 ألاف اذا بتحافظ على المكينه.

[حمزةعبدالمطلب]

ياغالي طلع لي صوت في الجنزير وتوني مغيره وتوقيت صح قمت بفك غطاء البلوف وإدخال سكروب في البوجي رقم واحد واختباره مره ثانية لأعلى نقطة في البستم طلع تمام والجنزير وبكرة الكرنك وبكرة الجنزير أفضل من التمام قمت بتغيير الزيت بترومين ١٠w٣٠ الله يوفق أخونا أصيل جاب كل شئ وانت عاد شوف آراء الشباب والله يوفقك

[زياد علي]

حرارة المحرك مالها علاقة بالاجواء الخارجية الحارة لان حرارتها اعلى بكثير ولكتها ثابتة سواء صيف اوشتاء اهم شي شيك على الراديتر الزيت المناسب 10 30w او زيت تخليقي 10 40 w

[الليث الذهبي]

الصراحه كنت مقتنع بالثقيل. لكنكلام اخويزياد عين الصواب وشلون ما فكرت فيه هههههه حرارت المحرك تختلف عن حرارت الجو بالعكس حرارت المحرك عاااااااااليه. مقارنه بالجو

[abahal]

اغلب السيارات الجديده افضل زيت لها هو 5w20

انا جربت جميع اللزوجات واكثر من شركه 20w50 ,10w30 5w30 10w40

افضلها اداء وتحمل واقتصاد بالوقود هو 5w20