مشكلة في تاهو 2009 ياليت تفيدونا؟؟

[القشيعين]

السلام عليكم ورحمة الله وبركاته

ياخوان عندي مشكلة ظهرت عندي سيارتي تاهو 2009

اذا كنت ماسك خط فجاءه قفل الابواب يفتح ويسكر وتولع لنبات الطبلون وتخف السرعه

وتطلع رساله بالطبلون يقول / مساعد التوقيف مطفاء

وعندي المفتاح حق مساعد التوقيف شغال مااطفاءته

وتخف السرعه بصراحة ضيق صدري لانه حصلت معي مرتين بس مادري وش المشكلة

وصار معي مره ثانيه وطفت السيارة واخذت ثواني ودقيت سلف واشتغلت
ولاحظت ان التاريخ والوقت تغير معناته ان الكهرب فصل ورجع مره ثانية
زي لما اشيل اصبع البطارية

لكن المشكلة هاذي صارت معي قبل كم يوم وانا ماسك خط تولع اللنبات بالطبلون وتطلع الرسالة اللي ذكرتها لكم فوق

وانا ماشي بس ارفع رجلي عن البنزين وتنتهي المشكلة واستمر بطريقي

وش تتوقعون منه

وش تنصحوني فيه


تحياتي

[zzss]

احتمال برمجه لكن ماقلت لنا وين مكانك عشان أي
واحد قريب منك يحدد لك الورشه الجيده اذا بالرياض
خدمناك بورشه جيده والله يسهل أمرك.

[سوبرمان]

أخي الكريم
السلام عليكم ورحمة الله وبركاته
عندي تاهو موديل 2007 وحصلت لي قبل فترة أكثر من 8 شهور تقريباً نفس الأشياء التي حصلت لك ، لكن لم تنطفأ السيارة ، وبعد جهد جهيد تبين لنا أن المشكلة من أصابع البطارية ، توصيلها للكهرب ليس جيد ، وهنا أنصحك نصيحة إذا كانت المشكلة من الأصابع فلا تغير الاصابع لأنها لن تنفع ( لأن سبق وأن غيرت الأصابع ولكن لم تنحل المشكلة ) وبعد تغير الكيبل بالكامل تم بفضل الله إصلاح المشكلة .
وأتمنى لك التوفيق .

[ابو صالح 871]

انصحك تراجع وكالة الجميح وبالتوفيق

[محمد خماش]

انا حصلت معي جز من المشكله اعلاه وبذياده كل ما اخذ لفه يمين او يسار واخذت السيارة للجميع موديل 2011 وتم تغيير حساس الدركسون واختفت الرسائل يجي تحت زر الغمازات الفلشر شكلة حلقي دائري سعرة فوق 3500 ريال