يأهل العرف .. نبي خدمة الشراء من الانترنت

[ريف الخوي]

السلام عليكم ورحمة الله
صباح الخير / مساء الخير

كما هو معروف ان شراء قطع الغيار من المواقع على الانترنت أرخص بكثير من الوكالات ..
لذا حبيت استفيد ويستفيد غيري من هذه الخدمة ..

ارجو التكرم ممن لدية طريقة التسجيل وافضل المواقع ان يزودنا بالمعلومات ..

وفق الله الجميع

[راعي الرجم]

gg للرفع لتعم الفائدة gg

[مخ سعودي]

السلام عليكم ورحمه الله وبركاته
بالنسبة للشراء من الخارج لابد لك ان تعلم بان الشحن مكلف ولايعني رخص القطعه بانها ستصلك وهي بنفس السعر فالشحن سعره عالي
قبل الشراء من الخارج عليك باستخراج فيزا او ماستركارد وتسجيلها في موقع الباي بال وتوثيقها هناك بعده خطوات بسيطه ومن ثم التسجيل في المواقع التي تيسر لك الشراء مثل الايباي والامازن
لابد ان تتقن اللغه الانجليزيه ولو بالبسيط
بعض البائعين يقوم بالشحن مجانا لك فعليك قبل طلب اي شي معرفه التفاصيل
عليك الحذر من بعض المواقع
يجب عليك فتح صندوق بريد امريكي عن طريق بعض المكاتب هنا مثل ارمكس وفيدكس و usps والاخيره افضلهم في السعر لكن يعيبهم التاخير وقله مكاتبهم
هذه بعض النصائح اقدمها لك قبل المضي في الشراء من الخارج

[ريف الخوي]

يعني قيمة القطعة مع شحنها يساوي تقريبا سعرها عندنا ؟؟
مشكووور استفدنا منك كثير وفقك الله

نتطلع لفوائد اكثر من الاعضاء

[مخ سعودي]

ليست كل القطع انما بعضها ثقيل للغايه وسعر الشحن الجوي له مكلف حيث ان شركات الشحن تاخذ على الباوند الاول ٥٥ ريال وهذا اقلهم والباوند الثاني ٣٥ ريال
لكن بعض القطع تعتبر رخيصه من الخارج
مثل ريموتات - مرايات - فحمات - حساسات - منظفات فلتر - فلتر رياضي - قطع اكسسورات وبعض القطع الصغير والانارة بشكل عام .

[أصيل حجآ زي]

http://www.mekshat.com/pix/upload/images39/mk55341_zaz.gif
الحـمـد ُ لله والصـلاة و الـسـلام عـلى رسول الله
وأزوآجـه الـطآهـرآت الـمـُطـهـرآت أُمهـآت الـمـؤمنين
وآله وصحبه ومن وآلآه وجميع الأنبيـاء والـمـُرسلين .
اللهـُم بـك أهـتـدي وبـك أسـتـعـيـن وبنبيك مُحمدٌ أقتدي .




أخي / ريف


أفضل من يعلمنا
طريقة الشراء من الشبعنكبوتية
هو المُهندس الفآضل / مــآجلآن
أن شاء الله تصبر حتى يمُر على الموضوع حقك ويدلي بدلوه .




قطع الغيار إلى أين وهل الإستيراد هو العلاج ؟؟؟؟؟؟؟ (http://mekshat.com/vb/showthread.php?t=472909)





شراء قطع غيار السيارات عن طريق النت ( شف الفرق ) (http://mekshat.com/vb/showthread.php?t=437165)






موفـق
وتلقى خير بأذن الله




""" و الله ُ أعـــلـم وأكــمـــل """


:burnout2:
تـحـيـــآتي
بــلا حـدود .
<<< أبـو عـبـد الـرحـمـن >>>
""" الأصـيـل الـحـجـآزي """

[سيف وقلم]

فيه منتدى بوابة الانترنت الرقمية, قسم الوساطة الإلكترونية, يطلبون لك مقابل عمولة, لعلك تزور المنتدى.

[zzss]

الشراء عن طريق النت جيد اذا السلعه اللي طالبها وزنها خفيف وسمعت
من واحد من الشباب متخصص بالموضوع هذا يقول أحيانا تطلب سلعه
وزنها خفيف لكن مغلفه بكرتون كبير وفي الحاله هذي يحسبونها لك
بالمساحه يعني لازم السلعه تكون خفيفه ولاتاخذ مساحه وسبق اني
طلبت منه يسعرلي طقم مقصات أصلي لقى سعرها 3300مقارب لسعرها عندنا
لكن يقول انها حقة المصنع وسعر الشحن لحاله1300ريال وعرض علي نوعيه
ثانيه وقيمها من ناحية الجوده وعليها ضمان سنه بأمريكا بدون تحديد المسافه
وسعر الطقم 4مقصات1250 ريال والشحن1300 ريال ولا طلبتها بسبب سعر الشحن
يعني برا تلقى شركات تنافس القطع المصنعيه والدليل ضمانهم سنه على المقصات
بينما عندنا في الغالب يا أصلي ياتجاري بدون جوده.

[Ram Slt 1500]

هلا اخوي في موقع زين اسمه اطلب لي
ارسلهم رابط السلعه ويرسلونلك التكاليف واصله لحدك
ونسبتهم قليله

[ابوخليل200]

السلام عليكم.
شكراً لكم جميعاً انا كذالك استفدت .

[الوافي.]

سجلنا معهم لربما احتجنا لهم مستقبلا ان شاء الله

[دليلة1]

سم يالغالي..http://www.partstrain.com/

[gr73mri]

اول شي طال عمرك طلع لك بطاقة فيزا
واسهل طريقه انك تطلعها من الراجحي (اذا عندك حساب فيه)
اسمها فيزا مشتروات ، رسوم 100 ريال في السنه وانت تشحنها متى مابغيت تشتري شي عن طريقها
او تطلع فيزا من البنك الاهلي برضه عنده بطاقه نفس الراجحي لكن ما ادري وش اسمها
فيزا الأهلي افضل من فيزا الراجحي والفرق:
اذا شحنت فيزا الراجحي ماتقدر ترجع المبلغ لحسابك الجاري ، والعكس مع فيزا الأهلي وهذي الميزه بينهم.

اذا طلعت الفيزا تروح طال عمرك لموقع paypal وتسجل فيه ، هذا الرابط
https://www.paypal.com/sa/webapps/mpp/home
وهذي طريقة التسجيل
http://www.nmisr.com/vb/showthread.php?t=479706

الخطوه الثالثه طال عمرك تفتح لك صندوق بريد امريكي ، وهذي خدمه تقدمها مواقع كثيره تتميز عن بعضها بسعر الشحن ومميزات اضافيه ، افضلها "من وجهة نظري" هو شركة World Ship وهذا موقعهم
http://www.ws1.com/
سعر الاشتراك السنوي العادي 21 دولار
والمميز ما اذكر بكم بالضبط بس خذ لك اشتراك عادي افضل وارخص
تسجل عنوانك في السعوديه ورقم جوالك وايميلك ، ثم يعطونك عنوان الصندوق الامريكي بتفاصيله كامله
ميزة الشركه انه لو طلبت مجموعة طلبات من كذا موقع ، يخزن طلباتك حتى توصل كلها ، واذا ارسلت لهم طلب الشحن ، يجمعون طلباتك كلها في صندوق واحد ويحسبون لك التكلفه كإجمالي
لكن بعض الشركات الثانيه ، اذا وصلهم اي شي على طول يحسبون كم يكلفك ويرسلونه لك وهذي بتكلفك مبالغ شحن اضافيه على كل قطعه

بعدها طال عمرك تسجل في المواقع المشهوره ببيع القطع مثل:
Amazone http://www.amazon.com/
Ebay http://www.ebay.com/

وتزودهم بصندوق بريدك من الموقع اللي سجلت فيه لفتح صندوق بريد امريكي
واذا بغيت مواقع اكثر او مواقع متخصصه بشغلات معينه ممكن تبحث عنها او يفيدونك الشباب، المهم تكون مواقع موثوقه


الان اكتملت تقريبا معظم متطلبات الشراء من المواقع ، نأخذ مثال بسيط لعملية شراء من الانترنت من لحظة تحديد القطعة المراد شراؤها وحتى وصولها لباب بيتك:
نفترض انك تبي تشتري فحمات ، سعرها في الموقع مثلا 100 دولار .. بعضهم يحسب عليك القيمة 100 دولار وعليها 5 دولار مثلا كـ قيمة شحن من المتجر الى صندوق بريدك في امريكا ، حاول اذا اشتريت شي ابحث عن قطع مجانية الشحن او الأرخص في قيمة الشحن.
اشتريت القطعه ودفعت بالفيزا ، تنتظر حسب المهله الزمنيه المحدده للتاجر حتى يوصلها لصندوق بريدك في WorldShip
يرسلك الموقع اللي اشتريت منه بأنه الطلبيه قد تم ايصالها لصندوق البريد الممسجل
افتح موقع صندوق بريدك وبتلقى الطلبات في Inbox
ومايرسلونها لين ترسلهم طلب الشحن
ارسلت طلب الشحن (اذا بغيت شحن اقتصادري رخيص وهو الارخص ياخذ 7 - 10 ايام) (او شحن سريع ويأخذ 3-5 ايام) ، تنتظر يوم الى يومين حتى يغلفون الطلب ويرسلون لك تكاليف الشحن
بعدها يأخذ تقريبا 7-10 ايام لين يوصل للسعوديه (بيعطونك رقم الشحنه لدى شركة ارامكس)
ثم بيتصلون عليك شركة aramex اذا وصل الطلب يوصلونها لك الى بيتك ...

والسلام خير ختام هذا الشرح على عجاله واعتذر اذا فيه شي غير مفهوم ، وجاهز تحت امرك اذا حبيت تعرف شي اخر

[الوافي.]

جزاك الله خير

[abu mshari]

gr73mri .... يعطيك العافية

[gr73mri]

جزاك الله خير


gr73mri .... يعطيك العافية

الله يعافيكم ويجزاكم خير جميع :)

[سلطان ابوجوري]

والله اجيبها من امريكا بزيادة والا ناخذها من هنا غالية والا فيها فايدة نص القطع معاد تصنيعها والنصف الاخر صيني سئ

[راعي الرود]

على حسب القطع و وزنها

اللي يطلب من برى ما يدور الرخص عادتاً .. يطلب من برى لأنه ماحصل القطعه هنا بالسعوديه

الطلب من برى اسعار القطع مغريه لكن الشحن مُكلف جداً

اعطيك مثال قيمه كمبرسر الالتيما اصلي بـ 2400 ريال و موجود في امازون كمبرسر نيسمو اصلي بما يقارب 1600 ريال لكن وزنه 20 باوند تقريباً على كذا بتطلع قيمه الشحن تقريباً 160 دولار يعني 600 ريال اضافه على سعر الكمبرسر اللي هو "1600 ريال" المجموع = 1600+600= 2200 طلع ماهنا فرق يسوى طيب

لو الله يفكنا من اسعار الشحن كان ما احتجنا لمحلات قطع الغيار اللي عندنا ابد برا ارخص بكثير