المساعد الشخصي الرقمي

مشاهدة النسخة كاملة : زيت+ماء+بنزين في المكينة !!!


محمّد
06/05/2013, 02:10 PM
السلام عليكم ورحمة الله وبركاته

باختصار معي ربع تايوتا 2006 اللي حصل طاحت مقدمة الموتر في جرف او حفرة وهي اللي انقذت حياتي بعد الله من الغرق وكانت مليئة بالماء وقت السيول والحمدلله انكتب لي عمر جديد انا واللي معي المهم بعد ماسقطت بالحفرة طفت السيارة من نفسها وغطى الماء كبوت الموتر وماطلعتها الا اليوم الثاني بعد ما خف جريان السيل وعالبنشر على طول غيرت زيوت الموتر كاملة الا زيت الجربكس بالاضافة الى زيت المكينة مرتين مع اضافة زيت تنظيف ولازال الماء موجود فالمكينة والغريب اني اكتشفت فالمكينة بنزين مخلوط مع الماء والزيت !!

ارجو من ذوي الخبرة ان يبدون ارآهم لي لاني بصراحة محتار مدري وش اسوي بالضبط وخايف يخبط علي الموتر مع العلم اني لم اشغل السيارة للآن
zzss
06/05/2013, 02:18 PM
الحمدلله على السلامه وحاول انك ماتستخدم السياره
وحدد مكانك عشان الاخوان يدلونك على أقرب ورشه
جيده.
ls1.5700
06/05/2013, 02:52 PM
اول شي الحمدلله على السلامة
شف ياحبيبي الماء يدخل مع كل مكان مايرده شي
انا اتوقع الشكمان مليان بالماء فك الوصله من عند الكنداسه الصغيره الاماميه
واذا فيه ماء بالقزوز يطلع على طول
وبعدين انت تحط زيت مرتين وتغيره منفس الاحظه وهذا مايفيد ابد
المفروض انك مغير الزيت مع الفلتر ومشغل الموتر لين تصخن المكينه يعني حدود 10 دقايق
وتطفي الموتر وتغير الزيت وبكذا
ان شاءالله ينظف من الماء
بالنسبه للبانزين انا مادري من وين يجي بالضبط
لان موترك بخاخ وصعب يدخل البانزين للمكينه صراحه شي غريب
الا اذا كان احد البخاخات معلق ويصب داخل السلندر
بس ماعليك منه شغل الموتر ومثل ماقلت لك
في أمان الله

مرحظه / شيك على الدفرنسات يجوز بأن فيها ماء
حمزةعبدالمطلب
06/05/2013, 03:23 PM
كفت أعظم منها ان شاء الله والحمدلله على السلامة


قم بتغيير الزيت مرتين ومع التغييرللمرة الثانية غير السيفون
فك صرة البنزين ثم قم بتعبئة مره ثانيه وفكة وثالث مره كذلك مع هز السيارة
قم بفك البواجي كل واحد لحاله وتشغيل المحرك نقرة نقرة لإخراج الماء اللى على البساتم
قم بتغيير البواجي والفلتر والصفاية

اذا بقي مويه في المحرك قم بفك البلف اللي في السرندل تحت القزوز
اذا بقي مويه في البنزين قم بفك البلف اللي في الثلاجة
والحمد لله على السلامه
_دربيل_999
06/05/2013, 03:39 PM
اذا سيارتك حرارتها غير مستقرة وتنقص ماء الراديتر فهذا وجه الرأس او الرأس نفسه مشعور هذا مجرد تخمين
ابو سالم22
06/05/2013, 03:50 PM
الحمد لله على سلامتك
احتمال يكون راس المكينه لا قدر الله
اول شي طبق الي قالك عليه اخوي 5700
الله ييسر امرك
اتمنا اكون افدتك
محمّد
09/05/2013, 07:30 AM
الحمدلله على السلامه وحاول انك ماتستخدم السياره
وحدد مكانك عشان الاخوان يدلونك على أقرب ورشه
جيده.
الله يسلمك من كل شر ان شاء الله
محمّد
09/05/2013, 07:38 AM
اول شي الحمدلله على السلامة
شف ياحبيبي الماء يدخل مع كل مكان مايرده شي
انا اتوقع الشكمان مليان بالماء فك الوصله من عند الكنداسه الصغيره الاماميه
واذا فيه ماء بالقزوز يطلع على طول
وبعدين انت تحط زيت مرتين وتغيره منفس الاحظه وهذا مايفيد ابد
المفروض انك مغير الزيت مع الفلتر ومشغل الموتر لين تصخن المكينه يعني حدود 10 دقايق
وتطفي الموتر وتغير الزيت وبكذا
ان شاءالله ينظف من الماء
بالنسبه للبانزين انا مادري من وين يجي بالضبط
لان موترك بخاخ وصعب يدخل البانزين للمكينه صراحه شي غريب
الا اذا كان احد البخاخات معلق ويصب داخل السلندر
بس ماعليك منه شغل الموتر ومثل ماقلت لك
في أمان الله

مرحظه / شيك على الدفرنسات يجوز بأن فيها ماء

الله يسلمك من كل شر انا غيرت الزيت مرتين على على شان اتاأكد واتطمن ان مافيها ماء وكنت ابشغل الموتر ولقييت السلف خربان مايدق اما سالفة البنزين من وين جاء مالقيت لها تفسير !!
اما الدفرنسات شيكت عليها مليآآآنه ماء
اليوم ابلتفت له وازينه ومشكور على مشاركتك
محمّد
09/05/2013, 07:40 AM
كفت أعظم منها ان شاء الله والحمدلله على السلامة


قم بتغيير الزيت مرتين ومع التغييرللمرة الثانية غير السيفون
فك صرة البنزين ثم قم بتعبئة مره ثانيه وفكة وثالث مره كذلك مع هز السيارة
قم بفك البواجي كل واحد لحاله وتشغيل المحرك نقرة نقرة لإخراج الماء اللى على البساتم
قم بتغيير البواجي والفلتر والصفاية

اذا بقي مويه في المحرك قم بفك البلف اللي في السرندل تحت القزوز
اذا بقي مويه في البنزين قم بفك البلف اللي في الثلاجة
والحمد لله على السلامه

الله يسلمك من كل شر ابتبع خطواتك كامله ومشكور على الافادة
محمّد
09/05/2013, 07:42 AM
اذا سيارتك حرارتها غير مستقرة وتنقص ماء الراديتر فهذا وجه الرأس او الرأس نفسه مشعور هذا مجرد تخمين

الحرارة ثابته لااترتفع ولا تنقص ومشكور عالرد
محمّد
09/05/2013, 07:44 AM
الحمد لله على سلامتك
احتمال يكون راس المكينه لا قدر الله
اول شي طبق الي قالك عليه اخوي 5700
الله ييسر امرك
اتمنا اكون افدتك

الله يسلمك اخوي الراس ان شاء الله سليم وابطبق كل اللي قالوه الاخوان ماقصرو وانت ماقصرت ويعطيك العافية
مشبعين الطير
11/05/2013, 07:15 PM
غير البواجي وفلتر الهواء ونضف البخاخات والثلاجة وفك القزوز وركبها بعدين غير الزيت يعني بالعربي سو تصفية كاملة للموتر والله الموفق