فزعتكم يا مكشاتية

[عبار درب]

بسم الله الرحمن الرحيم

لاحول ولا قوة الا بالله
قدر الله و لطف والحمد لله الي ما جعلها اعظم
السيارة لاندكروزر 2011 ركبت لها بطارية اضافية قبل سنتين قدر الله و فك الولد البطارية الأضافية و خالى الأسلاك عريانة وطلعت اليوم بالسيارة و بعد ربع ساعة شميت ريحة الكهرب و ولع الطبلون فتحت الكبوت و يا ساتر النار قدامي مع فزعت بعض المسلمين طفينا النار كانت مولعة في اسلاك البطارية الأضافية فقط فصلناهن وجبت كهربائي و فحص الضفيرة يقول سليمة فحص الفيوز يقول سليمة ما اشتغلت السيارة قال يمكن السلف او الكمبيوتر ضارب
شلت السيارة بسطحة للبيت و ناوي اشوف لها حل
يا اخوان يا مكشاتية فزعتكم لاخوكم المسلم بالدعاء اولا و الراي ثانيا اما الدعاء فهو الأهم و الراي من اهل الخبرة فقط من اهل الخبرة الظرف ما تحتاج اجتهادات
المطلوب من يدلني على افضل فني يعرفه بالامانة و الخبرة او بالراي تعرفون الوكالات و حرمنتها فأشيرو علي يا اهل الخبرة و المعرفة كيف اتصرف و الباقين يكفيني منهم الدعاء
والحمد لله على كل حال و الله يجزيكم بالخير

[الزامل الاول]

اسأل الله الكريم أن يعوضك خير

والحمد لله على كل حال

والحمد لله على السلامه

[الشرقيه 03]

الحمدلله على سلامتك

وان شاء الله اخر المصايب

حدد مكانك ؟

[zzss]

اذا تبي مهندس كهربائي ممتاز موجود بالرياض والرجال ثقه بالشغل ويستاهل
من يعني له متمكن بالكهرب والظفيره وأعطال الكمبيوترات واصلاحها
بدون تغيير تمر على ورشته وتلقى عنده الماني وأمريكي وياباني
حتى الموديلات الجديده فاهم فيها وشغله مجرب اذا تبيه عطني
خبر ارسل لك رقمه.

[عبار درب]

انا بالرياض يا اخوان
zzss اي والله عطني رقمه الرجال او وصف لي ورشته وين

[zzss]

انا بالرياض يا اخوان
zzss اي والله عطني رقمه الرجال او وصف لي ورشته وين

برسل لك رقمه بس اخوي يهمنا انك اذا صلحت السياره تعلمنا وش صار معك عشان
الكل يستفيد ويعرف حل المشكله وهل الكهربائي عرف المشكله وقدر يحلها عشان
نعرف الورش والمهندسين الجيدين بالرياض وباقي المدن الثانيه.

[عبار درب]

شكرا لمن شارك بالدعاء او النصيحة
و بأنتظار بقية الأعضاء من ذوي الخبرة

[وهج الحياة]

الحمد لله على لطفه والحمد لله على سلامتكم

[ابوخليل200]

السلام عليكم.
الف الحمدلله على سﻻمتك وان شاءالله تنحل مشكلتك.
اسئل الله ان ييسر امرك.
فيه كهربائي سعودي له خبر طويله في الكهرباء ومحله متواظع.
اسمه خالد الشويعر المحل الرياض حي الروابي خلف مطعم الهدوج في تلك الحواري .
اذهب يمه وان شاءالله يحل مشكلتك ياخوي .
وشكراً لك.

[عبار درب]

ابو خليل الله يجزاك خير

سعووودي يا نعمة الله والله يكفي انه سعودي
اذا تعرف رقمه الله لا يهينك زودني به

[ابوخليل200]

السلام عليكم.
هذا رقم الكهربائي خالد الشويعر والله قد بحثت عنه ﻻجل ان اكسب دعوه صادقه منك.
ﻻاعلم ان قد غير رقمه بس ان شاء الله يردعليك ويحل المشكله.
بعد اذن إﻻاداره 0505220737 وشكراً.

[عبار درب]

ابو خليل الله يجزاك خير وكل من تفاعل مع موضوعي و ابشرك ان الوضع تيسر ان شاء الله و الضرر اقل بكثير من ما توقعت و هذا من فضل الله ثم من دعواتكم