عزم الباترول دماااااار وش الحل ؟

[ابونايف الروقي]

السلام عليكم
كل عام وانتم بخير ومبروك عليكم الشهر وتقبل الله منا ومنكم صالح الاعمال ..
سيارتي باترول سفاري فل كامل موديل 1998 م قير عادي ...
كانت عليه كفرات شد البلد وكنت اطلع به زي الحلاوه احط الهواء 20 وماخلي طعس ما انقزه ... قبل تقريبا شهرين غيرت الكفرات الي بيلون ماكسس ابوجمل ومن ذاك الوقت ماطلعت به للنفود الا امس الموتر نسمته 20 كانه مهوب منسم الموتر ثقيل عزمه دماااااار غرز بي مرتين هههههههه وزعلت وحطيت الهواء 13 ومشى لاكن تقيل ويبرد عزمه بسرعه الموتر ماهوب عاجبني وش السوات ياهل مكشات ؟
اخوكم P52

[m1m]

هلا بك . اختلاف نوع الكفرات له دور كبير .. فالنايلون أفضل في الرمل .. وشد البلد تجمع سلك مع نايلون ..

المهم قد يكون ضعف العزم مو من الكفرات يكون من الصيانة يعني البواجي فلتر الهواء ما غيرته أو تجاري ..

أظن الثقل اللي تعانيه هو يلكلك بالأول إذا غرز ,,, إذا هذا فقط فهو يرجع لنوع الكفرات إذا يضعف دائما فهو للأسباب اللي قلتها لك قبل


وفيه موضوع طرح قبل يناقش هذا الموضوع

[ابونايف الروقي]

M1mشكرا على مرورك واذا ممكن تحط لي الرابط الي تقوله اكون شاكر لك .

[bobnan]

السلام عليكم اخي الحبيب والله الكفرات البالون والله العظيم مافيها الى دمار الجيب ركبنا مره كفرات بالون سوميتومو والله العظيم كأنك تسحب تريله من ثقل الكفرات واعدمن علي المساعدات والي راحن فيها بعد الركب شبه كل ست اشهر اغيرهن وازيدك البالون مع اقرب شجره او ردميه تلقاه مبنشر وغيره الكثير.....

اقول نصيحه ركب برجستون او دنلوب او اي كفر غير البالون وشف بعينك الفرق والموتر يرتاح معك وخفيف

والناس تركب البالون علشنا يرفع السيره ومنظر فقط

والله اعلم وشكرا لكم

[ماجلان]

أخي الكريم P52

الرابط الذي تبحث عنه هنا (http://www.mekshat.com/vb/showthread.php?t=55765)

نصيحتي لك هي التأكد من أن سير التوقيت (timing belt) في حاله جيده حيث أنه من المفترض تغييره كل 80000 كم وفشل هذه السير أثناء عمل المحرك قد ينتج عنه ضرر للماكينه قد يتطلب تجديد نصفها ( أنا متأكد أنك في غنى عن ذلك )
عموما توقيت الإشعال مهم جدا في قضية عزم السيارة
في الماضي كنا نقوم بوزن الديلكو يدويا أما الان ولكون نظام الإشعال والتوقيت اليكترونيا فذلك يتطلب أخصائيا

بخصوص التغريز في الرمل : لا تنسى أخي الكريم أن حالة تماسك الرمال تتغير بتغير الحاله الجويه ... نفس المناطق التي ترتادها في فترة الشتاء تبدو وعرة نسبيا في الصيف

[عبدالمحسنs]

انا معي جيب 99 وصارت لي نفس المشكلة بس ماطلع السبب من الكفرات

تفقد اسلاك البواجي ليها دور كبير في عزم السيارة

[أبوأحمد98]

اذا ماكنت المشكله من الكفرات
فاعليك عمل تصفيه للموتر وتشييك على البواجي واسلاك البواجي وصفايه البنزين وفلتر الهواء والبخاخات
وماتشوف شر

[ابونايف الروقي]

شكرا كل من مر او رد على موضوعي وماقصرتو

[ابا فهد]

العلم الاكيد اذا ارتفاع الكفرات (اي المسافة بين مداس الكفر والجنط) اكبر من شد البلد سيؤدي الى ثقل بعزم السيارة , خاصتا عند تراخي المحرك - القيادة الهادئة.
تحياتي.

[المكحل/ابو]

اخي : p52
انا عند نفس موترك باترول 1998 .
وحصلت نفس اعراض موترك ولكن يكتم اشوي عند تقويم السيارة
وذبحنى بالتغريز لين اخلي قياس هواء الكفرات 15 واخاف ان يفصخ الكفر من الجنط .
قمت غيرة فلتر الهواء , وفلتر البانزين , والبواجي ولم ينجح
رحت فية لم ميكانيكي جيد سعودي واتضح ان اطرنبة البانزين لا تقوم بارجاع البانزين الزايد ثم يكتم ويقل عزمة.
رهملي اطرنبة جمس بسعر 120 ريال حيث ان اطرنبة بلدة بـ 800 ريال
وبعدها عزمة صار ممتاز ولكن يلقلق رجعت لمة ثم وزن الديلكو فرة اشوي.
اتمنى ان تفيدك هذي المعلومات

[ابونايف الروقي]

شباب حسب ماقرات ان الشغله تحتاج :
1- تغيير بواجي وتركيب بواجي رياضيه ... هذي وين القاها وايش افضل نوع .
2- تغيير اسلاك البواجي .هل فيه اسلاك خاصه في البواجي الرياضيه والا اركب اسلاك وكاله .
3- تغيير فلتر الهواء .
4-تغيير طرمبة البنزين.
5-تغيير فلتر البنزين .
6-واحد يقول غير سير المكينه الي داخلها .
7-تنظيف البخاخ .... هذي هي علة النحر واحد من الشباب يقول اذا ماتنظف البخاخ عند واحد يشتغل لك صح وراعي خبره والا يعدم عليك الشغله كلها .. وين انظف البخاخ وهل هو يفك والا يوضع في داخله ماده للتنظيف ؟

[ابونايف الروقي]

انا الموتر عندي مرواح كهرب وفررات بس يبرد عزمه بسرعه .

[ابونايف الروقي]

اخي : p52
انا عند نفس موترك باترول 1998 .
وحصلت نفس اعراض موترك ولكن يكتم اشوي عند تقويم السيارة
وذبحنى بالتغريز لين اخلي قياس هواء الكفرات 15 واخاف ان يفصخ الكفر من الجنط .
قمت غيرة فلتر الهواء , وفلتر البانزين , والبواجي ولم ينجح
رحت فية لم ميكانيكي جيد سعودي واتضح ان اطرنبة البانزين لا تقوم بارجاع البانزين الزايد ثم يكتم ويقل عزمة.
رهملي اطرنبة جمس بسعر 120 ريال حيث ان اطرنبة بلدة بـ 800 ريال
وبعدها عزمة صار ممتاز ولكن يلقلق رجعت لمة ثم وزن الديلكو فرة اشوي.
اتمنى ان تفيدك هذي المعلومات

شكرا على الفزعه ياشباب هل ترهيم طرمبة الجمس يسد مكان الطرمبه الاصليه والا لا؟

[تنوم]

اخوي المكحل ياليت تفيدنا وين هالميكانيكي موقعه او رقمه

[F34666]

السلام عليكم جميعاً

الشخص الذي سبق ان جرب قيادة الباترول من مديل 88 الى مديل 97 يلاحض ان عزم السيارة ممتاز في اي ظروف او اي نوع من الكفرات بالون او غيرة سواء كانت السيارة قديمة او نضيفة والمجرب يشهد بذلك حتى انك تستطيع ان تقود السيارة في المناطق الرملية في النمرة الثانية دون الحاجة الى الغيار الاول حتى عند تقويم السيارة وهي واقفة



ثم تلاحض اختلاف عزم السيارة في مديلات الباترول من مديل 98 الى 2001 خاصة اذا تم تغيير اطارات السيارة الى نوع البالون الرملي والسبب في ذالك يرجع الى قير السيارة العادي فهو قد تم صناعتة لكي يتناسب مع المكينة الجديدة 4800 في المديلات الجديدة 2002 ومافوق حيث تم صناعة القير من مديل 98 للمكينة الذكورة .



سبق ان حصل لي مشكلة في الباترول 98 في القير حيث ان الترس الخامس مايلقم بعدين اضطررت الى تغيير القير بالكامل فقد ركبت قير 93 بعد الترهيم البسيط في عطاء القير حيث لاحظت بع ذلك ان عزم السيارة ازدات بشكل كبير وكان عزم السيارة مشابه للمديلات القديمة وقد كلف الموضوع برمتة 1500 ريال بدون ان اعطية القير القديم

[ابونايف الروقي]

شكرا على المرور شباب

[m1m]

قم بتركيب بواجي رياضية من نوع ( دينسو ) تباع عند محل (4500) في الثلاثين بالربوة بسعر 270 ريال المهم تأكد من ان النوع مطابق صاحب المحل يعرف ذلك

وعندي مركب طرمبة مرسيدس في الكبوت فوق السيفون :)

[ابونايف الروقي]

m1m شكرا على المرور يبي لك جلسه انت هههههههههه مركب طرمبه حقت مويه والا بنزين وكيف وضع الاسلاك اغيرهن مع البواجي والا لا وايش افضل نوع ؟

[m1m]

هلا بك ..

أكيد يا اخي طرمبة بنزين :) وش أبغى بطرمة موية ..ما جربت تغيير أسلاك البواجي لكن المجرب تغيير البواجي إلى المذكور أعلاه .. ( دينسو) تقلل صرفية البنزين وتخفف الدعسة .. 20% تقليل صرفية في الخطوط .. هم يمدحون أسلاك البواجي الرياضية ..لكن غير مجرب عندي ..وبشوف إذا عندي فرصة صورت شكل طرمبة البنزين .. وكرتون البواجي على شان يكون هذا الكلام مرجع لأهل الباترول سفاري 4500 بإذن الله

[ابونايف الروقي]

شكرا على المرور .

[ابونايف الروقي]

شباب هل الهيدرز يوثر على المكينه في المستقبل ؟

[سندباد الخليج]

خي الكريم اذا كان اشتغاله صافي لا تحوس موترك كل مافي الامر ان الرمل مازال ساخن والسيارات تمشي فيه بصعوبه والله اعلم

[ابونايف الروقي]

شكرا سندباد الخليج ماقصرت .

[ابو نوره]

وين موقع الورشه يالمكحل عشان نروح لها