إستشارة في ماطور الكهرباء

[البدر2000]

أرغب في شراء ماطور كهرباء يكون من 4كيلو واط الى 6كيلو واط ولقد وجدت انواع منها الهوندا تجميع صيني وكذلك هناك تجميع هندي اما الياباني فسعره عالي جدا اتمنى من الاخوه افادة عن النوع الافضل فيها وهناك مواطير صينية الصنع وسعرها رخيص لكن كجوده لاتسأل البعض يقول لي اتجه الى الروبن فهو جيد وارخص من الهوندا ولكني غير مقتنع بالروبن للمعلوميه انا محتاجه في استراحه مساحتها 800 بها مصابيح وكشافات لاتقل عن 8 وقوة الواحد منها 250واط بخلاف المصابيح الاخرى ولكم جزيل الشكر مني

[رجل الغابه]

اسمحلي اكون اول من يجاوبك كلش غلا مايبيلها كلام والله يعينك شف ساكو طبعا فروعه منتشره في المملكه فيا مولدات طبعا صينيه وسعره زين بس يبيله مداراه والله يوفقك

[ياحلاة الربيع]

إذا كنت في الرياض عندك شارع الريل متوفره المحلات بكثره وبتحصل وكالة عبدالله هاشم تحصل عندهم ينمار ياباني أصلي لكن سعره غالي أذكر قبل تقريبآ خمس شهور حصلته عندهم بسعر 12900 طبعآ خمسه كيلو فقط غالي لكن ممتاز ويكد معك واشترية ماطور هوندا ياباني تجميع صيني 6 ونص بسعر 5250 من نفس وكالة عبدالله هاشم ولكن يعطيني فقط 5 كيلو وهذا بسبب أنه بنزين من عيوبه يتعبك البنزين بسبب كثرة التعبيه وروحاتك الكثيره للمحطه ولكن ممتاز بسعته للتانكي كبير يعني تشغله تقريبآ 8 إلى 10 ساعات المهم يازين الديزل أنصحك تشتري ينمار مستعمل أو مكينه مستعمله ديزل أفضل لك بكثير من الماطور وتشغل مكيفات وتزيد الأنوار وأنت مرتاح ...
موفق خير إن شاء الله

[البدر2000]

جزاكم الله خيرا ونأمل المزيد من الاخوه في هذا المجال

[روقي نجد...]

لا أنصحك بالمواطير الصينية من واقع خبرة فيها
اشتريت ماطورين منها ودائماً تتعرض للخراب
والياباني جيد لكن مايطول معك
واشتريت بعدها ماكينة ميتسوبيشي 23 كيلو ولها أكثر من 6 سنين شغالة ومرتاح منها ولله الحمد.

[البدر2000]

اتمنى من الجميع الافاده اكثر وللمعلوميه انا احتاج مولد يعطي 6كيلو هل ينفع هواندا الياباني غالي جدا الهوندا الصيني يفرق عن الياباني في التجميع وكذا الهوندا الهندي الكل اجمع على انه نفس القطع المتجه من الشركة هوندا لكن الفرق في الايدي العامله المنتجه للمولد وهنا يمكن الاختلاف في الاسعار

[عبدالعزيز-1]

انا اشتريت ماطور صيني اسمه لينسن مكتوب عليه انه ثمانيه كيلو ولكن يعطي سته ونصف تقريباً

اشتريته بـ اربعه الاف ريال من شارع الريل بالرياض وهو بنزين ويشتغل حوالي سبع ساعات متواصله بدون ماتعبيه

من مواصفاته انه سلف وحجمه صغير نسبياً واشتغل عندي تقريباً ثلاثه شهور او اربعه وبعدها خرب وبصراحه ماكشفت عليه عشان اشوف خرابه بسيط ولا لا ولاعاد صلحته وهو اصلاً عليه ضمان سته شهور بس اني ماوديته لهم

طبعاً كنت مشغل عليه مخيم كامل مكون من حوالي 16 كشاف و اللمبات الموفره للطاقه وعددها حوالي 50 لمبه او تزيد شي بسيط والتلفزيون والرسيفر

ولكن بصراحه انصحك بالياباني اصبر

[الحصبيات]

اخي العزيز تأكد قبل الشراء واشترط عليهم الاسترجاع انا سبق ان اشتريت هوندا الفين واط وللاسف ماقدر يقوم كشافين ثمانمية واط واشتريت روبن ثلاثة كيلو ومشى الحال بس نصيحة لوجة الله المكينة افضل من الماطور والله يوفقك

[العناد3178]

مابعد الاصلي حتى لو سعره غالي

[اثري]

اخي العزيز من واقع تجربه تم تفنيش ماطور هندا ياباني وهندا الهندي نفس القطع ونفس الجوده لا اختلاف ولاكن الصيني يختلف في جودة الخامة ضعيف فأذا توافقني الرأي تأخذ هندا هندي وأنا مجربه بشغل يقارب الاربع وعشرين ساعه طوال الاسبوع الحقيقه مثالي ولعلمك الجوده اللي انت خابرها في القديم الايام هاذي أنقرضت

[البدر2000]

الاخوه الافاضل إستأجرت ماطور هوندا 5500لم يأت بنتيجه ولم يضيء الاستراحه ثم استأجرت ماطور هوندا 7600 اشتغل تمام لكني متردد بعض المصابيح فيها نوع من التقطيع(ترمش) يقول الكهربائي انه من الماطور سعر الهوندا7600في المدينة ب7500ريال وهناك الروبن 7000وسعره ب6000ريال ولكن حذرني من الروبن مشاكله كثيره وهناك نوع ينمار5000 سعره ب12500ريال وانا محتار جدا هل اشتري الهوندا ام ابحث عن نوع آخر وللمعلوميه هناك معلومه عن أصحاب المحلات بيقولوا ان القوه تنقص وليست القوه الحقيقه الموضحه على المواطير بالاضافه الى ان هناك ثلث القوه تضيع في تمديدات الاسلاك ولك الحساب بمعنى آخر لو اخذت 7600 الصافي منها 5000 الكميه الضائعة ذهبت في الاسلاك وكلما كان الحمل على الماطور قل عمره التشغيلي وقل العطاء له

[عبدالعزيز-1]

اخي الكريم بما انك بتوصل 7000 ريال انصحك انك تشتري لك مكينه مستعمله ينمار او ليستر وتكون 12 كيلو وتشغل عليها الاستراحه وتفك نفسك من وجع الراس

وانا شخصياً انصحك بــ ينمار

[tabtab055]

ياشباب ماطور لينسن الصيني 8 كيلو هل يشغل مكيف الزامل 18 وحده ....افيدونا جزاكم الله خير وكل عام وانتم بخير

[الرجم النايف]

بسألكم ياﻷخوان وعن اوبعد اذن صاحب الموضوع حصلت هوندا هندي 650 واط وبشغل عليه كشافين مكتوب عليهن 400 واط هل ينفع ؟

[tabtab055]

كم قوة الكشافين بالوات

[الرجم النايف]

كل واحد مكتوب عليه 400 واط

[tabtab055]

كشافين 400 واط للواحد يشغلهن ماطور بقوه 1500 واط اقل شي 650 واط مايشغلهن