المساعد الشخصي الرقمي

مشاهدة النسخة كاملة : ابي اغيرمفاتيح ابواب للباترول


ليوان
03/05/2013, 04:19 PM
السلام عليكم ورحمة الله وبركاته


اخواني عندي باترول ربع سلق 95
ابي اغيراقفال الابواب عشان ما تنسرق السيارة

وش انواع السيارات الي يمكن تركب اقفالها على الباترول ( تكون اقفال ممتازة ما تنفتح الا بمفاتيحها فقط ) ولو فيه بعد سويتش تشغيل السيارة بعد ودي اغيره بنوع أفضل
حجازي20
03/05/2013, 05:25 PM
والله وانا اخوك اخذت السويتش والكوالين كاملة البيبان والتانكي 270 ريال قبل سنة واشوف انها كويسة وركبتها بنفسي ما عدا سويتش كان حق الوكاله وزي ماتقول مبرشم عجزت عنه وخليت الكهربائي يغيره
ابوخليل200
03/05/2013, 11:12 PM
السلام عليكم.
أفضل وازين اقفال ابواب حق كابرس من 80 الى 90بس امريكي .
ويركب على طول اذكرعمي كان مركبها على الباترول 90 وماشاء الله وسلكت معه كم سنه لين باع الموتر وهو فيه.
اسئل الله ان ييسر امرك.
وشكراً.
ليوان
04/05/2013, 01:04 AM
اشكرك ااخي االعزيز حجازي بس وش تقصد حق اي سيارة
ااشكرك اخي العزيز ابو خليل
يعني افضل شي حق الكابرس

طيب وسويتش التشغيل
س
مشبعين الطير
04/05/2013, 01:09 AM
اخوي الكاابرس التسعاوي كانك خابرهـ ميه فالمية بالتوفيق
كولونيل
04/05/2013, 01:13 AM
خل عنك الكابرس والخرلبيط فاضي تشيل سبع مفاتيح انت

رح لقطع الغيار الكويسين او الوكاله

وخذ طقم للابواب والبانزين والسويتش
لنفس السياره ..باترول
وبالتوفيق
hassan-55
04/05/2013, 01:14 AM
تبي نصيحتي خلك على مفاتيحك

عندي موتر ركبت له اقفال امريكي اول الايام مضبوطه الحين تفتح الباب بمفك واحيان باليد!
ـــــــــــــــــــــــــــــــــــــــ
الا اذا مصمم احرص على الاصلي انتبه من التجاري
بس حوسه لازم تشيل مفتاحين واحد حق الابواب والثاني حق السوتش "الوكاله"

ــــــــــــــــــــــــــــــــــــــــ
او ركب لك حمايه جهاز انذار
وركب لك فاصل مخفي بحيث ما يشتغل الموتر الا بالفاصل
يبيلك كهربائي ممتاز
انا قد ركبت فاصل اذا شغلت الموتر يشتغل وشوي يطفي ما ادري كيف سواه الكهربائي
وفي طريقه فاصل يدق سلف لاكن مايشتغل الموتر
شف اللي يناسبك وخل الكهربائي يسويه
اذكر سويته ب 70 ريال
ـــــــــــــــــــــــــــــــــــــــــــــ
واذا تقدر ركب جهاز تتبع المركبات يشتغل بالشريحه اذا انسرق الموتر لا قدر الله الجهاز يتصل على جوالك
وتقدر تتبع الموتر عن طريق الاقمار الصناعيه وايقاف الموتر
وفيه ميزات كثيره ابححث عنها

الله ييسر امرنا وامرك وامر كل مسلم..
حجازي20
04/05/2013, 09:24 AM
والله وانا أخوك اقصد حق الباترول
دحيم الفزعة
05/05/2013, 02:14 AM
الأفضل تركب جهاز حمايه مع تغيير طقم الكوالين الخارجي إذا فيهن نص عمر بأمريكي أصلي وعشان ترتاح من كثرة المفاتيح ركب سنتر لوك

أو


أشتر طقم كامل خاص للباترول مع تركيب جهز حمايه وبدون تركيب سنتر لوك




ودمت بود :::
ليوان
10/05/2013, 03:04 PM
اشكركم على الأراء الطيبة بارك الله فيكم

شكلي ابي آخذ طقم للابواب والبانزين والسويتش حق الباترول
بس ودي آخذ حق الموديلات الأحدث مثل 2000 وما فوق لأن مفاتيحها أضمن
هل تركب على باترول 95
ليوان
21/05/2013, 02:27 AM
اخواني
ركبت طقم كامل حق الباترول الاصلي ( سويتش تشغيل و ابواب وتانكي البنزين ) اخذته ب340 ريال
وركبته ب80 ريال

والحمد لله ما يفتح الا مفتاحها والامور طيبه

اشكر كل من ساهم برأيه
h999mdn
25/05/2013, 11:19 PM
اخواني
ركبت طقم كامل حق الباترول الاصلي ( سويتش تشغيل و ابواب وتانكي البنزين ) اخذته ب340 ريال
وركبته ب80 ريال

والحمد لله ما يفتح الا مفتاحها والامور طيبه

اشكر كل من ساهم برأيه

اخي ليوان ..ممكن نعرف من اين اخذتها ربي يوفقك.