المساعد الشخصي الرقمي

مشاهدة النسخة كاملة : للي يعرف لديكورات السفاري 92 فزعتكم قفل الثلاجه الاماميه


GX8v
07/05/2013, 04:48 AM
لسلام عليكم
اختصار الموضوع ياشباب عندي قفل الدرج الي قدام المعاون (الثلاجه الاماميه)
نقز من مكانه بسبب واحد الله يهديه دفش شوي
المهم ماعاد يركب والدرج صار بدون قفل
الي يعرف وش الطريقه وهل فيه مكان يبيع القطعه او ورشه تضبط الوضع
الدرج مفتوح وخرب الشكل كله فزعتكممم للي يعرف وش السواه او يفدينا ياربع
دحيم الفزعة
07/05/2013, 08:23 AM
السلام عليكم ورحمة الله

قفل الدرج في السفاري يباع لحاله


أنا دورته وما لقيت الا تجاري سعره على ما أذكر 20 ريال


وما عليه يفي بالغرض


طبعآ يجي معه مفتاح خاص فيه


ودمت بود ====
فتاح الجواد
15/05/2013, 04:58 PM
وعليكم السلام ورحمة الله

يتصلح يا حبيبي وهو ٦ قطع أساسية

قطعتين معدن متشابهات
و سبرنق
والقلب الي يدخل فيه المفتاح
والجرم الي ثابت في باب الثلاجة
ومسمار صغير يعمل عمل القفل وهو على الجانب الأيمن
وجميع القطع تجتمع في الداخل

طريقة التصليح
تجمع قطعتي المعدن و السبرنق في الوسط
تضغطهم الين يلتصقون وفيهم مثل السكة أو مجرى
ثم تدخلهم في مكانهم في راس الجرم و انت ضاغطهم ثم
تدخل عليهم القلب و لا تنسى تتأكد انه على الجهة الصحيحة
ودليلك فتحة لمسمار التثبيت وهو على اليمين
إذا دخلته تأكد انه يفتح
وبعد ماتتاكد أقفل عليه بالمسمار
ارجو اني افدتك
فتاح الجواد
15/05/2013, 05:01 PM
واي إستفسار انا تحت أمرك
ولو تبيني اصلحة لك انا جاهز وموقعي شرق الرياض مخرج ١٢
بشرط ان القطع كاملة