الدهماني
24/09/2006, 11:54 AM
هذه قصيدة للعم أحمد الغانم الدبوس يرثي فيها هدبه :
من عقب هدبا مالنا بالمقانيص
ومن عقبها عفت القنص والصقاره
هدبا تنكس عالي الخرب تنكيس
وتحط في بيض الدواغر حَماره
ما شال هدبا كود عيون النواعيس
وبنيت لها من فوق رفحا سفاره
حوالي المركوز هقوه وتهجيس
مدري يمين الضلع واللا يساره
واذا نوينا يم عرعر عواسيس
يلزم علينا شوفها والزياره
حتيش لو جبنا طيور قرانيس
ما مثل هدبا بالظفر والشطاره
تشيل عن صدري هموم وهواجيس
واصَل بها دار المها والحباره
ناصل ديار الصيد نبغي النواميس
في حدودنا واللا نجيب استماره
ونصيد ونعشي وجيه المفاليس
أهل الطيور اللي علفها خساره
والليا ركبنا مبعدات المراميس
يقدح كزوزه مثل قدح الشراره
واللي عليهن من عيال الدبابيس
أهل المواقف والكرم والنعاره
ناخذ عليهن بالصحاري مراويس
خويّنا يزيد عزّه ووقاره
وصلاة ربي عد هب النسانيس
على نبي كبارنا والصغاره
وسلامتكم
من عقب هدبا مالنا بالمقانيص
ومن عقبها عفت القنص والصقاره
هدبا تنكس عالي الخرب تنكيس
وتحط في بيض الدواغر حَماره
ما شال هدبا كود عيون النواعيس
وبنيت لها من فوق رفحا سفاره
حوالي المركوز هقوه وتهجيس
مدري يمين الضلع واللا يساره
واذا نوينا يم عرعر عواسيس
يلزم علينا شوفها والزياره
حتيش لو جبنا طيور قرانيس
ما مثل هدبا بالظفر والشطاره
تشيل عن صدري هموم وهواجيس
واصَل بها دار المها والحباره
ناصل ديار الصيد نبغي النواميس
في حدودنا واللا نجيب استماره
ونصيد ونعشي وجيه المفاليس
أهل الطيور اللي علفها خساره
والليا ركبنا مبعدات المراميس
يقدح كزوزه مثل قدح الشراره
واللي عليهن من عيال الدبابيس
أهل المواقف والكرم والنعاره
ناخذ عليهن بالصحاري مراويس
خويّنا يزيد عزّه ووقاره
وصلاة ربي عد هب النسانيس
على نبي كبارنا والصغاره
وسلامتكم