رفعت عيار الزيت مالقيت ولا نقطه زيت .. هل معقوله الزيت يهرب من هنا (صورة)

[راعي الرود]

السلام عليكم


الموتر : GXR 2001


اليوم الصباح رفعت العيار بشوف الزيت مالقيت ولا نقطه بالعيار ابد .. والموتر فيه صوت تكتكه , تقريباً مامشيت على الزيت الا 4000 بس

و فيه صورة للمكينه مبين عليها اثار زيت على صدر المكينه هل الزيت ممكن يهرب من هنا ؟؟ مع اني ما اشوف اي تهريب ببلاط الحوش !!

مع العلم أني لا دعست للموتر مافيه اي دخنه تطلع من الشكمان لكن فيه ريحه تقل ريحه كربون او زيت محروق

الموتر ماشي 350 الف .. تنصحوني اوضب ولا الشغله بلوف ؟

انا عارف ان اللاند الموديلات ذي اغلب مشاكل التنقيص من البلوف بس هل فيه دليل يدلني على العطل من وين اذا قلنا مافيه دخان من الشكمان لكن فيه تنقيص و على الـ4000 كم العيار فاضي مافيه زيت

صورت لكم صورتين للمكينه عليها اثار زيت من الخارج وخصوصاً جنب غطاء الزيت :


http://www.mekshat.com/pix/upload05/images253/mk31073_img_1046.jpg





http://www.mekshat.com/pix/upload05/images253/mk31073_img_1044.gif

[عبقري91]

٤ الاف واجد. وهذي تنديه او تبخير. ومن كلامك تقول. توه ٤ الاف يعني شكلك مهمل بزيت. حرام عليك ٢٠٠١ وماشي٣٥٠ الف ولا تعايره الا بعد المسافه هذي
يعني كل الف طيب. خلنا من التهريب والمعايره فيه زيوت مظروبه بسوق. انا صارت لي بعد ٢٠٠ كيلو ناقص وازيد. والله و٢٠٠ كيلو وناقص واشوف العلبه الا هي مغشوشه. لا ستكرات ولا علامات تجارية. المهم غيرته وزانت اموري. يمكن انت. من. الزيت. مطروب. والله يسهل امرك.

[مشبعين الطير]

صبحك الله بالخير فك الراس وغير جلد البلوف وركب طقم وجيه وشيك على الصوف اذا كان بها تهريب غيرها وان شاء الله تضبط الامور

[مشبعين الطير]

وشف بلف التبخير

[sgl2002]

اول شي غير زيت بزيت سوبر جيتي علبة بلاستيك المكتوب عليها فوكس وسيفون من الوكاله

وبعدها امش وعايره


عندي احساس ان الزيت اللي فيه مغشوش

بعدين شيك على بلف التبخير لايكون هو المشكله

[ابو صالح 871]

وتاكد من الزيت لايصير مغشوش

[ABO-NaiF]

جلد بلوف كل هالموديلات كذا

[توكار]

الزيــــــــــــــــــــــــــــــــــــــــــــــ ــــــــــــــــــــــــــــت مظروب

[sgl2002]

جلد بلوف ماتسوي النقص الفضيع هذا

بعدين جلد البلوف تطلع دخنتها

[ابوراكان تبوك]

الزيت اللي انت تعبيه مضرووووووووب عندي نفس موترك اللحين ماشي على زيته 4200 ومانقص ولا شعره ماشاء الله العداد 274000 بس كل تغييره زيت اغير معاه السيفون
وترا المكاين هاذي قويه موشرط من الممشى لكن لاتهمل الزيت والتهريبات اللي بالصوره كثيره وخاصه وجه غطاء البلوف
لكن قبل سنتين كان ينقص جلد بلوف وصلحته بدون فك راس
الزيت اللي انا استخدمه للسياره سوبر شبل علبته بلاستيك ذهبي أنصحك فيه وبقوه

[شمس المغيب]

اهم شي الان لاتحرك الموتر الا بعد ان تزيده اقل شي علبتين واسحب العيار وتاكد
ثم غير الزيت وعليك بالزيت الزين والتفاقد غلاق الاسبوع

[ramy asiry]

المشكلة من البلوف... النوعية هذه تنقص من البلوف...
أبوراكان وين صلحت الموتر
نقص البلوف في لاندكروزر جدا قوي حتى يخيل للشخص أنه شنبر وهو نقص بلوف

[بوعبدالعزيز84]

وعليكم السلام وحمة الله وبركاته
هذي اول مرة تعاير الزيت من بعد التغيير ولا عايرته قبل هالمرة لان احتمال اللي غيير لك الزيت ماعباه مضبوط
غيير الزيت مع السيفون وجرب الموتر لفترة بعدين احكم عليه وتأكد من عدد العلب اللي بيصبها البنشري

[zzss]

التنديه من الوجيه تنقص الزيت لكن ماتنقص للدرجه هذي بالنسبه لجلد
البلوف فحصها سهل شغل السياره 20 دقيقه بدون ماتحركها بعدها ادعس
على البنزين اذا طلع دخان أزرق ودعست مره ثانيه وانقطع معناها جلد بلوف
بالنسبه للزيت انتبه يوجد زيوت مضروبه واحد عبى سيارته زيت مضروب
ما أمداه يمشىي حدود3 كم الا والمكينه مجيمه وأفضل فحص للمكينه عن
طريق ساعة فحص ضغط البساتم.

[ls1.5700]

لاجلد البلوف ولا بلف التبخير يسوي هالنقص الرهيب
موترك بحتاج تسقيط شنبر
والمفروض هاللحين توظبه مدام الامور زينه
لاتضرب عليك المكينه وتخسر واجد
اللحين مايكلفك واجد قطم شنبر وسبايك وطرنبة زيت وطقم اوجيه وبس

[ramy asiry]

لاجلد البلوف ولا بلف التبخير يسوي هالنقص الرهيب
موترك بحتاج تسقيط شنبر
والمفروض هاللحين توظبه مدام الامور زينه
لاتضرب عليك المكينه وتخسر واجد
اللحين مايكلفك واجد قطم شنبر وسبايك وطرنبة زيت وطقم اوجيه وبس

يالغالي النوعية هذه من المكائن تنقص زيت بشكل كبير جدا والسبب جلد البلوف

[ابوراكان تبوك]

المشكلة من البلوف... النوعية هذه تنقص من البلوف...
أبوراكان وين صلحت الموتر
نقص البلوف في لاندكروزر جدا قوي حتى يخيل للشخص أنه شنبر وهو نقص بلوف

واضح الشنبر او جلد البلوف فيه فرق بكثرة الدخان
انا صلحته اذا ماني ناسي بورشة البركة بتبوك وكلفني حول 2000ريال او 1800

[راعي الرود]

٤ الاف واجد. وهذي تنديه او تبخير. ومن كلامك تقول. توه ٤ الاف يعني شكلك مهمل بزيت. حرام عليك ٢٠٠١ وماشي٣٥٠ الف ولا تعايره الا بعد المسافه هذي
يعني كل الف طيب. خلنا من التهريب والمعايره فيه زيوت مظروبه بسوق. انا صارت لي بعد ٢٠٠ كيلو ناقص وازيد. والله و٢٠٠ كيلو وناقص واشوف العلبه الا هي مغشوشه. لا ستكرات ولا علامات تجارية. المهم غيرته وزانت اموري. يمكن انت. من. الزيت. مطروب. والله يسهل امرك.

اخوي حياك الله .. الزيت اصلي 100% انا ما اغير الزيت الا عند ون ستوب الخدمه السريعه حقت زيت فوكس واللي عندهم اصلي لأنهم الصيانه المعتمده لنيسان

والموتر ماهوب لي للوالد فـ ماعندي علم عن الزيت المتجمع على صدر المكينه هل هو حديث او قديم بس مبين عليه قديم من اثار التراب تكرم المتلاصقه عليه يعني المشكله ماهيب حديثه , والموتر من زمان وهو ينقص لكن ماهوب للحد ذا كان كل 1000 ينقص نص علبه إلى ربع علبه بس كل 4000 بيخلص الزيت هذا نقص عنيف خصوصاً ان اللاند 7 علب زيت


صبحك الله بالخير فك الراس وغير جلد البلوف وركب طقم وجيه وشيك على الصوف اذا كان بها تهريب غيرها وان شاء الله تضبط الامور


وشف بلف التبخير

بلف التبخير اللي بالثلاجه؟


اول شي غير زيت بزيت سوبر جيتي علبة بلاستيك المكتوب عليها فوكس وسيفون من الوكاله

وبعدها امش وعايره


عندي احساس ان الزيت اللي فيه مغشوش

بعدين شيك على بلف التبخير لايكون هو المشكله


انا ما اغير الا فوكس سوبر جيتي 20W50 العلبه البلاستيك السوداء ولا اغير الا من عند ون ستوب المركز المعتمد لصيانه نيسان السريعه .. و الحمراني هو وكيل فوكس فـ اكيد الزيت اصلي 100% :good2:

[راعي الرود]

جلد بلوف كل هالموديلات كذا

بس المشكله مافيه اثار دخنه من الشكمان



الزيــــــــــــــــــــــــــــــــــــــــــــــ ــــــــــــــــــــــــــــت مظروب

الزيت اصلي 100%



جلد بلوف ماتسوي النقص الفضيع هذا

بعدين جلد البلوف تطلع دخنتها

صحيح مافيه دخنه لكن فيه ريحه زيت محروق من الشكمان بدون اثار زيت تطلع من الشكمان سواء سائل ولا دخان



الزيت اللي انت تعبيه مضرووووووووب عندي نفس موترك اللحين ماشي على زيته 4200 ومانقص ولا شعره ماشاء الله العداد 274000 بس كل تغييره زيت اغير معاه السيفون
وترا المكاين هاذي قويه موشرط من الممشى لكن لاتهمل الزيت والتهريبات اللي بالصوره كثيره وخاصه وجه غطاء البلوف
لكن قبل سنتين كان ينقص جلد بلوف وصلحته بدون فك راس
الزيت اللي انا استخدمه للسياره سوبر شبل علبته بلاستيك ذهبي أنصحك فيه وبقوه

هلا ابو راكان حيه , الزيت اللي اعبيه انا فوكس سوبر جيتي وهالزيت مايختلف عليه اثنين من ناحيه الجوده مجربه من زمان و هالتهريبات مشكلتها مشكله , لو ان الزيت يهرب بشكل ملحوظ من الوجه كان بتطلع دخنه من المكينه لان المكينه حاره و الزيت يهرب عليها لكن مافيه اي اثار للشيء هذا مجرد نقص مع ريحه زيت محروق من الشكمان بدون دخان



اهم شي الان لاتحرك الموتر الا بعد ان تزيده اقل شي علبتين واسحب العيار وتاكد
ثم غير الزيت وعليك بالزيت الزين والتفاقد غلاق الاسبوع

زدته علبه مامعي الا هي و رحت غيرت السيفون و الزيت :D


المشكلة من البلوف... النوعية هذه تنقص من البلوف...
أبوراكان وين صلحت الموتر
نقص البلوف في لاندكروزر جدا قوي حتى يخيل للشخص أنه شنبر وهو نقص بلوف

اللي سمعته ان البلوف تسبب دخنه من الشكمان لكن لا يوجد



وعليكم السلام وحمة الله وبركاته
هذي اول مرة تعاير الزيت من بعد التغيير ولا عايرته قبل هالمرة لان احتمال اللي غيير لك الزيت ماعباه مضبوط
غيير الزيت مع السيفون وجرب الموتر لفترة بعدين احكم عليه وتأكد من عدد العلب اللي بيصبها البنشري

اي والله اول مره اعايره من بعد ماغيرته بس اول ماغيرته شفت العيار و الزيت تمام و مشيت عليه الـ4000 هذي وكانت بعضها خطوط و الاغلب منها جلد بالنفود ايام الامطار


التنديه من الوجيه تنقص الزيت لكن ماتنقص للدرجه هذي بالنسبه لجلد
البلوف فحصها سهل شغل السياره 20 دقيقه بدون ماتحركها بعدها ادعس
على البنزين اذا طلع دخان أزرق ودعست مره ثانيه وانقطع معناها جلد بلوف
بالنسبه للزيت انتبه يوجد زيوت مضروبه واحد عبى سيارته زيت مضروب
ما أمداه يمشىي حدود3 كم الا والمكينه مجيمه وأفضل فحص للمكينه عن
طريق ساعة فحص ضغط البساتم.

ان شاء الله بجرب الحركه هذي و نشوف هل المشكله بالبلوف او لا

لاجلد البلوف ولا بلف التبخير يسوي هالنقص الرهيب
موترك بحتاج تسقيط شنبر
والمفروض هاللحين توظبه مدام الامور زينه
لاتضرب عليك المكينه وتخسر واجد
اللحين مايكلفك واجد قطم شنبر وسبايك وطرنبة زيت وطقم اوجيه وبس

جايز انه شنبر لكن مافيه اثار دخان , ممكن يكون شنبر بس مايطلع دخنه .. مع العلم ان فيه ريحه من الشكمان ريحه كربون على ريحه زيت محروق تصرعك و تصدع براسك لا صرت ورى الموتر وهو يشتغل .. بس بعد المشاوير الطويله ادخل الموتر الكراج و انزل عفش ولا اشم ريحه زي ما اشمها والموتر توه مشتغل و واقف

[nayf01]

اذا ضعفت جلد البلوف تهرب زيت ويحرق عبر الشكمان وتشم ريحه وينقص زيت المحرك مع البطاء

اما الشنبر بالاضافه الى الريحة تشاهد دخان

ولكن لو غيرت جلد البلوف وصبرت عليه حتى تتاكد من نقص الزيت
اذا استمر ينقص بعد غيار جلد البلوف فاعلم ان موترك يحتاج الى شنابر ولابد تفك المكينه
وانصحك لاتفها الا عند متخصص

[ramy asiry]

شغل الموتر وخليه 10 دقائق ثم دوس بنزين ...إذا طلع دخان ثم انقطع فأعلم أنها جلد بلوف

[ابوراكان تبوك]

اخوي مشكلتك ماتتعدى جلد البلوف
او وجه غطاء البلوف ولاهو شرط انه يدخن من عند الماكينه
أو بلف التبخير اذاسكر ينفخ الزيت مع البخاخات ويصرف كل 500كيلو علبتين ( وتلقى الزيت طالع في علبة الفلتر )
أو الصوفه اللي بين المكينة والقير مو شرط يهرب وهو واقف أحيان يهرب مع الممشى فقط
دخان جلد البلوف شكلين يا اما دخان ازرق كثير وينقطع او دخان اسود قليل مع الدعسه

[البناوي 12]

أبدا بلزيت غيره وتأكد منه بنفسك الغش بكل مكان وما تشوف شر ،،،،

[sameer_1798]

جلد بلوف بس الدخان يطلع بعد فتره توه بادي عندك والريحه اولها .
وامرها سهل مر العضيب بالزلفي بساعة وهو مخلص ماشاء الله بدون فك راس .

[راعي الرود]

مشكورين جميعاً ماقصرتو رحم الله والديكم



جلد بلوف بس الدخان يطلع بعد فتره توه بادي عندك والريحه اولها .
وامرها سهل مر العضيب بالزلفي بساعة وهو مخلص ماشاء الله بدون فك راس .

مشوار علي للزلفي وانا اخوك


ماتخبر لي او احد الاخوان ورشه بالرياض فاهم باللاندكروزر ؟

[zzss]

مشكورين جميعاً ماقصرتو رحم الله والديكم




مشوار علي للزلفي وانا اخوك


ماتخبر لي او احد الاخوان ورشه بالرياض فاهم باللاندكروزر ؟

فيه مهندس سوداني تخصصه توضيب مكاين بالرياض بس زول يشتغل
باحتراف ماشاءالله عليه عنده موهبة وزن الجنازير والتيمن وتوقيت
المكينه ويشد قطع المكينه على الوزن الصحيح فيه واحد من فتره موضب عنده لاندكروزر
نفس اللي معك وعنده تغيير جلد البلوف بالزرقينه بدون فك راس المكينه اذا تبي تروح له
عطني خبر عشان أعطيك رقمه.

[(سكود)]

ماراح يبين معك الخلل الا بعد ماتروح للمهندس يفك الراس ويتأكد من الشنابر اهم شي لاتتركه بهالشكل والله يعينك

[sameer_1798]

مشكورين جميعاً ماقصرتو رحم الله والديكم




مشوار علي للزلفي وانا اخوك


ماتخبر لي او احد الاخوان ورشه بالرياض فاهم باللاندكروزر ؟
المهندسين واجد لكن اذا موترك غالي عليك لاتحطه عند واحد ماعمره اشتغل بمثل موترك يقعد يتعلم على سيارتك خذ المجرب عند الناس وهذا اللي حببني بالعضيب وتعنيت له من المدينة لهذا السبب والله يجزاه خير عنده ديوانيه بالورشه تقهوه وريح وشوي وهو مخلصه لك .

[راعي الرود]

المهندسين واجد لكن اذا موترك غالي عليك لاتحطه عند واحد ماعمره اشتغل بمثل موترك يقعد يتعلم على سيارتك خذ المجرب عند الناس وهذا اللي حببني بالعضيب وتعنيت له من المدينة لهذا السبب والله يجزاه خير عنده ديوانيه بالورشه تقهوه وريح وشوي وهو مخلصه لك .

دقيت على ولد عمي معه نفس موتري هدد اخبره يقول كان موتره ينقص و صلحه و سبحان الله صار مصلحه بالورشه اللي تقولها نفسها .. انا روحاتي للقصيم واجد بس الدوام مايساعد هالفتره ذي اني اروح , بخلي الموتر على حالته و ازوده في حال النقص و عندي اجازه برمضان 45 يوم ان شاء الله بروح للزلفي على دربي للديره :p

عافاك الله

[سوبر مكشات]

احيانا يتغافلك اللي يعبي الزيت ولا يحط العلب كلها..
صارت لكم واحد

غير الزيت والسيفون واوقف على راسه
وحط الترا7

[سوبر VTC]

قصدك جلد بلوف و ليس بلوف