مشكلة في الفتك رجة البدي كامل

[هموووس]

السلام عليكم ورحمة الله
طلعتلي رجة بالفتك لها اكثر من اسبوعين تهز البدي هز
ورحت سويت ترصيص ارضي ولا نفع وتبدأ الرجة من 100 وطالع وكل ما زادت السرعة زادت الرجة تكفون مين حصل معاه نفس المشكلة يجاوبني وطريقة اصلاحها
ملاحظة الطارة ما ترج نهائيا
ولكم ودي

[مخطور]

السلام عليكم ورحمة الله وبركاته
شيك على الصليبات حقت العمود الخلفي احتمال يكونو هم السبب في رجة البدي
والسب في ذلك قلة الاهتمام بالتشحيم

[Noz]

الامر بسيط ان شا الله مر فيه على ميزان وشيك على الجلد الاماميه و جلد الربطات غالباً يطلع منها المشكله

[sgl2002]

اخوي انا عندي نفس مشكلتك بالضبط باترول ٩٨ بدت معي من اسبوع بعد ماطمرت بالطين والسيول والمطبات بالبر


غسلت الموتر وخفت شوي ماراحت

[بنيللي]

ان لم تكن كما قالوا اخواني الي قبلي فافحص طال عمرك عامود القاردن للدبل والاصلي احتمال يكون فيه طعج خفيف ويبين على المخرطة ، كفحص اولي شيل عامود الدبل وشيك عليك ان راحت الرجه فتراها منها .

[ابوراكان تبوك]

العمود حساس جداً لدرجه انه حتى الطين لما يلصق فيه يسبب رجه

اي رجه في البودي هذا من العمود صليب او ترصيص او محكوك
ورجة الدركسون من الاذرعه او الكفرات

[sgl2002]

ابشرك ياخوي حليت المشكله اليوم بالترصيص الارضي


لكن مشكلتك انت الظاهر من العمود او الجنوط او الكفرات


اذا صار الموتر يرج ادعس كلتش ، اذا خفت الرجه او راحت فهذي مشكلة عمود

[ابوسند9]

جرب بدل كفرات قدام با الخلفيات احتمال عندك تحبيل
وشوف مساعد الدركسون لايكون مهرب زيت

[عبدالرحمن.1]

http://alrahalat.com/vb/showthread.php?t=17569

[عبدالرحمن.1]

شف الرابط يمكن ينفعك وابن البلد اولى

[abw1122]

اخوي اذا الرجه معها ونه هذا عمود الكردان الخلفي
واحتمال يكون من عمود الدبل
عموما فك العمود الخلفي وامش وانت معشق الدبل الخفيف
اذا ما راحت فك عمود الدبل و ركب الخلفي اذا راحت معناه من عمود الدبل
كذا وفرت على نفسك الوقت والجهد لمعرفت الرجه

[هموووس]

كل ما رحت ورشة فتحولنا مشروع جديد لكن رفعت السيارة بالعفريتة وناظرت الاعمدة واكتشفت ان عمود الدبل في مقوس وبغيره واشوف
واليوم السيارة مبيتة في الصناعية
ويعطيكم العافية

[ابوو عبدالله]

ماهو ممكن يكون مساعد التوازن اللي قدام قد صارت معي

[هموووس]

بعد تغير عمود الدبل خفت الرجة بنسبة 95 % ولكن باقي شي واحد اللي هو تدبيل مساعد الدركسون وللأسف
لا يوجد بمكة ورش تقوم بعمل الترهيم ومين يخبر يعطينا خبر حتى لو بجدة

[ابوسند9]

اخوي
دام مساعد الدركسون مافيه تهريب زيت لا تخسر نفسك وتغيره
وشيك على الرمان الامامي لا يكون مرتخي ,,طبعا الفحص بدون ما تفك الرمان والكفرات

[المميـز]

:

مثل ماقالك اخوي ابو سند شيك على الرمانات الاماميه

ارفع السياره من قدام بعفريته وحرك الكفر الامامي من فوق وتحت اذا حسيت انه تحرك
معناته يبي له شد رمان فقد وليس تغيير والشد يكلف 50 ريال للجهه الوحده

وعليك بزيارة هذا الموضوع المفيد عن الرجه

(( وجدنا الحل لرجة الدركسون في السفاري )) لا تدبيل ولا ترهيم ....!! (http://mekshat.com/vb/showthread.php?t=251739&highlight=%E6%CC%CF%E4%C7+%C7%E1%CD%E1+%E1%D1%CC%C 9+%C7%E1%CF%D1%DF%D3%E6%E4+%C7%E1%D3%DD%C7%D1%ED)

: