وين اهل الخبره ارثمس

[ابو عرش]

السلام عليكم ورحمة الله وبركاته.....
ياشباب عندي سوجر ار ثمس التركيه نظام السوبر.وحصل انها احيان ما تطلع الفارغ واحيان مايطبق الفرار في الترباس ويكون فاضي ما توصل الابره واحيان لما تسحب الاجزاء فيه شي بسيط تدقيره...علمآ اني نظفتها ..توني شاري البندق..
والامور اللي ّذكرت تحصل احيان مهو دايم .واحيان ادبل مايحصل شي..وسلامتكم ..ومن شرواكم نستفيد

[شمالي و الهوا غربي]

ابعطيك نصف الافادة
اولا البرة اذا كانت ماتاصل في بعض الاحيان فهذا من الماصورة تقدم اثنى الرمي’وهذي في اغلب التركيات
واحيان ترجع في محلها . اما بعض الاجزا ماتطبق في محلها احتمال انها تحتاج تزيت فقط
بس تاكد انك طبقتها مثل اول.. وبالتوفيق

[ابو عرش]

يعطيك العافيه.شمالي والهوا غربي.
بالنسبه للابره يوم يطبق الترباس على الفرارتوصل الابره ما فيها شي.ما تقدم الماسوره.لان نظامها فرار مثل السوبر نرشل درفجن ...اما التزييت زيتها

[احساس الجروح]

بالنسبه للابره اكيد ماراح تاصل لين يطبق هذا نظام الانيرشا دريفين لانه يكون مرتفع من السبرنق اللي حول الابره واذا طبق يضغط على السبرنق وينزل داخل وتطلع الابره
لكن بالنسبه للتدقير انت فك الشوزن ونظفها بزيت نظيف ممتاز أنا استخدم wd40 ممتاز جدا اذا نظفته زيته بزيت مكينه ياباني اهم شئ تزيت مكينة الشوزن وان شاءالله بيروح التدقير وراح تطلع الفارغ

[مطر وسم]

مشاكل الشوازن التركيه ماتنتهي ابد مكروهه


حاول تبيعها خذلك بيكال احسن



مجرد وجهة نظر من واقع تجربتي هجرت التركي وارتحت



تحياتي للجميع

[قدها ونص]

تواصل مع هذا العضو
حصلت معه نفس مشكلتك وحلها الحمدلله.

http://mekshat.com/vb/showthread.php?t=568457

[ابو عرش]

الله يعطيكم العافيه

[ابو عرش]

بالنسبه للابره اكيد ماراح تاصل لين يطبق هذا نظام الانيرشا دريفين لانه يكون مرتفع من السبرنق اللي حول الابره واذا طبق يضغط على السبرنق وينزل داخل وتطلع الابره
لكن بالنسبه للتدقير انت فك الشوزن ونظفها بزيت نظيف ممتاز أنا استخدم wd40 ممتاز جدا اذا نظفته زيته بزيت مكينه ياباني اهم شئ تزيت مكينة الشوزن وان شاءالله بيروح التدقير وراح تطلع الفارغ
المشكله احيان يطبق عادي ارمي طلقتين ثلاث عادي لاكن احيان يحصل

[قناص*07]

اهم شي تنظيفها وهي جديده وتزيتها بزيت على خفيف


اذا جيت تلقمها اسحب الاجزاء و اتركها ترجع لحاها و لا تحاول ترجع العده بيدك


WD40 تراه يحرق الصبغ اللي عليها
حاول تستخدمه و تمسحه في اقرب وقت بقطعة قماش

يوجد ماده ثانيه نفس الـ WD40 بس انه مُشحم و مكتوب عليه بالنجليزي LIGHT GREASE وهذا ممتاز
او زيت مكاين الخياطه

[شاهين الشراري]

ع حسب نوع الفشق يعني مثال البيبي الاخضر هذا مستحيل يمشي مع اصحاب الاستوقر والارثمس لو كان جدد يعني في انواع يجي صفره كبيره وقويه مايصلح ااتركيات لان السربنك يجي خفيف

[ابوو زيد]

ع حسب نوع الفشق يعني مثال البيبي الاخضر هذا مستحيل يمشي مع اصحاب الاستوقر والارثمس لو كان جدد يعني في انواع يجي صفره كبيره وقويه مايصلح ااتركيات لان السربنك يجي خفيف

على اي اساس حكمت انه البيبي مايمشي مع التركيات ؟؟؟
الموسم هذا رامي بيبي نص صندوق بالاستوقر ومافي اطيب منه و تدبيل بعد

[ابو عرش]

ع حسب نوع الفشق يعني مثال البيبي الاخضر هذا مستحيل يمشي مع اصحاب الاستوقر والارثمس لو كان جدد يعني في انواع يجي صفره كبيره وقويه مايصلح ااتركيات لان السربنك يجي خفيف
فعلا.الفشق اللي رميت فيه الاخضر ابوصفره طويله..وجربت اليوم الجاكور الاسود دبلت اربع ماشي ولا لكت وصفرته قصيره.لاكن ما كان معي غيرهن.لاكن ارجرب اغير الفشق ان شاءالله واشوف..
وشكرآ للجميع على المرور الافاده..وما نستغني عن خبرة الطيبين مثلكم وشرواكم

[شاهين الشراري]

يمكن من العشره تحصل وحده ماتلك مايعيبهن لكن ع حسب التجربه عندك الروسي ماتلك بجميع انواع الفشق الا بعض الضغوط تلك لكن البيبي يعلق بشوازن واجد واولهن ام حبه ماتقواه الابره والفشق طيب لكن اللي بيحافض ع شوزنه مايستخدمه كثير

[شاهين الشراري]

وعندي بعد بلجيك القديمه ينشب فيها البيبي الاخضر والفكتوري البنفسجي والفرنسي الاسود وتلك فيهن عاد شوزني واعرفها لو نشب ضب تسحبه وتشوته هع بس الجاكور طيب ولو ان صناعته نفس البنفسجي بس زوين

[ابو عرش]

الله يعطيك العافيه اخوي شاهين.
جبت رقم واحد 36ابوغزال ابغى اجربه ان شاء الله

[ابو عرش]

بالنسبه للتشوكات.. شريت السلاح ما معها الا رقم3 كيف احصل رقم1و2وكم مقاساتهن.وهل كل تشوكات التركيات يركبن عليها..وفيه واحد ذكر لي وصله.ما ادري هي تصلح والا..

[شاهين الشراري]

الله يعافيك اخوي بس تاكد من التدقيره هي ثقيله او خفيفه

[ابو عرش]

غيرت الفشق ورميت 6طلقات 4رقم 6وثنتين رقم1كلهن ورى بعض ما لكت
لاكن بعدها رمينا طلقتين رقم واحد ولكت الاخيره كأن الفرار يدقر ..والله ما عرفت لها.
وديتها مصلح اسلحه تركي وفحصها قالي ما فيها شي غير طبيعي..

[عطيب الضرايب2012]

يابو عريش

الأرتمس علاجها عندي
وانا حصلت معي نفس المشكله تلك ونظفتها حتى بقاز ولا فاد وقالو لي هذا خلل مصنعي وقالي واحد بعها
خل الكلام هذا كله على جنب

وديتها لواحد وغير الناتوش بناتوش سوبر وهذي من ميزات الأرتمس انها نفس عدة السوبر
والحمد لله ضبطت معي وادبل إلى 6 طلقات واللي يقول مايرما فيها ضغوط ماهو صحيح مع احترامي لوجهة نظره
انا معي وارمي فيها كل شي والحمد لله ما عمرها لكت بعد تغيير الناتوش
ومع واحد من اخوياي لها سنتين يقول ماشفت منها إلا كل خير
وبالطيار تطربك

وانا اراهن إذا ماتعدت قيمتها البيكال بس اصبروا عليها وتذكروا كلامي هي بدت بـ5000 والحين وصلت الـ 9500
وافضلها على البيكال بشكل كبير افضل رمي واخف وزن واخف جهاز
وجهة نظر .......


الحل بإختصار
غير الناتوش اللي يسحب الفشقه من الماصوره بناتوش سوبر اصلي
وارم ضغوط وارم كل شي وان شاء الله تضبط معك .




واذا بغيت اي شي راسلني على الخاص وابشر بسعدك

[ابو عرش]

الله يبارك فيك ياعطيب الضرايب..المشكله وانا اخوك ان الفرار كله يدقر يعني اسحب الاجزاء ما تنسحب الابعد كم لكه وتسحب الفارغ معها..ومره سحبت عنها الماسوره ومان الفرار مدقر في الماسوره...والناتوش ما اتوقع يسوي كذا...واما هي عزالله انها تطرب .انا كان عندي بيكال لاكن هي عندي افضل من البيكال

[عطيب الضرايب2012]

السلام عليكم

انا كنت اقول مثلك ان الناتوش مستحيل يصر هو المشكله لاكن تبين لي ان المشكله بالناتوش واحيان مايسحب الفشقه من الماصورة

واذا تبي تأكد
جرب واسحب الفشقه من الماصورة قبل الرمي اذا اجدعت الفشقه بعيد المشكله ماهي بالناتوش

واذا صار ماتحذف الفشقه بعيد فالمشكله بالناتوش

خاص اذا كانت تاقف الفشقه بالنص بعد الرمي

وشف الفشقه اللي تلك فيها البندق بعد الرمي إذا هي فيها خدش قوي من الناتوش فالمشكله منه

واذا الفشقه وضعها سليم

نظف البندق مضبوط وحط فازلين على مجراء الجهاز وان شاء الله تظبط

وعسى الله يوفقك

[ابو عرش]

بارك الله فيك يا عطيب الضرايب..
المشكله ليست من الناتوش تطشه طش .المشكله في الفرار يدقر في القفل عند بيت النار وحصلته مسوي حز بسيط...لا كن الله اعلم كيف السواة

[عطيب الضرايب2012]

نظف المكان اللي توقف فيه بزيت تنظيف السلاح وفرشة اسنان ثم حط من زيت مكاين الخياطه
وان شاء الله تظبط

[ابو عرش]

حصلنا المشكله والحمد لله..مثل ماقال اخونا شاهين الشراري..
وكانت من الفشق ابو صفره طويله الاخضر البي بي ...والف شكر لكل من شاركنا

[شري97]

يابو عريش

الأرتمس علاجها عندي
وانا حصلت معي نفس المشكله تلك ونظفتها حتى بقاز ولا فاد وقالو لي هذا خلل مصنعي وقالي واحد بعها
خل الكلام هذا كله على جنب

وديتها لواحد وغير الناتوش بناتوش سوبر وهذي من ميزات الأرتمس انها نفس عدة السوبر
والحمد لله ضبطت معي وادبل إلى 6 طلقات واللي يقول مايرما فيها ضغوط ماهو صحيح مع احترامي لوجهة نظره
انا معي وارمي فيها كل شي والحمد لله ما عمرها لكت بعد تغيير الناتوش
ومع واحد من اخوياي لها سنتين يقول ماشفت منها إلا كل خير
وبالطيار تطربك

وانا اراهن إذا ماتعدت قيمتها البيكال بس اصبروا عليها وتذكروا كلامي هي بدت بـ5000 والحين وصلت الـ 9500
وافضلها على البيكال بشكل كبير افضل رمي واخف وزن واخف جهاز
وجهة نظر .......


الحل بإختصار
غير الناتوش اللي يسحب الفشقه من الماصوره بناتوش سوبر اصلي
وارم ضغوط وارم كل شي وان شاء الله تضبط معك .




واذا بغيت اي شي راسلني على الخاص وابشر بسعدك



عندي وحده فشق تنتشه وفشق لا الله العالم انه من الناتوش يعني لازم اغيره

[متعب السويدي]

مسااااء الخير يالاخوان- عندي واذكروها للبيع حادها بتسعه محتاجين دراهم- وماشفت منها الا كل خير - الموقع :- حائل